[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.108 # Lingapurana 1.108 Liṅgapurāṇa 1.108 - **Language:** Sanskrit ## Contents - [1.108.19](https://indike.org/pramana/in.purana.linga.1.108.19) — 1 part ### [1.108.1](https://indike.org/pramana/in.purana.linga.1.108.1) ṛṣaya ūcuḥ dṛṣṭo 'sau vāsudevena kṛṣṇenākliṣṭakarmaṇā dhaumyāgrajastato labdhaṃ divyaṃ pāśupataṃ vratam // ### [1.108.2](https://indike.org/pramana/in.purana.linga.1.108.2) kathaṃ labdhaṃ tadā jñānaṃ tasmātkṛṣṇena dhīmatā vaktumarhasi tāṃ sūta kathāṃ pātakanāśinīm // ### [1.108.3](https://indike.org/pramana/in.purana.linga.1.108.3) sūta uvāca svecchayā hyavatīrṇo 'pi vāsudevaḥ sanātanaḥ nindayanneva mānuṣyaṃ dehaśuddhiṃ cakāra saḥ // ### [1.108.4](https://indike.org/pramana/in.purana.linga.1.108.4) putrārthaṃ bhagavāṃstatra tapastaptuṃ jagāma ca āśramaṃ copamanyorvai dṛṣṭavāṃstatra taṃ munim // ### [1.108.5](https://indike.org/pramana/in.purana.linga.1.108.5) namaścakāra taṃ dṛṣṭvā dhaumyāgrajamaho dvijāḥ bahumānena vai kṛṣṇas triḥ kṛtvā vai pradakṣiṇam // ### [1.108.6](https://indike.org/pramana/in.purana.linga.1.108.6) tasyāvalokanādeva muneḥ kṛṣṇasya dhīmataḥ naṣṭameva malaṃ sarvaṃ kāyajaṃ karmmajaṃ tathā // ### [1.108.7](https://indike.org/pramana/in.purana.linga.1.108.7) bhasmanoddhūlanaṃ kṛtvā upamanyurmahādyutiḥ tamagniriti viprendrā vāyurityādibhiḥ kramāt // ### [1.108.8](https://indike.org/pramana/in.purana.linga.1.108.8) divyaṃ pāśupataṃ jñānaṃ pradadau prītamānasaḥ muneḥ prasādānmānyo 'sau kṛṣṇaḥ pāśupate dvijāḥ // ### [1.108.9](https://indike.org/pramana/in.purana.linga.1.108.9) tapasā tvekavarṣānte dṛṣṭvā devaṃ maheśvaram sāṃbaṃ sagaṇamavyagraṃ labdhavānputramātmanaḥ // ### [1.108.10](https://indike.org/pramana/in.purana.linga.1.108.10) tadāprabhṛti taṃ kṛṣṇaṃ munayaḥ saṃśitavratāḥ divyāḥ pāśupatāḥ sarve tasthuḥ saṃvṛtya sarvadā // ### [1.108.11](https://indike.org/pramana/in.purana.linga.1.108.11) anyaṃ ca kathayiṣyāmi muktyarthaṃ prāṇināṃ sadā sauvarṇīṃ mekhalāṃ kṛtvā ādhāraṃ daṇḍadhāraṇam // ### [1.108.12](https://indike.org/pramana/in.purana.linga.1.108.12) sauvarṇaṃ piṇḍikaṃ cāpi vyajanaṃ daṇḍameva ca naraiḥ striyātha vā kāryaṃ maṣībhājanalekhanīm // ### [1.108.13](https://indike.org/pramana/in.purana.linga.1.108.13) kṣurāḥ kartarikā cāpi atha pātramathāpi vā pāśupatāya dātavyaṃ bhasmoddhūlitavigrahaiḥ // ### [1.108.14](https://indike.org/pramana/in.purana.linga.1.108.14) sauvarṇaṃ rājataṃ vāpi tāmraṃ vātha nivedayet ātmavittānusāreṇa yoginaṃ pūjayedbudhaḥ // ### [1.108.15](https://indike.org/pramana/in.purana.linga.1.108.15) te sarve pāpanirmuktāḥ samastakulasaṃyutāḥ yānti rudrapadaṃ divyaṃ nātra kāryā vicāraṇā // ### [1.108.16](https://indike.org/pramana/in.purana.linga.1.108.16) tasmādanena dānena gṛhastho mucyate bhavāt yogināṃ saṃpradānena śivaḥ kṣipraṃ prasīdati // ### [1.108.17](https://indike.org/pramana/in.purana.linga.1.108.17) rājyaṃ putraṃ dhanaṃ bhavyam aśvaṃ yānamathāpi vā sarvasvaṃ vāpi dātavyaṃ yadīcchenmokṣamuttamam // ### [1.108.18](https://indike.org/pramana/in.purana.linga.1.108.18) adhruveṇa śarīreṇa dhruvaṃ sādhyaṃ prayatnataḥ bhavyaṃ pāśupataṃ nityaṃ saṃsārārṇavatārakam // ### [1.108.19](https://indike.org/pramana/in.purana.linga.1.108.19) etadvaḥ kathitaṃ sarvaṃ saṃkṣepānna ca saṃśayaḥ yaḥ paṭhecchṛṇuyādvāpi viṣṇulokaṃ sa gacchati // ### [1.108.19.p1](https://indike.org/pramana/in.purana.linga.1.108.19.p1) iti śrīliṅgamahāpurāṇe pūrvabhāge 'ṣṭottaraśatatamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.132.14) — Gaṇeśa Bhaṭṭa, Sanskrit ## Linked texts (3) - [Śivapurāṇa (complete text)](https://indike.org/pramana/in.purana.siva*complete-2.7.2.1.10) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.130.1) — Ativīrarāma Pāṇṭiyar 1500, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.10.p43.3) — Ratnākara 1688, Sanskrit --- Source: [https://indike.org/pramana/in.purana.linga.1.108](https://indike.org/pramana/in.purana.linga.1.108) · Pramāṇa