Pramāṇa · Search · About · API

Linga 86: atha visaptatitamo'dhyāyaḥ

Liṅga 86

Language
Sanskrit

Contents

atha visaptatitamo'dhyāyaḥ

86.1

sūta uvāca
gate maheśvare deve dagdhvā ca tripuraṃ jagāt
sadasyāha surendrāṇāṃ bhagavān padmasambhavaḥ

86.2

pitāmaha uvāca
mattyajya devadeveśaṃ liṅgamūrtiṃ maheśvaram
tārapovo mahātejā tārakasya suto balo

86.3

tārakākṣo'pi ditijaḥ kamalākṣaśca vīryavān
vidyunmālī ca daityeśaḥ anye cāpi sabāndhavāḥ

86.4

tyaktā devaṃ mahādevaṃ māyayā ca hareḥ prabhoḥ
sarve vinaṣṭāḥ pradhvastāḥ svapuraiḥ purasambhaveḥ

86.5

tasmāt sadā pūjanīyo liṅgamūrtiḥ sadāśivaḥ
yāvatpūjā sureśānāṃ tāvadeva sthitiryataḥ

86.6

pūjanīyaḥ śivo nityaṃ śraddhayā devapuṅgavaiḥ
sarvaliṅgamayo lokaḥ sarvaṃ liṅge pratiṣṭhitam

86.7

tasmāt sampūjayelliṅgaṃ ya icchet siddhimātmanaḥ
sarve liṅgārcanādeva devā daityāśca dānavāḥ

86.8

yakṣā vidyādharāḥ siddhā rākṣasāḥ piśitāśanāḥ
pitaro munayaścāpi piśācāḥ kinnarādayaḥ

86.9

arcayitvā liṅgamūrtiṃ saṃsiddhā nātra saṃśayaḥ
tasmālliṅgaṃ yajennityaṃ yena kenāpi vā surāḥ !

86.10

paśavaśca vayaṃ tasya devadevasya dhīmataḥ
paśutvañca parityajya kṛtvā pāśupataṃ tataḥ

86.11

pūjanīyo mahādevī liṅgamūrtiḥ sanātanaḥ
viśodhya caiva bhūtāni pañcabhiḥ praṇavaiḥ samam

86.12

prāṇāyāmaiḥ samāyuktaiḥ pañcabhiḥ surapuṅgavāḥ !
caturbhiḥ praṇavaiścaiva prāṇāyāmaparāyaṇaiḥ

86.13

tribhiśca praṇavairdevāḥ ! prāṇāyāmaistathāvidhaiḥ
dvidhā nyasya tathoṅkāraṃ prāṇāyāmaparāyaṇaḥ

86.14

tataścoṅkāramuccāryya prāṇāpānau niyamya ca
jñānāmṛtena sarvāṅgāṇyāpūryya praṇavena ca

86.15

guṇatrayaṃ caturddhākhyamahaṅkārañca suvratāḥ !
tanmātrāṇi ca bhūtāni tathā buddhīndriyāṇi ca

86.16

karmendriyāṇi saṃśodhya puruṣaṃ yugulaṃ tathā
cidātmānaṃ tanuṃ kṛtvā cāgnirbhasmeti saṃspṛśet

86.17

vāyurbhasmeti ca vyoma tathābhaḥ pṛthivī tathā
triyāyuṣaṃ triyambañca dhūlayedamṛtena yaḥ

86.18

sa yogau sarvatattvajñā vrata pāśupatānvhadam
bhavena pāśamokṣārthaṃ kathitaṃ devasattamāḥ !

86.16-2

evaṃ pāśupataṃ kṛtvā sampūjya parameśvaram
liṅge purā mayā dṛṣṭe viṣṇunā ca mahātmanā

86.20

paśavo naiva jāyante vaṣamātreṇa devatāḥ !
asmābhiḥ sarvakāryāṇāṃ devamabhyarcya yatnataḥ

86.21

bāhye cābhyantare caiva manye karttavyamīśvaram
pratijñā mama viṣṇośca divyaiṣā surasattamāḥ !

86.22

munīnāñca na sandehastasmāt sampūjayecchivam
sā hānistanmahacchidraṃ sa mohaḥ sā ca mūkatā

86.23

yat kṣaṇaṃ vā muhūrtaṃ vā śivamekaṃ na cintayet
bhavabhaktiparā ye ca bhavapraṇatacetasaḥ

86.24

bhavasaṃsmaraṇodyuktā na te duḥkhasya bhājanam
bhavanāni manojñāni divyamābharaṇaṃ striyaḥ

86.25

dhanaṃ vā tuṣṭiparyantaṃ śivapūjāvidheḥ phalam
ye vāñchanti mahābhogān rājyañca tridaśālaye

86.26

te'rcayantu sadā kālaṃ liṅgamūttiṃ maheśvaram
hatvā bhittvā ca bhūtāni dagdhvā sarvvamidaṃ jagat

86.27

yajedekaṃ virūpākṣaṃ na pāpaiḥ sa pralipyate
śailaṃ liṅgaṃ maddothaṃ hi sarvvadevanamaskṛtam

86.28

ityuktā pūrvvamabhyarcya rudraṃ tribhuvaneśvaram
tuṣṭāva vāgbhiriṣṭābhirdevadevaṃ triyambakam

86.28.p1

tadāprabhṛti śakrādyāḥ pūjayāmāsureśvaram
māntrātpāśupataṃ kṛtvā bhasmoddhūlitavigrahāḥ 26

86.28.p2

iti śrīlaiṅge trisaptatitamo'dhyāyaḥ || 73

Linked texts (6)