Linga 94
Liṅga 94
- Language
- Sanskrit
Contents
- 94.60 — 1 part
94.1
sahasrasūryyapratimaṃ mahāntaṃ sahasraśaḥ sarvvaguṇaiśca bhinnam
jagāmakailāsagiriṃ mahātmā meruprabhāme puramādidevaḥ
94.12
tato'tha nārī gajavājiśaṅku laṃ rathairane kairamarārisūdanaḥ
gaṇairgaṇeśaiśca giraundrasannibhaṃ mahāpuradvāramajo hariśca
94.13
śubhra jāmbū nadamayairbhavanairmaṇibhūṣitaiḥ
vimānairvvividhākāraiḥ prākāraiśca samāvṛtam
94.14
dṛṣṭvā śambhoḥ purambādyaṃ devaiḥ sabrahmakairhariḥ
prakṛṣṭavadano bhūtvā praviveśa tataḥ puram
94.15
harmyaprāsādasambādhaṃ mahāṭṭālasamanvitam
dvitīyaṃ devadevasya caturdvāraṃ suśobhanam
94.16
vajravaidūryyamāṇikyamaṇijālaiḥ samāhṛtam
dolāvicepasaṃyuktaṃ ghaṇṭācāmarabhūṣitam
94.17
mṛdaṅgamurajairṛṣṭaṃ vīṇāveṇunināditam
nṛtyadbhirapsaraḥsaṅghairbhūtasaṅghaiśca saṃhṛtam
94.18
devendrabhavanākārairbhavanairhṛṣṭimohanaiḥ
ādasṛñje vyaya pauranāryyaḥ sahasraśaḥ puṣpaphalākṣatādyaḥ
94.18-2
āḥ karaistasya hareḥ samantāt pracicitpurmūrdhni yathā bhavasya
ā nāryyastadā viṣṇuṃ madaghūrṇitalocanāḥ
94.20
prālajaghanāḥ sadyo nanṛturmumudurjaguḥ
pridṛṣṭvā hariṃ nāryyaḥ kiñcit prahasitānanāḥ
94.21
kiñcidvisrastavastrādyasrastakāñcīguṇā jaguḥ
caturthaṃ pañcamañcaiva ṣaṣṭhaṃ ca saptamaṃ tathā
94.22
aṣṭamaṃ navamañcaiva daśamañca purottamam
atītyāsādya devasya puraṃ śambhoḥ suśobhanam
94.23
suvṛttaṃ sutarāṃ śubhraṃ kailāsaśikhare śubhe
sūryyamaṇḍalasaṅgāgrairvimānaiśca vibhūṣitam
94.24
sphāṭikairmaṇḍapaiḥ śubhrai rjāmbūnadamayaistathā
nānāratnamayaiścaiva digvidinu vibhūṣitam
94.25
gopurairgopatiḥ śambhornānābhūṣaṇabhūṣitaiḥ
anekaiḥ sarvatobhadraiḥ sarvaratnamayaistathā
94.26
prākārairvividhākārairaṣṭāviṃśatibhirvṛtam
upahārairmahādvārairvi dikṣu vividhairdṛḍhaiḥ
94.27
guhyālayairguhyagṛhairgṛhyasya bhavanaiḥ śubhaiḥ
grāmyairanyairmahābhāgā mauktikairdṛṣṭimohanaiḥ
94.28
gaṇeśāyatanairdivyaiḥ padmarāgamayaistathā
candanairvividhākāraiḥ puṣpodyānaiśca śobhanaiḥ
94.29
taḍāgairdīrghikābhiśca hemasopānapaṃktibhiḥ
strīṇāṃ gatijitairhaṃsaiḥ sevitābhiḥ samantataḥ
94.30
mayūraiścaiva kāraṇḍaiḥ kokilaiścakravālakaiḥ
śobhitābhiśca vāpībhirdivyāmṛtajalaistathā
94.31
saṃlāpālāpakuśalaiḥ sarvābharaṇabhūṣitaiḥ
stanabhārāvanamraiśca madāghūrṇitalocanaiḥ
94.32
geyanādaratairdivyai rudrakanyāsahasrakaiḥ
nṛtyadbhirapsaraḥsaṅghairamarairapi durlabhaiḥ
94.33
praphullāmbujavṛndāyai stathā dvijavarairapi
rudrastrīgaṇasaṅkīrṇairjalakrīḍārataistathā
94.34
ratotsavastaiścaiva lalitaiśca padepade
grāmarāgānuraktaiśca padmarāgasamaprabhaiḥ
94.35
strīsaṅghairdevadevasya bhavasya paramātmanaḥ
dṛṣṭvā vismayamāpannāstatra devāḥ samantataḥ
94.36
tatraiva dadṛśurdevā vṛndaṃ rudragaṇasya ca
gaṇeśvarāṇāṃ vīrāṇāmapi vṛndaṃ sahasraśaḥ
94.37
suvarṇakṛtasopānān vajravaidūryabhūṣitān
sphāṭikān devadevasya dadṛśuste vimānakān
94.38
teṣāṃ śṛṅgeṣu dṛṣṭāśca nāryyaḥ kamalalocanāḥ
viśālajaghanā yakṣā gandharvāpsarasastathā
94.39
kinnaryyaḥ kinnarāścaiva bhujaṅgāḥ siddhakanyakāḥ
nānāveṣadharāścānyā nānābhūṣaṇabhūṣitāḥ
94.40
nānāprabhāvasaṃyuktā nānābhogaratipriyāḥ
nīlotpaladalaprakhyāḥ padmapatrāyatekṣaṇāḥ
94.41
padmakiñjalkasaṅkāśairaṃśukairatiśobhanāḥ
valayairnūpurairhārairmlānaiścitaistathāṃśukaiḥ
94.42
bhūṣitā bhūṣitaiścānyai sevitā maṇḍanapriyāḥ
dṛṣṭvātha vṛndaṃ surasundarīṇāṃ gaṇeśvarāṇāṃ surasundarīṇām
jagmu rgaṇeśasya puraṃ sureśāḥ puradviṣaḥ śakrapurogamāśca
94.43
dṛṣṭvā ca tasthuḥ surasiddhasaṅghāḥ purasya madhye puruhūtapūrvāḥ
bhavasya bālārkasahasravarṇaṃ vimānamādyaṃ parameśvarasya
94.44
atha tasya vimānasya dvārisaṃsthaṃ gaṇeśvaram
nandinaṃ dadṛśuḥ sarve devāḥ śakrapurogamāḥ
94.45
taṃ dṛṣṭvā nandinaṃ sarve praṇamyogurgaṇeśvaram
jayeti devāstaṃ dṛṣṭvā so'pyāha ca gaṇeśvaraḥ
94.46
bho ! bho ! devā mahābhāgāḥ ! sarve nirdhūtakalmaṣāḥ !
samprāptāḥ sarvalokeśā vakta marhatha suvratāḥ !
94.47
tamāhurvaradaṃ devaṃ vāraṇendrasamaprabham
paśupāyavimokṣārthaṃ darśayāsmān maheśvaram
94.48
purā puratrayaṃ dagdhuṃ paśutvaṃ paribhāṣitam
śaṅkitāśca vayaṃ tatra paśutvaṃ prati suvrata !
94.48-2
vrataṃ pāśupataṃ proktaṃ bhavena parameṣṭhinā
vratenānena bhūteśa ! paśutvaṃ naiva vidyate
94.50
atha dvādaśavarṣaṃ vā māsadvādaśakaṃ tu vā
dinadvādaśakaṃ vāpi kṛtvā tadvratamuttamam
94.51
mucyante paśavaḥ sarve paśupārśeścaivasya tu
darśayāmāsa tān devān nārāyaṇapurogamān
94.52
nandī śilādatanayaḥ sarvabhūtagaṇāgraṇīḥ
taṃ dṛṣṭvā devamīśānaṃ sāmbaṃ sagaṇamavyayam
94.53
praṇemustuṣṭuvuścaiva prītikāṇṭhakitatvacaḥ
vijñāpya kṣitikaṇṭhāya paśupāyavimokṣaṇam
94.54
tasyustadagrataḥ śambhoḥ praṇipatya punaḥpunaḥ
tataḥ samprekṣya tān sarvvān devadevo vṛṣadhvajaḥ
94.55
viśodhya teṣāṃ devānāṃ paśutvaṃ parameśvaraḥ
vrataṃ pāśupataṃ caiva svayaṃ devo maheśvaraḥ
94.56
upadiśya munīnāṃ ca sahāste cāmbayā bhavaḥ
tadāprabhṛti te devāḥ sarvve pāśupatāḥ smṛtāḥ
94.57
paśūnāṃ ca patiryasmātteṣāṃ sākṣāhi devatāḥ
tasmāt pāśupatāḥ proktāstapastepuśca te punaḥ
94.58
tato dvādaśavarṣānte muktapāśāḥ surottamāḥ
yayuryathāgataṃ sarvve brahmaṇā saha viṣṇunā
94.56-2
etadvaḥ kathitaṃ sarvvaṃ pitāmahamukhācchrutam
purā sanatkumāreṇa tasmād vyāsena dhīmatā
94.60
yaḥ śrāvayecchucirviprān śṛṇuyādvā śucirnaraḥ
sa dehabhedamāsādya paśupāśaiḥ pramucyate
94.60.p1
iti śrīlaiṅge pāśupatavratamāhātmyaṃ nāmāśītitamo'dhyāyaḥ || 80
Linked texts (4)
- Liṅgapurāṇa — Vyāsa, Sanskrit
- Kriyāsāra — Śrīkaṇtha, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Śaṅkarasaṃhitā — Vyāsa, Sanskrit