[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.12 # Lingapurana 1.12 Liṅgapurāṇa 1.12 - **Language:** Sanskrit ### [1.12.1](https://indike.org/pramana/in.purana.linga.1.12.1) sūta uvāca tatastriṃśattamaḥ kalpo rakto nāma prakīrtitaḥ brahmā yatra mahātejā raktavarṇamadhārayat // ### [1.12.2](https://indike.org/pramana/in.purana.linga.1.12.2) dhyāyataḥ putrakāmasya brahmaṇaḥ parameṣṭhinaḥ prādurbhūto mahātejāḥ kumāro raktabhūṣaṇaḥ // ### [1.12.3](https://indike.org/pramana/in.purana.linga.1.12.3) raktamālyāmbaradharo raktanetraḥ pratāpavān sa taṃ dṛṣṭvā mahātmānaṃ kumāraṃ raktavāsasam // ### [1.12.4](https://indike.org/pramana/in.purana.linga.1.12.4) paraṃ dhyānaṃ samāśritya bubudhe devamīśvaram sa taṃ praṇamya bhagavān brahmā paramayantritaḥ // ### [1.12.5](https://indike.org/pramana/in.purana.linga.1.12.5) vāmadevaṃ tato brahmā brahma vai samacintayat tathā stuto mahādevo brahmaṇā parameśvaraḥ // ### [1.12.6](https://indike.org/pramana/in.purana.linga.1.12.6) pratītahṛdayaḥ sarva idamāha pitāmaham dhyāyatā putrakāmena yasmātte 'haṃ pitāmaha // ### [1.12.7](https://indike.org/pramana/in.purana.linga.1.12.7) dṛṣṭaḥ paramayā bhaktyā stutaś ca brahmapūrvakam tasmāddhyānabalaṃ prāpya kalpe kalpe prayatnataḥ // ### [1.12.8](https://indike.org/pramana/in.purana.linga.1.12.8) vetsyase māṃ prasaṃkhyātaṃ lokadhātāramīśvaram tatastasya mahātmānaś catvāraste kumārakāḥ // ### [1.12.9](https://indike.org/pramana/in.purana.linga.1.12.9) saṃbabhūvurmahātmāno viśuddhā brahmavarcasaḥ virajāś ca vibāhuś ca viśoko viśvabhāvanaḥ // ### [1.12.10](https://indike.org/pramana/in.purana.linga.1.12.10) brahmaṇyā brahmaṇastulyā vīrā adhyavasāyinaḥ raktāṃbaradharāḥ sarve raktamālyānulepanāḥ // ### [1.12.11](https://indike.org/pramana/in.purana.linga.1.12.11) raktakuṅkumaliptāṅgā raktabhasmānulepanāḥ tato varṣasahasrānte brahmatve 'dhyavasāyinaḥ // ### [1.12.12](https://indike.org/pramana/in.purana.linga.1.12.12) gṛṇantaś ca mahātmāno brahma tadvāmadaivikam anugrahārthaṃ lokānāṃ śiṣyāṇāṃ hitakāmyayā // ### [1.12.13](https://indike.org/pramana/in.purana.linga.1.12.13) dharmopadeśamakhilaṃ kṛtvā te brahmaṇaḥ priyāḥ punareva mahādevaṃ praviṣṭā rudramavyayam // ### [1.12.14](https://indike.org/pramana/in.purana.linga.1.12.14) ye 'pi cānye dvijaśreṣṭhā yuñjānā vāmamīśvaram prapaśyanti mahādevaṃ tadbhaktās tatparāyaṇāḥ // ### [1.12.15](https://indike.org/pramana/in.purana.linga.1.12.15) te sarve pāpanirmuktā vimalā brahmacāriṇaḥ rudralokaṃ gamiṣyanti punarāvṛttidurlabham // ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (4) - [Vāyupurāṇa](https://indike.org/pramana/in.purana.vayu.1.22.24) — Vyāsa, Sanskrit - [Liṅga](https://indike.org/pramana/in.purana.linga-anon.15.1) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.15.1) — Ativīrarāma Pāṇṭiyar 1500, Sanskrit - [Prakriyāpāda](https://indike.org/pramana/in.purana.prakriyapada.22.21) — Sanskrit --- Source: [https://indike.org/pramana/in.purana.linga.1.12](https://indike.org/pramana/in.purana.linga.1.12) · Pramāṇa