[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.39 # Lingapurana 1.39 Liṅgapurāṇa 1.39 - **Language:** Sanskrit ## Contents - [1.39.70](https://indike.org/pramana/in.purana.linga.1.39.70) — 1 part ### [1.39.1](https://indike.org/pramana/in.purana.linga.1.39.1) śailādiruvāca śrutvā śakreṇa kathitaṃ pitā mama mahāmuniḥ punaḥ papraccha deveśaṃ praṇamya racitāñjaliḥ // ### [1.39.2](https://indike.org/pramana/in.purana.linga.1.39.2) śilāda uvāca bhagavan śakra sarvajña devadevanamaskṛta śacīpate jagannātha sahasrākṣa maheśvara // ### [1.39.3](https://indike.org/pramana/in.purana.linga.1.39.3) yugadharmānkathaṃ cakre bhagavānpadmasaṃbhavaḥ vaktumarhasi me sarvaṃ sāṃprataṃ praṇatāya me // ### [1.39.4](https://indike.org/pramana/in.purana.linga.1.39.4) śailādiruvāca tasya tadvacanaṃ śrutvā śilādasya mahātmanaḥ vyājahāra yathādṛṣṭaṃ yugadharmaṃ suvistaram // ### [1.39.5](https://indike.org/pramana/in.purana.linga.1.39.5) śakra uvāca ādyaṃ kṛtayugaṃ viddhi tatastretāyugaṃ mune dvāparaṃ tiṣyamityete catvārastu samāsataḥ // ### [1.39.6](https://indike.org/pramana/in.purana.linga.1.39.6) sattvaṃ kṛtaṃ rajastretā dvāparaṃ ca rajastamaḥ kalistamaś ca vijñeyaṃ yugavṛttiryugeṣu ca // ### [1.39.7](https://indike.org/pramana/in.purana.linga.1.39.7) dhyānaṃ paraṃ kṛtayuge tretāyāṃ yajña ucyate bhajanaṃ dvāpare śuddhaṃ dānameva kalau yuge // ### [1.39.8](https://indike.org/pramana/in.purana.linga.1.39.8) catvāri ca sahasrāṇi varṣāṇāṃ tatkṛtaṃ yugam tasya tāvacchatī saṃdhyā saṃdhyāṃśaś ca tathāvidhaḥ // ### [1.39.9](https://indike.org/pramana/in.purana.linga.1.39.9) catvāri ca sahasrāṇi mānuṣāṇi śilāśana āyuḥ kṛtayuge viddhi prajānāmiha suvrata // ### [1.39.10](https://indike.org/pramana/in.purana.linga.1.39.10) tataḥ kṛtayuge tasmin saṃdhyāṃśe ca gate tu vai pādāvaśiṣṭo bhavati yugadharmastu sarvataḥ // ### [1.39.11](https://indike.org/pramana/in.purana.linga.1.39.11) caturbhāgaikahīnaṃ tu tretāyugamanuttamam kṛtārdhaṃ dvāparaṃ viddhi tadardhaṃ tiṣyamucyate // ### [1.39.12](https://indike.org/pramana/in.purana.linga.1.39.12) triśatī dviśatī saṃdhyā tathā caikaśatī mune saṃdhyāṃśakaṃ tathāpyevaṃ kalpeṣvevaṃ yuge yuge // ### [1.39.13](https://indike.org/pramana/in.purana.linga.1.39.13) ādye kṛtayuge dharmaś catuṣpādaḥ sanātanaḥ tretāyuge tripādastu dvipādo dvāpare sthitaḥ // ### [1.39.14](https://indike.org/pramana/in.purana.linga.1.39.14) tripādahīnastiṣye tu sattāmātreṇa dhiṣṭhitaḥ kṛte tu mithunotpattir vṛttiḥ sākṣādrasollasā // ### [1.39.15](https://indike.org/pramana/in.purana.linga.1.39.15) prajāstṛptāḥ sadā sarvāḥ sarvānandāś ca bhoginaḥ adhamottamatā tāsāṃ na viśeṣāḥ prajāḥ śubhāḥ // ### [1.39.16](https://indike.org/pramana/in.purana.linga.1.39.16) tulyamāyuḥ sukhaṃ rūpaṃ tāsāṃ tasminkṛte yuge tāsāṃ prītirna ca dvandvaṃ na dveṣo nāsti ca klamaḥ // ### [1.39.17](https://indike.org/pramana/in.purana.linga.1.39.17) parvatodadhivāsinyo hy aniketāśrayāstu tāḥ viśokāḥ sattvabahulā ekāntabahulās tathā // ### [1.39.18](https://indike.org/pramana/in.purana.linga.1.39.18) tā vai niṣkāmacāriṇyo nityaṃ muditamānasāḥ apravṛttiḥ kṛtayuge karmaṇoḥ śubhapāpayoḥ // ### [1.39.19](https://indike.org/pramana/in.purana.linga.1.39.19) varṇāśramavyavasthā ca tadāsīnna ca saṃkaraḥ rasollāsaḥ kālayogāt tretākhye naśyate dvija // ### [1.39.20](https://indike.org/pramana/in.purana.linga.1.39.20) tasyāṃ siddhau pranaṣṭāyām anyā siddhiḥ prajāyate apāṃ saukṣmye pratigate tadā meghātmanā tu vai // ### [1.39.21](https://indike.org/pramana/in.purana.linga.1.39.21) meghebhyastanayitnubhyaḥ pravṛttaṃ vṛṣṭisarjanam sakṛd eva tathā vṛṣṭyā saṃyukte pṛthivītale // ### [1.39.22](https://indike.org/pramana/in.purana.linga.1.39.22) prādurāsaṃstadā tāsāṃ vṛkṣāste gṛhasaṃjñitāḥ sarvavṛttyupabhogastu tāsāṃ tebhyaḥ prajāyate // ### [1.39.23](https://indike.org/pramana/in.purana.linga.1.39.23) vartayanti sma tebhyastās tretāyugamukhe prajāḥ tataḥ kālena mahatā tāsāmeva viparyayāt // ### [1.39.24](https://indike.org/pramana/in.purana.linga.1.39.24) rāgalobhātmako bhāvas tadā hyākasmiko 'bhavat viparyayeṇa tāsāṃ tu tena tatkālabhāvinā // ### [1.39.25](https://indike.org/pramana/in.purana.linga.1.39.25) praṇaśyanti tataḥ sarve vṛkṣāste gṛhasaṃjñitāḥ tatasteṣu pranaṣṭeṣu vibhrāntā maithunodbhavāḥ // ### [1.39.26](https://indike.org/pramana/in.purana.linga.1.39.26) api dhyāyanti tāṃ siddhiṃ satyābhidhyāyinastadā prādurbabhūvustāsāṃ tu vṛkṣāste gṛhasaṃjñitāḥ // ### [1.39.27](https://indike.org/pramana/in.purana.linga.1.39.27) vastrāṇi te prasūyante phalānyābharaṇāni ca teṣveva jāyate tāsāṃ gandhavarṇarasānvitam // ### [1.39.28](https://indike.org/pramana/in.purana.linga.1.39.28) amākṣikaṃ mahīvīryaṃ puṭake puṭake madhu tena tā vartayanti sma sukhamāyuḥ sadaiva hi // ### [1.39.29](https://indike.org/pramana/in.purana.linga.1.39.29) hṛṣṭapuṣṭāstayā siddhyā prajā vai vigatajvarāḥ tataḥ kālāntareṇaiva punarlobhāvṛtāstu tāḥ // ### [1.39.30](https://indike.org/pramana/in.purana.linga.1.39.30) vṛkṣāṃstānparyagṛhṇanti madhu vā mākṣikaṃ balāt tāsāṃ tenopacāreṇa punarlobhakṛtena vai // ### [1.39.31](https://indike.org/pramana/in.purana.linga.1.39.31) pranaṣṭā madhunā sārdhaṃ kalpavṛkṣāḥ kvacitkvacit tasyāmevālpaśiṣṭāyāṃ siddhyāṃ kālavaśāttadā // ### [1.39.32](https://indike.org/pramana/in.purana.linga.1.39.32) āvartanāttu tretāyāṃ dvandvānyabhyutthitāni vai śītavarṣātapaistīvrais tatastā duḥkhitā bhṛśam // ### [1.39.33](https://indike.org/pramana/in.purana.linga.1.39.33) dvandvaiḥ sampīḍyamānāś ca cakrur āvaraṇāni tu kṛtadvandvapratīghātāḥ ketanāni girau tataḥ // ### [1.39.34](https://indike.org/pramana/in.purana.linga.1.39.34) pūrvaṃ nikāmacārāstā hy aniketā athāvasan yathāyogaṃ yathāprīti niketeṣvavasanpunaḥ // ### [1.39.35](https://indike.org/pramana/in.purana.linga.1.39.35) kṛtvā dvandvopaghātāṃstān vṛttyupāyamacintayan naṣṭeṣu madhunā sārdhaṃ kalpavṛkṣeṣu vai tadā // ### [1.39.36](https://indike.org/pramana/in.purana.linga.1.39.36) vivādavyākulāstā vai prajāstṛṣṇākṣudhārditāḥ tataḥ prādurbabhau tāsāṃ siddhistretāyuge punaḥ // ### [1.39.37](https://indike.org/pramana/in.purana.linga.1.39.37) vārtāyāḥ sādhikāpyanyā vṛṣṭistāsāṃ nikāmataḥ tāsāṃ vṛṣṭyudakādīni hy abhavannimnagāni tu // ### [1.39.38](https://indike.org/pramana/in.purana.linga.1.39.38) abhavanvṛṣṭisaṃtatyā srotasthānāni nimnagāḥ evaṃ nadyaḥ pravṛttāstu dvitīye vṛṣṭisarjane // ### [1.39.39](https://indike.org/pramana/in.purana.linga.1.39.39) ye punastadapāṃ stokāḥ patitāḥ pṛthivītale apāṃ bhūmeś ca saṃyogād oṣadhyastāstadābhavan // ### [1.39.40](https://indike.org/pramana/in.purana.linga.1.39.40) athālpakṛṣṭāścānuptā grāmyāraṇyāścaturdaśa ṛtupuṣpaphalāścaiva vṛkṣagulmāś ca jajñire // ### [1.39.41](https://indike.org/pramana/in.purana.linga.1.39.41) prādurbhūtāni caitāni vṛkṣajātyauṣadhāni ca tenauṣadhena vartante prajāstretāyuge tadā // ### [1.39.42](https://indike.org/pramana/in.purana.linga.1.39.42) tataḥ punarabhūttāsāṃ rāgo lobhaś ca sarvaśaḥ avaśyaṃ bhāvinārthena tretāyugavaśena ca // ### [1.39.43](https://indike.org/pramana/in.purana.linga.1.39.43) tatastāḥ paryagṛhṇanta nadīkṣetrāṇi parvatān vṛkṣagulmauṣadhīścaiva prasahya tu yathābalam // ### [1.39.44](https://indike.org/pramana/in.purana.linga.1.39.44) viparyayeṇa cauṣadhyaḥ pranaṣṭāstāścaturdaśa matvā dharāṃ praviṣṭāstā ityauṣadhyaḥ pitāmahaḥ // ### [1.39.45](https://indike.org/pramana/in.purana.linga.1.39.45) dudoha gāṃ prayatnena sarvabhūtahitāya vai tadāprabhṛti cauṣadhyaḥ phālakṛṣṭāstvitastataḥ // ### [1.39.46](https://indike.org/pramana/in.purana.linga.1.39.46) vārtāṃ kṛṣiṃ samāyātā vartukāmāḥ prayatnataḥ vārtā vṛttiḥ samākhyātā kṛṣikāmaprayatnataḥ // ### [1.39.47](https://indike.org/pramana/in.purana.linga.1.39.47) anyathā jīvitaṃ tāsāṃ nāsti tretāyugātyaye hastodbhavā hyapaścaiva bhavanti bahuśastadā // ### [1.39.48](https://indike.org/pramana/in.purana.linga.1.39.48) tatrāpi jagṛhuḥ sarve cānyonyaṃ krodhamūrchitāḥ sutadāradhanādyāṃstu balādyugabalena tu // ### [1.39.49](https://indike.org/pramana/in.purana.linga.1.39.49) maryādāyāḥ pratiṣṭhārthaṃ jñātvā tadakhilaṃ vibhuḥ sasarja kṣatriyāṃstrātuṃ kṣatātkamalasaṃbhavaḥ // ### [1.39.50](https://indike.org/pramana/in.purana.linga.1.39.50) varṇāśramapratiṣṭhāṃ ca cakāra svena tejasā vṛttena vṛttinā vṛttaṃ viśvātmā nirmame svayam // ### [1.39.51](https://indike.org/pramana/in.purana.linga.1.39.51) yajñapravartanaṃ caiva tretāyāmabhavatkramāt paśuyajñaṃ na sevante kecittatrāpi suvratāḥ // ### [1.39.52](https://indike.org/pramana/in.purana.linga.1.39.52) balādviṣṇustadā yajñam akarotsarvadṛk kramāt dvijāstadā praśaṃsanti tatastvāhiṃsakaṃ mune // ### [1.39.53](https://indike.org/pramana/in.purana.linga.1.39.53) dvāpareṣvapi vartante matibhedāstadā nṛṇām manasā karmaṇā vācā kṛcchrādvārtā prasidhyati // ### [1.39.54](https://indike.org/pramana/in.purana.linga.1.39.54) tadā tu sarvabhūtānāṃ kāyakleśavaśātkramāt lobho bhṛtirvaṇigyuddhaṃ tattvānāmaviniścayaḥ // ### [1.39.55](https://indike.org/pramana/in.purana.linga.1.39.55) vedaśākhāpraṇayanaṃ dharmāṇāṃ saṃkaras tathā varṇāśramaparidhvaṃsaḥ kāmadveṣau tathaiva ca // ### [1.39.56](https://indike.org/pramana/in.purana.linga.1.39.56) dvāpare tu pravartante rāgo lobho madas tathā vedo vyāsaiścaturdhā tu vyasyate dvāparādiṣu // ### [1.39.57](https://indike.org/pramana/in.purana.linga.1.39.57) eko vedaścatuṣpādas tretāsviha vidhīyate saṃkṣayādāyuṣaścaiva vyasyate dvāpareṣu saḥ // ### [1.39.58](https://indike.org/pramana/in.purana.linga.1.39.58) ṛṣiputraiḥ punarbhedā bhidyante dṛṣṭivibhramaiḥ mantrabrāhmaṇavinyāsaiḥ svaravarṇaviparyayaiḥ // ### [1.39.59](https://indike.org/pramana/in.purana.linga.1.39.59) saṃhitā ṛgyajuḥsāmnāṃ saṃhanyante manīṣibhiḥ sāmānyā vaikṛtāścaiva draṣṭṛbhistaiḥ pṛthakpṛthak // ### [1.39.60](https://indike.org/pramana/in.purana.linga.1.39.60) brāhmaṇaṃ kalpasūtrāṇi mantrapravacanāni ca anye tu prasthitāstānvai kecittānpratyavasthitāḥ // ### [1.39.61](https://indike.org/pramana/in.purana.linga.1.39.61) itihāsapurāṇāni bhidyante kālagauravāt brāhmaṃ pādmaṃ vaiṣṇavaṃ ca śaivaṃ bhāgavataṃ tathā // ### [1.39.62](https://indike.org/pramana/in.purana.linga.1.39.62) bhaviṣyaṃ nāradīyaṃ ca mārkaṇḍeyamataḥ param āgneyaṃ brahmavaivartaṃ laiṅgaṃ vārāhameva ca // ### [1.39.63](https://indike.org/pramana/in.purana.linga.1.39.63) vāmanākhyaṃ tataḥ kūrmaṃ mātsyaṃ gāruḍameva ca skāndaṃ tathā ca brahmāṇḍaṃ teṣāṃ bhedaḥ prakathyate // ### [1.39.64](https://indike.org/pramana/in.purana.linga.1.39.64) laiṅgam ekādaśavidhaṃ prabhinnaṃ dvāpare śubham manvatriviṣṇuhārītayājñavalkyośano 'ṅgirāḥ // ### [1.39.65](https://indike.org/pramana/in.purana.linga.1.39.65) yamāpastambasaṃvartāḥ kātyāyanabṛhaspatī parāśaravyāsaśaṅkhalikhitā dakṣagautamau // ### [1.39.66](https://indike.org/pramana/in.purana.linga.1.39.66) śātātapo vasiṣṭhaś ca evamādyaiḥ sahasraśaḥ avṛṣṭirmaraṇaṃ caiva tathā vyādhyādyupadravāḥ // ### [1.39.67](https://indike.org/pramana/in.purana.linga.1.39.67) vāṅmanaḥkarmajair duḥkhair nirvedo jāyate tataḥ nirvedājjāyate teṣāṃ duḥkhamokṣavicāraṇā // ### [1.39.68](https://indike.org/pramana/in.purana.linga.1.39.68) vicāraṇācca vairāgyaṃ vairāgyāddoṣadarśanam doṣāṇāṃ darśanāccaiva dvāpare jñānasaṃbhavaḥ // ### [1.39.69](https://indike.org/pramana/in.purana.linga.1.39.69) eṣā rajastamoyuktā vṛttir vai dvāpare smṛtā ādye kṛte tu dharmo 'sti sa tretāyāṃ pravartate // ### [1.39.70](https://indike.org/pramana/in.purana.linga.1.39.70) dvāpare vyākulībhūtvā praṇaśyati kalau yuge // ### [1.39.70.p1](https://indike.org/pramana/in.purana.linga.1.39.70.p1) iti śrīliṅgamahāpurāṇe pūrvabhāge ekonacatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.42.45) — Gaṇeśa Bhaṭṭa, Sanskrit ## Linked texts (4) - [Brahmāṇḍapurāṇa](https://indike.org/pramana/in.purana.brahmanda.1.7.46) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.45.1) — Ativīrarāma Pāṇṭiyar 1500, Sanskrit - [Smṛtiratnākara](https://indike.org/pramana/in.niti.dharma.acara.smrtiratnakara.1.p66) — Veṅkaṭanātha, Sanskrit - [Smṛtiratnākara (Viṭṭhalanātha)](https://indike.org/pramana/in.niti.dharma.nibandha.smrtiratnakara-vitthala.1.p66) — Viṭṭhalanātha, Sanskrit --- Source: [https://indike.org/pramana/in.purana.linga.1.39](https://indike.org/pramana/in.purana.linga.1.39) · Pramāṇa