Pramāṇa · Search · About · API

Linga 89

Liṅga 89

Language
Sanskrit

Contents

89.1

sūta uvāca
ataḥparaṃ pravakṣyāmi svecchāvigrahasambhavam
pratiṣṭhāyāḥ phalaṃ sarvaṃ sarvalokahitāya vai

89.2

skandomāsahitaṃ devamāsīnaṃ paramāsane
kṛtvā bhaktyā pratiṣṭhāpya sarvān kāmānavāpnuyāt

89.3

skandomāsahitaṃ devaṃ sampūjya vidhinā sakṛt
yat phalaṃ labhate martyastadvadāmi yathā śrutam

89.4

sūryakoṭipratīkāśairvimānaiḥ sārvakāmikaiḥ
rudrakanyāsamākīrṇairgeyanāṭyasamanvitaiḥ

89.5

śivavat krīr̤ate yogī yāvadābhūtasaṃplavam
tatra bhuktvā mahābhogān vimānaiḥ sārvakāmikaiḥ

89.6

śrīmaṃ kaumāramaiśānaṃ vaiṣṇavaṃ brāhmameva ca
prājāpatyaṃ mahātejā janalokaṃ mahastathā

89.7

aindramāsādya caindratvaṃ kṛtvā varṣāyutaṃ punaḥ
bhuktvā caiva bhuvarloke bhogān divyān suśobhanān

89.8

merumāsādya devānāṃ bhavaneṣu pramodte
ekapādaṃ caturbāhuṃ trinetraṃ śūlasaṃyutam

89.9

sṛṣṭvā sthitaṃ hariṃ vāme dakṣiṇe caturānanam
aṣṭāviṃśatirudrāṇāṃ koṭī: sarvāṅgasuprabham

89.10

pañcaviṃśatikaṃ sākṣāt puruṣaṃ hṛdayāttathā
prakṛtiṃ vāmataścaiva buddhiṃ vai buddhideśataḥ

89.11

ahaṅkāramahaṅkārāttanmātrāṇi tu tatra vai
indriyāṇīndriyādeva līlayā parameśvaram

89.12

pṛthivīṃ pādamūlāttu guhyadeśājjalaṃ tathā
nābhideśāttathā vahniṃ hṛdayācchaṅkaraṃ tathā

89.13

kaṇṭhāt somaṃ tathātmānaṃ bhrū madhyān mastakāddivam
sṛṣṭraivaṃ saṃsthitaṃ sākṣājjagat sarvaṃ carācaram

89.14

sarvaṅgaṃ sarvagaṃ devaṃ kṛtvā vidyāvidhānataḥ
pratiṣṭhāpya yathānyāyaṃ śivasāyujyamāpnuyāt

89.15

tripādaṃ saptahastañca catuḥśṛṅgaṃ dviśīrṣakam
kṛtvā yajñeśamīśānaṃ viṣṇuloke mahīyate

89.16

tatra bhuktvā mahābhogān kalpalakṣaṃ sukhī naraḥ
kramādāgatya loke'smin sarvayajñāntago bhavet

89.17

vṛṣārūḍhantu yaḥ kuryāt somaṃ somārddhabhūṣaṇam
hayamedhāyutaṃ kṛtvā yatpuṇyaṃ tadavāpya saḥ

89.18

kāñcanena vimānena kiṅkiṇījālamālinā
gatvā śivapuraṃ divyaṃ tatraiva sa vimucyate

89.19

nandinā sahitaṃ devaṃ sāmbaṃ sarvagaṇairvṛtam
kṛtvā yat phalamāpnoti vakṣye tadvai yathāśrutam

89.20

sūryamaṇḍalasaṅkāśairvimānairvṛṣasaṃyutaiḥ
apsarogaṇasaṅkīrṇairdevadānavadurlabhaiḥ

89.21

nṛtyadbhirapsaraḥ saṅghaiḥ sarvataḥ sarvaśobhitaiḥ
gatvā śivapuraṃ divyaṃ gāṇapatyamavāpnuyāt

89.22

nṛtyantaṃ devadeveśaṃ śailajāsahitaṃ prabhum
sahasrabāhuṃ sarvajñaṃ caturbāhumathāpi vā

89.23

bhṛgvādyairbhūtasaṅghaiśca saṃvṛtaṃ pameśvaram
śailajāsahitaṃ sākṣād vṛṣabhadhvajamīśvaram

89.24

brahmendraviṣṇusomādyaiḥ sadā sarvairnamaskṛtam
mātṛbhirmunibhiścaiva saṃvṛtaṃ parameśvaram

89.25

kṛtvā bhaktyā pratiṣṭhāpya yat phalaṃ tadvadāmyaham
sarvayajñatapodānatīrthadeveṣu yat phalam

89.26

tat phalaṃ koṭiguṇitaṃ labdhvā yāti śivaṃ padam
tatra bhuktvā mahābhogān yāvadābhūtasaṃplavam

89.27

sṛṣṭyantare punaḥ prāpte mānavaṃ padamāpnuyāt
nagnañcaturbhujaṃ śvetaṃ trinetraṃ sarpamekhalam

89.28

kapālahastaṃ deveśaṃ kṛṣṇakuñcitamūrdhajam
kṛtvā bhaktyā pratiṣṭhāpya śivasāyujyamāpnuyāt

89.29

ibhendradārakaṃ devaṃ sāmbaṃ siddārthadaṃ prabhum
śuddhasphavarṇaṃ raktākṣaṃ trinetraṃ candrabhūṣaṇam

89.30

kākapacadharaṃ mūrdhnā nāgaṭaṅkadharaṃ haram
siṃhāninottarīyaṇca mṛgacarmāmbaraṃ prabhum

89.31

tīkṣṇadaṃṣṭraṃ gadāhastaṃ kapāloyatapāṇinam
huṃ phaṭkāre mahāśabdaśabditākhiladiṅgu kham

89.32

puṇḍarīkājinaṃ dorbhyāṃ bibhrantaṃ kambukaṃ tathā
hasantañca nadantañca pibantaṃ kṛṣṇasāgaram

89.33

nṛtyantaṃ bhūtasaṅghaiśca gaṇasaṅghaiskhalaṅkṛtam
kṛtvā bhaktyā pratiṣṭhāpya yathā vibhavavistaram

89.34

sarvavighnānatikramya śivaloke mahīyate
tatra bhuktā mahābhogān yāvadābhūtasaṃplavam

89.35

jñānaṃ vicārato labdhvā rudrebhyastatra mucyate
arddha nārīśvaraṃ devaṃ caturbhujamanuttamam

89.36

varadābhayahastañca śūlapadmadharaṃ prabhum
strīpumbhāvena saṃsthānaṃ sarvābharaṇabhūṣitam

89.37

kṛtvā bhaktyā pratiṣṭhāpya śivaloke mahīyate
tatra bhuktā mahābhogānaṇimādiguṇairyutaḥ

89.38

ācandratārakaṃ jñānantato labdhvā vimucyate
yaḥ kuryāddevadeveśaṃ sarvvajñaṃ nakulīśvaram

89.46

vṛtaṃ śiṣyapraśiṣyaiśca vyākhyānodyatapāṇinam
kṛtvā bhaktyā pratiṣṭhāpya śivalokaṃ sa gacchati

89.40

bhuktā tu vipulāṃstatra bhogān yugaśataṃ naraḥ
jñānayogaṃ samāsādya tatraiva ca vimucyate

89.41

pūrvvadevāmarāṇāñca yat sthānaṃ sakalepsitam
kṣatamudrasya devasya citābhasmānulepinaḥ

89.42

tripuṇḍradhāriṇasteṣāṃ śiromālādharasya ca
brahmaṇaḥ keśakenaikamapavītañca bibhrataḥ

89.43

bibhrato vāmahastena kapālaṃ brahmaṇo varam
viṣṇoḥ kalevarañcaiva bibhrataḥ parameṣṭhinaḥ

89.44

kṛtvā bhaktyā pratiṣṭhāpya mucyate bhavasāgarāt
śrīṃ namo nīlakaṇṭhāya iti puṣyākṣarāṣṭakam

89.45

mantramāha sakṛddā yaḥ pātakaiḥ sa vimucyate
mantreṇānena gandhādyairbhaktyā vittānusārataḥ

89.46-2

sampūjya devadeveśaṃ śivaloke mahīyate
jālandharāntakaṃ devaṃ sudarśanadharaṃ prabhum

89.47

kṛtvā bhaktyā pratiṣṭhāpya dvidhābhūtaṃ jalandharam
prayāti śivasāyujyaṃ nātra kāryā vicāraṇā

89.48

sudarśanapradaṃ devaṃ sākṣāt pūrvvoktalakṣaṇam
arcamānena devena cārcitaṃ netrapūjayā

89.46-3

kṛtvā bhaktyā pratiṣṭhāpya śivaloke mahīyate
tiṣṭhato'tha nikumbhasya pṛṣṭhataśca raṇāmbujam

89.50

vāmetaraṃ suvinyasya vāme cāliṅgya cādrijām
śūlāgre kūrparaṃ sthāpya kiṅkiṇīkṛtapannagam

89.51

samprekṣya cānyakaṃ pārśve kṛtāñjalipuṭaṃ sthitam
rūpaṃ kṛtvā yathānyāyaṃ śivasāyujya māpnuyāt

89.52

yaḥ kuryyādiha deveśaṃ tripurāntaka mīśvaram
dhanurbāṇasamāyuktaṃ somaṃ somārddhabhūṣaṇam

89.53

rathe susaṃsthitaṃ devaṃ caturānanasārathim
tadākāratayā so'pi gatvā śivapure sukhī

89.54

krīr̤ate nātra sandeho dvitīya iva śaṅkaraḥ
tatra bhuktā mahābhogān yāvadicchā dbijottamāḥ

89.55

jñānaṃ vicāritaṃ labdhvā tatraiva sa vimucyate
gaṅgādharaṃ sukhāsīnañcandraśekharameva ca

89.56

gaṅgayā sahitaṃ caiva vāmotsaṅge'mbikānvitam
vināyakaṃ tathā skandaṃ jyeṣṭhaṃ durgāṃ suśobhanām

89.57

bhāskarañca tathā somaṃ brahmāṇīñca maheśvarom
kaumārīṃ vaiṣṇavīṃ devīṃ vārāhīṃ varadāṃ tathā

89.58

indrāṇīñcaiva cāmuṇḍāṃ vīrabhadrasamanvitām
vighne śena ca yo dhīmān śivasāyujyamāpnuyāt

89.56-2

liṅgamūrtiṃ mahājvālāmālā saṃvṛtamavyayam
liṅgasya madhye vai kṛtvā candraśekharamośvaram

89.60

vyomni kuryyāttathā liṅgaṃ brahmāṇaṃ haṃsakūpiṇam
viṣṇuṃ varāharūpeṇa liṅgasyādhastvadhomukham

89.61

brahmāṇaṃ dakṣiṇe tasya kṛtāñjalipuṭaṃ sthitam
madhye liṅgaṃ mahāghoraṃ mahābhasi ca saṃsthitam

89.62

kṛtvā bhaktyā pratiṣṭhāpya śivasāyujyamāpnu yāt
kṣetrasaṃrakṣakaṃ devaṃ tathā pāśupataṃ prabhuma

89.63

kṛtvā bhaktyā yathānyāyaṃ śivaloke mahīyate

89.63.p1

iti śrīlaiṅge śivamūrtti pratiṣṭhāphalakathanaṃ nāma ṣaṭsaptatitamo'dhyāyaḥ || 76

Linked texts (6)