Pramāṇa · Search · About · API

Linga 98

Liṅga 98

Language
Sanskrit

Contents

98.1

caturaśītitamo'dhyāyaḥ
sūta uvāca
umāmaheśvaraṃ vakṣye vratamīśvarabhāṣitam
naranāryādijantūnāṃ hitāya munisattamāḥ!

98.2

paurṇamāsyāmamāvāsyāṃ caturdaśyaṣṭamīṣu ca
naktamabdaṃ prakurvīta haviṣyaṃ pūjayedbhavam

98.3

umāmaheśapratimāṃ hemā kṛtvā suśobhanām
rājatīṃ vātha varṣānte pratiṣṭhāpya yathāvidhi

98.4

brāhmaṇān bhojayitvā ca datvā śaktyā ca dakṣiṇām
rathādyairvāpi deveśaṃ nītvā rudrālayaṃ prati

98.5

sarvātiśayasaṃyuktai śchatracāmarabhūṣaṇaiḥ
nivedayedvrataṃ caiva śivāya parameṣṭhine

98.6

sa yāti śivasāyujyaṃ nārī devyā yadi prabho !
aṣṭamyāṃ ca caturdaśyāṃ niyatā brahmacāriṇī

98.7

varṣamekaṃ na bhuñjīta kanyā vā vidhavā pi vā
varṣānte pratimāṃ kṛtvā pūrvoktavidhinā tataḥ

98.8

pratiṣṭhāpya yathānyāyaṃ datvā rudrālaye punaḥ
brāhmaṇān bhojayitvā ca bhavānyā saha modate

98.6-2

yā nāryyevaṃ caredabdaṃ kṛṣṇāṣṭamikāṃ caturdaśīm
varṣānte pratimāṃ kṛtvā yena kenāpi vā dvijāḥ !

98.10

pūrvoktamakhilaṃ kṛtvā bhavānyā saha modate
amāvāsyāṃ nirāhārā bhavedabdaṃ suyantritā

98.11

śūlañca vidhinā kṛtvā varṣānte vinivedayet
āpyeśānaṃ yajet bhaktyā saṅghastraiḥ kamalaiḥ sitaiḥ

98.12

rājataṃ kamalaṃ caiva jāmbūnadasukarṇikam
datvā bhavāya viprebhyaḥ pradadyāddakṣiṇāmapi

98.13

kāmato'pi kṛtaṃ pāpaṃ bhrūṇahatyādikaṃ ca yat
tatsarvaṃ śūladānena bhivyānnātrau na saṃśayaḥ

98.14

sāyujyaṃ caivamāpnoti bhavānyā dvijasattamāḥ !
kuryādyadvā naraḥ so'pi rudrasāyujyamāpnuyāt

98.15

paurṇamāsyāmamāvāsyāṃ. varṣamekamatandritā
upavāsaratā nārī naro'pi dvijasattamāḥ !

98.16

niyogādeva tatkāryaṃ bhartṝṇāṃ dvijasattamāḥ !
japaṃ dānaṃ tapaḥ sarvamasvatantrā yataḥ striyaḥ

98.17

varṣānte sarvagandhāḍhyāṃ pratimāsaṃ nivedayet
sā bhavānyāśca sāyujyaṃ sārūpyaṃ cāpi suvratā

98.18

labhate nātra sandehaḥ satyaṃ satyaṃ vadāmyaham
kārtikāṃ vā tu yā nārī ekabhaktena varttate

98.18-2

kṣamāhiṃsādiniyamaiḥ saṃyuktā brahmacāriṇī
dadyāt kṛṣṇatilānāñca bhāramekamatandritā

98.20

saghṛtaṃ sagur̤aṃ caiva odanaṃ parameṣṭhine
datvā ca brāhmaṇebhyaśca yathā vibhavavistaram

98.21

aṣṭamyāṃ ca caturdaśyāmapavāsaratā ca sā
bhavānyā modate sārdhaṃ sārūpyaṃ prāpya suvratā

98.22

kṣamā satyaṃ dayā dānaṃ śaucamindriyanigrahaḥ
sarvavrateṣvayaṃ dharmaḥ sāmānyo rudrapūjanam

98.23

samāsataḥ pravakṣyāmi pratimāsamanukramāt
mārgaśīrṣakamāsādi kārttakāntaṃ yathākramam

98.24

vrataṃ suvipulaṃ puṇyaṃ nandinā paribhāṣitam
mārgaśīrṣakamāse'tha vṛṣaṃ pūrṇāmṛmuttamam

98.25

alaṅkṛtya yathānyāyaṃ śivāya vinivedayet
sā ca sārdhaṃ bhavānyā vai modate nātra saṃśayaḥ

98.26

puṣyamāse tu vai śūlaṃ pratiṣṭhāpya nivedayet
pūrvoktamakhilaṃ kṛtvā bhavānyā saha modate

98.27

māghamāse rathaṃ kṛtvā sarvalakṣaṇalacitam
dhyātvaṃmpūjya deveśaṃ brāhmaṇāṃścaiva bhojayet

98.28

sā ca devyā mahābhāgā modate nātra saṃśayaḥ
phālgune pratimāṃ kṛtvā hiraṇyena yathāvidhi

98.28-2

rājatenāpi tāreṇa yathā vibhavavistaram
pratiṣṭhāpya samabhyarcya sthāpayecchaṅkarālaye

98.30

sā ca sārdhaṃ mahādevyā modate nātrasaṃśayaḥ
caitre bhavaṃ kumārañca bhavānīṃ ca yathāvidhi

98.31

tāmrādyairvidhivat kṛtvā pratiṣṭhāpya yathāvidhi
bhavānyā modate sārdhaṃ datvā rudrāya śambhave

98.32

kailāsyaṃ hi kauberaṃ rājataṃ rajatena vai
īśvaromāsamāyuktaṃ gaṇeśaiśca samaṃ tataḥ

98.33

sarvaratna samāyuktaṃ pratiṣṭhāpya yathāvidhi
sthāpayetparameśasya bhavasyāyatane śubhe

98.34

vaiśākhe vai haraṃdevaṃ kailāsākhyaṃ vratottamam
kailāsaparvataṃ prāpya bhavānyā saha modate

98.35

jyeṣṭhe māsi mahādevaṃ liṅgamūttimamāpatim
kṛtāñjalipuṭenaiva brahmaṇā viṣṇunā tathā

98.36

madhye bhavena saṃyuktaṃ liṅgamūttiṃ dvijottamāḥ !
haṃsena ca varāheṇa kṛtvā tāmnādibhiḥ śubhām

98.37

pratiṣṭhāpya yathānyāyaṃ brāhmagān bhojayettataḥ
śivāya śivamāsādya śivasthāne yathāvidhi

98.38

brāhmaṇaiḥ sahitāṃ sthāpya deyāḥ sā yujyamāpna yāt
āṣāḍhe ca śubhe māse gṛhaṃ kṛtvā suśobhanam

98.39

pakkeṣṭakābhirvidhivad yathā vibhavavistaram
sarvvabījarasaiścāpi sampūrṇaṃ sarvvaśobhanaiḥ

98.40

gṛhopakaraṇaiścaiva musalolūkhalādibhiḥ
dāsau dāsādibhiścaiva śayanairaśanādibhiḥ

98.41

sampūrṇañca gṛhaṃ vastrairācchādya ca samantataḥ
devaṃ ghṛtādibhiḥ snāpya mahādevamumāpatim

98.42

brāhmaṇānāṃ sahasraṃ ca bhojayitvā yathāvidhi
vidyāvinayasampannaṃ brāhmaṇaṃ vedapāragam

98.43

prathamāśramiṇaṃ bhaktyā sampūjya ca yathāvidhi
kanyāṃ sumadhyamāṃ yāvatkālajīvanasaṃyutām

98.44

kṣetraṃ gomithunaṃ caiva tadgṛhahe ca nivedayet
sāyanairvividhairdivyairmeru parvatasannibhaiḥ

98.45

golokaṃ samanuprāpya bhavānyā saha modate
bhavānyā sahaśī bhūtvā sarvvakalpeṣu sāvyayā

98.46

bhavānyāścaiva sāyujyaṃ labhate nātra saṃśayaḥ
sarvvadhātusamākīrṇaṃ vicitradhvajaśobhitam

98.47

nivedayeta śarvāya śrāvaṇe tilaparvvatam
vitānadhvajavastrādyairddhātubhiśca nivedayet

98.48

brāhmaṇān bhojayitvā ca pūrvoktamakhilaṃ bhavet
kṛtvā bhādrapade māsi śobhanaṃ śāliparvatam

98.46-2

vitānadhvajavastrādyairddhātubhiśca nivedayet
brāhmaṇān bhojayitvā ca dāpayecca yathāvidhi

98.50

sā ca sūryyāṃśusaṅgāśā bhavānyā saha modate
kṛtvā cāśvayuji māsi vipulaṃ dhānyaparvatam

98.51

suvarṇavastrasaṃyuktaṃ datvā sampūjya śaṅkaram
brāhmaṇān bhojayitvā ca pūrvoktamakhilaṃ bhavet

98.52

sarvvadhānyasamāyuktaṃ sarvvabījarasādibhiḥ
sarvvadhātusamāyuktaṃ sarvvaratnopaśobhitam

98.53

śṛṅgaiścaturbhiḥ saṃyuktaṃ vitānacchatraśobhitam
gandhamālyaistathā dhūpaiścitraiścāpi suśobhitam

98.54

vicitrairnṛtyageyaiśca śaṅkhaghoṣādibhistathā
brahmaghoṣairmahāpuṇyaṃ maṅgalaiśca viśeṣataḥ

98.55

mahādhvajāhaṭasaṃyuktaṃ vicitrakusumoñjvalam
nagendraṃ merunāmānaṃ trailokyādhārasuttamam

98.56

tasya mūrdhni śivaṃ kuryyānmadhyato dhātuneva tu
dakṣiṇe ca yathānyāyaṃ brahmāṇaṃ ca caturmukham

98.57

uttare devadeveśaṃ nārāyaṇamanāmayam
indrādillokapālāṃśca kṛtvā bhaktyā yathāvidhi

98.58

pratiṣṭhāpya tataḥ snāpya samabhyarcya maheśvaram
devasya dakṣiṇe haste śūlaṃ tridaśapūjitam

98.56-2

vāme pāśaṃ bhavānyāśca kamalaṃ hemabhūṣitam
viṣṇośca śaṅkhaṃ cakraṃ ca gadāmagraṃ prayatnataḥ

98.60

brahmaṇaścākṣasūtraṃ ca kamaṇḍalumanuttamam
indrasya vajramagneśca śaktyākhyaṃ paramāyudham

98.61

yamasya daṇḍaṃ nirṛteḥ khaṅgaṃ niśicarasya tu
varuṇasya mahāpāśaṃ nāgākhyaṃ rudramaṅgatam

98.62

vāyoryaṣṭiṃ kuberasya gadāṃ lokaprapūjitām
ṭaṅkaṃ ceśānadevasya nivedyaivaṃ krameṇa ca

98.63

śivasya mahatīṃ pūjāṃ kṛtvā carusamanvitām
pūjayetsarvadevāṃśca yathāvibhavavistaram

98.64

brāhmaṇān bhojayitvā ca pūjāṃ kṛtvā prayatnataḥ
mahāmeruvrataṃ kṛtvā mahādevāya dāpayet

98.65

mahāmerumanuprāpya mahādevyā pramodte
ciraṃ sāyujyamāpnoti mahādevyā na saṃśayaḥ

98.66

kārtikyāmapi yā nārī kṛtvā devīmumāṃ śubhām
sarvābharaṇasampūrṇāṃ sarvalakṣaṇalakṣitām

98.67

hematāmrādibhiścaiva pratiṣṭhāpya vidhānataḥ
devaṃ ca kṛtvā deveśaṃ sarvalakṣaṇasaṃyutam

98.68

tayoragre hutāśañca sruvahastaṃ pitāmaham
nārāyaṇaṃ ca dātāraṃ sarvābharaṇabhūṣitam

98.66-2

lokapālaistathā siddhaiḥ saṃvṛtaṃ sthāpya yatnataḥ
rudrālaye vrataṃ tasmai dāpayedbhaktipūrvakam

98.70

sā bhavānyāstanuṃ gatvā bhavena saha modate
ekabhaktavrataṃ puṇyaṃ pratimāsamanukramāt

98.71

mārgaśīrṣakamāsādi kārtikrāntaṃ pravartitam
naranāryādijantū nāṃ hitāya munisattamāḥ !

98.72

naraḥ kṛtvā vrataṃ caiva śivasāyujyamāpnuyāt
nārī devyā na sandehaḥ śivena paribhāṣitam

98.72.p1

iti śrīlaiṅge umāmaheśvara vrataṃ nāma caturaśītitamo'dhyāyaḥ || 84

Linked texts (7)