[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.103 # Lingapurana 1.103 Liṅgapurāṇa 1.103 - **Language:** Sanskrit ## Contents - [1.103.81](https://indike.org/pramana/in.purana.linga.1.103.81) — 1 part ### [1.103.1](https://indike.org/pramana/in.purana.linga.1.103.1) sūta uvāca atha brahmā mahādevam abhivandya kṛtāñjaliḥ udvāhaḥ kriyatāṃ deva ityuvāca maheśvaram // ### [1.103.2](https://indike.org/pramana/in.purana.linga.1.103.2) tasya tadvacanaṃ śrutvā brahmaṇaḥ parameṣṭhinaḥ yatheṣṭamiti lokeśaṃ prāha bhūtapatiḥ prabhuḥ // ### [1.103.3](https://indike.org/pramana/in.purana.linga.1.103.3) udvāhārthaṃ maheśasya tatkṣaṇādeva suvratāḥ brahmaṇā kalpitaṃ divyaṃ puraṃ ratnamayaṃ śubham // ### [1.103.4](https://indike.org/pramana/in.purana.linga.1.103.4) athāditirditiḥ sākṣād danuḥ kadruḥ sukālikā pulomā surasā caiva siṃhikā vinatā tathā // ### [1.103.5](https://indike.org/pramana/in.purana.linga.1.103.5) siddhirmāyā kriyā durgā devī sākṣātsudhā svadhā sāvitrī vedamātā ca rajanī dakṣiṇā dyutiḥ // ### [1.103.6](https://indike.org/pramana/in.purana.linga.1.103.6) svāhā svāhāmatir buddhir ṛddhir vṛddhiḥ sarasvatī rākā kuhūḥ sinīvālī devī anumatī tathā // ### [1.103.7](https://indike.org/pramana/in.purana.linga.1.103.7) dharaṇī dhāraṇī celā śacī nārāyaṇī tathā etāścānyāś ca devānāṃ mātaraḥ patnayas tathā // ### [1.103.8](https://indike.org/pramana/in.purana.linga.1.103.8) udvāhaḥ śaṅkarasyeti jagmuḥ sarvā mudānvitāḥ uragā garuḍā yakṣā gandharvāḥ kinnarā gaṇāḥ // ### [1.103.9](https://indike.org/pramana/in.purana.linga.1.103.9) sāgarā girayo meghā māsāḥ saṃvatsarās tathā vedā mantrās tathā yajñāḥ stomā dharmāś ca sarvaśaḥ // ### [1.103.10](https://indike.org/pramana/in.purana.linga.1.103.10) huṅkāraḥ praṇavaścaiva pratihārāḥ sahasraśaḥ koṭirapsaraso divyās tāsāṃ ca paricārikāḥ // ### [1.103.11](https://indike.org/pramana/in.purana.linga.1.103.11) yāś ca sarveṣu dvīpeṣu devalokeṣu nimnagāḥ tāś ca strīvigrahāḥ sarvāḥ saṃjagmurhṛṣṭamānasāḥ // ### [1.103.12](https://indike.org/pramana/in.purana.linga.1.103.12) gaṇapāś ca mahābhāgāḥ sarvalokanamaskṛtāḥ udvāhaḥ śaṅkarasyeti tatrājagmurmudānvitāḥ // ### [1.103.13](https://indike.org/pramana/in.purana.linga.1.103.13) abhyayuḥ śaṅkhavarṇāś ca gaṇakoṭyo gaṇeśvarāḥ daśabhiḥ kekarākṣaś ca vidyuto 'ṣṭābhir eva ca // ### [1.103.14](https://indike.org/pramana/in.purana.linga.1.103.14) catuḥṣaṣṭyā viśākhāś ca navabhiḥ pārayātrikaḥ ṣaḍbhiḥ sarvāntakaḥ śrīmān tathaiva vikṛtānanaḥ // ### [1.103.15](https://indike.org/pramana/in.purana.linga.1.103.15) jvālākeśo dvādaśabhiḥ koṭibhir gaṇapuṅgavaḥ saptabhiḥ samadaḥ śrīmān dundubho 'ṣṭābhir eva ca // ### [1.103.16](https://indike.org/pramana/in.purana.linga.1.103.16) pañcabhiś ca kapālīśaḥ ṣaḍbhiḥ saṃdārakaḥ śubhaḥ koṭikoṭibhir eveha gaṇḍakaḥ kuṃbhakas tathā // ### [1.103.17](https://indike.org/pramana/in.purana.linga.1.103.17) viṣṭambho 'ṣṭābhir eveha gaṇapaḥ sarvasattamaḥ pippalaś ca sahasreṇa saṃnādaś ca tathā dvijāḥ // ### [1.103.18](https://indike.org/pramana/in.purana.linga.1.103.18) āveṣṭanas tathāṣṭābhiḥ saptabhiścandratāpanaḥ mahākeśaḥ sahasreṇa koṭīnāṃ gaṇapo vṛtaḥ // ### [1.103.19](https://indike.org/pramana/in.purana.linga.1.103.19) kuṇḍī dvādaśabhir vīras tathā parvatakaḥ śubhaḥ kālaś ca kālakaścaiva mahākālaḥ śatena vai // ### [1.103.20](https://indike.org/pramana/in.purana.linga.1.103.20) āgnikaḥ śatakoṭyā vai koṭyāgnimukha eva ca ādityamūrdhā koṭyā ca tathā caiva dhanāvahaḥ // ### [1.103.21](https://indike.org/pramana/in.purana.linga.1.103.21) saṃnāmaś ca śatenaiva kumudaḥ koṭibhis tathā amoghaḥ kokilaścaiva koṭikoṭyā sumantrakaḥ // ### [1.103.22](https://indike.org/pramana/in.purana.linga.1.103.22) kākapāṭo 'paraḥ ṣaṣṭyā ṣaṣṭyā saṃtānakaḥ prabhuḥ mahābalaś ca navabhir madhupiṅgaś ca piṅgalaḥ // ### [1.103.23](https://indike.org/pramana/in.purana.linga.1.103.23) nīlo navatyā deveśaḥ pūrṇabhadrastathaiva ca koṭīnāṃ caiva saptatyā caturvaktro mahābalaḥ // ### [1.103.24](https://indike.org/pramana/in.purana.linga.1.103.24) koṭikoṭisahasrāṇāṃ śatair viṃśatibhir vṛtāḥ tatrājagmus tathā devās te sarve śaṅkaraṃ bhavam // ### [1.103.25](https://indike.org/pramana/in.purana.linga.1.103.25) bhūtakoṭisahasreṇa pramathaḥ koṭibhistribhiḥ vīrabhadraścatuḥṣaṣṭyā romajāścaiva koṭibhiḥ // ### [1.103.26](https://indike.org/pramana/in.purana.linga.1.103.26) karaṇaścaiva viṃśatyā navatyā kevalaḥ śubhaḥ pañcākṣaḥ śatamanyuś ca meghamanyus tathaiva ca // ### [1.103.27](https://indike.org/pramana/in.purana.linga.1.103.27) kāṣṭhakūṭaś catuḥṣaṣṭyā sukeśo vṛṣabhas tathā virūpākṣaś ca bhagavān catuḥṣaṣṭyā sanātanaḥ // ### [1.103.28](https://indike.org/pramana/in.purana.linga.1.103.28) tāluketuḥ ṣaḍāsyaś ca pañcāsyaś ca sanātanaḥ saṃvartakas tathā caitro lakulīśaḥ svayaṃ prabhuḥ // ### [1.103.29](https://indike.org/pramana/in.purana.linga.1.103.29) lokāntakaś ca dīptāsyas tathā daityāntakaḥ prabhuḥ mṛtyuhṛt kālahā kālo mṛtyuñjayakaras tathā // ### [1.103.30](https://indike.org/pramana/in.purana.linga.1.103.30) viṣādo viṣadaścaiva vidyutaḥ kāntakaḥ prabhuḥ devo bhṛṅgī riṭiḥ śrīmān devadevapriyas tathā // ### [1.103.31](https://indike.org/pramana/in.purana.linga.1.103.31) aśanir bhāsakaś caiva catuḥṣaṣṭyā sahasrapāt ete cānye ca gaṇapā asaṃkhyātā mahābalāḥ // ### [1.103.32](https://indike.org/pramana/in.purana.linga.1.103.32) sarve sahasrahastāś ca jaṭāmukuṭadhāriṇaḥ candrarekhāvataṃsāś ca nīlakaṇṭhās trilocanāḥ // ### [1.103.33](https://indike.org/pramana/in.purana.linga.1.103.33) hārakuṇḍalakeyūramukuṭādyair alaṃkṛtāḥ brahmendraviṣṇusaṃkāśā aṇimādiguṇairvṛtāḥ // ### [1.103.34](https://indike.org/pramana/in.purana.linga.1.103.34) sūryakoṭipratīkāśās tatrājagmurgaṇeśvarāḥ pātālacāriṇaścaiva sarvalokanivāsinaḥ // ### [1.103.35](https://indike.org/pramana/in.purana.linga.1.103.35) tuṃbarurnārado hāhā hūhūścaiva tu sāmagāḥ ratnānyādāya vādyāṃś ca tatrājagmustadā puram // ### [1.103.36](https://indike.org/pramana/in.purana.linga.1.103.36) ṛṣayaḥ kṛtsnaśastatra devagītāstapodhanāḥ puṇyān vaivāhikān mantrān ajapur hṛṣṭamānasāḥ // ### [1.103.37](https://indike.org/pramana/in.purana.linga.1.103.37) tata evaṃ pravṛtte tu sarvataś ca samāgame girijāṃ tām alaṃkṛtya svayameva śucismitām // ### [1.103.38](https://indike.org/pramana/in.purana.linga.1.103.38) puraṃ praveśayāmāsa svayam ādāya keśavaḥ sadasyāha ca deveśaṃ nārāyaṇamajo harim // ### [1.103.39](https://indike.org/pramana/in.purana.linga.1.103.39) bhavānagre samutpanno bhavānyā saha daivataiḥ vāmāṅgādasya rudrasya dakṣiṇāṅgādahaṃ prabho // ### [1.103.40](https://indike.org/pramana/in.purana.linga.1.103.40) manmūrtistuhinādrīśo yajñārthaṃ sṛṣṭa eva hi eṣā haimavatī jajñe māyayā parameṣṭhinaḥ // ### [1.103.41](https://indike.org/pramana/in.purana.linga.1.103.41) śrautasmārtapravṛttyartham udvāhārtham ihāgataḥ ato 'sau jagatāṃ dhātrī dhātā tava mamāpi ca // ### [1.103.42](https://indike.org/pramana/in.purana.linga.1.103.42) asya devasya rudrasya mūrtibhir vihitaṃ jagat kṣmābagnikhendusūryātmapavanātmā yato bhavaḥ // ### [1.103.43](https://indike.org/pramana/in.purana.linga.1.103.43) tathāpi tasmai dātavyā vacanācca girermama eṣā hy ajā śuklakṛṣṇā lohitā prakṛtirbhavān // ### [1.103.44](https://indike.org/pramana/in.purana.linga.1.103.44) śreyo 'pi śailarājena saṃbandho 'yaṃ tavāpi ca tava pādme samudbhūtaḥ kalpe nābhyaṃbujādaham // ### [1.103.45](https://indike.org/pramana/in.purana.linga.1.103.45) madaṃśasyāsya śailasya mamāpi ca gururbhavān bāḍham ityajam āhāsau devadevo janārdanaḥ // ### [1.103.46](https://indike.org/pramana/in.purana.linga.1.103.46) devāś ca munayaḥ sarve devadevaś ca śaṅkaraḥ tataścotthāya vidvānsaḥ padmanābhaḥ praṇamya tām // ### [1.103.47](https://indike.org/pramana/in.purana.linga.1.103.47) pādau prakṣālya devasya karābhyāṃ kamalekṣaṇaḥ abhyukṣad ātmano mūrdhni brahmaṇaś ca gires tathā // ### [1.103.48](https://indike.org/pramana/in.purana.linga.1.103.48) tvadīyaiṣā vivāhārthaṃ menajā hyanujā mama ityuktvā sodakaṃ dattvā devīṃ deveśvarāya tām // ### [1.103.49](https://indike.org/pramana/in.purana.linga.1.103.49) svātmānamapi devāya sodakaṃ pradadau hariḥ atha sarve muniśreṣṭhāḥ sarvavedārthapāragāḥ // ### [1.103.50](https://indike.org/pramana/in.purana.linga.1.103.50) ūcurdātā gṛhītā ca phalaṃ dravyaṃ vicārataḥ eṣa devo haro nūnaṃ māyayā hi tato jagat // ### [1.103.51](https://indike.org/pramana/in.purana.linga.1.103.51) ityuktvā taṃ praṇemuś ca prītikaṇṭakitatvacaḥ sasṛjuḥ puṣpavarṣāṇi khecarāḥ siddhacāraṇāḥ // ### [1.103.52](https://indike.org/pramana/in.purana.linga.1.103.52) devadundubhayo nedur nanṛtuścāpsarogaṇāḥ vedāś ca mūrtimantaste praṇemustaṃ maheśvaram // ### [1.103.53](https://indike.org/pramana/in.purana.linga.1.103.53) brahmaṇā munibhiḥ sārdhaṃ devadevamumāpatim devo 'pi devīmālokya salajjāṃ himaśailajām // ### [1.103.54](https://indike.org/pramana/in.purana.linga.1.103.54) na tṛpyatyanavadyāṅgī sā ca devaṃ vṛṣadhvajam varado 'smīti taṃ prāha hariṃ so 'pyāha śaṅkaram // ### [1.103.55](https://indike.org/pramana/in.purana.linga.1.103.55) tvayi bhaktiḥ prasīdeti brahmākhyāṃ ca dadau tu saḥ tatastu punarevāha brahmā vijñāpayanprabhum // ### [1.103.56](https://indike.org/pramana/in.purana.linga.1.103.56) havirjuhomi vahnau tu upādhyāyapade sthitaḥ dadāsi mama yadyājñāṃ kartavyo hyakṛto vidhiḥ // ### [1.103.57](https://indike.org/pramana/in.purana.linga.1.103.57) tamāha śaṅkaro devaṃ devadevo jagatpatiḥ yadyadiṣṭaṃ suraśreṣṭha tatkuruṣva yathepsitam // ### [1.103.58](https://indike.org/pramana/in.purana.linga.1.103.58) kartāsmi vacanaṃ sarvaṃ devadeva pitāmaha tataḥ praṇamya hṛṣṭātmā brahmā lokapitāmahaḥ // ### [1.103.59](https://indike.org/pramana/in.purana.linga.1.103.59) hastaṃ devasya devyāś ca yuyoja paramaṃ prabhuḥ jvalanaś ca svayaṃ tatra kṛtāñjalirupasthitaḥ // ### [1.103.60](https://indike.org/pramana/in.purana.linga.1.103.60) śrautairetairmahāmantrair mūrtimadbhir upasthitaiḥ yathoktavidhinā hutvā lājānapi yathākramam // ### [1.103.61](https://indike.org/pramana/in.purana.linga.1.103.61) ānītānviṣṇunā viprān sampūjya vividhairvaraiḥ triś ca taṃ jvalanaṃ devaṃ kārayitvā pradakṣiṇam // ### [1.103.62](https://indike.org/pramana/in.purana.linga.1.103.62) muktvā hastasamāyogaṃ sahitaiḥ sarvadaivataiḥ suraiś ca mānavaiḥ sarvaiḥ prahṛṣṭenāntarātmanā // ### [1.103.63](https://indike.org/pramana/in.purana.linga.1.103.63) nanāma bhagavānbrahmā devadevamumāpatim tataḥ pādyaṃ tayor dattvā śaṃbhorācamanaṃ tathā // ### [1.103.64](https://indike.org/pramana/in.purana.linga.1.103.64) madhuparkaṃ tathā gāṃ ca praṇamya ca punaḥ śivam atiṣṭhadbhagavānbrahmā devairindrapurogamaiḥ // ### [1.103.65](https://indike.org/pramana/in.purana.linga.1.103.65) bhṛgvādyamunayaḥ sarve cākṣataistilataṇḍulaiḥ sūryādayaḥ samabhyarcya tuṣṭuvurvṛṣabhadhvajam // ### [1.103.66](https://indike.org/pramana/in.purana.linga.1.103.66) śivaḥ samāpya devoktaṃ vahnimāropya cātmani tayā samāgato rudraḥ sarvalokahitāya vai // ### [1.103.67](https://indike.org/pramana/in.purana.linga.1.103.67) yaḥ paṭhecchṛṇuyādvāpi bhavodvāhaṃ śucismitaḥ śrāvayedvā dvijāñchuddhān vedavedāṅgapāragān // ### [1.103.68](https://indike.org/pramana/in.purana.linga.1.103.68) sa labdhvā gāṇapatyaṃ ca bhavena saha modate yatrāyaṃ kīrtyate viprais tāvadāste tadā bhavaḥ // ### [1.103.69](https://indike.org/pramana/in.purana.linga.1.103.69) tasmāt sampūjya vidhivat kīrtayennānyathā dvijāḥ udvāhe ca dvijendrāṇāṃ kṣatriyāṇāṃ dvijottamāḥ // ### [1.103.70](https://indike.org/pramana/in.purana.linga.1.103.70) kīrtanīyamidaṃ sarvaṃ bhavodvāhamanuttamam kṛtodvāhastadā devyā haimavatyā vṛṣadhvajaḥ // ### [1.103.71](https://indike.org/pramana/in.purana.linga.1.103.71) sagaṇo nandinā sārdhaṃ sarvadevagaṇairvṛtaḥ purīṃ vārāṇasīṃ divyām ājagāma mahādyutiḥ // ### [1.103.72](https://indike.org/pramana/in.purana.linga.1.103.72) avimukte sukhāsīnaṃ praṇamya vṛṣabhadhvajam apṛcchatkṣetramāhātmyaṃ bhavānī harṣitānanā // ### [1.103.73](https://indike.org/pramana/in.purana.linga.1.103.73) athāhārdhendutilakaḥ kṣetramāhātmyamuttamam avimuktasya māhātmyaṃ vistarācchakyate nahi // ### [1.103.74](https://indike.org/pramana/in.purana.linga.1.103.74) vaktuṃ mayā sureśāni ṛṣisaṃghābhipūjitam kiṃ mayā varṇyate devī hy avimuktaphalodayaḥ // ### [1.103.75](https://indike.org/pramana/in.purana.linga.1.103.75) pāpināṃ yatra muktiḥ syān mṛtānām ekajanmanā anyatra tu kṛtaṃ pāpaṃ vārāṇasyāṃ vyapohati // ### [1.103.76](https://indike.org/pramana/in.purana.linga.1.103.76) vārāṇasyāṃ kṛtaṃ pāpaṃ paiśācyanarakāvaham kṛtvā pāpasahasrāṇi piśācatvaṃ varaṃ nṛṇām // ### [1.103.77](https://indike.org/pramana/in.purana.linga.1.103.77) na tu śakrasahasratvaṃ svarge kāśīpurīṃ vinā yatra triviṣṭapo devo yatra viśveśvaro vibhuḥ // ### [1.103.78](https://indike.org/pramana/in.purana.linga.1.103.78) oṃkāreśaḥ kṛttivāsā mṛtānāṃ na punarbhavaḥ uktvā kṣetrasya māhātmyaṃ saṃkṣepācchaśiśekharaḥ // ### [1.103.79](https://indike.org/pramana/in.purana.linga.1.103.79) darśayāmāsa codyānaṃ parityajya gaṇeśvarān tatraiva bhagavān jāto gajavaktro vināyakaḥ // ### [1.103.80](https://indike.org/pramana/in.purana.linga.1.103.80) daityānāṃ vighnarūpārtham avighnāya divaukasām etadvaḥ kathitaṃ sarvaṃ kathāsarvasvamuttamam // ### [1.103.81](https://indike.org/pramana/in.purana.linga.1.103.81) yathāśrutaṃ mayā sarvaṃ prasādādvaḥ suśobhanam // ### [1.103.81.p1](https://indike.org/pramana/in.purana.linga.1.103.81.p1) iti śrīliṅgamahāpurāṇe pūrvabhāge pārvatīvivāhavarṇanaṃ nāma tryadhikaśatatamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.127.40) — Gaṇeśa Bhaṭṭa, Sanskrit ## Linked texts (5) - [Brahmapurāṇa](https://indike.org/pramana/in.purana.brahma.36.67) — Vyāsa, Sanskrit - [Vīraśaivācārapradīpikā](https://indike.org/pramana/in.sampradaya.saiva.virasaiva.virasaivacarapradipika.458) — Gurudeva 1575, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.125.1) — Ativīrarāma Pāṇṭiyar 1500, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.2.38.p3) — Sanskrit - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.109.299) — Sanskrit --- Source: [https://indike.org/pramana/in.purana.linga.1.103](https://indike.org/pramana/in.purana.linga.1.103) · Pramāṇa