Linga 87
Liṅga 87
- Language
- Sanskrit
Contents
- 87.30 — 1 part
87.1
sūta uvāca
liṅgāni kalpayitvaivaṃ svādhikārānurūpataḥ
viśvakarmā dadau teṣāṃ niyogād brahmaṇaḥ prabhoḥ
87.2
indranīlamayaṃ liṅgaṃ viṣṇunā pūjitaṃ sadā
padmarāgamayaṃ śakro haimaṃ viśvavasaḥ sutaḥ
87.3
viśvedevāstathā raupyaṃ vasavaḥ kāntikaṃ śubham
ārakūṭamayaṃ vāyurāśvinau pārthivaṃ sadā
87.4
sphāṭikaṃ varuṇo rājā ādityāstāmranirmitam
mauktikaṃ somarāḍ dhīmāṃstathā liṅgamanuttamam
87.5
anantādyā mahānāgāḥ prabālakamayaṃ śubham
daityā hyayomayaṃ liṅgaṃ rākṣasāśca mahātmanaḥ
87.6
trailohikaṃ guhyakāśca sarvalohamayaṃ gaṇāḥ
cāmuṇḍā saikataṃ sākṣānmātaraśca dvijottamāḥ
87.7
dārujaṃ nairṛtirbhaktyā yamo mārakataṃ śubham
nīlādyāśca tathā rudrāḥ śuddhaṃ bhasmamayaṃ śubham
87.8
lakṣmovṛttamayaṃ lakṣmorgṛho vai gomayātmakam
munayo muniśārdūlāḥ kuśāgramayamuttamam
87.6-2
vāmādyāḥ puṣpaliṅgantu gandhaliṅgaṃ manonmanau
sarasvatī ca ratnena kṛtaṃ rudrasya vāgbhavā
87.10
durgā haimaṃ mahādevaṃ savedikamanuttamam
ugrapiṣṭamayaṃ sarve mantrā hyājyamayaṃ śubham
87.11
vedā sarve dadhimayaṃ piśācāḥ sausanirmitam
lebhire ca yathāyogyaṃ prasādādbrahmaṇaḥ padam
87.12
bahunātra kimuktena carācaramidaṃ jagat
śivaliṅgaṃ samabhyarcya sthitamatra na saṃśayaḥ
87.13
ṣaḍvidhaṃ liṅgamityāhurdravyāṇāñca prabhedataḥ
teṣāṃ bhedāścaturyuktacatvāriṃśaditi smṛtāḥ
87.14
śailajaṃ prathamaṃ proktaṃ taddhi sākṣāccaturvidham
dvitīyaṃ ratnajaṃ tacca saptadhā munisattamāḥ !
87.15
tṛtīyaṃ dhātujaṃ liṅgamaṣṭadhā parameṣṭhinaḥ
turīyaṃ dārujaṃ liṅgaṃ tattu ṣoḍaśadhocyate
87.16
mṛnmayaṃ pañcamaṃ liṅgaṃ dvidhā bhinnaṃ dvijottamāḥ !
ṣaṣṭhantu kṣaṇikaṃ liṅgaṃ saptadhā parikīrtitam
87.17
śrīpradaṃ ratnajaṃ liṅga śailajaṃ sarvasiddhidam
dhātujaṃ dhanadaṃ sākṣāddārujaṃ bhogasiddhidam
87.18
mṛnmayañcaiva viprendrāḥ ! sarvasiddhikaraṃ śubham
śailajaṃ cottamaṃ proktaṃ madhyamañcaiva dhātujam
87.18-2
bahudhā liṅgabhedāśca navacaiva samāsataḥ
mūle brahmā tathā madhye viṣṇustribhuvaneśvaraḥ
87.20
rudropari mahādevaḥ praṇavākhyaḥ sadāśivaḥ
liṅgavedī mahādevī triguṇā cinmayāmbikā
87.21
tayā ca pūjayedyastu devo devya pūjitau
śailajaṃ ratnajaṃ vāpi dhātujaṃ vāpi dārujam
87.22
mṛnmayaṃ kṣaṇikaṃ vāpi bhaktyā sthāpyaṃ phalaṃ śubham
surendrāmbhojagarbhāgniyamāmbupadhaneśvaraiḥ
87.23
siddhavidyādharāhandra yakṣadānavakinnaraiḥ
stūyamānaḥ supuṇyātmā devadundubhinisvanaiḥ
87.24
bhūrbhuvaḥ svarmaharlokān kramādvai janataḥ param
tapaḥ satyaṃ parākramya bhāsayan svena tejasā
87.25
liṅgasthāpanasanmārganiṣṭitatvāyatāsinā
āśu brahmāṇḍamudbhidya gacchedvigataśaṅkayā
87.26
śailajaṃ ratnajaṃ vāpi dhātujaṃ vāpi dārujam
mṛṇmayaṃ kṣaṇikaṃ tyaktā sthāpayet sakalaṃ vapuḥ
87.27
vidhinā caiva kṛtvā tu stomāsahitaṃ śubham
kundagokṣīrasaṅkāśaṃ liṅgaṃ yaḥ sthāpayennaraḥ
87.28
nṛṇāṃ tanuṃ samāsthāya sthito rudro na saṃśayaḥ
darśanāt sparśanāttasya labhante nirvṛtiṃ narāḥ
87.29
tasya puṇyaṃ mayā vaktuṃ samyag yugaśatairapi
śakyate naiva viprendrāstasmādvai sthāpayettathā
87.30
sarveṣāmeva martyānāṃ vibhordivyaṃ vapuḥ śubham
sakalaṃ bhāvanāyogyaṃ yogināmiva niṣkalam
87.30.p1
itiśrolaiṅge pūrvabhāge catuḥsaptatitamo'dhyāyaḥ || 74
Linked texts (4)
- Liṅgapurāṇa — Vyāsa, Sanskrit
- Prāṇatoṣiṇī — Rāmatoṣaṇa Śarman 1796, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Viśvabrahmakulotsāha — Nārāyaṇa Raujī, Sanskrit