Linga 92
Liṅga 92
- Language
- Sanskrit
Contents
- 92.37 — 1 part
92.1
ekonāśītitamo'dhyāyaḥ
ṛṣaya ūcuḥ
kathaṃ pūjyo mahādevo martyaimandai rmahāmate !
alpāyuṣairalpavīryyai ralpasattvaiḥ prajāpatiḥ
92.2
saṃvatsarasahasraiśca tapasā pūjya śaṅkaram
na paśyanti surāścāpi kathaṃ devaṃ yajanti te
92.3
sūta uvāca
kathitaṃ tathyamevātra yuṣmābhirmunipuṅgavāḥ !
tathāpi śraddhayā dṛśyaḥ pūjyaḥ sambhāṣya eva ca
92.4
prasaṅgāccaiva sampūjya bhaktihaunairapi dvijāḥ !
bhāvānurūpaphalado bhagavāniti kīrttitaḥ
92.5
ucchiṣṭaḥ pūjayan yāti paiśācaṃ tu dvijādhamaḥ
saṃkruddho rākṣasaṃ sthānaṃ prāpnu yānmūḍhadhaurddi jāḥ
92.6
abhakṣyabhakṣī sampūjya yākṣaṃ prāpnoti durjanaḥ
gānaśīlaśca gāndharvaṃ nṛtyaśīlastathaiva ca
92.7
khyātiśīlastathā cāndraṃ strīṣu sakto narādhamaḥ
madārttaḥ pūjayan rudraṃ somasthānamavāpnu yāt
92.8
gāyanyā devamabhyarcya prājāpatyamavāpnu yāt
brāhmā hi praṇavenaiva vaiṣṇavaṃ cābhinandya ca
92.9
śraddhayā sakṛdevāpi samabhyarcya maheśvaram
rudralokamanuprāpya rudraiḥ sārddhaṃ pramodte
92.10
saṃśodhya ca śubhaṃ liṅgamamarāsurapūjitam
jalaiḥ pūtaistathā pauṭhe devamāvāhya bhaktitaḥ
92.11
dṛṣṭvā devaṃ yathānyāyaṃ praṇipatya ca śaṅkaram
kalpite cāsane sthāpya dharmajñānamaye śubhe
92.12
vairāgyaiśvaryya sampanne sarvvalokanamahaskṛte
oṅkārapadmamadhye tu somasūryāgnirūpave
92.13
prādyamācamanaṃ cārghyaṃ dattvā rudrāya manyave
snāpayeddivyatoyaiśca ghṛtena payasā tathā
92.14
dadhnā ca snāpayedrudraṃ śodhayecca yathāvidhi
tataḥ śuddhāmbu nā snāpya candanādyaiśca pūjayet
92.15
rocanādyaiśca sampūjya divyapuṣpaiśca pūjayet
bilvapatrairakhaṇḍaiśca padmairnānāvidhaistathā
92.16
nīlotpalaiśca rājīvairnandyāvartaiśca mallikaiḥ
campakairjātipuṣpaiśca bakulaiḥ karavīrakaiḥ
92.17
śamīpuṣpairvṛhatapuṣpai raktaistyāgastyajairapi
apāmārgakadambaiśca bhūṣaṇairapi śobhanaiḥ
92.18
dattvā pañcavidhaṃ dhūpaṃ pāyasaṃ ca nivedayet
dadhibhaktaṃ ca madhvājyapariśrutamattaḥparam
92.18-2
śuddhānnaṃ caiva mudrānnaṃ ṣaḍvidhaṃ ca nivedayet
atha pañcavidhaṃ vāpi saghṛtaṃ vinivedayet
92.20
kevalaṃ cāpi śuddhānnamāḍhakaṃ taṇḍulaṃ pacet
kṛtvā pradakṣiṇaṃ cānte namaskṛtya muhurmuhuḥ
92.21
stutvā ca devamīśānaṃ punaḥ sampūjya śaṅkaram
īśānaṃ puruṣaṃ caiva aghoraṃ vāmameva ca
92.22
sadyojātaṃ japaṃścāpi pañcabhiḥ pūjayecchivam
anena vidhinā devaḥ prasīdati maheśvaraḥ
92.23
vṛkṣāḥ puṣpādipatrādyairupayuktāḥ śivārcane
gāvaścaiva dvijaśreṣṭhāḥ prayānti paramāṅgatim
92.24
pūjayed yaḥ śivaṃ rudraṃ śarvaṃ bhavamajaṃ sakṛt
sa yāti śivasāyujyaṃ punarāvṛttivarjitam
92.25
acitaṃ parameśānaṃ bhavaṃ śarvamumāpatim
sakṛtprasaṅgādvā dṛṣṭvā sarvapāpaiḥ pramucyate
92.26
pūjitaṃ vā mahādevaṃ pūjyamānamathāpi vā
dṛṣṭvā prayāti vai mayyò brahmalokaṃ na saṃśayaḥ
92.27
śrutvānumodayeccāpi sa yāti paramāṅgatim
yo dadyād ghṛtadīpañca sakalliṅgasya cāgrataḥ
92.28
sa tāṃ gatimavāpnoti svāśramairdulaibhāṃ sthirām
dīpavṛkṣaṃ pārthivaṃ vā dāravaṃ vā śivālaya
92.28-2
dattvā kulaśataṃ sāgraṃ śivaloke mahīyate
āyasaṃ tāmrajaṃ vāpi raupyaṃ sauvarṇikaṃ tathā
92.30
śivāya dīpaṃ yo dadyādvidhinā vāpi bhaktitaḥ
sūryyāyutasamaiḥ ślakṣṇairyyārnaiḥ śivapuraṃ vrajet
92.31
kārttike māsi yo dadyāt ghṛtadīpaṃ śivāyataḥ
sampūjyamānaṃ vā paśyedvidhinā parameśvaram
92.32
sa yāti brahmaṇo lokaṃ śraddhayā munisattamāḥ !
āvāhanaṃ susānnidhyaṃ sthāpanaṃ pūjanaṃ tathā
92.33
saṃproktaṃ rudragāyattryā āsanaṃ praṇavena vai
pañcabhiḥ srapanaṃ proktaṃ rudrādyaiśca viśeṣataḥ
92.34
evaṃ sampa jayennityaṃ devadevamumāpatim
brahmāṇaṃ dakṣiṇe tasya praṇavena samarttayet
92.35
uttare devadeveśaṃ viṣṇuṃ gāyatriyā yajet
vahnau hutvā yathānyāyaṃ pañcabhiḥ praṇavena ca
92.36
sa yāti śivasāyujyameva sampū jya śaṅkaram
iti saṃkṣepataḥ prokto liṅgārcanavidhikramaḥ
92.37
vyāsena kathitaḥ pūrvaṃ śrutvā rudramukhāt svayam
92.37.p1
iti śrīlaiṅge śivārcanavidhirnāmaikonāśītitamo'dhyāyaḥ aśītitamo'dhyāyaḥ
Linked texts (3)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Śaivasarvasvasāra — Vidyāpati, Sanskrit