Pramāṇa · Search · About · API

Linga 96

Liṅga 96

Language
Sanskrit

96.1

sūtauvāca
vyapohanastavaṃ vakṣye sarvvasiddhipradaṃ śubham
nandinaśca mukhācchrutvā kumāreṇa mahātmanā

96.2

vyāsāya kathitaṃ tasmāt bahumānena vai mayā
namaḥ śivāya śuddhāya nirmalāya yaśasvine

96.3

dṛṣṭāntakāya sarvvāya bhavāya paramātmane
pañcavaktro daśabhujo hyakṣapañcadaśairyutaḥ

96.4

śuddhasphaṭikasaṅkāśaḥ sarvvābharaṇabhūṣitaḥ
sarvvajñaḥ sarvvagaḥ śāntaḥ sarvvopari susaṃsthitaḥ

96.5

padmāsanasthaḥ saṃmiśraḥ pāpamāśu vyapohatu
īśānaḥ puruṣaścaiva aghoraḥ sadyaeva ca

96.6

vāmadevaśca bhagavān pāpamāśu vyapohatu
anantaḥ sarvvavidyeśaḥ sarvvajñaḥ sarvvadaḥ prabhuḥ

96.7

śivadhyānaikasampannaḥ sa me pāpaṃ vyapohatu
sūkṣmaḥ surāsureśāno viśveśo gaṇapūjitaḥ

96.8

śivadhyānaikasampannaḥ sa me pāpaṃ vyapohatu
śivottamo mahāpūjyaḥ śivadhyānaparāyaṇaḥ

96.6-2

sarvvagaḥ sarvvadaḥ śāntaḥ sa me pāpaṃ vyapohatu
ekākṣo bhagavānīśaḥ śivārccanaparāyaṇaḥ

96.10

śivadhyānaikasampannaḥ sa me pāpaṃ vyapohatu
trimūrttirbhagavānīśaḥ śivabhaktiprabodhakaḥ

96.12

śivadhyānaikasampannaḥ sa me0
śrīkaṇṭhaḥ śrīpatiḥ śrīmān śivadhyānarataḥ sadā
śivārcanarataḥ sākṣāt sa me0
śikhaṇḍī bhagavān śāntaḥ śavabhasmānulepanaḥ

96.13

śivārcanarataḥ śrīmān sa me0
trailokyanamitā devī solphākārā purātanī

96.14

dākṣāyaṇī mahādevī gaurī haimavatī śubhā
ekaparṇāgrajā sobhyā tathā vai caikapāṭalā

96.15

aparṇā varadā devī varadānaikatatparā
umāsuraharā sākṣāt kauśikī vā kapardinī

96.16

khaṭvāṅgadhāriṇī divyā karāgratarupallavā
naigameyādibhirdivyaiścaturbhiḥ putrakairvṛtā

96.17

menāyā nandinī devī vārijā vārijekṣaṇā
ambā yā vītaśokasya nandinaśca mahātmanaḥ

96.18

śubhāvatyāḥ sakhī śāntā pañcacūḍā varapradā
sṛṣṭyarthaṃ sarvabhūtānāṃ prakṛtitvaṃ gatāvyayā

96.3-2

trayoviṃśatibhistattvai rmahadādyairvijṛmbhitā

96.18-2

lakṣmādiśaktibhirnityaṃ namitā nandamandinī

96.20

manonmanī mahādevamāyāvī maṇḍanapriyā
māyayā yā jagat sarvaṃ saṅgrāhyaṃ sacarācaram

96.21

kṣobhiṇī mohinī nityaṃ yogināṃ hṛdi saṃsthitā
ekānekasthitā loke indīvaranimekṣaṇā

96.22

bhaktyā paramayā nityaṃ sarvadevairabhiṣṭutā
gaṇeṣrāmbhojamarmendra yamacittaigmapūrvakaiḥ

96.23

saṃstutā jananī teṣāṃ sarvopadravanāśinī
bhaktānāmārttihā bhavyā bhavabhāvavināśinī

96.24

bhuktimuktipradā divyā bhaktānāmaprayatnataḥ
sā me sākṣānmahādevī pāpamāśu vyapohatu

96.25

caṇḍaḥ sarvagaṇeśāno mukhācchambhorvi nirgataḥ
śivārcanarataḥ śrīmān sa me pāpaṃ vyapohatu

96.26

śālaṅkāyanaputrastu haptamārgotthitaḥ prabhuḥ
jāmātā marutāṃ devaḥ sarvabhūtamaheśvaraḥ

96.27

sarvagaḥ sarva dṛk śarvaḥ sarveśasadṛśaḥ prabhuḥ
sanārāyaṇakairdevaiḥ sendracandradivākaraiḥ

96.28

siddhaiśca yakṣagandharvairbhūtairbhūtavidhāyakaiḥ
uragairṛṣibhiścaiva brahmaṇā ca mahātmanā

96.28-2

stutastrailokyanāthastu munirantaḥpuraṃ sthitaḥ
sarvvadā pūjitaḥ sarvvairnandīpāpaṃ vyapohatu

96.30

mahākāyo mahātejā mahādeva ivāparaḥ
śivārcanarataḥ śrīmān sa me pāpaṃ vyapohatu

96.31

merumandārakailāsa taṭa kūṭa pramarddanaḥ
airāvatādibhirdivyairdiggajaiśca supūjitaḥ

96.32

saptapātālapādaśca saptadvīporujaṅghakaḥ
saptārṇavāṃ kukṣiścaiva sarva tīrthodaraḥ śivaḥ

96.33

ākāśadeho digbāhuḥ somasūryāgnilocanaḥ
hatāsuramahāvṛkṣo brahmavidyāmahotkaṭaḥ

96.34

brahmādyādhoraṇairdivyairyogapāśasamanvitaiḥ
baddho hṛtpuṇḍarīkākhye stambhe hastiṃ nirudhya ca

96.35

nāgendravaktro yaḥ sākṣād gaṇakoṭiśatairvṛtaḥ
śivadhyānaikasampannaḥ sa me pāpaṃ vyapohatu

96.36

bhṛṅgīśaḥ piṅgalākṣo'sau bhasitāṅgastu dehayuk
śivārcanarataḥ śrīmān sa me pāpaṃ vyapohatu

96.37

caturbhistanubhirnityaṃ sarvāsuranibarhaṇaḥ
skandaḥ śaktidharaḥ śāntaḥ senānīḥ śikhivāhanaḥ

96.38

devasenāpatiḥ śrīmān sa me pāpaṃ vyapohatu
bhavaḥ śarvastatheśāno rudraḥ paśupatistathā

96.36-2

ugro bhīmo mahādevaḥ śivārcanarataḥ sadā
etāḥ pāpaṃ vyapohantu mūrtayaḥ parameṣṭhinaḥ

96.40

mahādevaḥ śivo rudraḥ śaṅkaro nīlalohitaḥ
īśāno vijayo bhīmo devadevo bhavodbhavaḥ

96.41

kapālīśaśca vijñeyo rudrā rudrāṃśasambhavāḥ
śivapraṇāmasampannā vyapohantu malaṃ mama

96.42

vikartano vivasvāṃśca mārtaṇḍo bhāskaro raviḥ
lokaprakāśakaścaiva lokasākṣī trivikramaḥ

96.43

ādityaśca tathā sūryyaścāṃśumāṃśca divākaraḥ
ete vai dvādaśādityā vyapohantu malaṃ mama

96.44

gaganaṃ sparśanaṃ tejo rasaśca pṛthivī tathā
candraḥ sūryyastathātmā ca tanavaḥ śivabhāṣitāḥ

96.45

pāpaṃ vyapohantu mama bhayaṃ nirnāśayantu me
vāsavaḥ pāvakaścaiva yamo nirṛtireva ca

96.46

varuṇo vāyusomau ca īśāno bhagavān hariḥ
pitāmahaśca bhagavān śivadhyānaparāyaṇāḥ

96.47

ete pāpaṃ vyapohantu manasā karmaṇā kṛtam
nabhasvān sparśano vāyuranilo mārutastathā

96.48

prāṇaḥ prāṇeśajīvaubhau mārutaḥ śivabhāṣitāḥ
śivācanaratāḥ sarve vyapohantu malaṃ mama

96.46-2

khecaro vasucārau ca brahmaśo brahmabrahmadhoḥ
suṣeṇaḥ śāśvataḥ pṛṣṭaḥ supuṣṭaśca mahābalaḥ

96.50

ete vai cāraṇāḥ śambhoḥ pūjayātīvabhāvitāḥ
vyapohantu malaṃ sarvvapāpaṃ caiva mayā kṛtam

96.51

mantrajño mantravidyājño mantrarāṭ siddhapūjitaḥ
siddhavat paramaḥ siddhaḥ sarvvasiddhipradāyinaḥ

96.52

vyapohantu malaṃ sarve siddhāḥ śivapadārccakāḥ
yakṣo yakṣeśadhanado jṛmbhako maṇibhadrakaḥ

96.53

pūrṇabhadreśvaro mālī gitikuṇḍalirava ca
narendraścaiva yakṣeṇrā vyapohantu malaṃ mama

96.54

anantaḥ kulikaścaiva vāsukīstakṣakastathā
karkoṭako mahāpadmaḥ śaṅkhapālo mahābalaḥ

96.55

śivapraṇāmasampannāḥ śivadehaprabhūṣaṇāḥ
mama pāpaṃ vyapohantu viṣaṃ sthāvarajaṅgamam

96.56

vīṇānnaḥ kinnaraścaiva surasenaḥ pramarddanaḥ
atīśayaḥ saprayogo gītajñaścaiva kinnarāḥ

96.57

śivapraṇāmasampannā vyapohantu malaṃ mama
vidyādharaśca vibudho vidyārāśiviṃdāmbaraḥ

96.58

vibuddho vibudhaḥ śrīmān kṛtajñaśca mahāyaśāḥ
ete vidyādharāḥ sarve śivadhyānaparāyaṇāḥ

96.59

vyapohantu malaṃ ghoraṃ mahādevaprasādataḥ
vāmadevo mahājanmā kālanemirmahābalaḥ

96.60

sugrīvo mardakaścaiva piṅgalo devamardanaḥ
prahlādaścāpyanuhlādaḥ, saṃhlādaḥ kilabāṣkalī

96.61

jambhaḥ kumbhaśca māyāvī kārtavīryyaḥ kṛtañjayaḥ
ete śūrā mahātmāno mahādevaparāyaṇāḥ

96.62

vyapohantu bhayaṃ ghoramāsuraṃ bhāvameva ca
garutmān khagatiścaiva pakṣirāṅ nāgagarddanaḥ

96.63

nāgaśatrurhiraṇyāṅgo vainateyaḥ prabhañjanaḥ
nāgāśīrviṣanāśaśca viṣṇuvāhana eva ca

96.64

ete hiraṇyavarṇābhā garuḍā viṣṇuvāhanāḥ
nānābharaṇasampannā vyapohantu malaṃ mama

96.65

agastyaśca vasiṣṭhaśca aṅgirā bhṛgureva ca
kāśyapo nāradaścaiva dadhīcaścyavanastathā

96.66

upamanyu stathānye ca ṛṣayaḥ śivabhāvitāḥ
śivārccanaratāḥ sarve vyapohantu malaṃ mama

96.67

pitaraḥ pitāmahāśca tathaiva prapitāmahāḥ
agniṣvāttā barhiṣadastathā mātāmahādayaḥ

96.68

vyapohantu bhayaṃ pāpaṃ śivadhyānaparāyaṇāḥ
lakṣmośca dharaṇīcaiva gāyatrī ca sarakhatī

96.69

durgā uṣā śacī jyeṣṭhā mātaraḥ surapūjitāḥ
devānāṃ mātaraścaiva gaṇānāṃ mātarastathā

96.70

bhūtānāṃ mātaraḥ sarvā yatra yā gaṇamātaraḥ
prasādāddevadevasya vyapohantu malaṃ mama

96.71

urvvaśī menakā caiva raṃbhā rati stilottamāḥ
sumukho durmukho caiva kāmukī kāmavarddhanī

96.72

tathānyāḥ sarvalokeṣu divyāśvāpsarasastathā
śivāya tāṇḍavaṃ nityaṃ kurvantyo'tīvabhāvitāḥ

96.73

devyaḥ śivārcanaratā vyapohantu malaṃ mama
sūryyaḥ somo'ṅgārakaśca budhaścaiva bṛhaspatiḥ

96.74

śukraḥ śanaiścaraścaiva rāhuḥ ketustathaiva ca
vyapohantu bhayaṃ ghoraṃ grahapīḍāṃ śivārcakāḥ

96.75

meṣo vṛṣo'tha mithunastathā karkaṭakaḥ śubhaḥ
siṃhaśca kanyā vipulā tulā vai vṛścikastathā

96.76

dhanuśca makaraścaiva kumbho mīnastathaiva ca
rāśayo dvādaśa hyete śivapūjāparāyaṇāḥ

96.77

vyapohantu bhayaṃ pāpaṃ prasādāt parameṣṭhinaḥ
aśvinau bharaṇī caiva kṛttikā rohiṇī tathā

96.78

śrīmanmṛgaśiraścārdrā punarvasupuṣyasārpakāḥ
maghā vai pūrvaphālyunya uttarā phālgunī tathā

96.79

hastacitrā tathā svātī viśākhā cānurādhikā
jyeṣṭhā mūlaṃ mahābhāgā pūrvāṣāḍhā tathaiva ca

96.80

uttarāṣāḍhikā caiva śravaṇaṃ ca śraviṣṭhikā
śatabhiṣak pūrvabhadrā tathā proṣṭhapadā tathā

96.81

pauṣṇañca devyaḥ satataṃ vyapohantu malaṃ mama
jvaraḥ kumbhodaraścaiva śaṅkukarṇo mahābalaḥ

96.82

mahākarṇaḥ prabhātaśca mahābhūtapramarddanaḥ
ślenajihvovadūṃkṣaśca pramathāḥ prītavarddhanāḥ

96.83

koṭikoṭiśataiścaiva bhūtānāṃ mātaraḥ sadā
vyapohantu bhayaṃ pāpaṃ mahādevaprasādataḥ

96.84

śivadhyā naikasampanno himarāḍambusavibhaḥ
kunde ndusadṛśākāraḥ kumbhakunde ndu bhūṣaṇaḥ

96.85

vaḍavānalagraca yo vaḍavāsukhabhedanaḥ
catuṣpādasamāyuktaḥ kṣīrodadrava pāṇḍuraḥ

96.86

rudraloke sthito nityaṃ rudraiḥ sārddhaṃ gaṇeśvaraiḥ
vṛṣendro viśvadhṛgde vo viśvasya jagataḥ pitā

96.87

vṛto nandādibhirnityaṃ mātṛbhirmakhamardanaḥ
śivāñca narato nityaṃ sa me pāpaṃ vyapohatu

96.88

gaṅgā mātā jaganmātā rudraloke vyavasthitā
śivabhaktā tu yā nandā sā me pāpaṃ vyapohatu

96.86-2

bhadrābhadrapadā devī śivaloke vyavasthitā
mātā gavāṃ mahābhāgā sā me pāpaṃ vyapohatu

96.60-2

surabhiḥ sarvvato bhadrā sarvvapāpapraṇāśanī
rudrapūjāratā nityaṃ sā me pāpaṃ vyapohatu

96.61-2

suśīlā śīlasampannā śrīpradā śivabhāvitā
śivaloke sthitā nityaṃ sā me pāpaṃ vyapohatu

96.62-2

vedaśāstrārthatatvajñaḥ sarvvakāryyābhicintakaḥ
samastaguṇasampannaḥ sarvvadeveśvarātmajaḥ

96.65-2

jyeṣṭhaḥ sarvveśvaraḥ saumyo mahāvikhyātanuḥ svayam
āryyaḥ senāpatiḥ sākṣād gahano makhamardanaḥ

96.64-2

airāvatagajārūḍhaḥ kṛṣṇakuñcitamūrddhajaḥ
kṛṣṇāṅgo raktanayanaḥ śaśipatragabhūṣaṇaḥ

96.63-2

bhūtaiḥ pretaiḥ piśācaiśca kūṣmāṇḍaiśca samāvṛtaḥ
śivārtha narataḥ sākṣāt sa me pāpaṃ vyapohatu

96.66-2

brahmāṇī caiva māheśī kaumārī vaiṣṇavī tathā
vārāhī caiva māhendrī cāmuṇḍāmniyikā tathā

96.67-2

etā vai mātaraḥ sarvāḥ sarvvalokaprapūjitāḥ
yoginībhirmahāpāpaṃ vyapohantu samāhitāḥ

96.68-2

vīrabhadro mahātejā himakundendusannibhaḥ
rudrasya tanayo raudraḥ śūlāsaktamahākaraḥ

96.66-3

sahasrabāhuḥ sarvvāṅgaḥ sarvvāyudhadharaḥ svayam
tretāgninayano devastrailokyābhayadaḥ prabhuḥ

96.100

mātṛṇāṃ rakṣako nityaṃ mahāvṛṣabhavāhanaḥ
trailokyanamitaḥ śrīmān śivapādārccane rataḥ

96.101

yajñasya ca śiraśchettā pūṣṇodantavināśanaḥ
vahnihastaharaḥ sākṣād bhaganetranipātanaḥ

96.102

pādāṅguṣṭhena somāṅkapeṣakaḥ prabhusaṃjñakaḥ
upendraindrayamādīnāṃ devānāmahlarakṣakaḥ

96.103

sarasvatyā mahādevyā nāsikoṣṭhāvakarttanaḥ
gaṇeśvaro yaḥ senānīḥ sa me pāpaṃ vyapohtu

96.104

jyeṣṭhā variṣṭhā varadā varābharaṇabhūṣitā
mahālakṣmīrjaganmātā sā me pāpaṃ vyapohtu

96.105

mahāmohā mahābhāgā mahābhūtagaṇairvṛtā
śivārthaṃ naratā nityaṃ sā me pāpaṃ vyapohtu

96.106

lakṣmīḥ sarvvaguṇopetā sarvvalakṣaṇasaṃyuktā
sarvvadā sarvvagā devī sā me pāpaṃ vyapohtu

96.107

siṃhārūḍhā mahādevī pārvvatyātmanagāvayā
viṣṇornidrā mahāmāyā vaiṣṇavī surapūjitā

96.108

trinetrā varadā devī mahiṣāsuramarddinī
śivārśvanaratā durgā sā me pāpaṃ vyapohatu

96.208

brahmāṇḍadhārakā rudrāḥ sarvvalokaprapūjitāḥ
satyāśca mānasāḥ sarve vyapohantu bhayaṃ mama

96.110

bhūtāḥ pretāḥ piśācāśca kūṣmāṇḍagaṇanāyakāḥ
kūṣmāṇḍakāśca te pāpaṃ vyapohantu samāhitāḥ

96.111

anena devāḥ stutvā tu cānte sarvvaṃ samāpayet
praṇamya śirasā bhūmau pratimāse dvijottamāḥ !

96.112

vyapohanastavaṃ divyaṃ yaḥ paṭhecchṛṇuyādapi
vidhūya sarvvapāpāni rudraloke mahīyate

96.113

kanyārthī labhate kanyāṃ jayakāmo jayaṃ labhet
arthakāmo labhedarthaṃ putrakāmo bahūn sutān

96.114

vidyārthī labhate vidyāṃ bhogārthī bhogamāpnuyāt
yānyān prārthayate kāmān mānavaḥ śravaṇādiha

96.115

tān sarvvān śīghramāpnoti devānāṃ ca priyo bhavet
paṭhyamānamidaṃ puṇyaṃ yamuddiśya tu paṭhyate

96.116

tasya rogāna bādhante vātapittādisambhavāḥ
nākāle maraṇaṃ tasya na sarpairapi daśyate

96.117

yat puṇyaṃ caiva tīrthānāṃ yajñānāṃ caiva yatphalam
dānānāṃ caiva yatpuṇyaṃ vratānāṃ ca viśeṣataḥ

96.118

tatpuṇyaṃ koṭiguṇitaṃ japtvā cāpnoti mānavaḥ
goghnaścaiva kṛtaghnaśca vīrahā brahmahā bhavet

96.119

śaraṇāgataghātī ca mitraviśvāsaghātakaḥ
duṣṭaḥ pāpasamācāro mātṛhā pitṛhā tathā

96.120

vyapohya sarvapāpāni śivaloke mahīyate

Linked texts (10)