[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.35 # Lingapurana 1.35 Liṅgapurāṇa 1.35 - **Language:** Sanskrit ## Contents - [1.35.31](https://indike.org/pramana/in.purana.linga.1.35.31) — 1 part ### [1.35.1](https://indike.org/pramana/in.purana.linga.1.35.1) sanatkumāra uvāca kathaṃ jaghāna rājānaṃ kṣupaṃ pādena suvrata dadhīcaḥ samare jitvā devadevaṃ janārdanam // ### [1.35.2](https://indike.org/pramana/in.purana.linga.1.35.2) vajrāsthitvaṃ kathaṃ lebhe mahādevānmahātapāḥ vaktumarhasi śailāde jito mṛtyustvayā yathā // ### [1.35.3](https://indike.org/pramana/in.purana.linga.1.35.3) śailādiruvāca brahmaputro mahātejā rājā kṣupa iti smṛtaḥ abhūnmitro dadhīcasya munīndrasya janeśvaraḥ // ### [1.35.4](https://indike.org/pramana/in.purana.linga.1.35.4) cirāttayoḥ prasaṃgādvai vādaḥ kṣupadadhīcayoḥ abhavat kṣatriyaśreṣṭho vipra eveti viśrutaḥ // ### [1.35.5](https://indike.org/pramana/in.purana.linga.1.35.5) aṣṭānāṃ lokapālānāṃ vapurdhārayate nṛpaḥ tasmādindro hyayaṃ vahnir yamaś ca nirṛtis tathā // ### [1.35.6](https://indike.org/pramana/in.purana.linga.1.35.6) varuṇaścaiva vāyuś ca somo dhanada eva ca īśvaro 'haṃ na saṃdeho nāvamantavya eva ca // ### [1.35.7](https://indike.org/pramana/in.purana.linga.1.35.7) mahatī devatā yā sā mahataścāpi suvrata tasmāttvayā mahābhāga cyāvaneya sadā hyaham // ### [1.35.8](https://indike.org/pramana/in.purana.linga.1.35.8) nāvamantavya eveha pūjanīyaś ca sarvathā śrutvā tathā mataṃ tasya kṣupasya munisattamaḥ // ### [1.35.9](https://indike.org/pramana/in.purana.linga.1.35.9) dadhīcaś cyāvaniś cogro gauravādātmano dvijaḥ atāḍayatkṣupaṃ mūrdhni dadhīco vāmamuṣṭinā cicheda vajreṇa ca taṃ dadhīcaṃ balavān kṣupaḥ // ### [1.35.10](https://indike.org/pramana/in.purana.linga.1.35.10) brahmaloke purāsau hi brahmaṇaḥ kṣutasaṃbhavaḥ labdhaṃ vajraṃ ca kāryārthaṃ vajriṇā coditaḥ prabhuḥ // ### [1.35.11](https://indike.org/pramana/in.purana.linga.1.35.11) svecchayaiva naro bhūtvā narapālo babhūva saḥ tasmādrājā sa viprendram ajayadvai mahābalaḥ // ### [1.35.12](https://indike.org/pramana/in.purana.linga.1.35.12) yathā vajradharaḥ śrīmān balavāṃstamasānvitaḥ papāta bhūmau nihato vajreṇa dvijapuṅgavaḥ // ### [1.35.13](https://indike.org/pramana/in.purana.linga.1.35.13) sasmāra ca tadā tatra duḥkhādvai bhārgavaṃ munim śukro 'pi saṃdhayāmāsa tāḍitaṃ kuliśena tam // ### [1.35.14](https://indike.org/pramana/in.purana.linga.1.35.14) yogādetya dadhīcasya dehaṃ dehabhṛtāṃvaraḥ saṃdhāya pūrvavaddehaṃ dadhīcasyāha bhārgavaḥ // ### [1.35.15](https://indike.org/pramana/in.purana.linga.1.35.15) bho dadhīca mahābhāga devadevamumāpatim sampūjya pūjyaṃ brahmādyair devadevaṃ nirañjanam // ### [1.35.16](https://indike.org/pramana/in.purana.linga.1.35.16) avadhyo bhava viprarṣe prasādāttryambakasya tu mṛtasaṃjīvanaṃ tasmāl labdhametanmayā dvija // ### [1.35.17](https://indike.org/pramana/in.purana.linga.1.35.17) nāsti mṛtyubhayaṃ śaṃbhor bhaktānāmiha sarvataḥ mṛtasaṃjīvanaṃ cāpi śaivamadya vadāmi te // ### [1.35.18](https://indike.org/pramana/in.purana.linga.1.35.18) triyaṃbakaṃ yajāmahe trailokyapitaraṃ prabhum trimaṇḍalasya pitaraṃ triguṇasya maheśvaram // ### [1.35.19](https://indike.org/pramana/in.purana.linga.1.35.19) tritattvasya trivahneś ca tridhābhūtasya sarvataḥ trivedasya mahādevaṃ sugandhiṃ puṣṭivardhanam // ### [1.35.20](https://indike.org/pramana/in.purana.linga.1.35.20) sarvabhūteṣu sarvatra triguṇe prakṛtau tathā indriyeṣu tathānyeṣu deveṣu ca gaṇeṣu ca // ### [1.35.21](https://indike.org/pramana/in.purana.linga.1.35.21) puṣpeṣu gandhavatsūkṣmaḥ sugandhiḥ parameśvaraḥ puṣṭiś ca prakṛtiryasmāt puruṣasya dvijottama // ### [1.35.22](https://indike.org/pramana/in.purana.linga.1.35.22) mahadādiviśeṣāntavikalpasyāpi suvrata viṣṇoḥ pitāmahasyāpi munīnāṃ ca mahāmune // ### [1.35.23](https://indike.org/pramana/in.purana.linga.1.35.23) indrasyāpi ca devānāṃ tasmādvai puṣṭivardhanaḥ taṃ devamamṛtaṃ rudraṃ karmaṇā tapasā tathā // ### [1.35.24](https://indike.org/pramana/in.purana.linga.1.35.24) svādhyāyena ca yogena dhyānena ca yajāmahe satyenānena mukṣīyān mṛtyupāśād bhavaḥ svayam // ### [1.35.25](https://indike.org/pramana/in.purana.linga.1.35.25) bandhamokṣakaro yasmād urvārukamiva prabhuḥ mṛtasaṃjīvano mantro mayā labdhastu śaṅkarāt // ### [1.35.26](https://indike.org/pramana/in.purana.linga.1.35.26) japtvā hutvābhimantryaivaṃ jalaṃ pītvā divāniśam liṅgasya saṃnidhau dhyātvā nāsti mṛtyubhayaṃ dvija // ### [1.35.27](https://indike.org/pramana/in.purana.linga.1.35.27) tasya tadvacanaṃ śrutvā tapasārādhya śaṅkaram vajrāsthitvam avadhyatvam adīnatvaṃ ca labdhavān // ### [1.35.28](https://indike.org/pramana/in.purana.linga.1.35.28) evamārādhya deveśaṃ dadhīco munisattamaḥ prāpyāvadhyatvamanyaiś ca vajrāsthitvaṃ prayatnataḥ // ### [1.35.29](https://indike.org/pramana/in.purana.linga.1.35.29) atāḍayacca rājendraṃ pādamūlena mūrdhani kṣupo dadhīcaṃ vajreṇa jaghānorasi ca prabhuḥ // ### [1.35.30](https://indike.org/pramana/in.purana.linga.1.35.30) nābhūnnāśāya tadvajraṃ dadhīcasya mahātmanaḥ prabhāvātparameśasya vajrabaddhaśarīriṇaḥ // ### [1.35.31](https://indike.org/pramana/in.purana.linga.1.35.31) dṛṣṭvāpyavadhyatvamadīnatāṃ ca kṣupo dadhīcasya tadā prabhāvam ārādhayāmāsa hariṃ mukundam indrānujaṃ prekṣya tadāṃbujākṣam // ### [1.35.31.p1](https://indike.org/pramana/in.purana.linga.1.35.31.p1) iti śrīliṅgamahāpurāṇe pūrvabhāge kṣupābidhanṛpaparābhavavarṇanaṃ nāma pañcatriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.38.18) — Gaṇeśa Bhaṭṭa, Sanskrit ## Linked texts (2) - [Śivapurāṇa (complete text)](https://indike.org/pramana/in.purana.siva*complete-2.2.2.38.9) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.41.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.35](https://indike.org/pramana/in.purana.linga.1.35) · Pramāṇa