[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.18 # Lingapurana 1.18 Liṅgapurāṇa 1.18 - **Language:** Sanskrit ### [1.18.1](https://indike.org/pramana/in.purana.linga.1.18.1) viṣṇur uvāca ekākṣarāya rudrāya akārāyātmarūpiṇe ukārāyādidevāya vidyādehāya vai namaḥ // ### [1.18.2](https://indike.org/pramana/in.purana.linga.1.18.2) tṛtīyāya makārāya śivāya paramātmane sūryāgnisomavarṇāya yajamānāya vai namaḥ // ### [1.18.3](https://indike.org/pramana/in.purana.linga.1.18.3) agnaye rudrarūpāya rudrāṇāṃ pataye namaḥ śivāya śivamantrāya sadyojātāya vedhase // ### [1.18.4](https://indike.org/pramana/in.purana.linga.1.18.4) vāmāya vāmadevāya varadāyāmṛtāya te aghorāyātighorāya sadyojātāya raṃhase // ### [1.18.5](https://indike.org/pramana/in.purana.linga.1.18.5) īśānāya śmaśānāya ativegāya vegine namo 'stu śrutipādāya ūrdhvaliṅgāya liṅgine // ### [1.18.6](https://indike.org/pramana/in.purana.linga.1.18.6) hemaliṅgāya hemāya vāriliṅgāya cāṃbhase śivāya śivaliṅgāya vyāpine vyomavyāpine // ### [1.18.7](https://indike.org/pramana/in.purana.linga.1.18.7) vāyave vāyuvegāya namaste vāyuvyāpine tejase tejasāṃ bhartre namastejo 'dhivyāpine // ### [1.18.8](https://indike.org/pramana/in.purana.linga.1.18.8) jalāya jalabhūtāya namaste jalavyāpine pṛthivyai cāntarikṣāya pṛthivīvyāpine namaḥ // ### [1.18.9](https://indike.org/pramana/in.purana.linga.1.18.9) śabdasparśasvarūpāya rasagandhāya gandhine gaṇādhipataye tubhyaṃ guhyādguhyatamāya te // ### [1.18.10](https://indike.org/pramana/in.purana.linga.1.18.10) anantāya virūpāya anantānāmayāya ca śāśvatāya variṣṭhāya vārigarbhāya yogine // ### [1.18.11](https://indike.org/pramana/in.purana.linga.1.18.11) saṃsthitāyāmbhasāṃ madhye āvayormadhyavarcase goptre hartre sadā kartre nidhanāyeśvarāya ca // ### [1.18.12](https://indike.org/pramana/in.purana.linga.1.18.12) acetanāya cintyāya cetanāyāsahāriṇe arūpāya surūpāya anaṅgāyāṅgahāriṇe // ### [1.18.13](https://indike.org/pramana/in.purana.linga.1.18.13) bhasmadigdhaśarīrāya bhānusomāgnihetave śvetāya śvetavarṇāya tuhinādricarāya ca // ### [1.18.14](https://indike.org/pramana/in.purana.linga.1.18.14) suśvetāya suvaktrāya namaḥ śvetaśikhāya ca śvetāsyāya mahāsyāya namaste śvetalohita // ### [1.18.15](https://indike.org/pramana/in.purana.linga.1.18.15) sutārāya viśiṣṭāya namo dundubhine hara śatarūpavirūpāya namaḥ ketumate sadā // ### [1.18.16](https://indike.org/pramana/in.purana.linga.1.18.16) ṛddhiśokaviśokāya pinākāya kapardine vipāśāya supāśāya namaste pāśanāśine // ### [1.18.17](https://indike.org/pramana/in.purana.linga.1.18.17) suhotrāya haviṣyāya subrahmaṇyāya sūriṇe sumukhāya suvaktrāya durdamāya damāya ca // ### [1.18.18](https://indike.org/pramana/in.purana.linga.1.18.18) kaṅkāya kaṅkarūpāya kaṅkaṇīkṛtapannaga sanakāya namastubhyaṃ sanātana sanandana // ### [1.18.19](https://indike.org/pramana/in.purana.linga.1.18.19) sanatkumārasāraṅgam āraṇāya mahātmane lokākṣiṇe tridhāmāya namo virajase sadā // ### [1.18.20](https://indike.org/pramana/in.purana.linga.1.18.20) śaṅkhapālāya śaṅkhāya rajase tamase namaḥ sārasvatāya meghāya meghavāhana te namaḥ // ### [1.18.21](https://indike.org/pramana/in.purana.linga.1.18.21) suvāhāya vivāhāya vivādavaradāya ca namaḥ śivāya rudrāya pradhānāya namonamaḥ // ### [1.18.22](https://indike.org/pramana/in.purana.linga.1.18.22) triguṇāya namastubhyaṃ caturvyūhātmane namaḥ saṃsārāya namastubhyaṃ namaḥ saṃsārahetave // ### [1.18.23](https://indike.org/pramana/in.purana.linga.1.18.23) mokṣāya mokṣarūpāya mokṣakartre namonamaḥ ātmane ṛṣaye tubhyaṃ svāmine viṣṇave namaḥ // ### [1.18.24](https://indike.org/pramana/in.purana.linga.1.18.24) namo bhagavate tubhyaṃ nāgānāṃ pataye namaḥ oṅkārāya namastubhyaṃ sarvajñāya namo namaḥ // ### [1.18.25](https://indike.org/pramana/in.purana.linga.1.18.25) sarvāya ca namastubhyaṃ namo nārāyaṇāya ca namo hiraṇyagarbhāya ādidevāya te namaḥ // ### [1.18.26](https://indike.org/pramana/in.purana.linga.1.18.26) namo 'stvajāya pataye prajānāṃ vyūhahetave mahādevāya devānām īśvarāya namo namaḥ // ### [1.18.27](https://indike.org/pramana/in.purana.linga.1.18.27) śarvāya ca namastubhyaṃ satyāya śamanāya ca brahmaṇe caiva bhūtānāṃ sarvajñāya namo namaḥ // ### [1.18.28](https://indike.org/pramana/in.purana.linga.1.18.28) mahātmane namastubhyaṃ prajñārūpāya vai namaḥ citaye citirūpāya smṛtirūpāya vai namaḥ // ### [1.18.29](https://indike.org/pramana/in.purana.linga.1.18.29) jñānāya jñānagamyāya namaste saṃvide sadā śikharāya namastubhyaṃ nīlakaṇṭhāya vai namaḥ // ### [1.18.30](https://indike.org/pramana/in.purana.linga.1.18.30) ardhanārīśarīrāya avyaktāya namonamaḥ ekādaśavibhedāya sthāṇave te namaḥ sadā // ### [1.18.31](https://indike.org/pramana/in.purana.linga.1.18.31) namaḥ somāya sūryāya bhavāya bhavahāriṇe yaśaskarāya devāya śaṅkarāyeśvarāya ca // ### [1.18.32](https://indike.org/pramana/in.purana.linga.1.18.32) namo 'ṃbikādhipataye umāyāḥ pataye namaḥ hiraṇyabāhave tubhyaṃ namaste hemaretase // ### [1.18.33](https://indike.org/pramana/in.purana.linga.1.18.33) nīlakeśāya vittāya śitikaṇṭhāya vai namaḥ kapardine namastubhyaṃ nāgāṅgābharaṇāya ca // ### [1.18.34](https://indike.org/pramana/in.purana.linga.1.18.34) vṛṣārūḍhāya sarvasya hartre kartre namonamaḥ vīrarāmātirāmāya rāmanāthāya te vibho // ### [1.18.35](https://indike.org/pramana/in.purana.linga.1.18.35) namo rājādhirājāya rājñāmadhigatāya te namaḥ pālādhipataye pālāśākṛntate namaḥ // ### [1.18.36](https://indike.org/pramana/in.purana.linga.1.18.36) namaḥ keyūrabhūṣāya gopate te namonamaḥ namaḥ śrīkaṇṭhanāthāya namo likucapāṇaye // ### [1.18.37](https://indike.org/pramana/in.purana.linga.1.18.37) bhuvaneśāya devāya vedaśāstra namo 'stu te sāraṅgāya namastubhyaṃ rājahaṃsāya te namaḥ // ### [1.18.38](https://indike.org/pramana/in.purana.linga.1.18.38) kanakāṅgadahārāya namaḥ sarpopavītine sarpakuṇḍalamālāya kaṭisūtrīkṛtāhine // ### [1.18.39](https://indike.org/pramana/in.purana.linga.1.18.39) vedagarbhāya garbhāya viśvagarbhāya te śiva virarāmeti saṃstutvā brahmaṇā sahito hariḥ // ### [1.18.40](https://indike.org/pramana/in.purana.linga.1.18.40) etatstotravaraṃ puṇyaṃ sarvapāpapraṇāśanam yaḥ paṭhecchrāvayedvāpi brāhmaṇān vedapāragān // ### [1.18.41](https://indike.org/pramana/in.purana.linga.1.18.41) sa yāti brahmaṇo loke pāpakarmarato 'pi vai tasmājjapetpaṭhennityaṃ śrāvayedbrāhmaṇāñchubhān // ### [1.18.42](https://indike.org/pramana/in.purana.linga.1.18.42) sarvapāpaviśuddhyarthaṃ viṣṇunā paribhāṣitam // ## Linked texts (2) - [Devīrahasya](https://indike.org/pramana/in.sampradaya.saiva.agama.rudra.devirahasya.22.21) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.21.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.18](https://indike.org/pramana/in.purana.linga.1.18) · Pramāṇa