[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.100 # Lingapurana 1.100 Liṅgapurāṇa 1.100 - **Language:** Sanskrit ## Contents - [1.100.51](https://indike.org/pramana/in.purana.linga.1.100.51) — 1 part ### [1.100.1](https://indike.org/pramana/in.purana.linga.1.100.1) ṛṣaya ūcuḥ vijitya viṣṇunā sārdhaṃ bhagavānparameśvaraḥ sarvāndadhīcavacanāt kathaṃ bheje maheśvaraḥ // ### [1.100.2](https://indike.org/pramana/in.purana.linga.1.100.2) sūta uvāca dakṣayajñe suvipule devān viṣṇupurogamān dadāha bhagavān rudraḥ sarvān munigaṇān api // ### [1.100.3](https://indike.org/pramana/in.purana.linga.1.100.3) bhadro nāma gaṇastena preṣitaḥ parameṣṭhinā viprayogena devyā vai duḥsahenaiva suvratāḥ // ### [1.100.4](https://indike.org/pramana/in.purana.linga.1.100.4) so 'sṛjad vīrabhadraś ca gaṇeśānromajāñchubhān gaṇeśvaraiḥ samāruhya rathaṃ bhadraḥ pratāpavān // ### [1.100.5](https://indike.org/pramana/in.purana.linga.1.100.5) gantuṃ cakre matiṃ yasya sārathirbhagavānajaḥ gaṇeśvarāś ca te sarve vividhāyudhapāṇayaḥ // ### [1.100.6](https://indike.org/pramana/in.purana.linga.1.100.6) vimānairviśvato bhadrais tamanvayuratho surāḥ himavacchikhare ramye hemaśṛṅge suśobhane // ### [1.100.7](https://indike.org/pramana/in.purana.linga.1.100.7) yajñavāṭas tathā tasya gaṅgādvārasamīpataḥ taddeśe caiva vikhyātaṃ śubhaṃ kanakhalaṃ dvijāḥ // ### [1.100.8](https://indike.org/pramana/in.purana.linga.1.100.8) dagdhuṃ vai preṣitaścāsau bhagavān parameṣṭhinā tadotpāto babhūvātha lokānāṃ bhayaśaṃsanaḥ // ### [1.100.9](https://indike.org/pramana/in.purana.linga.1.100.9) parvatāś ca vyaśīryanta pracakampe vasuṃdharā marutaś cāpy aghūrṇanta cukṣubhe makarālayaḥ // ### [1.100.10](https://indike.org/pramana/in.purana.linga.1.100.10) agnayo naiva dīpyanti na ca dīpyati bhāskaraḥ grahāś ca na prakāśyante na devā na ca dānavāḥ // ### [1.100.11](https://indike.org/pramana/in.purana.linga.1.100.11) tataḥ kṣaṇāt praviśyaiva yajñavāṭaṃ mahātmanaḥ romajaiḥ sahito bhadraḥ kālāgnirivacāparaḥ // ### [1.100.12](https://indike.org/pramana/in.purana.linga.1.100.12) uvāca bhadro bhagavān dakṣaṃ cāmitatejasam saṃparkādeva dakṣādya munīndevān pinākinā // ### [1.100.13](https://indike.org/pramana/in.purana.linga.1.100.13) dagdhuṃ saṃpreṣitaś cāhaṃ bhavantaṃ samunīśvaraiḥ ityuktvā yajñaśālāṃ tāṃ dadāha gaṇapuṅgavaḥ // ### [1.100.14](https://indike.org/pramana/in.purana.linga.1.100.14) gaṇeśvarāś ca saṃkruddhā yūpānutpāṭya cikṣipuḥ prastotrā saha hotrā ca dagdhaṃ caiva gaṇeśvaraiḥ // ### [1.100.15](https://indike.org/pramana/in.purana.linga.1.100.15) gṛhītvā gaṇapāḥ sarvān gaṅgāsrotasi cikṣipuḥ vīrabhadro mahātejāḥ śakrasyodyacchataḥ karam // ### [1.100.16](https://indike.org/pramana/in.purana.linga.1.100.16) vyaṣṭambhayad adīnātmā tathānyeṣāṃ divaukasām bhagasya netre cotpāṭya karajāgreṇa līlayā // ### [1.100.17](https://indike.org/pramana/in.purana.linga.1.100.17) nihatya muṣṭinā dantān pūṣṇaścaivaṃ nyapātayat tathā candramasaṃ devaṃ pādāṅguṣṭhena līlayā // ### [1.100.18](https://indike.org/pramana/in.purana.linga.1.100.18) gharṣayāmāsa bhagavān vīrabhadraḥ pratāpavān cicheda ca śirastasya śakrasya bhagavānprabhoḥ // ### [1.100.19](https://indike.org/pramana/in.purana.linga.1.100.19) vahnerhastadvayaṃ chittvā jihvāmutpāṭya līlayā jaghāna mūrdhni pādena vīrabhadro mahābalaḥ // ### [1.100.20](https://indike.org/pramana/in.purana.linga.1.100.20) yamasya daṇḍaṃ bhagavān pracicheda svayaṃ prabhuḥ jaghāna devamīśānaṃ triśūlena mahābalam // ### [1.100.21](https://indike.org/pramana/in.purana.linga.1.100.21) trayastriṃśatsurānevaṃ vinihatyāprayatnataḥ trayaś ca triśataṃ teṣāṃ trisāhasraṃ ca līlayā // ### [1.100.22](https://indike.org/pramana/in.purana.linga.1.100.22) trayaṃ caiva surendrāṇāṃ jaghāna ca munīśvarān anyāṃś ca devān devo 'sau sarvānyuddhāya saṃsthitān // ### [1.100.23](https://indike.org/pramana/in.purana.linga.1.100.23) jaghāna bhagavān rudraḥ khaḍgamuṣṭyādisāyakaiḥ atha viṣṇurmahātejāś cakram udyamya mūrchitaḥ // ### [1.100.24](https://indike.org/pramana/in.purana.linga.1.100.24) yuyodha bhagavāṃstena rudreṇa saha mādhavaḥ tayoḥ samabhavadyuddhaṃ sughoraṃ romaharṣaṇam // ### [1.100.25](https://indike.org/pramana/in.purana.linga.1.100.25) viṣṇoryogabalāttasya divyadehāḥ sudāruṇāḥ // ### [1.100.26](https://indike.org/pramana/in.purana.linga.1.100.26) śaṅkhacakragadāhastā asaṃkhyātāś ca jajñire tānsarvānapi devo 'sau nārāyaṇasamaprabhān // ### [1.100.27](https://indike.org/pramana/in.purana.linga.1.100.27) nihatya gadayā viṣṇuṃ tāḍayāmāsa mūrdhani tataścorasi taṃ devaṃ līlayaiva raṇājire // ### [1.100.28](https://indike.org/pramana/in.purana.linga.1.100.28) papāta ca tadā bhūmau visaṃjñaḥ puruṣottamaḥ punarutthāya taṃ hantuṃ cakramudyamya sa prabhuḥ // ### [1.100.29](https://indike.org/pramana/in.purana.linga.1.100.29) krodharaktekṣaṇaḥ śrīmān atiṣṭhat puruṣarṣabhaḥ tasya cakraṃ ca yadraudraṃ kālādityasamaprabham // ### [1.100.30](https://indike.org/pramana/in.purana.linga.1.100.30) vyaṣṭambhayad adīnātmā karasthaṃ na cacāla saḥ atiṣṭhat stambhitastena śṛṅgavāniva niścalaḥ // ### [1.100.31](https://indike.org/pramana/in.purana.linga.1.100.31) tribhiś ca dharṣitaṃ śārṅgaṃ tridhābhūtaṃ prabhostadā śārṅgakoṭiprasaṅgād vai cicheda ca śiraḥ prabhoḥ // ### [1.100.32](https://indike.org/pramana/in.purana.linga.1.100.32) chinnaṃ ca nipapātāsu śirastasya rasātale vāyunā preritaṃ caiva prāṇajena pinākinā // ### [1.100.33](https://indike.org/pramana/in.purana.linga.1.100.33) praviveśa tadā caiva tadīyāhavanīyakam tat pratidhvastakalaśaṃ bhagnayūpaṃ satoraṇam // ### [1.100.34](https://indike.org/pramana/in.purana.linga.1.100.34) pradīpitamahāśālaṃ dṛṣṭvā yajño 'pi dudruve taṃ tadā mṛgarūpeṇa dhāvantaṃ gaganaṃ prati // ### [1.100.35](https://indike.org/pramana/in.purana.linga.1.100.35) vīrabhadraḥ samādhāya viśiraskamathākarot tataḥ prajāpatiṃ dharmaṃ kaśyapaṃ ca jagadgurum // ### [1.100.36](https://indike.org/pramana/in.purana.linga.1.100.36) ariṣṭaneminaṃ vīro bahuputraṃ munīśvaram munim aṅgirasaṃ caiva kṛṣṇāśvaṃ ca mahābalaḥ // ### [1.100.37](https://indike.org/pramana/in.purana.linga.1.100.37) jaghāna mūrdhni pādena dakṣaṃ caiva yaśasvinam cicheda ca śirastasya dadāhāgnau dvijottamāḥ // ### [1.100.38](https://indike.org/pramana/in.purana.linga.1.100.38) sarasvatyāś ca nāsāgraṃ devamātustathaiva ca nikṛtya karajāgreṇa vīrabhadraḥ pratāpavān // ### [1.100.39](https://indike.org/pramana/in.purana.linga.1.100.39) tasthau śriyā vṛto madhye pretasthāne yathā bhavaḥ etasminneva kāle tu bhagavānpadmasaṃbhavaḥ // ### [1.100.40](https://indike.org/pramana/in.purana.linga.1.100.40) bhadramāha mahātejāḥ prārthayanpraṇataḥ prabhuḥ alaṃ krodhena vai bhadra naṣṭāścaiva divaukasaḥ // ### [1.100.41](https://indike.org/pramana/in.purana.linga.1.100.41) prasīda kṣamyatāṃ sarvaṃ romajaiḥ saha suvrata so 'pi bhadraḥ prabhāveṇa brahmaṇaḥ parameṣṭhinaḥ // ### [1.100.42](https://indike.org/pramana/in.purana.linga.1.100.42) śamaṃ jagāma śanakaiḥ śāntastasthau tadājñayā devo 'pi tatra bhagavān antarikṣe vṛṣadhvajaḥ // ### [1.100.43](https://indike.org/pramana/in.purana.linga.1.100.43) sagaṇaḥ sarvadaḥ śarvaḥ sarvalokamaheśvaraḥ prārthitaścaiva devena brahmaṇā bhagavān bhavaḥ // ### [1.100.44](https://indike.org/pramana/in.purana.linga.1.100.44) hatānāṃ ca tadā teṣāṃ pradadau pūrvavattanum indrasya ca śirastasya viṣṇoścaiva mahātmanaḥ // ### [1.100.45](https://indike.org/pramana/in.purana.linga.1.100.45) dakṣasya ca munīndrasya tathānyeṣāṃ maheśvaraḥ vāgīśyāścaiva nāsāgraṃ devamātustathaiva ca // ### [1.100.46](https://indike.org/pramana/in.purana.linga.1.100.46) naṣṭānāṃ jīvitaṃ caiva varāṇi vividhāni ca dakṣasya dhvastavaktrasya śirasā bhagavānprabhuḥ // ### [1.100.47](https://indike.org/pramana/in.purana.linga.1.100.47) kalpayāmāsa vai vaktraṃ līlayā ca mahān bhavaḥ dakṣo 'pi labdhasaṃjñaś ca samutthāya kṛtāñjaliḥ // ### [1.100.48](https://indike.org/pramana/in.purana.linga.1.100.48) tuṣṭāva devadeveśaṃ śaṅkaraṃ vṛṣabhadhvajam stutastena mahātejāḥ pradāya vividhānvarān // ### [1.100.49](https://indike.org/pramana/in.purana.linga.1.100.49) gāṇapatyaṃ dadau tasmai dakṣāyākliṣṭakarmaṇe devāś ca sarve deveśaṃ tuṣṭuvuḥ parameśvaram // ### [1.100.50](https://indike.org/pramana/in.purana.linga.1.100.50) nārāyaṇaś ca bhagavān tuṣṭāva ca kṛtāñjaliḥ brahmā ca munayaḥ sarve pṛthakpṛthagajodbhavam // ### [1.100.51](https://indike.org/pramana/in.purana.linga.1.100.51) tuṣṭuvur devadeveśaṃ nīlakaṇṭhaṃ vṛṣadhvajam tān devān anugṛhyaiva bhavo 'pyantaradhīyata // ### [1.100.51.p1](https://indike.org/pramana/in.purana.linga.1.100.51.p1) iti śrīliṅgamahāpurāṇe pūrvabhāge śivakṛddakṣayajñavidhvaṃsano nāma śatatamo 'dhyāyaḥ ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.17.9.884_34) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.120.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.100](https://indike.org/pramana/in.purana.linga.1.100) · Pramāṇa