Linga 83
Liṅga 83
- Language
- Sanskrit
Contents
- 83.163 — 1 part
83.1
ekasaptatitamo'dhyāyaḥ
ṛṣaya ūcuḥ
samāsādivistarāccaiva sargaḥ proktastvayā śubhaḥ
kathaṃ paśupatiścāsīt puraṃ dagdhuṃ maheśvaraḥ
83.2
kathañca paśavaścā sandèvāḥ sabrahmakāḥ prabho !
mayasya tapasā pūrvaṃ sudurgaṃ nirmitaṃ puram
83.3
haimañca rājataṃ divyamayasmayamanuttamam
sudurgaṃ devadevena dagdhamityeva naḥ śrutam
83.4
kathaṃ dadāha bhagavān bhaganetranipātanaḥ
ekeneṣunipātena divyènāpi tadā katham
83.5
viṣṇunāètpāditerbhūtairna dagdhaṃ tat puratrayam
purasya sambhavaḥ sarvvo varalābhaḥ purā śrutaḥ
83.6
idānīṃ dahanaṃ sarvvaṃ vaktumarhasi suvrataḥ !
teṣāṃ tadvacanaṃ śrutvā sūtaḥ paurāṇikottamaḥ
83.7
yathā śrutaṃ tathā prāha vyāsādivyārthasūcakāt
sūta uvāca
trailokyasyāsya śāpāddhi manovākkāyasambhavāt
83.8
nihate tārake daitye tāraputre sabāndhave
skandena vā prayatnena tasya putrā mahābalāḥ
83.6-2
vidyunmālī tārakākṣaḥ kamalākṣaśca vīryyavān
tapastepurmahātmāno mahābalaparākramāḥ
83.10
tapa ugraṃ samāsthāya niyame parame sthitāḥ
tapasā karṣayāmāsurdehān khāndānavottamaḥ
83.11
teṣāṃ pitāmahaḥ prīto varadaḥ pradadau varam
daityā jacuḥ
avadhyatvaṃ ca sarveṣāṃ sarvabhūteṣu sarvadā
83.12
sahitā varayāmāsuḥ sarvalokapitāmaham
tānabravīttadā devaḥ lokānāṃ prabhuravyayaḥ
83.13
nāsti sarvāmaratvaṃ vai nivarttadhvamato'surāḥ
anyaṃ varaṃ vṛṇīdhvaṃ vai yādṛśaṃ samprarocate
83.14
tataste sahitā daityāḥ sampradhāryya parasparam
brahmāṇamabruvandaityāḥ praṇipatya jagad gurum
83.15
vayaṃ purāṇi vīkṣyeva samāsthāya mahomimām
vicariṣyāma lokeśa ! tvatprasādājjagadguro !
83.16
tathā varṣasahasreṣu sameyāma parasparam
ekobhāvaṃ gamiṣyanti purāyye tāni cānagha !
83.17
samāgatāni caitāni yo hanyādbhagavaṃstadā
ekaineveṣuṇā devaḥ sano mṛtyu rbhaviṣyati
83.18
evamastviti tāndevaḥ pratyuktā prāviśaddivam
tato mayaḥ svattapasā cakre vīraḥ purāṇyatha
83.16-2
kāñcanaṃ divi tatrāsīdantarikṣe ca rājatam
āyasañcābhavadbhū mau puranteṣāṃ mahātmanām
83.20
ekaikaṃ yojanaśataṃ vistārāyāmataḥ samam
kāñcanaṃ tārakākṣasya kamalākṣasya rājatam
83.21
vidyunmāleśvāryasaṃ vai trividhaṃ durgamuttamam
mayaśca balavāṃstatra daityadānavapūjitaḥ
83.22
hairakhye rājate caiva kṛṣṇāsaye tathā
ālayaṃ cātmanaḥ kṛtvā tatrāste balavāṃstadā
83.23
evaṃ babhūvurdaityānāmartidurgāṇi suvratāḥ !
purāṇi trīṇi viprendrāstrailokyamiva cāparam
83.24
puratraye tadā jāte sarve daityā jagattraye
puratrayaṃ praviśyaiva babhūvuste balādhikāḥ
83.25
kalpadrumasamākīrṇaṃ gajavājiśamākulam
nānāprāsādasaṅkīrṇaṃ maṇitrātaiḥ samāvṛtam
83.26
sūryyamaṇḍalasaṅgāśairvimānairviśvato mukhaiḥ
padmarāgamayaiḥ śubhraiḥ śobhitaṃ candrasannibhaiḥ
83.27
prāsādairgopurairddivyaiḥ kailāsaśikharopamaiḥ
śobhitaṃ tripuraṃ teṣāṃ pṛthak pṛthaganuttamaiḥ
83.28
divyastrībhiḥ susampūrṇaṅgandharvaiḥ siddhacāraṇaiḥ
rudrālayaiḥ pratigṛhaṃ sānniddhyaṃ hi dvijottamāḥ !
83.29
vāpīkūpatar̤āgaiśca dīrghikābhiśca sarvvataḥ
mattamrātaṅgayūthaiśca turaṅgaiśca suśobhanaiḥ
83.30
rathaiśca vividhākārairvicitrairviśvato mukhaiḥ
sabhāprapādibhiścaiva krīr̤āsthānaiḥ pṛthak pṛthak
83.31
vedādhyayanaśālābhirvividhābhiḥ samantataḥ
adhṛṣyaṃ manasāpyanyairmayasyaiva ca māyayā
83.32
pativratābhiḥ sarvvatra sevitaṃ munipuṅgavāḥ
kaścāpi sumahān pāpamapāpaiḥ śaṅkarārccanāt
83.33
daityeśvarairmahābhāgaiḥ sadāraiḥ sasutairdvijāḥ !
śrautasmārttārthadharmajñaissvadharmanirataiḥ sadā
83.34
mahādevataraṃ tyaktvā devaṃ tasyārcane sthitaiḥ
vyūḍhoraskai vṛṣaskandhaiḥ sarvāyudhadharaiḥ sadā
83.35
sarvadā kṣudhitaiścaiva dāvāgnisadṛśekṣaṇaiḥ
praśāntaiḥ kupitaiścaiva kuñjarāmanakaistathā
83.36
nīlotpaladalaprakhyai rnīlakuñcitamūrdhajaiḥ
nīlādrimerusaṅkāśairnarairdīpamanisvanaiḥ
bhayena rahitaiḥ sarvaiḥ ścintitairyudvalālasaiḥ
83.37
atha samararataiḥ sadā samantācchivapadapūjanayā sulabdhavīryaiḥ
ravimarudamarendrasantrikāśaiḥ
suramathanaiḥ sudṛḍhaiḥ susevitaṃ tat
83.38
sendrā devā dvijaśreṣṭhā ! drumā dāvāgninā yathā
puravayāgninā dagdhā hyabhavaṃstvathaibhavāt
83.36-2
athaivante tadā dagdhā devā deveśvaraṃ harim
abhibandya tadā prāhustamapratimavarcasam
83.40
so'pi nārāyaṇaḥ śrīmān cintayāmāsa cetasā
kiṃ kāyyaṃ devakāyryeṣu bhagavāniti sa prabhuḥ
83.41
tadā sasmāra vai yajñaṃ yajñamūrttirjanārddanaḥ
yañcā yajñabhugīśāno yajvanāṃ phaladaḥ prabhuḥ
83.42
tato yajñaḥ smṛtastena devakāyyārthasiddhaye
devaste puruṣaścaiva praṇemustuṣṭuvustadā
83.43
bhagavānapi taṃ dṛṣṭvā yajñaṃ prāha sanātanam
sanātanastadā sendrān devānālokya cācyutaḥ
83.44
śrīviṣṇuruvāca
anenopasadā devā yajadhvaṃ parameśvaram
puratrayavināśāya jagattrayavibhūtaye
83.45
sūta uvāca
atha tasya vacaḥ śrutvā devadevasya dhīmataḥ
siṃhanādaṃ mahat kṛtvā yajñeśaṃ tuṣṭuvuḥ surāḥ
83.46
tataḥ sañcintya bhagavān svayameva janārdanaḥ
punaḥ prāha sa sarvāṃstāṃstridaśāṃstridaśeśvaraḥ
83.47
hatvā dagdhvā ca bhūtāni bhuktā cānyāyato'pi vā
yajedyadi mahādevamapāpo nātra saṃśayaḥ
83.48
apāpā naiva hantavyāḥ pāpā eva na saṃśayaḥ
hantavyāḥ sarvayatne na kathaṃ badhyāḥ surottamāḥ
83.46-2
asurā durmadāḥ pāpā api devairmahābalaiḥ
tasmānna badhyā rudrasya prabhāvātparameṣṭhinaḥ
83.50
ko'haṃ brahmā'thavā devā daityā daivārisūr̤hanāḥ
munayaśca mahātmānaḥ prasādena vinā prabhoḥ
83.51
yaḥ saptaviṃśako nityaḥ parātparataraḥ prabhuḥ
viśvamamvareśvaro vandyo viśvādhāro maheśvaraḥ
83.52
sa eva sarvadeveśaḥ sarveṣāmapi śaṅkaraḥ
lolayā devadaityendravibhāgamakaroddharaḥ
83.53
tasyāṃśamekaṃ sampūjya devā devatvamāgatāḥ
brahmā brahmatvamāpanno hyahaṃ viṣṇutvameva ca
83.54
tamapūjya jagattyasmin kaḥ pumān siddhimikkati
tasmāttenaiva hantavyā śivārcanavidherbalāt
83.55
dharmaniṣṭhāśca te sarve śrautasmāttaividhau sthitāḥ
tathāpi yajamānena raudre ṇopasadā prabhum
rudramiṣṭvā yathānyāyaṃ jeṣyāmo daityasattamān
83.56
rutārakākṣeṇa mayena guptam
khasthaṃ ca guptaṃ sphaṭikābhamekam
ko nāma hantuṃ tripuraṃ samartho
muktvā vinetraṃ bhagavantamikam
83.57
sūta uvāca
evamuktvā harikheṣṭvā yajñenopasadā prabhum
upaviṣṭo dadarśāya bhūtasaṅghān sahasraśaḥ
83.58
śūlaśaktigadāhastān ṭaṅkapaṭṭiśilāyudhān
nānāpraharaṇopetān nānāveśadharāṃstadā
83.58-2
kālāgnirudrasaṅkāśān kālarudropamāṃstadā
prāha devo hariḥ sākṣāt praṇipatya sthitān prabhuḥ
83.60
viṣṇuruvāca
dagdhvā bhitvā ca bhuktvāca gatvā daityapuratrayam
punaryathāgataṃ vorā gantumahatha bhūtaye
83.61
tataḥ praṇamya deveśaṃ bhūtasaṅghāḥ puratrayam
praviśya naṣṭāste sarve śalabhā iva pāvakam
83.62
tatastu naṣṭāste sarve bhūtā deveśśarājñayā
nanṛturmumuduścaiva jagurdetyāḥ sahasraśaḥ
83.63
tuṣṭuvurdevadeveśaṃ paramātmānamośvaram
tataḥ parājitā devā dhvastavīryāḥ śacena ta
83.64
sendrāḥ saṅgamya deveśamupendraṃ dhiṣṭhitā bhayāt
tāndṛṣṭvā cintayāmāsa bhagavān puruṣottamaḥ
83.65
kiṅkarttavyamiti santaptaḥ santaptān sendrakān gaṇam
kathantu teṣāṃ daityānāṃ balaṃ hatvā prayatnataḥ
83.66
devakāryyaṃ kariṣyāmi prasādāt parameṣṭhinaḥ
pāpaṃ vicārato nāsti dharmiṣṭhānāṃ na saṃśayaḥ
83.67
tasmādhaityānabaṃdhyāste bhūtaiścāpasamīṅgitaiḥ
pāpaṃ tudati dharmeṇa dharme sarvvaṃ pratiṣṭhitam
83.68
dharmādaiśvaryyamityeṣā śrutireṣā sanātanī
daityāścai te hi dharmiṣṭhāḥ sarve tripuravāsinaḥ
83.69
tasmādavadhyatāṃ prāptā nānyathā dvijapuṅgavāḥ !
kṛtvāpi sumahatpāpaṃ rudramabhyarcayanti ye
83.70
mucyante pātakaiḥ sarvaiḥ padmapatramivāmbhasā
pūjayā bhogasampattirapavargaścajāyate dvijāḥ !
83.71
tasmātte bhogino daityā liṅgārccanaparāyaṇāḥ
tasmāt kṛtvā dharmavighnamakṛnte vāḥ svamāyayā
83.72
daityānāṃ devakāryyārthaṃ jeṣye 'haṃ tripuraṃ kṣaṇāt
sūta uvāca
vicāryyai vantatasteṣāṃbhagavān puruṣottamaḥ
karttuṃ vyavasitaścābhūddharmavighnaṃ surāriṇām
83.73
asṛjacca mahātejāḥ puruṣañcātmasaṃbhavam
māyī māyāmayanteṣāṃ dharmavighnārthamadbhutaḥ
83.74
śāstasya śāstā sarveṣāmakarotkāmarūpadhṛk
sarvasaṃmohanaṃ māyī dṛṣṭapratyayasaṃyutam
83.75
etatsvāṅgabhavāyaiva puruṣāyoṣadicat
māyī māyāmayaṃ śāstraṃ cakṣaṣoḍaśalakṣakam
83.76
śrautasmārtaviruddhañca varṇāśramavivarjitam
ihaiva svarganarakaṃ pratyakṣaṃ nānyathā punaḥ
83.77
tacchāstramupadiśyaiva puruṣāyācyutaḥ svayam
puratrayavināśāya prāhairnaṃ puruṣaṃ hariḥ
83.78
gantumarhasi nāśāya bhā tūrṇa puravāsinām
dharmāstathā praṇaśyantu śrautasmārtā na saṃśayaḥ
83.76-2
tataḥ praṇamya taṃ māyo māyāśāstraviśāradaḥ
praviśya tat puraṃ tūrṇa munirmāyāṃ tadākarot
83.80
māyayā tasya te daityāḥ puratrayanivāsinaḥ
śrautaṃ smārtañca santyajya tasya śiṣyāstadābhavan
83.81
tatyajuśca mahādevaṃ śaṅkaraṃ parameśvaram
nārado'pi tadā māyo niyogācchāyinaḥ prabhoḥ
83.82
praviśya tat purantena māyinā saha dīkṣitaḥ
muniḥ śiṣyaiḥ praśiṣyaiśca saṅgataḥ sarvataḥ svayam
83.83
strīdharmañcākaṇeta strīṇāṃ duṣpāraphalamidam
cakrustāḥ sarvaṭā labdhvā sadya eva phalaṃ striyaḥ
83.84
janā saktā babhūvustā vinindya patidevatāḥ
adyāpi gauravāttasya nāradasya kalau muneḥ
83.85
nāyyaiñcaranti satyañca bharttan svairaṃ vṛthādhamāḥ
strīṇāṃ mātā pitā bandhuḥ sakhā mitrañca bāndhavaḥ
83.86
bharttā eva na sandehastvañcāpyāsaha māyayā
kṛtvāpi sumahat pāpaṃ yā bhartuḥ premasaṃyutā
83.87
prāpnuyāt paramaṃ svargaṃ narakañca viparyyayāt
puraikā muniśārdūlāḥ! svasvadharmmān sadā patim
83.88
santajya pūjayan sādhyo devānanyān jagadgurun
tāḥ svargalokamāsādya modante vigatajvarāḥ
83.86-2
narakañca jagāmānyā tasmādbharttā parā gatiḥ
tathāpi bhartṝn santyaktā babhūvuḥ svairavṛttayaḥ
83.60-2
māyayā devadevasya viṣṇostasyājñayā prabhoḥ
alakṣmīśca svayantasya niyogāttripuraṅgatā
83.61-2
yā lakṣmostapasā teṣāṃ labdhā deveśvarādajāt
bahirgatā parityajya niyogād brahmaṇaḥ prabhoḥ
83.62-2
buddhimohantathābhūtaṃ viṣṇumāyāvinirmitam
teṣāṃ datvā caṇaṃ devastāsāṃ māyo ca nāradaḥ
83.63-2
sukhāsīno hyasambhrānto dharmavighnārthamavyayau
evaṃ naṣṭe tadā dharme śrautasmārttaṃ suśobhane
83.64-2
pāṣaṇḍe khyāpite tena viṣṇunā viśvayoninā
tyakte maheśvare daityaistyakte liṅgārccane tathā
83.65-2
strīdharmme nikhile naṣṭe durācāre vyavasthite
kṛtārtha drava deveśo devaiḥ sārddhamumāpatim
83.66-2
tapasā prāpya sarvvajñaṃ tuṣṭāva puruṣottamaḥ
śrībhagavānuvāca
maheśvarāya devāya namraste paramātmane
83.67-2
nārāyaṇāya śarvāya brahmaṇe brahmarūpiṇe
śāśvatāya hyanantāya hyavyaktāya ca te namaḥ
83.68-2
sūta uvāca
evaṃ stutvā mahādevaṃ daṇḍavat praṇipatya ca
jajāpa rudra bhagavān koṭivāraṃ jale sthitaḥ
83.66-3
devāśca sarve te devaṃ tuṣṭuvuḥ parameśvaram
sendrāḥ sasādhyāḥ sayamāḥ sarudrāḥ samarudgaṇāḥ
83.100
devā ūcuḥ
namaḥ sarvātmane tubhyaṃ śaṅkarāyārttihāriṇe
rudrāya nīlarudrāya kadrudrāya pracetase
83.101
gatirnaḥ sarvadāsmābhirvandyo devārimarddanaḥ
tvamādistvamanantaśca anantaścākṣayaḥ prabhuḥ
83.102
prakṛtiḥ puruṣaḥ sākṣāt sraṣṭā hartā jagadguro !
trātā netā jagatsvāmin dvijānāṃ dvijavatsala !
83.103
rado vāṅmayo vācyo vācyavācakavarjitaḥ
ājyo muktyarthamīśāno yogibhiryogavibhramaiḥ
83.104
tpuṇḍarīkasuṣire yogināṃ saṃsthitaḥ sadā
danti sūrayaḥ santaṃ paraṃ brahmasvarūpiṇam
83.105
vantaṃ tatvamityāryā stejorāśiṃ parātparam
ramātmānamityāhurasmin jagati tadvibho !
83.106
ṣṭaṃ śrutaṃ sthitaṃ sarvaṃ jāyamānaṃ jagadguro !
ṇoraṇvataraṃ prāhurmahato'pi mahattaram
83.107
rvataḥ pāṇipādantvāṃ sarvato'kṣiśiromukham
rvataḥ śrutimalloke sarvamāvṛtya tiṣṭhasi
83.108
hādevamanirdeśyaṃ sarvajñaṃ tvāmanāmayam
vaśvarūpaṃ virūpākṣaṃ sadāśivamanāmayam
83.106-2
koṭibhāskarasaṅkāśaṃ koṭiśītāṃśusannibham
koṭikālāgnisaṅkāśaṃ ṣaḍviṃśakamanīśvaram
83.110
pravarttakaṃ jagatyasmin prakṛteḥ prapitāmaham
vadanti varadaṃ devaṃ sarvāvāsaṃ svayambhuvam
83.111
śrutayaḥ śrutisāraṃ tvāṃ śrutisāravido janāḥ
83.112
adṛṣṭamasmābhirajekamūrtte !
vinā kṛtaṃ yadbhavatā'tha loke
tvameva daityān surabhūtasaṅghān
devānnarān sthāvarajaṅgamāṃśca
83.113
pāhi nānyā gatiḥ śambho ! vinihatyāsurottamān
māyayā mohitāḥ sarve bhavataḥ parameśvara !
83.114
yathā taraṅgā laharīsamūhā
yudhyanti cānyonyamapāmnidhau ca
jalāśayā devajar̤īkṛtāśca
surāsurāstadvadajasya sarvam
83.115
sūta uvāca
ya idaṃ prātarutthāya śucirbhūtvā japennaraḥ
śaṛṇuyādvā stavaṃ puṇyaṃ sarvakāmanavāpnuyāt
83.116
stutastvevaṃ surairviṣṇorjapena ca maheśvaraḥ
somaḥ somāmathāruliṅgya nandiruttakaraḥ smayan
83.117
prāha gambhīrayā vācā devānālokya śaṅkaraḥ
jñātaṃ mayedamadhunā devakāryaṃ sureśvarāḥ !
83.118
viṣṇormāyābalañcaiva nāradasya ca dhīmataḥ
teṣāmadharmaniṣṭhānāṃ daityānāṃ devasattamāḥ !
83.118-2
puratrayavināśañca kariṣye'haṃ surottamāḥ !
sūta uvāca
atha sabrahmakā devāḥ sendrāpendrāḥ samāgatāḥ
83.120
śrutvā prabhostadā vākyaṃ praṇomustuṣṭuvuśca te
apyetadantare devī devamālokya vismitā
83.121
lolāmbujena cāhatya kalamāha vṛṣadhvajam
devyuvāca
krīr̤amānaṃ vibho ! paśya ṣaṇ khaṃ ravisannibham
83.122
putraṃ putravatāṃ śreṣṭha ! bhūṣitaṃ bhūṣaṇaiḥ śubhaiḥ
mukuṭaiḥ kaṭakaiścaiva kuṇḍalairbalayaiḥ śubhaiḥ
83.123
nūpuraiśchatravāraiśca tathāhāṭakabandhanaiḥ
kiṅkiṇībhiranekābhirhaimaiścavatyapatrakaiḥ
83.124
kalpadrumajaiḥ puṣpyaiḥ śobhitairalakaiḥ śubhaiḥ
hārairvajrajarāgādimaṇicitaistathāṅgadaiḥ
83.125
muktāphalamayairhāraiḥ pūrṇacandrasamaprabhaiḥ
tilakaiśca mahādeva ! paśya putraṃ suśobhanam
83.126
aṅkitaṃ kuṅkumādyaiśca vṛttabhāsitanirmitam
vakravṛndañca paśyeśa ! sundaraṃ kāmalakaṃ yathā
83.127
netrāṇi ca vibho ! paśya śubhāni tvaṃ śubhāni ca
añjanāni vicitrāṇi maṅgalaḥryaiśca mātṛbhiḥ
83.128
gaṅgādibhiḥ kārttikādyaiḥ svāhayā ca viśeṣataḥ
ityevaṃ lokamātṛśca vāgbhiḥ sambodhitaḥ śivaḥ
83.126-2
na yayau tṛptimīśānaḥ piban skandānanāmṛtam
na sasmāra ca tāndevāṃstyagratkhāmipīḍitān
83.130
skandamāliṅgya cāghrāya nṛtya putretyuvāca ha
so'pi līlālaso bālo nanatīrttiharaḥ prabhuḥ
83.131
sarvvaiva nanṛtuścānye saha tena gaṇeśvarāḥ
trailokyamakhilaṃ tatra nanarttū māgrayā kṣaṇam
83.132
nāgāśca nanṛtuḥ sarvve devāḥ sendrapurogamaḥ
tuṣṭuvurgaṇapāḥ skanda mumodāmbā ca mātaraḥ
83.133
sasṛjuḥ puṣpavarṣāṇi jagurgandharvvakinnarāḥ
nṛtyāmṛtaṃ tadā pītvā pārvatīparameśvarau
avāpatustadā tṛptiṃ nandino ca gaṇeśvarāḥ
83.134
tataḥ sa nandī saha ṣaṇmukhena
tathā ca sārddha girirājaputryā
viveśa divyaṃ bhavanaṃ bhavo'pi
yathāmbudo'nyāmbudamambudābhaḥ
83.135
dvārasya pārśve te tasthurdevā devasya dhīmataḥ
tuṣṭuvuśca mahādevaṃ kiñcidudvignacetasaḥ
83.136
kintu kiñciti cānyonyaṃ prekṣya caitatsamākulāḥ
pāpā vayamiti hyanye abhāgyāśceti cāpare
83.137
bhāgyavantaśca daityendrā iti cānye sureśvarāḥ !
pūjāphalamimanteṣāmityanye neti cāpare
83.138
etasminnantare teṣāṃ śrutvā śabdamanekadhā
kumbhodaro mahātejā daṇḍe nātāḍayat surān
83.136-2
dudruvuste bhayāviṣṭā devā hāheti vādinaḥ
apatañjānuyaścānye devāya dharaṇītale
83.140
aho ! vidherbalañceti munayaḥ kaśyapādyayaḥ
dṛṣṭāpi devadeveśaṃ devāmrāptāsurāṃddaśām
83.141
abhāgyānna samāptantu kāryyamityapare dvijāḥ
prāṃkṣurnamaḥ śivāyeti pūjya cālpataraṃ hṛdi
83.142
tataḥ kapardī nandīśo mahādevapriyo muniḥ
śūlī mālī tathā hālī kuṇḍalī balavī gadī
83.143
vṛṣamāruhya sukhitaṃ yayau tasyājñayā tadā
tato vai nandinaṃ dṛṣṭvā gaṇaḥ kumbhodaro'pi saḥ
83.144
praṇamya nandinaṃ mūrdhnā saha tena tvaranvayau
nandī bhāti mahātaṃjā vṛṣapṛṣṭhe vṛṣadhvajaḥ
83.145
sagaṇo gaṇasenānīrmeṣapṛṣṭhe yathā bhavaḥ
daśayojanavistīrṇaṃ muktājālairalaṅkṛtam
83.146
sitātapatraṃ śailāderākāśamiva bhāti tat
tatrālambiddhamālā sā muktāphalamayī śubhā
83.147
gaṅgākāśātnipatitā bhāti mūrdhni vibhoryathā
atha dṛṣṭvā gaṇādhyakṣaṃ devatuṣṭyabhavaḥ śubhāḥ !
83.148
niyogāhakṣiṇaḥ sarve vinetuma nipuṅgavāḥ
tuṣṭuvuśca gaṇeśānaṃ vāgbhiriṣṭapradaṃ śubham
83.146-2
yathā devā bhavaṃ dṛṣṭvā prītikaṇṭakitatvacaḥ
niyogāhakṣiṇo mūrdhni puṣpavarṣañca khecarāḥ
83.150
vavṛṣuśca sugandhāḍhyaṃ nandino gaganoditam
dṛṣṭvā tuṣṭastadā reje tuṣṭyā puṣṭyā yathārthayā
83.151
nandī bhavasyāndrayā tu khātayā gandhavāriṇā
puṣpai rnānāvidhaistatra bhāti pṛṣṭhaṃ vṛṣasya tat
83.152
saṅkīrṇantu divaḥ pṛṣṭhaṃ nakṣatrairiva suvratāḥ !
kusumaiḥ saṃvṛtto nandī vṛṣapṛṣṭhe rarāja saḥ
83.153
divi gṛhe yathā candro nakṣatrairiva suvratāḥ !
taṃ dṛṣṭvā nandinaṃ devāḥ sendropendrāstathāvidham
83.154
tuṣṭuvurgaṇapeśāṃnaṃ devadevamivāparam
devā ūcuḥ
namaste rudrabhaktāya rudrajāpyaratāya ca
83.155
rudrabhaktārtināśāya raudrakarmaratāya te
kūṣmāṇḍagaṇanāthāya yogināṃ pataye namaḥ
83.156
sarvadāya śaraṇyāya marvajñāya tiṃhāriṇe
vedānāṃ pataye caiva vedavedyāya te namaḥ
83.157
vajriṇe vajradaṃṣṭrāya vajrivajranivāriṇe
vajrālaṅkṛtadehāya vajriṇārādhitāya te
83.158
raktāya raktanetrāya raktāmbaradharāya te
raktānāṃ bhavapādābje rudralokapradāyine
83.156-2
namaḥ senādhipataye rudrāṇāṃ pataye namaḥ
bhūtānāṃ bhuvaneśānāṃ pataye pāpahāriṇe
83.160
rudrāya rudrapataye raudrapāpaharāya te
namaḥ śivāya saumyāya rudrabhaktāya te namaḥ
83.161
sūta uvāca
tataḥ prīto gaṇādhyakṣaḥ prāha devāṃstvilātmajaḥ
rathañca sārathiṃ śambhoḥ kārmukaṃ śaramuttamam
83.162
kartu mahaṃtha yatnena naṣṭa' matvā puratrayam
atha te brahmaṇā sārdhaṃ tathā vai viśvakarmaṇā
83.163
rathaṃ cakruḥ susaṃrabdhā devadevasya dhīmataḥ
83.163.p1
ityādimahāpu0 śrīlaiṅge pūrvabhāge puradāhe nandikeśa vākya nāma ekasaptatitamo'dhyāyaḥ || 71
Linked texts (8)
- Liṅgapurāṇa — Vyāsa, Sanskrit
- Śivapurāṇa (complete text) — Sanskrit
- Vulgate (Nīlakaṇṭha's text) — Sanskrit
- Saurapurāṇa — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Kalaśeśvaramāhātmya — Sanskrit
- Śaṅkarasaṃhitā — Vyāsa, Sanskrit
- Vīraśaivāmṛtapurāṇa (Gubbi Mallaṇa) — Gubbi Mallaṇa, Sanskrit