Pramāṇa · Search · About · API

Linga 88

Liṅga 88

Language
Sanskrit

88.1

pañca saptatitamo'dhyāyaḥ
ṛṣaya ūcuḥ
niṣkalo nirmalo nityaḥ sakalatvaṃ kathaṃ gataḥ
vaktu marhasi cāsmākaṃ yathāpūrvaṃ yathāśrutam

88.2

sūta uvāca
paramārthavidaḥ kecidūcuḥ praṇavarūpiṇam
vijñānamiti viprendrāḥ ! śrutvā śrutiśirassajam

88.3

śabdādiviṣayaṃ jñānaṃ jñānamityabhidhīyate
tajjñānaṃ bhrāntirahitemityaneneti cāpare

88.4

yajjñānaṃ nirmalaṃ śuddhaṃ nirvikalpaṃ nirāśrayam
guruprakāśakaṃ jñānamityanye munayo dvijāḥ

88.5

jñānenaiva bhavenmuktiḥ prasādo jñānasiddhaye
ubhābhyāṃ mucyate yogī tatrānandamayo bhavet

88.6

vadanti munayaḥ kecit karmaṇā tasya saṅgatim
kalpanākalpitaṃ rūpaṃ saṃhṛtya svecchayaiva hi

88.7

dyaurmūrddhā tu vibhostasya khaṃ nābhiḥ parameṣṭhinaḥ
somasūryyāgnayo netraṃ diśaḥ śrotraṃ mahātmanaḥ

88.8

caraṇau caiva pātālaṃ samudrastasya cāmbaram
devāstasya bhujāḥ sarve nakṣatrāṇi ca bhūṣaṇam

88.6-2

prakṛtistasya patnī ca puruṣo liṅgamucyate
vaktrādvai brāhmaṇāḥ sarve brahmā ca bhagavān prabhuḥ

88.10

indropendrau bhujābhyāntu kṣatriyāśca mahātmanaḥ
vaiśyāścorupradeśāttu śūdrāḥ pādāt pinākinaḥ

88.11

puṣkarāvartakādyāstu keśāstasya prakīrtitāḥ
vāyavo ghrāṇajāstasya gatiḥ śrautaṃ smṛtistathā

88.12

athānenaiva karmātmā prakṛtestu pravarttakaḥ
puṃsāntu puruṣaḥ śrīmān jñānagamyo na cānyathā

88.13

karmayajñasahasrebhyastapo yajño viśiṣyate
tapo yajñasahasrebhyo japayajño viśiṣyate

88.14

japayajñasahasrebhyo dhyānayajño viśiṣyate
dhyānayajñātparo nāsti dhyānaṃ jñānasya sādhanam

88.15

yadā samarase niṣṭho yogī dhyānena paśyati
dhyānayajñaratasyāsya tadā sannihitaḥ śivaḥ

88.16

nāsti vijñānināṃ śaucaṃ prāyaścittādicodanā
viśuddhā vidyayā sarve brahmavidyāvido janāḥ

88.17

nāsti kriyā ca lokeṣu sukhaṃ duḥkhaṃ vicārataḥ
dharmādharmau japo homo dhyānināṃ sannidhiḥ sadā

88.18

parānandātmakaṃ liṅga viśuddha śivamattaram
niṣkala sarvagaṃ jñeyaṃ yogināṃ hṛdi saṃsthitam

88.15-2

liṅgantu dvividhaṃ prāhurbāhyamābhyantaraṃ dvijāḥ
bāhya sthūlaṃ muniśreṣṭhāḥ! sūkṣmamābhyantaraṃ dvijāḥ

88.20

karmayajñaratāḥ sthūlāḥ sthūlaliṅgārcane ratāḥ
asatāṃ bhāvanāthīya nānyathā sthūlavigrahaḥ

88.21

ādhyātmikañca yalliṅga pratyakṣaṃ yasya no bhavet
asau mūḍho bahiḥ sarvaṃ kalpayitvaiva nānyathā

88.22

jñānināṃ sūkṣmamamalaṃ bhavet pratyakṣa mavyayam
yathā sthūlamayuktānāṃ mṛtkāṣṭhādyaiḥ prakalpitam

88.23

artho vicārato nāstītyanye tattvārthavedinaḥ
niṣkalaḥ sakalaśceti sarvaṃ śivamayaṃ tataḥ

88.24

vyomaikamapi dṛṣṭa hi śarāvaṃ prati suvratāḥ !
pṛthaktva cāpṛthaktvañca śaṅkarasyeti cāpare

88.25

pratyayārthaṃ hi jagatāmekastho'pi divākaraḥ
eko'pi bahudhā dṛṣṭo jalādhāreṣu suvratāḥ !

88.26

jantavo divi bhūmau ca sarve vai pāñcabhautikāḥ
tathāpi bahulā dṛṣṭā jātivyaktivibhedataḥ

88.27

dṛśyate śrūyate yadyattattadviddhi śivātmakam
bhedo janānāṃ loke'smin pratibhāso vicārataḥ

88.28

svapne ca vipulām bhogān bhuktvā martyaḥ sukhī bhavet
duḥkhī ca bhogaṃ duḥkhañca nānubhūtaṃ vicārataḥ

88.26-2

evamāḍustathānye ca sarvve vedārthatatvagāḥ
hṛdi saṃsāriṇāṃ sākṣāt sakalaḥ parameśvaraḥ

88.30

yogināṃ niṣkalo devo jñānināñca jaganmayaḥ
trividhaṃ parameśasya vapurloke praśasyate

88.31

niṣkalaṃ prathamañcaikaṃ tataḥ sakalaniṣka lam
tṛtīyaṃ sakalañcaiva nānyatheti dvijottamāḥ

88.32

arcayanti muhuḥ kecit sadā sakalaniṣka lam
sarvvatra hṛdaye kecicchivaliṅge vibhāvasau

88.33

sakalaṃ munayaḥ kecit sadā saṃsāravartinaḥ
evamabhyarcayantyeva sadārāḥ sasutā narāḥ

88.34

yathā śivastathā devī yathā devī tathā śivaḥ
tasmādabhedabuddhyaiva saptaviṃśat prabhedataḥ

88.35

yajanti dehe bāhye ca catuṣkoṇe ṣar̤asrake
daśāre dvādaśāre ca ṣoḍaśāre trirasrake

88.36

sa svecchayā śivaḥ sākṣāddèvyā sārddhaṃ sthitaḥ prabhuḥ
saṃsāraṇāṃrthañca śivaḥ sadasadvaktivarjitaḥ

88.37

tamekamāhurdviguṇañca kecit
kecittamāhustriguṇātmakañca
jagustathā tañca śivaṃ tathānye
saṃsāriṇaṃ vedavido vadanti

88.38

bhaktyā ca yogena śubhena yuktā
viprāḥ sadā dharmaratā viśiṣṭāḥ
yajanti yogeśamaśeṣamūrttiṃ
ṣaḍasramadhye bhagavantameva

88.36-2

ye tatra paśyanti śivaṃ trirasre
tritattvamadhye triguṇaṃ triyattam
te yānti cainaṃ na ca yogino'nye
tayā ca devyā puruṣaṃ purāṇam

Linked texts (4)