[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.19 # Lingapurana 1.19 Liṅgapurāṇa 1.19 - **Language:** Sanskrit ### [1.19.1](https://indike.org/pramana/in.purana.linga.1.19.1) sūta uvāca athovāca mahādevaḥ prīto 'haṃ surasattamau paśyatāṃ māṃ mahādevaṃ bhayaṃ sarvaṃ vimucyatām // ### [1.19.2](https://indike.org/pramana/in.purana.linga.1.19.2) yuvāṃ prasūtau gātrābhyāṃ mama pūrvaṃ mahābalau ayaṃ me dakṣiṇe pārśve brahmā lokapitāmahaḥ // ### [1.19.3](https://indike.org/pramana/in.purana.linga.1.19.3) vāme pārśve ca me viṣṇur viśvātmā hṛdayodbhavaḥ prīto 'haṃ yuvayoḥ samyag varaṃ dadmi yathepsitam // ### [1.19.4](https://indike.org/pramana/in.purana.linga.1.19.4) evamuktvā tu taṃ viṣṇuṃ karābhyāṃ parameśvaraḥ pasparśa subhagābhyāṃ tu kṛpayā tu kṛpānidhiḥ // ### [1.19.5](https://indike.org/pramana/in.purana.linga.1.19.5) tataḥ prahṛṣṭamanasā praṇipatya maheśvaram prāha nārāyaṇo nāthaṃ liṅgasthaṃ liṅgavarjitam // ### [1.19.6](https://indike.org/pramana/in.purana.linga.1.19.6) yadi prītiḥ samutpannā yadi deyo varaś ca nau bhaktirbhavatu nau nityaṃ tvayi cāvyabhicāriṇī // ### [1.19.7](https://indike.org/pramana/in.purana.linga.1.19.7) devaḥ pradattavān devāḥ svātmanyavyabhicāriṇīm brahmaṇe viṣṇave caiva śraddhāṃ śītāṃśubhūṣaṇaḥ // ### [1.19.8](https://indike.org/pramana/in.purana.linga.1.19.8) jānubhyāmavanīṃ gatvā punarnārāyaṇaḥ svayam praṇipatya ca viśveśaṃ prāha mandataraṃ vaśī // ### [1.19.9](https://indike.org/pramana/in.purana.linga.1.19.9) āvayordevadeveśa vivādamatiśobhanam ihāgato bhavān yasmād vivādaśamanāya nau // ### [1.19.10](https://indike.org/pramana/in.purana.linga.1.19.10) tasya tadvacanaṃ śrutvā punaḥ prāha haro harim praṇipatya sthitaṃ mūrdhnā kṛtāñjalipuṭaṃ smayan // ### [1.19.11](https://indike.org/pramana/in.purana.linga.1.19.11) śrīmahādeva uvāca pralayasthitisargāṇāṃ kartā tvaṃ dharaṇīpate vatsa vatsa hare viṣṇo pālayaitaccarācaram // ### [1.19.12](https://indike.org/pramana/in.purana.linga.1.19.12) tridhā bhinno hyahaṃ viṣṇo brahmaviṣṇubhavākhyayā sargarakṣālayaguṇair niṣkalaḥ parameśvaraḥ // ### [1.19.13](https://indike.org/pramana/in.purana.linga.1.19.13) saṃmohaṃ tyaja bho viṣṇo pālayainaṃ pitāmaham pādme bhaviṣyati sutaḥ kalpe tava pitāmahaḥ // ### [1.19.14](https://indike.org/pramana/in.purana.linga.1.19.14) tadā drakṣyasi māṃ caivaṃ so 'pi drakṣyati padmajaḥ evamuktvā sa bhagavāṃs tatraivāntaradhīyata // ### [1.19.15](https://indike.org/pramana/in.purana.linga.1.19.15) tadāprabhṛti lokeṣu liṅgārcā supratiṣṭhitā liṅgavedī mahādevī liṅgaṃ sākṣānmaheśvaraḥ // ### [1.19.16](https://indike.org/pramana/in.purana.linga.1.19.16) layanālliṅgamityuktaṃ tatraiva nikhilaṃ surāḥ yastu laiṅgaṃ paṭhennityam ākhyānaṃ liṅgasannidhau // ### [1.19.17](https://indike.org/pramana/in.purana.linga.1.19.17) sa yāti śivatāṃ vipro nātra kāryā vicāraṇā // ## Linked texts (2) - [Śivapurāṇa (complete text)](https://indike.org/pramana/in.purana.siva*complete-2.2.1.9.23) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.23.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.19](https://indike.org/pramana/in.purana.linga.1.19) · Pramāṇa