Pramāṇa · Search · About · API

Linga 90

Liṅga 90

Language
Sanskrit

Contents

90.1

saptasaptatitamo'dhyāyaḥ
ṛṣaya ūcuḥ
liṅgapratiṣṭhāpuṇyañca liṅgasthāpanameva ca
liṅgānāñcaiva bhedāśca śrutaṃ tava mukhādiha

90.2

mṛdādiratnaparyantairdravyaiḥ kṛtvā śivālayam
yat phalaṃ labhate martyastat phalaṃ vaktumarhasi

90.3

sūta uvāca
yasya bhakto'pi loke'smin putradāragṛhādibhiḥ
bādhyate jñānayuktaśca na ca tasya gṛhaistu kim

90.4

tathāpi bhaktāḥ parameśvarasya
kṛtveṣṭaloṣṭairapi rudralokam
prayānti divyaṃ hi vimānavaryaiṃ
surendrapadmodbhavavanditasya

90.5

vāpyānu loṣṭhena śivañca kṛtvā
mṛdāpi vā pāṃsubhirvādidevam
gṛhañca tādṛgvidhamasya śambhoḥ
sampūjya rudratvamavāpnuvanti

90.6

tasmātsarvaprayatnena bhaktyā bhaktaiḥ śivālayam
karttavyaṃ sarvayatnena dharmakāmārthasiddhaye

90.7

kesaraṃ nāgaraṃ vāpi drāviḍaṃ vā tathā param
kṛtvā rudrālayaṃ bhaktyā śivaloke mahīyate

90.8

kailāsākhyañca yaḥ kuryāt prāsādaṃ parameṣṭhinaḥ
kailāsaśikharākārairvimānairmodate sukhī

90.6-2

mandaraṃ vā prakurvīta śivāya vidhipūrvakam
bhaktyā vittānusāreṇa uttamādhamamadhyamam

90.10

mandrādripratīkāśairvimānairviśvatomukhaiḥ
apsarogaṇasaṅgīrṇairdevadānavadurlabhaiḥ

90.11

gatvā śivapuraṃ ramyaṃ bhuktvā bhogān yathepsitān
jñānayogaṃ samāsādya gāṇapatyaṃ labhennaraḥ

90.12

yaḥ kuryānmerunāmānaṃ prāsādaṃ parameṣṭhinaḥ
sa yat phalamavāpnoti na tatsarvairmahāmakhaiḥ

90.13

sarvayajñatapodānatīrthavedeṣu yatphalam
tat phalaṃ sakalaṃ labdhvā śivavanmodate ciram

90.14

niṣadhaṃ nāma yaḥ kuryāt prāsādaṃ bhaktitaḥ sudhīḥ
śivalokamanuprāpya śivavanmodate ciram

90.15

kuryādvā yaḥ śubhaṃ viprā ! himaśailamanuttamam
himaśailopamairyānairgatvā śivapuraṃ śubham

90.16

jñānayogaṃ samāsādya gāṇapatyamavāpnuyāt
nīlādriśikharākhyaṃ vā prāsādaṃ yaḥ suśobhanam

90.17

kṛtvā vittānusāreṇa bhaktyā rudrāya śambhave
yatphalaṃ labhate martyastatphalaṃ pravadāmyaham

90.18

himaśaile kṛte bhaktyā yatphalaṃ prāk tavoditam
tatphalaṃ sakalaṃ labdhvā sarvadevanamaskṛtaḥ

90.18-2

rudralokamanuprāpya rudraiḥ sārddhaṃ pramodte
mahendraśailanāmānaṃ prāsādaṃ rudrasammatam

90.20

kṛtvā yatphalamāpnoti tatphalaṃ pravadāmyaham
mahendraparvatākārairvimānairvṛṣasaṃyutaiḥ

90.21

gatvā śivapuraṃ divyaṃ bhuktā bhogān yathepsitān
jñānaṃ vicāritaṃ rudraiḥ samprāpya munipuṅgavāḥ !

90.22

viṣayān viṣavattyaktā śivasāyujyamāpnuyāt
hemnā yastu prakurvīta prāsādaṃ ratnaśobhitam

90.23

drāviḍaṃ nāgaraṃ vāpi kesaraṃ vā vidhānataḥ
kūṭaṃ vā maṇḍapaṃ vāpi samaṃ vā dīrghameva ca

90.24

na tasya śakyate vaktuṃ puṇyaṃ śatayugairapi
jīrṇaṃ vā patitaṃ vāpi khaṇḍitaṃ sphuṭitaṃ tathā

90.25

pūrvavat kārayed yastu dāravādyaiḥ suśubhaṃ dvijāḥ !
prāsādaṃ maṇḍapaṃ vāpi prākāraṃ gopuraṃ tu vā

90.26

kartturapyadhikaṃ puṇyaṃ labhate nātra saṃśayaḥ
vṛttyarthaṃ vā prakurvīta naraḥ karma śivālaye

90.27

yaḥ sa yāti na sandehaḥ svargalokaṃ sabāndhavaḥ
yaścātmabhogasiddhyarthamapi rudrālaye sakṛt

90.28

karma kuryād yadi sukhaṃ labdhvā cāpi pramodite
tasmādāyatanaṃ bhaktyā yaḥ kuryānmunisattamāḥ !

90.28-2

kāṣṭheṣṭakādibhirmartyaḥ śivaloke mahīyate
prasādārthaṃ maheśasya prāsādo munipuṅgavāḥ !

90.30

karttavyaḥ sarvayatnena dharmakāmārthamuktaye
aśaktaścenmuniśreṣṭhāḥ ! prāsādaṃ kartumuttamam

90.31

sammārjanādibhirvāpi sarvān kāmānavāpnuyāt
sammārjanaṃ tu yaḥ kuryānmārjan‍yā mṛdu sūkṣamayā

90.32

cāndrāyaṇasahasrasya phalaṃ māsena labhate
yaḥ kuryāddhastapūtena gavyagomayavāriṇā

90.33

ālepanaṃ yathā nyāyyaṃ varṣacāndrāyaṇaṃ labhet
arddhakrośaṃ śivakṣetraṃ śivaliṅgāt samantataḥ

90.34

yastyajet dustyajān prāṇān śivasāyujyamāp nuyāt
svāyambhuvasya mānaṃ hi tathā bāṇasya suvratāḥ !

90.35

svāyambhuve tadarddhaṃ syāttasmādārṣe ca tadarddhakam
mānuṣe ca tadarddhaṃ syāt kṣetramānaṃ dvijottamāḥ !

90.36

evaṃ yatīnāmāvāse kṣetramānaṃ dvijottamāḥ !
rudrāvatāre cādyaṃ yacchiṣye caiva praśiṣyake

90.37

narāvatāre tacchiṣye tacchiṣye ca praśiṣyake
'śroparvate mahāpuṇye tasya prānte ca vā dvijāḥ !

90.38

tasmin vā yastyajet prāṇān śivasāyujyamāpnuyāt
vāraṇasyāṃ tathāpyeṣamavimukte viśeṣataḥ

90.39

kedāre ca mahākṣetre prayāge ca viśeṣataḥ
kurukṣetre ca yaḥ prāṇān santyajedu yāti nirvṛtim

90.40

prabhāse puṣkare'vantyāṃ tathā caivāmareśvare
vastrośailākule caiva mṛto yāti śivātmatām

90.41

vārāṇasyāṃ mṛto janturna jātu jantutāṃ vrajet
viviṣṭape vimukte ca kedāre saṅga meśvare

90.42

śālaṅge vā tyajet prāṇāṃstathā vai jambukeśvare
śukne khare vā gokarṇe bhāskare śe guheśvare

90.43

hiraṇyagarbhe nandīśe sa yāti paramāṃ gatim
niyamaiḥ śoṣya yo dehaṃ tyajet kṣetre śivasya tu

90.44

sa yāti śivatāṃ yogī mānuṣe daivike'pi vā |...
ārṣe vāpi muniśreṣṭhāstathā svāyambhuve'pi vā

90.45

svayaṃ bhūte tathā deve nātra kāryā vicāraṇā
ādhāyāgniṃ śivakṣetre sampūjya parameśvaram

90.46

svadehapiṇḍaṃ juhuyād yaḥ sa yāti parāṅgatim
yāvatsāvannirāhāro bhūtvā prāṇān parityajet

90.47

śivakṣetre muniśreṣṭhāḥ ! śivasāyujyamāpnuyāt
chitvā pādadvayañcāpi śivakṣetre vasettu yaḥ

90.48

sa yāti śivatāṃ caiva nātra kāryā vicāraṇā
kṣetrasya darśanaṃ puṇyaṃ praveśastacchatādhikaḥ

90.49

tasmācchataguṇaṃ puṇyaṃ sparśanaṃ ca pradakṣiṇam
tasmācchataguṇaṃ puṇyaṃ jalasnānamataḥparam

90.50

kṣīrasnānaṃ tato viprāḥ ! śatādhikamanuttamam
dadhnā sahasramākhyātaṃ madhunā tacchatādhikam

90.51

ghṛtasnānena cānantaṃ śārkaṃre tacchatādhikam
śivakṣetrasamīpasthāṃ nadīṃ prāpyāvagāhya ca

90.52

tyajeddehaṃ vihāyānnaṃ śivaloke mahīyate
śivakṣetrasamīpasthā nadyaḥ sarvāḥ suśobhanāḥ

90.53

vāpīkūpataḍāgāśca śivatīrthā iti smṛtāḥ
snātvā teṣu naro bhaktyā tīrtheṣu dvijasattamāḥ !

90.54

brahmahatyādibhiḥ pāpairmucyate nātra saṃśayaḥ
prātaḥ snātvā muniśreṣṭhāḥ ! śivatīrtheṣu mānavaḥ

90.55

aśvamedhaphalaṃ prāpya rudralokaṃ sa gacchati
madhyāhne śivatīrtheṣu snātvā bhaktyā sajannaraḥ

90.56

gaṅgā snāna samaṃ puṇyaṃ labhate nātra saṃśayaḥ
astaṅgate tathā cārke snātvā gacchecchivaṃ padam

90.57

pāpakañcukamutsṛjya śivatīrtheṣu mānavaḥ
dvijāstrimavarṇaṃ jñātvā śivatīrthe sahodaraḥ

90.58

śivasāyujyamāpnoti nātra kāryā vicāraṇā
purāya sūkaraḥ kaścit śvānaṃ dṛṣṭvā bhayātpathi

90.56-2

prasaṅgādvāramekantu śivatīrthe'vagāhya ca
mṛtaḥ svayaṃ dvijaśreṣṭhā ! gāṇapatyamavāptavān

90.60

yaḥ prātardevadeveśaṃ śivaṃ liṅgasvarūpiṇam
paśyet sa yāti sarvebhyādadhikāṃ gatimeva ca

90.61

madhyāhne ca mahādevaṃ dṛṣṭvā yajñaphalaṃ labhet
sāyāhne sarvayajñānāṃ phalaṃ prāpya vimucyate

90.62

mānasairvācikaiḥ pāpaiḥ kāyikaiśca mahattaraiḥ
tathopapātakaiścaiva pāpaiścaivānupātakaiḥ

90.63

saṅgame devamīśānaṃ dṛṣṭvā liṅgākṛtiṃ prabhum
māsena yatkṛtaṃ pāpaṃ tyaktvā yāti śivaṃ padam

90.64

ayane cārddhamāsena dakṣiṇe cottarāyaṇe
viṣuve caiva sampūjya prayāti paramāṅgatim

90.65

pradakṣiṇatrayaṃ kuryyād yaḥ prāsādaṃ samantataḥ
savyāpasavyanyāyena mṛdugatyā śucirnaraḥ

90.66

pade pade'śvamedhasya yajñasya phalamāpnuyāt
vācā yastu śivaṃ nityaṃ saṃrauti parameśvaram

90.67

so'pi yāti śivaṃ sthānaṃ prāpyaṃ kiṃ punareva ca
kṛtvā maṇḍalakaṃ kṣetraṃ gavyagomayavāriṇā

90.68

muktāphalamayaiścūrṇerindranīlamayaistathā
padmarāgamayaiścaiva sphāṭikaiśca suśobhanaiḥ

90.69

tathā mārakataiścaiva sauvarṇai rājataistathā
tadvargailaukikaiścaiva cūrṇairvittavivarjitaiḥ

90.70

ālikhya kamalaṃ bhadraṃ daśahastapramāṇataḥ
sakarṇikaṃ mahābhāgā ! mahādevasamopataḥ

90.71

tatrāvāhya mahādevaṃ navaśaktisamanvitam
pañcabhiśca tathā ṣaḍbhiraṣṭābhiśceṣṭadaṃ param

90.72

punaraṣṭābhirogānaṃ daśāre daśabhistathā
punarbāhye ca daśabhiḥ sampajya praṇipatya ca

90.73

nivedya devadevāya kṣitidānaphalaṃ labhet
śālipiṣṭādibhirvāpi padmamālikhya nirdhanaḥ

90.74

pūrvoktamakhilaṃ puṇyaṃ labhate nātra saṃśayaḥ
dvādaśāraṃ tathālikhya maṇḍale padmamuttamam

90.75

ratnacūrṇādibhistūrṇaistathā dvādaśamūrtibhiḥ
maṇḍalasya ca madhye tu bhāskaraṃ sthāpya pūjayet

90.76

grahaiśca saṃhataṃ vāpi sūryyasāyujyamuttamam
evaṃ prākṛtamapyarthyānmaṇḍayaṃ parikalpya ca

90.77

madhyadeśe ca deveśīṃ prakṛtiṃ brahmarūpiṇīm
dakṣiṇe satvamūrttiṃ ca vāmataśca rajoguṇam

90.78

agratastu tamolūrttiṃ madhye devīṃ tathāmbikām
pañcabhūtāni tanmātrāpañcakañcaiva dakṣiṇe

90.79

karmendriyāṇi pañcaiva tathā buddhīndriyāṇi ca
uttare vidhivat pūjya maṇḍale caiva pūjayet

90.80

śrātmānaścāttarātmānaṃ yugataṃ suviśiya ca
ahaṅkārasya mahatā sarvayajñaphalaṃ labhet

90.81

evaṃ vaḥ kathitaṃ sarvvaṃ prākṛtaṃ maṇḍalaṃ param
ato vakṣyāmi viprendrāḥ ! sarvakāmārthasādhanam

90.82

gocarmamātramālikhya maṇḍalaṃ gomayena tu
caturasraṃ vidhānena vāribhyukṣya mantravit

90.83

alaṅkṛtya vitānādyaiśchatrairvāpi manoramaiḥ
budbudairarddhacandraiśca haimairakṣatapatrakaiḥ

90.84

sitairvikasitaiḥ padmai raktai rnīlotpalaistathā
muktādāmārdhatāntāmte lambitaistu sitairdhvajaiḥ

90.85

sitasṛtyātrakaiścaiva suśūktaiḥ pūrṇakumbhakaiḥ
phalapallavamālābhirvaijayantībhiraṃśukaiḥ

90.86

pañcāśaddīpamālābhirdhūpaiḥ pañcavidhaistathā
pañcāśaddalasaṃyuktamālikhet padmamuttamam

90.87

tattadvarṇaistathā cūrṇaiḥ śvetacūrṇairathāpi vā
ekahastapramāṇena kṛtvā padmavidhānataḥ

90.88

karṇikāyāṃ nyaseddevaṃ devyā deveśvaraṃ bhavam
varṇāni ca nyaset patre rudraiḥ prāgādyanukramāt

90.89

praṇavādi namo'ntāni sarvavarṇāni suvratāḥ !
sampūjyaivaṃ muniśreṣṭhā ! gandhapuṣpādibhiḥ kramāt

90.60-2

brāhmaṇān bhojayettatra pañcāśadvidhipūrvakam
akṣamālopavītañca kuṇḍalañca kamaṇḍalum

90.61-2

āsanañca tathā daṇḍamuṣṇīṣaṃ vastrameva ca
dattvā teṣāṃ munīndrāṇāṃ devadevāya śambhave

90.92

mahācaruṃ nivedayenaṃ kṛtvā gomithunaṃ tathā
ante ca devadevāya dāpayeccūrṇamaṇḍalam

90.93

yāgopayogadravyāṇi śivāya vinivedayet
oṅkārāya japeddhomān prativarṇamanukramāt

90.64-2

evamālikhya yo bhaktyā sarvamaṇḍalamūttamam
yat phalaṃ labhate marttyastadvadāmi samāsataḥ

90.65-2

sāṅgāna vedān yathā nyāyamadhītya vidhipūrvakam
iṣṭvā yajñairyathānyāyaṃ jyotiṣṭomādibhiḥ kramāt

90.96

tato viśvajidantaiśca puttrānutpādya tādṛśān
vānaprasthāśramaṃ gatvā sadāraḥ sāgnirèva ca

90.97

cāndrāyaṇādikāḥ sarvāḥ kṛtvānyasya kriyā dvijāḥ
brahmavidyāmadhītyaiva jñānamāsādya yatnataḥ

90.98

'
jñānena jñeyamālokya yogī yatkāmamāpnuyāt
tatphalaṃ labhate sarvaṃ varṇamaṇḍaladarśanāt

90.98-2

yena kenāpi vā martyaḥ pralipyāyatanāgrataḥ
uttare dakṣiṇe vāpi pṛṣṭhato vā dvijottamāḥ !

90.100

catuṣkoṇantu vā cūrṇairalaṅkṛtya samantataḥ
puṣpākṣatādibhiḥ pūjya sarvapāpaiḥ pramucyate

90.101

yastu garbhagṛhaṃ bhaktyā sakṛdālipya sarvataḥ
candanādyaiḥ sakarpūrairgandhadravyaiḥ samantataḥ

90.102

vikaurya gandhakusumairdhūpairdhūpya caturvidhaiḥ
prārthayeddevamīśānaṃ śivalokaṃ sa gacchati

90.103

tatra bhuktvā mahābhogān kalpakoṭiśataṃ naraḥ
khadeṅgalakṣakusumaiḥ pūrayan śivamandiram

90.104

kramād gāndharvamāsādya gandharvaiśca supūjitaḥ |.
kramādāgatya loke'smin rājā bhavati vīryyavān

90.105

ādidevo mahādevaḥ pralayasthitikārakaḥ
sargaśca bhuvanādhīśaḥ sarvvavyāpī sadāśivaḥ
śivabrahmāmṛtaṃ grāhyaṃ mokṣasādhanamuttamam

90.106

vyaktāvyaktaṃ sadā nityamacintyamarccayat prabhum

90.106.p1

iti śrīlaiṅge pūrvvabhāge upalepanādikathanaṃ nāma saptasaptatitamo'dhyāyaḥ

Linked texts (3)