[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.33 # Lingapurana 1.33 Liṅgapurāṇa 1.33 - **Language:** Sanskrit ## Contents - [1.33.24](https://indike.org/pramana/in.purana.linga.1.33.24) — 1 part ### [1.33.1](https://indike.org/pramana/in.purana.linga.1.33.1) nandyuvāca tatastutoṣa bhagavān anugṛhya maheśvaraḥ stutiṃ śrutvā stutasteṣām idaṃ vacanamabravīt // ### [1.33.2](https://indike.org/pramana/in.purana.linga.1.33.2) yaḥ paṭhecchṛṇuyādvāpi yuṣmābhiḥ kīrtitaṃ stavam śrāvayedvā dvijānvipro gāṇapatyamavāpnuyāt // ### [1.33.3](https://indike.org/pramana/in.purana.linga.1.33.3) vakṣyāmi vo hitaṃ puṇyaṃ bhaktānāṃ munipuṅgavāḥ strīliṅgamakhilaṃ devī prakṛtirmama dehajā // ### [1.33.4](https://indike.org/pramana/in.purana.linga.1.33.4) puṃlliṅgaṃ puruṣo viprā mama dehasamudbhavaḥ ubhābhyāmeva vai sṛṣṭir mama viprā na saṃśayaḥ // ### [1.33.5](https://indike.org/pramana/in.purana.linga.1.33.5) na nindedyatinaṃ tasmād digvāsasamanuttamam bālonmattaviceṣṭaṃ tu matparaṃ brahmavādinam // ### [1.33.6](https://indike.org/pramana/in.purana.linga.1.33.6) ye hi māṃ bhasmaniratā bhasmanā dagdhakilbiṣāḥ yathoktakāriṇo dāntā viprā dhyānaparāyaṇāḥ // ### [1.33.7](https://indike.org/pramana/in.purana.linga.1.33.7) mahādevaparā nityaṃ caranto hyūrdhvaretasaḥ arcayanti mahādevaṃ vāṅmanaḥkāyasaṃyatāḥ // ### [1.33.8](https://indike.org/pramana/in.purana.linga.1.33.8) rudralokamanuprāpya na nivartanti te punaḥ tasmādetadvrataṃ divyam avyaktaṃ vyaktaliṅginaḥ // ### [1.33.9](https://indike.org/pramana/in.purana.linga.1.33.9) bhasmavratāś ca muṇḍāś ca vratino viśvarūpiṇaḥ na tānparivadedvidvān na caitānnābhilaṅghayet // ### [1.33.10](https://indike.org/pramana/in.purana.linga.1.33.10) na hasennāpriyaṃ brūyād amutreha hitārthavān yastānnindati mūḍhātmā mahādevaṃ sa nindati // ### [1.33.11](https://indike.org/pramana/in.purana.linga.1.33.11) yas tvetān pūjayen nityaṃ sa pūjayati śaṅkaram evameṣa mahādevo lokānāṃ hitakāmyayā // ### [1.33.12](https://indike.org/pramana/in.purana.linga.1.33.12) yuge yuge mahāyogī krīḍate bhasmaguṇṭhitaḥ evaṃ carata bhadraṃ vas tataḥ siddhimavāpsyatha // ### [1.33.13](https://indike.org/pramana/in.purana.linga.1.33.13) atulamiha mahābhayapraṇāśahetuṃ śivakathitaṃ paramaṃ padaṃ viditvā vyapagatabhavalobhamohacittāḥ praṇipatitāḥ sahasā śirobhir ugram // ### [1.33.14](https://indike.org/pramana/in.purana.linga.1.33.14) tataḥ pramuditā viprāḥ śrutvaivaṃ kathitaṃ tadā gandhodakaiḥ suśuddhaiś ca kuśapuṣpavimiśritaiḥ // ### [1.33.15](https://indike.org/pramana/in.purana.linga.1.33.15) snāpayanti mahākumbhair adbhir eva maheśvaram gāyanti vividhairguhyair huṃkāraiścāpi susvaraiḥ // ### [1.33.16](https://indike.org/pramana/in.purana.linga.1.33.16) namo devādhidevāya mahādevāya vai namaḥ ardhanārīśarīrāya sāṃkhyayogapravartine // ### [1.33.17](https://indike.org/pramana/in.purana.linga.1.33.17) meghavāhanakṛṣṇāya gajacarmanivāsine kṛṣṇājinottarīyāya vyālayajñopavītine // ### [1.33.18](https://indike.org/pramana/in.purana.linga.1.33.18) suracitasuvicitrakuṇḍalāya suracitamālyavibhūṣaṇāya tubhyam mṛgapativaracarmavāsase ca prathitayaśase namo 'stu śaṅkarāya // ### [1.33.19](https://indike.org/pramana/in.purana.linga.1.33.19) tatas tān sa munīn prītaḥ pratyuvāca maheśvaraḥ prīto 'smi tapasā yuṣmān varaṃ vṛṇuta suvratāḥ // ### [1.33.20](https://indike.org/pramana/in.purana.linga.1.33.20) tataste munayaḥ sarve praṇipatya maheśvaram bhṛgvaṅgirā vasiṣṭhaś ca viśvāmitrastathaiva ca // ### [1.33.21](https://indike.org/pramana/in.purana.linga.1.33.21) gautamo 'triḥ sukeśaś ca pulastyaḥ pulahaḥ kratuḥ marīciḥ kaśyapaḥ kaṇvaḥ saṃvartaś ca mahātapāḥ // ### [1.33.22](https://indike.org/pramana/in.purana.linga.1.33.22) te praṇamya mahādevam idaṃ vacanamabruvan bhasmasnānaṃ ca nagnatvaṃ vāmatvaṃ pratilomatā // ### [1.33.23](https://indike.org/pramana/in.purana.linga.1.33.23) sevyāsevyatvamevaṃ ca hy etadicchāma veditum tatasteṣāṃ vacaḥ śrutvā bhagavānparameśvaraḥ // ### [1.33.24](https://indike.org/pramana/in.purana.linga.1.33.24) sasmitaṃ prāha samprekṣya sarvānmunivarāṃstadā // ### [1.33.24.p1](https://indike.org/pramana/in.purana.linga.1.33.24.p1) iti śrīliṅgamahāpurāṇe pūrvabhāge ṛṣivākyaṃ nāma trayastriṃśo 'dhyāyaḥ ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.39.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.33](https://indike.org/pramana/in.purana.linga.1.33) · Pramāṇa