[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.101 # Lingapurana 1.101 Liṅgapurāṇa 1.101 - **Language:** Sanskrit ## Contents - [1.101.46](https://indike.org/pramana/in.purana.linga.1.101.46) — 1 part ### [1.101.1](https://indike.org/pramana/in.purana.linga.1.101.1) ṛṣaya ūcuḥ kathaṃ himavataḥ putrī babhūvāṃbā satī śubhā kathaṃ vā devadeveśam avāpa patimīśvaram // ### [1.101.2](https://indike.org/pramana/in.purana.linga.1.101.2) sūta uvāca sā menātanum āśritya svecchayaiva varāṅganā tadā haimavatī jajñe tapasā ca dvijottamāḥ // ### [1.101.3](https://indike.org/pramana/in.purana.linga.1.101.3) jātakarmādikāḥ sarvāś cakāra ca girīśvaraḥ dvādaśe ca tadā varṣe pūrṇe haimavatī śubhā // ### [1.101.4](https://indike.org/pramana/in.purana.linga.1.101.4) tapastepe tayā sārdham anujā ca śubhānanā anyā ca devī hyanujā sarvaloke namaskṛtā // ### [1.101.5](https://indike.org/pramana/in.purana.linga.1.101.5) ṛṣayaś ca tadā sarve sarvalokamaheśvarīm tuṣṭuvus tapasā devīṃ samāvṛtya samantataḥ // ### [1.101.6](https://indike.org/pramana/in.purana.linga.1.101.6) jyeṣṭhā hyaparṇā hyanujā caikaparṇā śubhānanā tṛtīyā ca varārohā tathā caivaikapāṭalā // ### [1.101.7](https://indike.org/pramana/in.purana.linga.1.101.7) tapasā ca mahādevyāḥ pārvatyāḥ parameśvaraḥ vaśīkṛto mahādevaḥ sarvabhūtapatirbhavaḥ // ### [1.101.8](https://indike.org/pramana/in.purana.linga.1.101.8) etasminneva kāle tu tārako nāma dānavaḥ tārātmajo mahātejā babhūva ditinandanaḥ // ### [1.101.9](https://indike.org/pramana/in.purana.linga.1.101.9) tasya putrāstrayaścāpi tārakākṣo mahāsuraḥ vidyunmālī ca bhagavān kamalākṣaś ca vīryavān // ### [1.101.10](https://indike.org/pramana/in.purana.linga.1.101.10) pitāmahas tathā caiṣāṃ tāro nāma mahābalaḥ tapasā labdhavīryaś ca prasādādbrahmaṇaḥ prabhoḥ // ### [1.101.11](https://indike.org/pramana/in.purana.linga.1.101.11) so 'pi tāro mahātejās trailokyaṃ sacarācaram vijitya samare pūrvaṃ viṣṇuṃ ca jitavān asau // ### [1.101.12](https://indike.org/pramana/in.purana.linga.1.101.12) tayoḥ samabhavadyuddhaṃ sughoraṃ romaharṣaṇam divyaṃ varṣasahasraṃ tu divārātram aviśramam // ### [1.101.13](https://indike.org/pramana/in.purana.linga.1.101.13) sarathaṃ viṣṇumādāya cikṣepa śatayojanam tāreṇa vijitaḥ saṃkhye dudrāva garuḍadhvajaḥ // ### [1.101.14](https://indike.org/pramana/in.purana.linga.1.101.14) tāro varāñchataguṇaṃ labdhvā śataguṇaṃ balam pitāmahājjagatsarvam avāpa ditinandanaḥ // ### [1.101.15](https://indike.org/pramana/in.purana.linga.1.101.15) devendrapramukhāñjitvā devāndeveśvareśvaraḥ vārayāmāsa tair devān sarvalokeṣu māyayā // ### [1.101.16](https://indike.org/pramana/in.purana.linga.1.101.16) devatāś ca sahendreṇa tārakādbhayapīḍitāḥ na śāntiṃ lebhire śūrāḥ śaraṇaṃ vā bhayārditāḥ // ### [1.101.17](https://indike.org/pramana/in.purana.linga.1.101.17) tadāmarapatiḥ śrīmān saṃnipatyāmaraprabhuḥ uvācāṅgirasaṃ devo devānāmapi saṃnidhau // ### [1.101.18](https://indike.org/pramana/in.purana.linga.1.101.18) bhagavaṃstārako nāma tārajo dānavottamaḥ tena saṃnihatā yuddhe vatsā gopatinā yathā // ### [1.101.19](https://indike.org/pramana/in.purana.linga.1.101.19) bhayāttasmānmahābhāga bṛhadyuddhe bṛhaspate aniketā bhramantyete śakuntā iva pañjare // ### [1.101.20](https://indike.org/pramana/in.purana.linga.1.101.20) asmākaṃ yāny amoghāni āyudhāny aṅgiro vara tāni moghāni jāyante prabhāvādamaradviṣaḥ // ### [1.101.21](https://indike.org/pramana/in.purana.linga.1.101.21) daśavarṣasahasrāṇi dviguṇāni bṛhaspate viṣṇunā yodhito yuddhe tenāpi na ca sūditaḥ // ### [1.101.22](https://indike.org/pramana/in.purana.linga.1.101.22) yastenānirjito yuddhe viṣṇunā prabhaviṣṇunā kathamasmadvidhastasya sthāsyate samare 'grataḥ // ### [1.101.23](https://indike.org/pramana/in.purana.linga.1.101.23) evam uktas tu śakreṇa jīvaḥ sārdhaṃ surādhipaiḥ sahasrākṣeṇa ca vibhuṃ samprāpyāha kuśadhvajam // ### [1.101.24](https://indike.org/pramana/in.purana.linga.1.101.24) so 'pi tasya mukhācchrutvā praṇayātpraṇatārtihā devairaśeṣaiḥ sendraistu jīvamāha pitāmahaḥ // ### [1.101.25](https://indike.org/pramana/in.purana.linga.1.101.25) jāne vo 'rtiṃ surendrāṇāṃ tathāpi śṛṇu sāṃpratam vinindya dakṣaṃ yā devī satī rudrāṅgasaṃbhavā // ### [1.101.26](https://indike.org/pramana/in.purana.linga.1.101.26) umā haimavatī jajñe sarvalokanamaskṛtā tasyāścaiveha rūpeṇa yūyaṃ devāḥ surottamāḥ // ### [1.101.27](https://indike.org/pramana/in.purana.linga.1.101.27) vibhoryatadhvamākraṣṭuṃ rudrasyāsya mano mahat tayoryogena sambhūtaḥ skandaḥ śaktidharaḥ prabhuḥ // ### [1.101.28](https://indike.org/pramana/in.purana.linga.1.101.28) ṣaḍāsyo dvādaśabhujaḥ senānīḥ pāvakiḥ prabhuḥ svāheyaḥ kārtikeyaś ca gāṅgeyaḥ śaradhāmajaḥ // ### [1.101.29](https://indike.org/pramana/in.purana.linga.1.101.29) devaḥ śākho viśākhaś ca naigameśaś ca vīryavān senāpatiḥ kumārākhyaḥ sarvalokanamaskṛtaḥ // ### [1.101.30](https://indike.org/pramana/in.purana.linga.1.101.30) līlayaiva mahāsenaḥ prabalaṃ tārakāsuram bālo 'pi vinihatyaiko devān saṃtārayiṣyati // ### [1.101.31](https://indike.org/pramana/in.purana.linga.1.101.31) evam uktas tadā tena brahmaṇā parameṣṭhinā bṛhaspatis tathā sendrair devair devaṃ praṇamya tam // ### [1.101.32](https://indike.org/pramana/in.purana.linga.1.101.32) meroḥ śikharamāsādya smaraṃ sasmāra suvrataḥ smaraṇāddevadevasya smaro 'pi saha bhāryayā // ### [1.101.33](https://indike.org/pramana/in.purana.linga.1.101.33) ratyā samaṃ samāgamya namaskṛtya kṛtāñjaliḥ saśakramāha taṃ jīvaṃ jagajjīvo dvijottamāḥ // ### [1.101.34](https://indike.org/pramana/in.purana.linga.1.101.34) smṛto yadbhavatā jīva samprāpto 'haṃ tavāntikam brūhi yanme vidhātavyaṃ tamāha surapūjitaḥ // ### [1.101.35](https://indike.org/pramana/in.purana.linga.1.101.35) tam āha bhagavāñchakraḥ saṃbhāvya makaradhvajam śaṅkareṇāṃbikāmadya saṃyojaya yathāsukham // ### [1.101.36](https://indike.org/pramana/in.purana.linga.1.101.36) tayā sa ramate yena bhagavān vṛṣabhadhvajaḥ tena mārgeṇa mārgasva patnyā ratyānayā saha // ### [1.101.37](https://indike.org/pramana/in.purana.linga.1.101.37) so 'pi tuṣṭo mahādevaḥ pradāsyati śubhāṃ gatim viprayuktastayā pūrvaṃ labdhvā tāṃ girijāmumām // ### [1.101.38](https://indike.org/pramana/in.purana.linga.1.101.38) evamukto namaskṛtya devadevaṃ śacīpatim devadevāśramaṃ gantuṃ matiṃ cakre tayā saha // ### [1.101.39](https://indike.org/pramana/in.purana.linga.1.101.39) gatvā tadāśraye śaṃbhoḥ saha ratyā mahābalaḥ vasaṃtena sahāyena devaṃ yoktumanā bhavat // ### [1.101.40](https://indike.org/pramana/in.purana.linga.1.101.40) tataḥ samprekṣya madanaṃ hasan devas triyaṃbakaḥ nayanena tṛtīyena sāvajñaṃ tam avaikṣata // ### [1.101.41](https://indike.org/pramana/in.purana.linga.1.101.41) tato 'sya netrajo vahnir madanaṃ pārśvataḥ sthitam adahattatkṣaṇādeva lalāpa karuṇaṃ ratiḥ // ### [1.101.42](https://indike.org/pramana/in.purana.linga.1.101.42) ratyāḥ pralāpamākarṇya devadevo vṛṣadhvajaḥ kṛpayā parayā prāha kāmapatnīṃ nirīkṣya ca // ### [1.101.43](https://indike.org/pramana/in.purana.linga.1.101.43) amūrto 'pi dhruvaṃ bhadre kāryaṃ sarvaṃ patistava ratikāle dhruve bhadre kariṣyati na saṃśayaḥ // ### [1.101.44](https://indike.org/pramana/in.purana.linga.1.101.44) yadā viṣṇuś ca bhavitā vāsudevo mahāyaśāḥ śāpādbhṛgormahātejāḥ sarvalokahitāya vai // ### [1.101.45](https://indike.org/pramana/in.purana.linga.1.101.45) tadā tasya suto yaś ca sa patiste bhaviṣyati sā praṇamya tadā rudraṃ kāmapatnī śucismitā // ### [1.101.46](https://indike.org/pramana/in.purana.linga.1.101.46) jagāma madanaṃ labdhvā vasaṃtena samanvitā // ### [1.101.46.p1](https://indike.org/pramana/in.purana.linga.1.101.46.p1) iti śrīliṅgamahāpurāṇe pūrvabhāge madanadāho nāmaikādhikaśatatamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.124.1) — Gaṇeśa Bhaṭṭa, Sanskrit ## Linked texts (2) - [Liṅgapurāṇa](https://indike.org/pramana/in.vernacular.tamil.kappiyam.lingapurana.123.1) — Ativīrarāma Pāṇṭiyar 1500, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.2.33.46) — Sanskrit --- Source: [https://indike.org/pramana/in.purana.linga.1.101](https://indike.org/pramana/in.purana.linga.1.101) · Pramāṇa