[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.14 # Lingapurana 1.14 Liṅgapurāṇa 1.14 - **Language:** Sanskrit ### [1.14.1](https://indike.org/pramana/in.purana.linga.1.14.1) sūta uvāca tatastasmingate kalpe pītavarṇe svayaṃbhuvaḥ punaranyaḥ pravṛttastu kalpo nāmnāsitastu saḥ // ### [1.14.2](https://indike.org/pramana/in.purana.linga.1.14.2) ekārṇave tadā vṛtte divye varṣasahasrake sraṣṭukāmaḥ prajā brahmā cintayāmāsa duḥkhitaḥ // ### [1.14.3](https://indike.org/pramana/in.purana.linga.1.14.3) tasya cintayamānasya putrakāmasya vai prabhoḥ kṛṣṇaḥ samabhavadvarṇo dhyāyataḥ parameṣṭhinaḥ // ### [1.14.4](https://indike.org/pramana/in.purana.linga.1.14.4) athāpaśyanmahātejāḥ prādurbhūtaṃ kumārakam kṛṣṇavarṇaṃ mahāvīryaṃ dīpyamānaṃ svatejasā // ### [1.14.5](https://indike.org/pramana/in.purana.linga.1.14.5) kṛṣṇāṃbaradharoṣṇīṣaṃ kṛṣṇayajñopavītinam kṛṣṇena maulinā yuktaṃ kṛṣṇasraganulepanam // ### [1.14.6](https://indike.org/pramana/in.purana.linga.1.14.6) sa taṃ dṛṣṭvā mahātmānam aghoraṃ ghoravikramam vavande devadeveśam adbhutaṃ kṛṣṇapiṅgalam // ### [1.14.7](https://indike.org/pramana/in.purana.linga.1.14.7) prāṇāyāmaparaḥ śrīmān hṛdi kṛtvā maheśvaram manasā dhyānuyuktena prapannastu tamīśvaram // ### [1.14.8](https://indike.org/pramana/in.purana.linga.1.14.8) aghoraṃ tu tato brahmā brahmarūpaṃ vyacintayat tathā vai dhyāyamānasya brahmaṇaḥ parameṣṭhinaḥ // ### [1.14.9](https://indike.org/pramana/in.purana.linga.1.14.9) pradadau darśanaṃ devo hy aghoro ghoravikramaḥ athāsya pārśvataḥ kṛṣṇāḥ kṛṣṇasraganulepanāḥ // ### [1.14.10](https://indike.org/pramana/in.purana.linga.1.14.10) catvārastu mahātmānaḥ saṃbabhūvuḥ kumārakāḥ kṛṣṇaḥ kṛṣṇaśikhaścaiva kṛṣṇāsyaḥ kṛṣṇavastradhṛk // ### [1.14.11](https://indike.org/pramana/in.purana.linga.1.14.11) tato varṣasahasraṃ tu yogataḥ parameśvaram upāsitvā mahāyogaṃ śiṣyebhyaḥ pradaduḥ punaḥ // ### [1.14.12](https://indike.org/pramana/in.purana.linga.1.14.12) yogena yogasampannāḥ praviśya manasā śivam amalaṃ nirguṇaṃ sthānaṃ praviṣṭā viśvamīśvaram // ### [1.14.13](https://indike.org/pramana/in.purana.linga.1.14.13) evametena yogena ye 'pi cānye manīṣiṇaḥ cintayanti mahādevaṃ gantāro rudramavyayam // ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (3) - [Vāyupurāṇa](https://indike.org/pramana/in.purana.vayu.1.23.21) — Vyāsa, Sanskrit - [Liṅga](https://indike.org/pramana/in.purana.linga-anon.17.1) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.17.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.14](https://indike.org/pramana/in.purana.linga.1.14) · Pramāṇa