[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.3 # Lingapurana 1.3 Liṅgapurāṇa 1.3 - **Language:** Sanskrit ### [1.3.1](https://indike.org/pramana/in.purana.linga.1.3.1) sūta uvāca aliṅgo liṅgamūlaṃ tu avyaktaṃ liṅgamucyate aliṅgaḥ śiva ityukto liṅgaṃ śaivamiti smṛtam // ### [1.3.2](https://indike.org/pramana/in.purana.linga.1.3.2) pradhānaṃ prakṛtiśceti yadāhurliṅgamuttamam gandhavarṇarasairhīnaṃ śabdasparśādivarjitam // ### [1.3.3](https://indike.org/pramana/in.purana.linga.1.3.3) aguṇaṃ dhruvamakṣayyam aliṅgaṃ śivalakṣaṇam gandhavarṇarasairyuktaṃ śabdasparśādilakṣaṇam // ### [1.3.4](https://indike.org/pramana/in.purana.linga.1.3.4) jagadyoniṃ mahābhūtaṃ sthūlaṃ sūkṣmaṃ dvijottamāḥ vigraho jagatāṃ liṅgam aliṅgād abhavatsvayam // ### [1.3.5](https://indike.org/pramana/in.purana.linga.1.3.5) saptadhācāṣṭadhā caiva tathaikādaśadhā punaḥ liṅgānyaliṅgasya tathā māyayā vitatāni tu // ### [1.3.6](https://indike.org/pramana/in.purana.linga.1.3.6) tebhyaḥ pradhānadevānāṃ trayamāsīcchivātmakam ekasmāttriṣvabhūdviśvam ekena parirakṣitam // ### [1.3.7](https://indike.org/pramana/in.purana.linga.1.3.7) ekenaiva hṛtaṃ viśvaṃ vyāptaṃ tvevaṃ śivena tu aliṅgaṃ caiva liṅgaṃ ca liṅgāliṅgāni mūrtayaḥ // ### [1.3.8](https://indike.org/pramana/in.purana.linga.1.3.8) yathāvatkathitāścaiva tasmādbrahma svayaṃ jagat aliṅgī bhagavān bījī sa eva parameśvaraḥ // ### [1.3.9](https://indike.org/pramana/in.purana.linga.1.3.9) bījaṃ yoniś ca nirbījaṃ nirbījo bījamucyate bījayonipradhānānām ātmākhyā vartate tviha // ### [1.3.10](https://indike.org/pramana/in.purana.linga.1.3.10) paramātmā munirbrahma nityabuddhasvabhāvataḥ viśuddho 'yaṃ tathā rudraḥ purāṇe śiva ucyate // ### [1.3.11](https://indike.org/pramana/in.purana.linga.1.3.11) śivena dṛṣṭā prakṛtiḥ śaivī samabhavaddvijāḥ sargādau sā guṇairyuktā purāvyaktā svabhāvataḥ // ### [1.3.12](https://indike.org/pramana/in.purana.linga.1.3.12) avyaktādiviśeṣāntaṃ viśvaṃ tasyāḥ samucchritam viśvadhātrī tvajākhyā ca śaivī sā prakṛtiḥ smṛtā // ### [1.3.13](https://indike.org/pramana/in.purana.linga.1.3.13) tāmajāṃ lohitāṃ śuklāṃ kṛṣṇāmekāṃ bahuprajām janitrīmanuśete sma juṣamāṇaḥ svarūpiṇīm // ### [1.3.14](https://indike.org/pramana/in.purana.linga.1.3.14) tāmevājāmajo 'nyastu bhuktabhogāṃ jahāti ca ajā janitrī jagatāṃ sājena samadhiṣṭhitā // ### [1.3.15](https://indike.org/pramana/in.purana.linga.1.3.15) prādurbabhūva sa mahān puruṣādhiṣṭhitasya ca ajājñayā pradhānasya sargakāle guṇais tribhiḥ // ### [1.3.16](https://indike.org/pramana/in.purana.linga.1.3.16) sisṛkṣayā codyamānaḥ praviśyāvyaktamavyayam vyaktasṛṣṭiṃ vikurute cātmanādhiṣṭhito mahān // ### [1.3.17](https://indike.org/pramana/in.purana.linga.1.3.17) mahatastu tathā vṛttiḥ saṃkalpādhyavasāyikā mahatas triguṇas tasmād ahaṃkāro rajo 'dhikaḥ // ### [1.3.18](https://indike.org/pramana/in.purana.linga.1.3.18) tenaiva cāvṛtaḥ samyag ahaṃkāras tamo 'dhikaḥ mahato bhūtatanmātraṃ sargakṛdvai babhūva ca // ### [1.3.19](https://indike.org/pramana/in.purana.linga.1.3.19) ahaṃkārācchabdamātraṃ tasmādākāśamavyayam saśabdamāvṛṇotpaścād ākāśaṃ śabdakāraṇam // ### [1.3.20](https://indike.org/pramana/in.purana.linga.1.3.20) tanmātrādbhūtasargaś ca dvijāstvevaṃ prakīrtitaḥ sparśamātraṃ tathākāśāt tasmādvāyur mahānmune // ### [1.3.21](https://indike.org/pramana/in.purana.linga.1.3.21) tasmācca rūpamātraṃ tu tato 'gniśca rasastataḥ rasādāpaḥ śubhāstābhyo gandhamātraṃ dharā tataḥ // ### [1.3.22](https://indike.org/pramana/in.purana.linga.1.3.22) āvṛṇoddhi tathākāśaṃ sparśamātraṃ dvijottamāḥ āvṛṇodrūpamātraṃ tu vāyurvāti kriyātmakaḥ // ### [1.3.23](https://indike.org/pramana/in.purana.linga.1.3.23) āvṛṇodrasamātraṃ vai devaḥ sākṣādvibhāvasuḥ āvṛṇvānā gandhamātram āpaḥ sarvarasātmikāḥ // ### [1.3.24](https://indike.org/pramana/in.purana.linga.1.3.24) kṣmā sā pañcaguṇā tasmād ekonā rasasambhavāḥ triguṇo bhagavānvahnir dviguṇaḥ sparśasambhavaḥ // ### [1.3.25](https://indike.org/pramana/in.purana.linga.1.3.25) avakāśastato deva ekamātrastu niṣkalaḥ tanmātrādbhūtasargaś ca vijñeyaś ca parasparam // ### [1.3.26](https://indike.org/pramana/in.purana.linga.1.3.26) vaikārikaḥ sāttviko vai yugapatsampravartate sargas tathāpyahaṃkārād evamatra prakīrtitaḥ // ### [1.3.27](https://indike.org/pramana/in.purana.linga.1.3.27) pañca buddhīndriyāṇyasya pañca karmendriyāṇi tu śabdādīnāmavāptyarthaṃ manaścaivobhayātmakam // ### [1.3.28](https://indike.org/pramana/in.purana.linga.1.3.28) mahadādiviśeṣāntā hy aṇḍamutpādayanti ca jalabudbudavattasmād avatīrṇaḥ pitāmahaḥ // ### [1.3.29](https://indike.org/pramana/in.purana.linga.1.3.29) sa eva bhagavān rudro viṣṇurviśvagataḥ prabhuḥ tasminnaṇḍe tvime lokā antarviśvamidaṃ jagat // ### [1.3.30](https://indike.org/pramana/in.purana.linga.1.3.30) aṇḍaṃ daśaguṇenaiva vāriṇā prāvṛtaṃ bahiḥ āpo daśaguṇenaiva tadbāhyastejasā vṛtāḥ // ### [1.3.31](https://indike.org/pramana/in.purana.linga.1.3.31) tejo daśaguṇenaiva bāhyato vāyunā vṛtam vāyurdaśaguṇenaiva bāhyato nabhasā vṛtaḥ // ### [1.3.32](https://indike.org/pramana/in.purana.linga.1.3.32) ākāśenāvṛto vāyur ahaṃkāreṇa śabdajaḥ mahatā śabdaheturvai pradhānenāvṛtaḥ svayam // ### [1.3.33](https://indike.org/pramana/in.purana.linga.1.3.33) saptāṇḍāvaraṇānyāhus tasyātmā kamalāsanaḥ koṭikoṭiyutānyatra cāṇḍāni kathitāni tu // ### [1.3.34](https://indike.org/pramana/in.purana.linga.1.3.34) tatratatra caturvaktrā brahmāṇo harayo bhavāḥ sṛṣṭāḥ pradhānena tadā labdhvā śambhostu saṃnidhim // ### [1.3.35](https://indike.org/pramana/in.purana.linga.1.3.35) layaścaiva tathānyonyam āndyantam iti kīrtitam sargasya pratisargasya sthiteḥ kartā maheśvaraḥ // ### [1.3.36](https://indike.org/pramana/in.purana.linga.1.3.36) sarge ca rajasā yuktaḥ sattvasthaḥ pratipālane pratisarge tamodriktaḥ sa eva trividhaḥ kramāt // ### [1.3.37](https://indike.org/pramana/in.purana.linga.1.3.37) ādikartā ca bhūtānāṃ saṃhartā paripālakaḥ tasmānmaheśvaro devo brahmaṇo 'dhipatiḥ śivaḥ // ### [1.3.38](https://indike.org/pramana/in.purana.linga.1.3.38) sadāśivo bhavo viṣṇur brahmā sarvātmako yataḥ ekadaṇḍe tathā lokā ime kartā pitāmahaḥ // ### [1.3.39](https://indike.org/pramana/in.purana.linga.1.3.39) prākṛtaḥ kathitastveṣa puruṣādhiṣṭhito mayā sargaś cābuddhipūrvastu dvijāḥ prāthamikaḥ śubhaḥ // ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.3.1) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu.3.1) — Gaṇeśa Ballāla Nātū, Sanskrit ## Linked texts (4) - [Liṅga](https://indike.org/pramana/in.purana.linga-anon.4.1) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.4.1) — Ativīrarāma Pāṇṭiyar 1500, Sanskrit - [Original Sanskrit Texts on the Origin and History of the People of India, their Religion and Institutions](https://indike.org/pramana/ins.religion.muir-1868.v4.c27.s2.64) — John Muir, English - [Laukikanyāyaratnākara](https://indike.org/pramana/in.darsana.visistadvaita.later.laukikanyayaratnakara.1.60.p1.30) — Raghunātha Varman, Sanskrit --- Source: [https://indike.org/pramana/in.purana.linga.1.3](https://indike.org/pramana/in.purana.linga.1.3) · Pramāṇa