[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.105 # Lingapurana 1.105 Liṅgapurāṇa 1.105 - **Language:** Sanskrit ## Contents - [1.105.30](https://indike.org/pramana/in.purana.linga.1.105.30) — 1 part ### [1.105.1](https://indike.org/pramana/in.purana.linga.1.105.1) sūta uvāca yadā sthitāḥ sureśvarāḥ praṇamya caivamīśvaram tadāṃbikāpatir bhavaḥ pinākadhṛṅ maheśvaraḥ // ### [1.105.2](https://indike.org/pramana/in.purana.linga.1.105.2) dadau nirīkṣaṇaṃ kṣaṇād bhavaḥ sa tānsurottamān praṇemurādarāddharaṃ surā mudārdralocanāḥ // ### [1.105.3](https://indike.org/pramana/in.purana.linga.1.105.3) bhavaḥ sudhāmṛtopamair nirīkṣaṇairnirīkṣaṇāt tadāha bhadramastu vaḥ sureśvarān maheśvaraḥ // ### [1.105.4](https://indike.org/pramana/in.purana.linga.1.105.4) varārthamīśa vīkṣyate surā gṛhaṃ gatāstvime praṇamya cāha vākpatiḥ patiṃ nirīkṣya nirbhayaḥ // ### [1.105.5](https://indike.org/pramana/in.purana.linga.1.105.5) suretarādibhiḥ sadā hy avighnamarthito bhavān samastakarmasiddhaye surāpakārakāribhiḥ // ### [1.105.6](https://indike.org/pramana/in.purana.linga.1.105.6) tataḥ prasīdatād bhavān suvighnakarmakāraṇam surāpakārakāriṇām ihaiṣa eva no varaḥ // ### [1.105.7](https://indike.org/pramana/in.purana.linga.1.105.7) tatastadā niśamya vai pinākadhṛk sureśvaraḥ gaṇeśvaraṃ sureśvaraṃ vapurdadhāra saḥ śivaḥ // ### [1.105.8](https://indike.org/pramana/in.purana.linga.1.105.8) gaṇeśvarāś ca tuṣṭuvuḥ sureśvarā maheśvaram samastalokasaṃbhavaṃ bhavārttihāriṇaṃ śubham // ### [1.105.9](https://indike.org/pramana/in.purana.linga.1.105.9) ibhānanāśritaṃ varaṃ triśūlapāśadhāriṇam samastalokasaṃbhavaṃ gajānanaṃ tadāṃbikā // ### [1.105.10](https://indike.org/pramana/in.purana.linga.1.105.10) daduḥ puṣpavarṣaṃ hi siddhā munīndrās tathā khecarā devasaṃghāstadānīm tadā tuṣṭuvuścaikadantaṃ sureśāḥ praṇemurgaṇeśaṃ maheśaṃ vitandrāḥ // ### [1.105.11](https://indike.org/pramana/in.purana.linga.1.105.11) tadā tayorvinirgataḥ subhairavaḥ sa mūrtimān sthito nanarta bālakaḥ samastamaṅgalālayaḥ // ### [1.105.12](https://indike.org/pramana/in.purana.linga.1.105.12) vicitravastrabhūṣaṇair alaṃkṛto gajānanaḥ maheśvarasya putrako 'bhivandya tātam ambikām // ### [1.105.13](https://indike.org/pramana/in.purana.linga.1.105.13) jātamātraṃ sutaṃ dṛṣṭvā cakāra bhagavānbhavaḥ gajānanāya kṛtyāṃstu sarvānsarveśvaraḥ svayam // ### [1.105.14](https://indike.org/pramana/in.purana.linga.1.105.14) ādāya ca karābhyāṃ ca susukhābhyāṃ bhavaḥ svayam āliṅgyāghrāya mūrdhānaṃ mahādevo jagadguruḥ // ### [1.105.15](https://indike.org/pramana/in.purana.linga.1.105.15) tavāvatāro daityānāṃ vināśāya mamātmaja devānāmupakārārthaṃ dvijānāṃ brahmavādinām // ### [1.105.16](https://indike.org/pramana/in.purana.linga.1.105.16) yajñaś ca dakṣiṇāhīnaḥ kṛto yena mahītale tasya dharmasya vighnaṃ ca kuru svargapathe sthitaḥ // ### [1.105.17](https://indike.org/pramana/in.purana.linga.1.105.17) adhyāpanaṃ cādhyayanaṃ vyākhyānaṃ karma eva ca yo 'nyāyataḥ karotyasmin tasya prāṇānsadā hara // ### [1.105.18](https://indike.org/pramana/in.purana.linga.1.105.18) varṇāccyutānāṃ nārīṇāṃ narāṇāṃ narapuṅgava svadharmarahitānāṃ ca prāṇānapahara prabho // ### [1.105.19](https://indike.org/pramana/in.purana.linga.1.105.19) yāḥ striyastvāṃ sadā kālaṃ puruṣāś ca vināyaka yajanti tāsāṃ teṣāṃ ca tvatsāmyaṃ dātumarhasi // ### [1.105.20](https://indike.org/pramana/in.purana.linga.1.105.20) tvaṃ bhaktān sarvayatnena rakṣa bālagaṇeśvara yauvanasthāṃś ca vṛddhāṃś ca ihāmutra ca pūjitaḥ // ### [1.105.21](https://indike.org/pramana/in.purana.linga.1.105.21) jagattraye 'tra sarvatra tvaṃ hi vighnagaṇeśvaraḥ saṃpūjyo vandanīyaś ca bhaviṣyasi na saṃśayaḥ // ### [1.105.22](https://indike.org/pramana/in.purana.linga.1.105.22) māṃ ca nārāyaṇaṃ vāpi brahmāṇam api putraka yajanti yajñairvā viprair agre pūjyo bhaviṣyasi // ### [1.105.23](https://indike.org/pramana/in.purana.linga.1.105.23) tvām anabhyarcya kalyāṇaṃ śrautaṃ smārtaṃ ca laukikam kurute tasya kalyāṇam akalyāṇaṃ bhaviṣyati // ### [1.105.24](https://indike.org/pramana/in.purana.linga.1.105.24) brāhmaṇaiḥ kṣatriyairvaiśyaiḥ śūdraiścaiva gajānana sampūjya sarvasiddhyarthaṃ bhakṣyabhojyādibhiḥ śubhaiḥ // ### [1.105.25](https://indike.org/pramana/in.purana.linga.1.105.25) tvāṃ gandhapuṣpadhūpādyair anabhyarcya jagattraye devairapi tathānyaiś ca labdhavyaṃ nāsti kutracit // ### [1.105.26](https://indike.org/pramana/in.purana.linga.1.105.26) abhyarcayanti ye lokā mānavāstu vināyakam te cārcanīyāḥ śakrādyair bhaviṣyanti na saṃśayaḥ // ### [1.105.27](https://indike.org/pramana/in.purana.linga.1.105.27) ajaṃ hariṃ ca māṃ vāpi śakramanyānsurānapi vighnair bādhayasi tvāṃ cen nārcayanti phalārthinaḥ // ### [1.105.28](https://indike.org/pramana/in.purana.linga.1.105.28) sasarja ca tadā vighnagaṇaṃ gaṇapatiḥ prabhuḥ gaṇaiḥ sārdhaṃ namaskṛtvāpy atiṣṭhattasya cāgrataḥ // ### [1.105.29](https://indike.org/pramana/in.purana.linga.1.105.29) tadā prabhṛti loke 'smin pūjayanti gaṇeśvaram daityānāṃ dharmavighnaṃ ca cakārāsau gaṇeśvaraḥ // ### [1.105.30](https://indike.org/pramana/in.purana.linga.1.105.30) etadvaḥ kathitaṃ sarvaṃ skandāgrajasamudbhavam yaḥ paṭhecchṛṇuyādvāpi śrāvayedvā sukhībhavet // ### [1.105.30.p1](https://indike.org/pramana/in.purana.linga.1.105.30.p1) iti śrīliṅgamahāpurāṇe pūrvabhāge vināyakotpattirnāma pañcādhikaśatatamo 'dhyāyaḥ ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.129.3) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu.129.3) — Gaṇeśa Ballāla Nātū, Sanskrit ## Linked texts (2) - [Liṅga](https://indike.org/pramana/in.purana.linga-anon.127.1) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.127.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.105](https://indike.org/pramana/in.purana.linga.1.105) · Pramāṇa