[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.38 # Lingapurana 1.38 Liṅgapurāṇa 1.38 - **Language:** Sanskrit ## Contents - [1.38.16](https://indike.org/pramana/in.purana.linga.1.38.16) — 1 part ### [1.38.1](https://indike.org/pramana/in.purana.linga.1.38.1) śailādiruvāca gate maheśvare deve tamuddiśya janārdanaḥ praṇamya bhagavānprāha padmayonimajodbhavaḥ // ### [1.38.2](https://indike.org/pramana/in.purana.linga.1.38.2) śrīviṣṇuruvāca parameśo jagannāthaḥ śaṅkarastveṣa sarvagaḥ āvayorakhilasyeśaḥ śaraṇaṃ ca maheśvaraḥ // ### [1.38.3](https://indike.org/pramana/in.purana.linga.1.38.3) ahaṃ vāmāṅgajo brahman śaṅkarasya mahātmanaḥ bhavān bhavasya devasya dakṣiṇāṅgabhavaḥ svayam // ### [1.38.4](https://indike.org/pramana/in.purana.linga.1.38.4) māmāhur ṛṣayaḥ prekṣya pradhānaṃ prakṛtiṃ tathā avyaktamajamityevaṃ bhavantaṃ puruṣastviti // ### [1.38.5](https://indike.org/pramana/in.purana.linga.1.38.5) evamāhurmahādevam āvayorapi kāraṇam īśaṃ sarvasya jagataḥ prabhumavyayamīśvaram // ### [1.38.6](https://indike.org/pramana/in.purana.linga.1.38.6) so 'pi tasyāmareśasya vacanādvārijodbhavaḥ vareṇyaṃ varadaṃ rudram astuvatpraṇanāma ca // ### [1.38.7](https://indike.org/pramana/in.purana.linga.1.38.7) athāmbhasā plutāṃ bhūmīṃ samādhāya janārdanaḥ pūrvavatsthāpayāmāsa vārāhaṃ rūpamāsthitaḥ // ### [1.38.8](https://indike.org/pramana/in.purana.linga.1.38.8) nadīnadasamudrāṃś ca pūrvavaccākarotprabhuḥ kṛtvā corvīṃ prayatnena nimnonnatavivarjitām // ### [1.38.9](https://indike.org/pramana/in.purana.linga.1.38.9) dharāyāṃ so 'cinotsarvān bhūdharān bhūdharākṛtiḥ bhūrādyāṃścaturo lokān kalpayāmāsa pūrvavat // ### [1.38.10](https://indike.org/pramana/in.purana.linga.1.38.10) sraṣṭuṃ ca bhagavāṃścakre matiṃ matimatāṃ varaḥ mukhyaṃ ca tairyagyonyaṃ ca daivikaṃ mānuṣaṃ tathā // ### [1.38.11](https://indike.org/pramana/in.purana.linga.1.38.11) vibhuścānugrahaṃ tatra kaumārakam adīnadhīḥ purastādasṛjaddevaḥ sanandaṃ sanakaṃ tathā // ### [1.38.12](https://indike.org/pramana/in.purana.linga.1.38.12) sanātanaṃ satāṃ śreṣṭhaṃ naiṣkarmyeṇa gatāḥ param marīcibhṛgvaṅgirasaṃ pulastyaṃ pulahaṃ kratum // ### [1.38.13](https://indike.org/pramana/in.purana.linga.1.38.13) dakṣamatriṃ vasiṣṭhaṃ ca so 'sṛjad yogavidyayā saṃkalpaṃ caiva dharmaṃ ca hy adharmaṃ bhagavānprabhuḥ // ### [1.38.14](https://indike.org/pramana/in.purana.linga.1.38.14) dvādaśaiva prajāstvetā brahmaṇo 'vyaktajanmanaḥ ṛbhuṃ sanatkumāraṃ ca sasarjādau sanātanaḥ // ### [1.38.15](https://indike.org/pramana/in.purana.linga.1.38.15) tau cordhvaretasau divyau cāgrajau brahmavādinau kumārau brahmaṇastulyau sarvajñau sarvabhāvinau // ### [1.38.16](https://indike.org/pramana/in.purana.linga.1.38.16) evaṃ mukhyādikān sṛṣṭvā padmayoniḥ śilāśana yugadharmānaśeṣāṃś ca kalpayāmāsa viśvasṛk // ### [1.38.16.p1](https://indike.org/pramana/in.purana.linga.1.38.16.p1) iti śrīliṅgamahāpurāṇe pūrvabhāge vaiṣṇavakathanaṃ nāmāṣṭatriṃśo 'dhyāyaḥ ## Linked texts (3) - [Jñānaratnāvalī](https://indike.org/pramana/in.sampradaya.saiva.siddhanta.paddhati.jnanaratnavali.9.504) — Sanskrit - [Jñānaratnāvalī](https://indike.org/pramana/in.astro.samhita.jnanaratnavali-2.2933) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.44.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.38](https://indike.org/pramana/in.purana.linga.1.38) · Pramāṇa