[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.107 # Lingapurana 1.107 Liṅgapurāṇa 1.107 - **Language:** Sanskrit ## Contents - [1.107.64](https://indike.org/pramana/in.purana.linga.1.107.64) — 1 part ### [1.107.1](https://indike.org/pramana/in.purana.linga.1.107.1) ṛṣaya ūcuḥ puropamanyunā sūta gāṇapatyaṃ maheśvarāt kṣīrārṇavaḥ kathaṃ labdho vaktumarhasi sāṃpratam // ### [1.107.2](https://indike.org/pramana/in.purana.linga.1.107.2) sūta uvāca evaṃ kālīm upālabhya gate deve triyaṃbake upamanyuḥ samabhyarcya tapasā labdhavānphalam // ### [1.107.3](https://indike.org/pramana/in.purana.linga.1.107.3) upamanyuriti khyāto muniś ca dvijasattamāḥ kumāra iva tejasvī krīḍamāno yadṛcchayā // ### [1.107.4](https://indike.org/pramana/in.purana.linga.1.107.4) kadācit kṣīram alpaṃ ca pītavān mātulāśrame īrṣyayā mātulasuto hy apibat kṣīram uttamam // ### [1.107.5](https://indike.org/pramana/in.purana.linga.1.107.5) pītvā sthitaṃ yathākāmaṃ dṛṣṭvā provāca mātaram mātarmātarmahābhāge mama dehi tapasvini // ### [1.107.6](https://indike.org/pramana/in.purana.linga.1.107.6) gavyaṃ kṣīram atisvādu nālpamuṣṇaṃ namāmyaham upalālitaivaṃ putreṇa putram āliṅgya sādaram // ### [1.107.7](https://indike.org/pramana/in.purana.linga.1.107.7) duḥkhitā vilalāpārtā smṛtvā nairdhanyamātmanaḥ smṛtvā smṛtvā punaḥ kṣīram upamanyurapi dvijāḥ dehi dehīti tāmāha rodamāno mahādyutiḥ // ### [1.107.8](https://indike.org/pramana/in.purana.linga.1.107.8) uñchavṛttyārjitān bījān svayaṃ piṣṭvā ca sā tadā bījapiṣṭaṃ tadāloḍya toyena kalabhāṣiṇī // ### [1.107.9](https://indike.org/pramana/in.purana.linga.1.107.9) aihyehi mama putreti sāmapūrvaṃ tataḥ sutam āliṅgyādāya duḥkhārtā pradadau kṛtrimaṃ payaḥ // ### [1.107.10](https://indike.org/pramana/in.purana.linga.1.107.10) pītvā ca kṛtrimaṃ kṣīraṃ mātrā dattaṃ dvijottamāḥ naitatkṣīramiti prāha mātaraṃ cātivihvalaḥ // ### [1.107.11](https://indike.org/pramana/in.purana.linga.1.107.11) duḥkhitā sā tadā prāha samprekṣyāghrāya mūrdhani saṃmārjya netre putrasya karābhyāṃ kamalāyate // ### [1.107.12](https://indike.org/pramana/in.purana.linga.1.107.12) taṭinī ratnapūrṇāste svargapātālagocarāḥ bhāgyahīnā na paśyanti bhaktihīnāś ca ye śive // ### [1.107.13](https://indike.org/pramana/in.purana.linga.1.107.13) rājyaṃ svargaṃ ca mokṣaṃ ca bhojanaṃ kṣīrasaṃbhavam na labhante priyāṇyeṣāṃ no tuṣyati sadā bhavaḥ // ### [1.107.14](https://indike.org/pramana/in.purana.linga.1.107.14) bhavaprasādajaṃ sarvaṃ nānyadevaprasādajam anyadeveṣu niratā duḥkhārtā vibhramanti ca // ### [1.107.15](https://indike.org/pramana/in.purana.linga.1.107.15) kṣīraṃ tatra kuto 'smākaṃ mahādevo na pūjitaḥ pūrvajanmani yaddattaṃ śivamudyamya vai suta // ### [1.107.16](https://indike.org/pramana/in.purana.linga.1.107.16) tadeva labhyaṃ nānyattu viṣṇumudyamya vā prabhum niśamya vacanaṃ mātur upamanyurmahādyutiḥ // ### [1.107.17](https://indike.org/pramana/in.purana.linga.1.107.17) bālo 'pi mātaraṃ prāha praṇipatya tapasvinīm tyaja śokaṃ mahābhāge mahādevo 'sti cetkvacit // ### [1.107.18](https://indike.org/pramana/in.purana.linga.1.107.18) cirādvā hyacirādvāpi kṣīrodaṃ sādhayāmyaham tāṃ praṇamyaivamuktvā sa tapaḥ kartuṃ pracakrame // ### [1.107.19](https://indike.org/pramana/in.purana.linga.1.107.19) tamāha mātā suśubhaṃ kurviti sutarāṃ sutam anujñātastayā tatra tapastepe sudustaram // ### [1.107.20](https://indike.org/pramana/in.purana.linga.1.107.20) himavatparvataṃ prāpya vāyubhakṣaḥ samāhitaḥ tapasā tasya viprasya vidhūpitamabhūjjagat // ### [1.107.21](https://indike.org/pramana/in.purana.linga.1.107.21) praṇamyāhustu tatsarve haraye devasattamāḥ śrutvā teṣāṃ tadā vākyaṃ bhagavānpuruṣottamaḥ // ### [1.107.22](https://indike.org/pramana/in.purana.linga.1.107.22) kimidaṃ tviti saṃcintya jñātvā tatkāraṇaṃ ca saḥ jagāma mandaraṃ tūrṇaṃ maheśvaradidṛkṣayā // ### [1.107.23](https://indike.org/pramana/in.purana.linga.1.107.23) dṛṣṭvā devaṃ praṇamyaivaṃ provācedaṃ kṛtāñjaliḥ bhagavan brāhmaṇaḥ kaścid upamanyuritiśrutaḥ // ### [1.107.24](https://indike.org/pramana/in.purana.linga.1.107.24) kṣīrārthamadahatsarvaṃ tapasā taṃ nivāraya etasminnantare devaḥ pinākī parameśvaraḥ śakrarūpaṃ samāsthāya gantuṃ cakre matiṃ tadā // ### [1.107.25](https://indike.org/pramana/in.purana.linga.1.107.25) atha jagāma munestu tapovanaṃ gajavareṇa sitena sadāśivaḥ saha surāsurasiddhamahoragair amararājatanuṃ svayamāsthitaḥ // ### [1.107.26](https://indike.org/pramana/in.purana.linga.1.107.26) vāmena śacyā sahitaṃ surendraṃ kareṇa cānyena sitātapatram // ### [1.107.27](https://indike.org/pramana/in.purana.linga.1.107.27) rarāja bhagavān somaḥ śakrarūpī sadāśivaḥ sitātapatreṇa yathā candrabiṃbena mandaraḥ // ### [1.107.28](https://indike.org/pramana/in.purana.linga.1.107.28) āsthāyaivaṃ hi śakrasya svarūpaṃ parameśvaraḥ jagāmānugrahaṃ kartum upamanyos tadāśramam // ### [1.107.29](https://indike.org/pramana/in.purana.linga.1.107.29) taṃ dṛṣṭvā parameśānaṃ śakrarūpadharaṃ śivam praṇamya śirasā prāha munirmunivarāḥ svayam // ### [1.107.30](https://indike.org/pramana/in.purana.linga.1.107.30) pāvitaścāśramaścāyaṃ mama deveśvaraḥ svayam prāptaḥ śakro jagannātho bhagavānbhānunā prabhuḥ // ### [1.107.31](https://indike.org/pramana/in.purana.linga.1.107.31) evamuktvā sthitaṃ vīkṣya kṛtāñjalipuṭaṃ dvijam prāha gaṃbhīrayā vācā śakrarūpadharo haraḥ // ### [1.107.32](https://indike.org/pramana/in.purana.linga.1.107.32) tuṣṭo 'smi te varaṃ brūhi tapasānena suvrata dadāmi cepsitān sarvān dhaumyāgraja mahāmate // ### [1.107.33](https://indike.org/pramana/in.purana.linga.1.107.33) evamuktastadā tena śakreṇa munisattamaḥ varayāmi śive bhaktim ityuvāca kṛtāñjaliḥ // ### [1.107.34](https://indike.org/pramana/in.purana.linga.1.107.34) tato niśamya vacanaṃ muneḥ kupitavatprabhuḥ prāha savyagramīśānaḥ śakrarūpadharaḥ svayam // ### [1.107.35](https://indike.org/pramana/in.purana.linga.1.107.35) māṃ na jānāsi devarṣe devarājānamīśvaram trailokyādhipatiṃ śakraṃ sarvadevanamaskṛtam // ### [1.107.36](https://indike.org/pramana/in.purana.linga.1.107.36) madbhakto bhava viprarṣe māmevārcaya sarvadā dadāmi sarvaṃ bhadraṃ te tyaja rudraṃ ca nirguṇam // ### [1.107.37](https://indike.org/pramana/in.purana.linga.1.107.37) tataḥ śakrasya vacanaṃ śrutvā śrotravidāraṇam upamanyuridaṃ prāha japan pañcākṣaraṃ śubham // ### [1.107.38](https://indike.org/pramana/in.purana.linga.1.107.38) manye śakrasya rūpeṇa nūnam atrāgataḥ svayam kartuṃ daityādhamaḥ kaścid dharmavighnaṃ ca nānyathā // ### [1.107.39](https://indike.org/pramana/in.purana.linga.1.107.39) tvayaiva kathitaṃ sarvaṃ bhavanindāratena vai prasaṃgāddevadevasya nirguṇatvaṃ mahātmanaḥ // ### [1.107.40](https://indike.org/pramana/in.purana.linga.1.107.40) bahunātra kimuktena mayādyānumitaṃ mahat bhavāntarakṛtaṃ pāpaṃ śrutā nindā bhavasya tu // ### [1.107.41](https://indike.org/pramana/in.purana.linga.1.107.41) śrutvā nindāṃ bhavasyātha tatkṣaṇādeva saṃtyajet svadehaṃ taṃ nihatyāśu śivalokaṃ sa gacchati // ### [1.107.42](https://indike.org/pramana/in.purana.linga.1.107.42) yo vācotpāṭayejjihvāṃ śivanindāratasya tu triḥ saptakulamuddhṛtya śivalokaṃ sa gacchati // ### [1.107.43](https://indike.org/pramana/in.purana.linga.1.107.43) āstāṃ tāvanmamecchāyāḥ kṣīraṃ prati surādhamam nihatya tvāṃ śivāstreṇa tyajāmyetatkalevaram // ### [1.107.44](https://indike.org/pramana/in.purana.linga.1.107.44) purā mātrā tu kathitaṃ tathyameva na saṃśayaḥ pūrvajanmani cāsmābhir apūjita iti prabhuḥ // ### [1.107.45](https://indike.org/pramana/in.purana.linga.1.107.45) evamuktvā tu taṃ devam upamanyurabhītavat śakraṃ cakre matiṃ hantum atharvāstreṇa mantravit // ### [1.107.46](https://indike.org/pramana/in.purana.linga.1.107.46) bhasmādhārānmahātejā bhasmamuṣṭiṃ pragṛhya ca atharvāstraṃ tatastasmai sasarja ca nanāda ca // ### [1.107.47](https://indike.org/pramana/in.purana.linga.1.107.47) dagdhuṃ svadeham āgneyīṃ dhyātvā vai dhāraṇāṃ tadā atiṣṭhacca mahātejāḥ śuṣkendhanamivāvyayaḥ // ### [1.107.48](https://indike.org/pramana/in.purana.linga.1.107.48) evaṃ vyavasite vipre bhagavānbhaganetrahā vārayāmāsa saumyena dhāraṇāṃ tasya yoginaḥ // ### [1.107.49](https://indike.org/pramana/in.purana.linga.1.107.49) atharvāstraṃ tadā tasya saṃhṛtaṃ candrakeṇa tu kālāgnisadṛśaṃ cedaṃ niyogānnandinas tathā // ### [1.107.50](https://indike.org/pramana/in.purana.linga.1.107.50) svarūpameva bhagavān āsthāya parameśvaraḥ darśayāmāsa viprāya bālendukṛtaśekharam // ### [1.107.51](https://indike.org/pramana/in.purana.linga.1.107.51) kṣīradhārāsahasraṃ ca kṣīrodārṇavameva ca dadhyāderarṇavaṃ caiva ghṛtodārṇavameva ca // ### [1.107.52](https://indike.org/pramana/in.purana.linga.1.107.52) phalārṇavaṃ ca bālasya bhakṣyabhojyārṇavaṃ tathā apūpagirayaścaiva tathātiṣṭhan samantataḥ // ### [1.107.53](https://indike.org/pramana/in.purana.linga.1.107.53) upamanyumuvāca sasmito bhagavānbandhujanaiḥ samāvṛtam girijām avalokya sasmitāṃ saghṛṇaṃ prekṣyatu taṃ tadā ghṛṇī // ### [1.107.54](https://indike.org/pramana/in.purana.linga.1.107.54) bhuṅkṣva bhogānyathākāmaṃ bāndhavaiḥ paśya vatsa me /\* upamanyo mahābhāga tavāṃbaiṣā hi pārvatī // ### [1.107.55](https://indike.org/pramana/in.purana.linga.1.107.55) mayā putrīkṛto 'syadya dattaḥ kṣīrodadhis tathā madhunaścārṇavaścaiva dadhnaścārṇava eva ca // ### [1.107.56](https://indike.org/pramana/in.purana.linga.1.107.56) ājyodanārṇavaścaiva phalalehyārṇavas tathā apūpagirayaścaiva bhakṣyabhojyārṇavaḥ punaḥ // ### [1.107.57](https://indike.org/pramana/in.purana.linga.1.107.57) pitā tava mahādevaḥ pitā vai jagatāṃ mune mātā tava mahābhāgā jaganmātā na saṃśayaḥ // ### [1.107.58](https://indike.org/pramana/in.purana.linga.1.107.58) amaratvaṃ mayā dattaṃ gāṇapatyaṃ ca śāśvatam varānvaraya dāsyāmi nātra kāryā vicāraṇā // ### [1.107.59](https://indike.org/pramana/in.purana.linga.1.107.59) evamuktvā mahādevaḥ karābhyāmupagṛhya tam āghrāya mūrdhani vibhur dadau devyāstadā bhavaḥ // ### [1.107.60](https://indike.org/pramana/in.purana.linga.1.107.60) devī tanayamālokya dadau tasmai girīndrajā yogaiśvaryaṃ tadā tuṣṭā brahmavidyāṃ dvijottamāḥ // ### [1.107.61](https://indike.org/pramana/in.purana.linga.1.107.61) so 'pi labdhvā varaṃ tasyāḥ kumāratvaṃ ca sarvadā tuṣṭāva ca mahādevaṃ harṣagadgadayā girā // ### [1.107.62](https://indike.org/pramana/in.purana.linga.1.107.62) varayāmāsa ca tadā vareṇyaṃ virajekṣaṇam kṛtāñjalipuṭo bhūtvā praṇipatya punaḥ punaḥ // ### [1.107.63](https://indike.org/pramana/in.purana.linga.1.107.63) prasīda devadeveśa tvayi cāvyabhicāriṇī śraddhā caiva mahādeva sānnidhyaṃ caiva sarvadā // ### [1.107.64](https://indike.org/pramana/in.purana.linga.1.107.64) evamuktastadā tena prahasanniva śaṅkaraḥ dattvepsitaṃ hi viprāya tatraivāntaradhīyata // ### [1.107.64.p1](https://indike.org/pramana/in.purana.linga.1.107.64.p1) iti śrīliṅgamahāpurāṇe pūrvabhāge upamanyucaritaṃ nāma saptādhikaśatatamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.131.25) — Gaṇeśa Bhaṭṭa, Sanskrit ## Linked texts (2) - [Śivapurāṇa (complete text)](https://indike.org/pramana/in.purana.siva*complete-2.7.1.34.11) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.129.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.107](https://indike.org/pramana/in.purana.linga.1.107) · Pramāṇa