Pramāṇa · Search · About · API

Linga 95

Liṅga 95

Language
Sanskrit

Contents

95.1

ekāśītitamo'dhyāyaḥ
ṛṣaya ūcuḥ
vratametat tvayā proktaṃ paśupāśavimokṣaṇam
vrataṃ pāśupataṃ laiṅgaṃ purādevairanuṣṭhitam

95.2

vaktumarhasi cāsmākaṃ yathāpūrvaṃ tvayā śrutam
sūta uvāca
purā sanatkumāreṇa pṛṣṭaḥ śailādirādarāt

95.3

nandī prāha vacastasmai pravadāmi samāsataḥ
devairdaityaistathā siddhairgandharvaiḥ siddhacāraṇaiḥ

95.4

munibhiśca mahābhāgairanuṣṭhitamanuttamam
vrataṃ dvādaśaliṅgākhyaṃ paśupārśvavimokṣaṇam

95.5

bhogadaṃ yogadaṃ saivaṃ kāmadaṃ muktidaṃ śubham
aviyogakaraṃ puṇyaṃ bhaktānāṃ bhayanāśanam

95.6

ṣaḍaṅgasahitān vedān mathitvā tena nirmitam
sarvadānottamaṃ puṇyamaśvamedhāyutādhikam

95.7

sarvamaṅgaladaṃ puṇyaṃ sarvaśatruvināśanam
saṃsārārṇavamagnānāṃ jantūnāmapi mokṣadam

95.8

sarvavyādhiharaṃ caiva sarvajvaravināśanam
devairanuṣṭhitaṃ pūrvaṃ brahmaṇā viṣṇunā tathā

95.6-2

kṛtvā kanīyasaṃ liṅgaṃ snāpya candanavāriṇā
caitramāsādi viprendrāḥ śivaliṅgavratañcaret

95.10

kṛtvā haimaṃ śubhaṃ padmaṃ karṇikākesarānvitam
navaratnaiśca khacitamaṣṭapatraṃ yathā vidhi

95.11

karṇikāyāṃ nyaselliṅgaṃ sphāṭikaṃ pīṭhasaṃyutam
tatra bhaktyā yathānyāyamārcayed bilvapatrakaiḥ

95.12

sitaiḥ sahasrakamalairaktairnīlotpalairapi
śvetārkakarṇikāraiśca karavīrairbakairapi

95.13

etairanyairyathālābhaṃ gāyatryā tasya suvratāḥ
sampūjya caiva gandhādyairdhūpairdī paiśca maṅgalaiḥ

95.14

nīrājanādyaiścānyaiśca liṅgamūttiṃ maheśvaram
aguruṃ dakṣiṇe dadyādaghoreṇa dvijottamāḥ !

95.15

paścime sadyamantreṇa divyāñcaiva manaḥśilām
uttare vāmadevena candanaṃ vāpi dāpayet

95.16

puruṣeṇa muniśreṣṭhā ! haritālaṃ ca pūrvvataḥ
sitāgurudbhavaṃ viprāstathā kṛṣṇāgurudbhavam

95.17

tathā gugguladhūpañca saugandhikamanuttamam
sitāraṃ nāma dhūpañca dadyādīśāya bhaktitaḥ

95.18

mahācarurnnivedyaḥ syādāmakānnannathāpi vā
etadduḥ kathitaṃ puṇyaṃ śivaliṅgamahāvratam

95.18-2

sarvvamāseṣu sāmānyaṃ viśeṣo'pi ca kīrtyate
vaiśākhe vajraliṅgaṃ ca jyeṣṭhe mārakataṃ tathā

95.20

āṣāḍhe mauktikaṃ liṅgaṃ śrāvaṇe nīlanirmitam
māsi bhādrapade liṅgaṃ padmarāgamayaṃ śubham

95.21

āśvine caiva viprendrāḥ ! gomedakamayaṃ śubham
pravālenaiva kārttikyāṃ tathā vai mārgaśīrṣake

95.22

vaidūryyanirmitaṃ liṅgaṃ puṣparāgeṇa puṣyake
māghe ca sūryyakāntena phālgune sphāṭikena ca

95.23

sarvvamāseṣu kamalaṃ haimamekaṃ vidhīyate
alābhe rājataṃ vāpi kevalaṃ kamalaṃ tu vā

95.24

ratnānāmapyalābhe tu hemnā vā rājatena vā
rajatasyāpyalābhe tu tāmralohena kārayet

95.25

śailaṃ vā dārujaṃ vāpi vṛkṣṇamayaṃ vā savedikam
sarvvagandhamayaṃ vāpi kṣaṇikaṃ parikalpayet

95.26

haimantike mahādevaṃ śrīpaceṇaiva pūjayet
sarvvamāseṣu kamalaṃ haimamekamathāpi vā

95.27

rājataṃ vāpi kamalaṃ haimakarṇikamuttamam
rājatasyāpyabhāve tu bilvapatraiḥ samarcayet

95.28

sahasrakamalālābhe tadaī nāpi pūjayet
tada‌rddhāṅge na vā rudramaṣṭottaraśatena vā

95.28-2

bilvapatre sthitā lakṣmaurdevī lakṣaṇasaṃyutā
nīlotpale'mbikāsāccādutpale ṣaṇmukhaḥ svayaṃm

95.30

padmāśrito mahādevaḥ sarvvadevapatiḥ śivaḥ
tasmāt sarvvaprayatne na śrīpatraṃ na tyajed budhaḥ

95.31

nīlotpalaṃ cotpalaṃ ca kamalaṃ ca viśeṣataḥ
sarvvavaśyakaṃ padmaṃ śilāsarvvārthasiddhidā

95.32

kṛṣṇāgurusamudbhūtaṃ sarvvapāpanikṛntanam
guggu laprabhṛtīnāṃ ca dīpānāñca nivedanam

95.33

sarvvarāgacayañcaiva candanaṃ sarvvasiddhidam
saugandhikaṃ tathā dhūpaṃ sarvvakāmārthasādhakam

95.34

śvetāgurudbhavañcaiva tathā kṛṣṇāgurudbhavam
saumyaṃ sautāri dhūpaṃ ca sākṣān nirvāṇasiddhidam

95.35

śvetārkakusume sākṣāccaturvvaktraḥ prajāpatiḥ
karṇikārasya kusume medhā sākṣād vyavasthitā

95.36

karavaure gaṇādhyakṣyo bake nārāyaṇaḥ svayam
sugandhiṣu ca sarvveṣu kusumeṣu nagātmajā

95.37

tasmādetaiairyyālābhaṃ puṣpadhūpādibhiḥ śubhaiḥ
pūjayed devadeveśa bhaktyā vittānusārataḥ

95.38

nivedayet tato bhaktyā pāyasaṃ ca mahācarum
saghṛtaṃ sopadaṃśañca sarva dravyasamanvitam

95.36-2

śuddhānnaṃ vāpi mudrānnamāḍhakaṃ cārddha kaṃ tu vā
cāmaraṃ tālavṛntaṃ ca tasmai bhaktyā nivedayet

95.40

upahārārṇi puṇyāni nyāyenaivārjitānyapi
nānāvidhāni cārhāṇi prokṣitānyambhasā punaḥ

95.41

nivedayecca rudrāya bhaktiyuktena cetasā
kṣīrāhai sarva devānāṃ sthityarthamamṛtaṃ dhruvam

95.42

viṣṇunā jiṣṇunā sākṣādanne sarvaṃ pratiṣṭhitam
bhūtānāmannadānena prītirbhavati śaṅkare

95.43

tasmāt sampū jayed devamanne prāṇāḥ pratiṣṭhitāḥ
upahāre tathā tuṣṭirvyajane pavanaḥ svayam

95.44

sarvātmako mahādevo gandhatoye hyapāṃ patiḥ
pīṭhe vai prakṛtiḥ sākṣānmahadādyairvyavasthitā

95.45

tasmād devaṃ yajedbhaktyā pratimāsaṃ yathāvidhi
paurṇamāsyāṃ vrataṃ kāryyaṃ sarvakāmārthasiddhaye

95.46

satyaṃ śaucandayā śāntiḥ santoṣo dānameva ca
paurṇamāsyāmamāvāsyāmupavāsaṃ ca kārayet

95.47

saṃvatsarānte godānaṃ vṛṣotsargaṃ viśeṣataḥ
bhojayed brāhmaṇān bhaktyā śrotriyān vedapāragān

95.48

talliṅgaṃ pūjitaṃ tena sarvaṃ dravyasamanvitam
sthāpayeddā śivakṣetre dāpayed brāhmaṇāya vā

95.48-2

ya evaṃ sarvamāseṣu śivaliṅgamahāvratam
kuryād bhaktyā muniśreṣṭhāḥ ! sa eva tapatāṃ varaḥ

95.50

sūryyakoṭipratīkāśairvimānairatnabhūṣitaiḥ
gatvā śivapuraṃ divyaṃ nehāyāti kadācana

95.51

athavā hyekamāsaṃ vā caredevaṃ vratottamam
śivalokamavāpnoti nātra kāryyā vicāraṇā

95.52

athavā saptacittasthainyān sañcintayeddarān
varṣamekaṃ careddevaṃ tāṃstān prāpya śivaṃ vrajet

95.53

devatvaṃ vā pitṛtvaṃ vā devarājatvameva ca
gāṇapatyapadaṃ vāpi sakto'pi labhate naraḥ

95.54

vidyārthī labhate vidyāṃ bhogārthī bhogamāpnuyāt
dravyārthī ca nidhiṃ paśye dāyuḥkāmaścirāyuṣam

95.55

yānyāṃścintayate kāmāṃstāṃstān prāpyeha modate
ekamāsavratādeva so'nte rudratvamāpnuyāt

95.58

idaṃ pavitraṃ paramaṃ rahasyaṃ vratottamaṃ viśvasṛjāpi sṛṣṭam
hitāya devāsurasiddhamartya vidyādharāṇāṃ paramaṃ śivena 56
pūjya pūjyaṃ vidhinaivamīśaṃ praṇamya mūrdhnā saha bhṛtyaputraiḥ
gehanaṃ nāma japet stavaṃ ca pradakṣiṇaṃ kṛtya śivaṃ prayatnāt 57
kṛtaṃ viśvasṛjā stavaṃ ca hitāya devena jagattrayasya
nāmadvenaiva suraiśca sārddhaṃ mahānubhāvena mahārghyametat

95.58.p1

iti śrīlaiṅge pūrvabhāge ekāśītitamo'dhyāyaḥ dvayaśītitamo'dhyāyaḥ

Linked texts (2)