[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.40 # Lingapurana 1.40 Liṅgapurāṇa 1.40 - **Language:** Sanskrit ## Contents - [1.40.100](https://indike.org/pramana/in.purana.linga.1.40.100) — 1 part ### [1.40.1](https://indike.org/pramana/in.purana.linga.1.40.1) śakra uvāca tiṣye māyāmasūyāṃ ca vadhaṃ caiva tapasvinām sādhayanti narāstatra tamasā vyākulendriyāḥ // ### [1.40.2](https://indike.org/pramana/in.purana.linga.1.40.2) kalau pramādako rogaḥ satataṃ kṣudbhayāni ca anāvṛṣṭibhayaṃ ghoraṃ deśānāṃ ca viparyayaḥ // ### [1.40.3](https://indike.org/pramana/in.purana.linga.1.40.3) na prāmāṇyaṃ śruterasti nṛṇāṃ cādharmasevanam adhārmikāstvanācārā mahākopālpacetasaḥ // ### [1.40.4](https://indike.org/pramana/in.purana.linga.1.40.4) anṛtaṃ bruvate lubdhās tiṣye jātāś ca duṣprajāḥ duriṣṭairduradhītaiś ca durācārairdurāgamaiḥ // ### [1.40.5](https://indike.org/pramana/in.purana.linga.1.40.5) viprāṇāṃ karma doṣeṇa prajānāṃ jāyate bhayam nādhīyante tadā vedān na yajanti dvijātayaḥ // ### [1.40.6](https://indike.org/pramana/in.purana.linga.1.40.6) utsīdanti narāścaiva kṣatriyāś ca viśaḥ kramāt śūdrāṇāṃ mantrayogena saṃbandho brāhmaṇaiḥ saha // ### [1.40.7](https://indike.org/pramana/in.purana.linga.1.40.7) bhavatīha kalau tasmiñ śayanāsanabhojanaiḥ rājānaḥ śūdrabhūyiṣṭhā brāhmaṇān bādhayanti te // ### [1.40.8](https://indike.org/pramana/in.purana.linga.1.40.8) bhrūṇahatyā vīrahatyā prajāyante prajāsu vai śūdrāś ca brāhmaṇācārāḥ śūdrācārāś ca brāhmaṇāḥ // ### [1.40.9](https://indike.org/pramana/in.purana.linga.1.40.9) rājavṛttisthitāś caurāś caurācārāś ca pārthivāḥ ekapatnyo na śiṣyanti vardhiṣyantyabhisārikāḥ // ### [1.40.10](https://indike.org/pramana/in.purana.linga.1.40.10) varṇāśramapratiṣṭhāno jāyate nṛṣu sarvataḥ tadā svalpaphalā bhūmiḥ kvaciccāpi mahāphalā // ### [1.40.11](https://indike.org/pramana/in.purana.linga.1.40.11) arakṣitāro hartāraḥ pārthivāś ca śilāśana śūdrā vai jñāninaḥ sarve brāhmaṇairabhivanditāḥ // ### [1.40.12](https://indike.org/pramana/in.purana.linga.1.40.12) akṣatriyāś ca rājāno viprāḥ śūdropajīvinaḥ āsanasthā dvijāndṛṣṭvā na calantyalpabuddhayaḥ // ### [1.40.13](https://indike.org/pramana/in.purana.linga.1.40.13) tāḍayanti dvijendrāṃś ca śūdrā vai svalpabuddhayaḥ āsye nidhāya vai hastaṃ karṇaṃ śūdrasya vai dvijāḥ // ### [1.40.14](https://indike.org/pramana/in.purana.linga.1.40.14) nīcasyeva tadā vākyaṃ vadanti vinayena tam uccāsanasthān śūdrāṃś ca dvijamadhye dvijarṣabha // ### [1.40.15](https://indike.org/pramana/in.purana.linga.1.40.15) jñātvā na hiṃsate rājā kalau kālavaśena tu puṣpaiś ca vāsitaiścaiva tathānyair maṅgalaiḥ śubhaiḥ // ### [1.40.16](https://indike.org/pramana/in.purana.linga.1.40.16) śūdrānabhyarcayantyalpaśrutabhāgyabalānvitāḥ na prekṣante garvitāś ca śūdrā dvijavarān dvija // ### [1.40.17](https://indike.org/pramana/in.purana.linga.1.40.17) sevāvasaram ālokya dvāre tiṣṭhanti vai dvijāḥ vāhanasthān samāvṛtya śūdrāñśūdropajīvinaḥ // ### [1.40.18](https://indike.org/pramana/in.purana.linga.1.40.18) sevante brāhmaṇāstatra stuvanti stutibhiḥ kalau tapoyajñaphalānāṃ ca vikretāro dvijottamāḥ // ### [1.40.19](https://indike.org/pramana/in.purana.linga.1.40.19) yatayaś ca bhaviṣyanti bahavo 'sminkalau yuge puruṣālpaṃ bahustrīkaṃ yugānte samupasthite // ### [1.40.20](https://indike.org/pramana/in.purana.linga.1.40.20) nindanti vedavidyāṃ ca dvijāḥ karmāṇi vai kalau kalau devo mahādevaḥ śaṅkaro nīlalohitaḥ // ### [1.40.21](https://indike.org/pramana/in.purana.linga.1.40.21) prakāśate pratiṣṭhārthaṃ dharmasya vikṛtākṛtiḥ ye taṃ viprā niṣevante yena kenāpi śaṅkaram // ### [1.40.22](https://indike.org/pramana/in.purana.linga.1.40.22) kalidoṣān vinirjitya prayānti paramaṃ padam śvāpadaprabalatvaṃ ca gavāṃ caiva parikṣayaḥ // ### [1.40.23](https://indike.org/pramana/in.purana.linga.1.40.23) sādhūnāṃ vinivṛttiś ca vedyā tasminyugakṣaye tadā sūkṣmo mahodarko durlabho dānamūlavān // ### [1.40.24](https://indike.org/pramana/in.purana.linga.1.40.24) cāturāśramaśaithilye dharmaḥ praticaliṣyati arakṣitāro hartāro balibhāgasya pārthivāḥ // ### [1.40.25](https://indike.org/pramana/in.purana.linga.1.40.25) yugānteṣu bhaviṣyanti svarakṣaṇaparāyaṇāḥ aṭṭaśūlā janapadāḥ śivaśūlāścatuṣpathāḥ // ### [1.40.26](https://indike.org/pramana/in.purana.linga.1.40.26) pramadāḥ keśaśūlinyo bhaviṣyanti kalau yuge citravarṣī tadā devo yadā prāhuryugakṣayam // ### [1.40.27](https://indike.org/pramana/in.purana.linga.1.40.27) sarve vaṇigjanāścāpi bhaviṣyantyadhame yuge kuśīlacaryāḥ pāṣaṇḍair vṛthārūpaiḥ samāvṛtāḥ // ### [1.40.28](https://indike.org/pramana/in.purana.linga.1.40.28) bahuyājanako loko bhaviṣyati parasparam nāvyāhṛtakrūravākyo nārjavī nānasūyakaḥ // ### [1.40.29](https://indike.org/pramana/in.purana.linga.1.40.29) na kṛte pratikartā ca yugakṣīṇe bhaviṣyati nindakāścaiva patitā yugāntasya ca lakṣaṇam // ### [1.40.30](https://indike.org/pramana/in.purana.linga.1.40.30) nṛpaśūnyā vasumatī na ca dhānyadhanāvṛtā maṇḍalāni bhaviṣyanti deśeṣu nagareṣu ca // ### [1.40.31](https://indike.org/pramana/in.purana.linga.1.40.31) alpodakā cālpaphalā bhaviṣyati vasuṃdharā goptāraścāpyagoptāraḥ sambhaviṣyantyaśāsanāḥ // ### [1.40.32](https://indike.org/pramana/in.purana.linga.1.40.32) hartāraḥ paravittānāṃ paradārapradharṣakāḥ kāmātmāno durātmāno hy adhamāḥ sāhasapriyāḥ // ### [1.40.33](https://indike.org/pramana/in.purana.linga.1.40.33) pranaṣṭaceṣṭanāḥ puṃso muktakeśāś ca śūlinaḥ janāḥ ṣoḍaśavarṣāś ca prajāyante yugakṣaye // ### [1.40.34](https://indike.org/pramana/in.purana.linga.1.40.34) śukladantājinākṣāś ca muṇḍāḥ kāṣāyavāsasaḥ śūdrā dharmaṃ cariṣyanti yugānte samupasthite // ### [1.40.35](https://indike.org/pramana/in.purana.linga.1.40.35) sasyacaurā bhaviṣyanti dṛḍhacailābhilāṣiṇaḥ caurāścorasvahartāro harturhartā tathāparaḥ // ### [1.40.36](https://indike.org/pramana/in.purana.linga.1.40.36) yogyakarmaṇyuparate loke niṣkriyatāṃ gate kīṭamūṣakasarpāś ca dharṣayiṣyanti mānavān // ### [1.40.37](https://indike.org/pramana/in.purana.linga.1.40.37) subhikṣaṃ kṣemamārogyaṃ sāmarthyaṃ durlabhaṃ tadā kauśikīṃ pratipatsyante deśānkṣudbhayapīḍitāḥ // ### [1.40.38](https://indike.org/pramana/in.purana.linga.1.40.38) duḥkhenābhiplutānāṃ ca paramāyuḥ śataṃ tadā dṛśyante na ca dṛśyante vedāḥ kaliyuge 'khilāḥ // ### [1.40.39](https://indike.org/pramana/in.purana.linga.1.40.39) utsīdanti tadā yajñāḥ kevalādharmapīḍitāḥ kāṣāyiṇo 'pyanirgranthāḥ kāpālībahulāstviha // ### [1.40.40](https://indike.org/pramana/in.purana.linga.1.40.40) vedavikrayiṇaścānye tīrthavikrayiṇaḥ pare varṇāśramāṇāṃ ye cānye pāṣaṇḍāḥ paripanthinaḥ // ### [1.40.41](https://indike.org/pramana/in.purana.linga.1.40.41) utpadyante tadā te vai samprāpte tu kalau yuge adhīyante tadā vedāñ śūdrā dharmārthakovidāḥ // ### [1.40.42](https://indike.org/pramana/in.purana.linga.1.40.42) yajante cāśvamedhena rājānaḥ śūdrayonayaḥ strībālagovadhaṃ kṛtvā hatvā caiva parasparam // ### [1.40.43](https://indike.org/pramana/in.purana.linga.1.40.43) upadravāṃstathānyonyaṃ sādhayanti tadā prajāḥ duḥkhaprabhūtamalpāyur dehotsādaḥ sarogatā // ### [1.40.44](https://indike.org/pramana/in.purana.linga.1.40.44) adharmābhiniveśitvāt tamovṛttaṃ kalau smṛtam prajāsu brahmahatyādi tadā vai sampravartate // ### [1.40.45](https://indike.org/pramana/in.purana.linga.1.40.45) tasmādāyurbalaṃ rūpaṃ kaliṃ prāpya prahīyate tadā tvalpena kālena siddhiṃ gacchanti mānavāḥ // ### [1.40.46](https://indike.org/pramana/in.purana.linga.1.40.46) dhanyā dharmaṃ cariṣyanti yugānte dvijasattamāḥ śrutismṛtyuditaṃ dharmaṃ ye carantyanasūyakāḥ // ### [1.40.47](https://indike.org/pramana/in.purana.linga.1.40.47) tretāyāṃ vārṣiko dharmo dvāpare māsikaḥ smṛtaḥ yathākleśaṃ caranprājñas tadahnā prāpnute kalau // ### [1.40.48](https://indike.org/pramana/in.purana.linga.1.40.48) eṣā kaliyugāvasthā saṃdhyāṃśaṃ tu nibodha me yuge yuge ca hīyante trīṃstrīnpādāṃstu siddhayaḥ // ### [1.40.49](https://indike.org/pramana/in.purana.linga.1.40.49) yugasvabhāvāḥ saṃdhyāstu tiṣṭhantīha tu pādaśaḥ saṃdhyāsvabhāvāḥ svāṃśeṣu pādaśaste pratiṣṭhitāḥ // ### [1.40.50](https://indike.org/pramana/in.purana.linga.1.40.50) evaṃ saṃdhyāṃśake kāle samprāpte tu yugāntike teṣāṃ śāstā hyasādhūnāṃ bhūtānāṃ nidhanotthitaḥ // ### [1.40.51](https://indike.org/pramana/in.purana.linga.1.40.51) gotre 'sminvai candramaso nāmnā pramitirucyate mānavasya tu so 'ṃśena pūrvaṃ svāyaṃbhuve 'ntare // ### [1.40.52](https://indike.org/pramana/in.purana.linga.1.40.52) samāḥ sa viṃśatiḥ pūrṇāḥ paryaṭanvai vasuṃdharām anukarṣan sa vai senāṃ savājirathakuñjarām // ### [1.40.53](https://indike.org/pramana/in.purana.linga.1.40.53) pragṛhītāyudhairvipraiḥ śataśo 'tha sahasraśaḥ sa tadā taiḥ parivṛto mlecchān hanti sahasraśaḥ // ### [1.40.54](https://indike.org/pramana/in.purana.linga.1.40.54) sa hatvā sarvaśaścaiva rājñastāñśūdrayonijān pākhaṇḍāṃstu tataḥ sarvān niḥśeṣaṃ kṛtavān prabhuḥ // ### [1.40.55](https://indike.org/pramana/in.purana.linga.1.40.55) nātyarthaṃ dhārmikā ye ca tān sarvān hanti sarvataḥ varṇavyatyāsajātāś ca ye ca tānanujīvinaḥ // ### [1.40.56](https://indike.org/pramana/in.purana.linga.1.40.56) pravṛttacakro balavān mlecchānāmantakṛtsa tu adhṛṣyaḥ sarvabhūtānāṃ cacārātha vasuṃdharām // ### [1.40.57](https://indike.org/pramana/in.purana.linga.1.40.57) mānavasya tu so 'ṃśena devasyeha vijajñivān pūrvajanmani viṣṇostu pramitirnāma vīryavān // ### [1.40.58](https://indike.org/pramana/in.purana.linga.1.40.58) gotrato vai candramasaḥ pūrṇe kaliyuge prabhuḥ dvātriṃśe 'bhyudite varṣe prakrānto viṃśatiḥ samāḥ // ### [1.40.59](https://indike.org/pramana/in.purana.linga.1.40.59) vinighnansarvabhūtāni śataśo 'tha sahasraśaḥ kṛtvā bījāvaśeṣāṃ tu pṛthivīṃ krūrakarmaṇaḥ // ### [1.40.60](https://indike.org/pramana/in.purana.linga.1.40.60) parasparanimittena kopenākasmikena tu sa sādhayitvā vṛṣalān prāyaśas tān adhārmikān // ### [1.40.61](https://indike.org/pramana/in.purana.linga.1.40.61) gaṅgāyamunayormadhye sthitiṃ prāptaḥ sahānugaḥ tato vyatīte kāle tu sāmātyaḥ sahasainikaḥ // ### [1.40.62](https://indike.org/pramana/in.purana.linga.1.40.62) utsādya pārthivān sarvān mlecchāṃścaiva sahasraśaḥ tatra saṃdhyāṃśake kāle samprāpte tu yugāntike // ### [1.40.63](https://indike.org/pramana/in.purana.linga.1.40.63) sthitāsvalpāvaśiṣṭāsu prajāsviha kvacitkvacit apragrahāstatastā vai lobhāviṣṭāstu kṛtsnaśaḥ // ### [1.40.64](https://indike.org/pramana/in.purana.linga.1.40.64) upahiṃsanti cānyonyaṃ praṇipatya parasparam arājake yugavaśāt saṃśaye samupasthite // ### [1.40.65](https://indike.org/pramana/in.purana.linga.1.40.65) prajāstā vai tataḥ sarvāḥ parasparabhayārditāḥ vyākulāś ca paribhrāntās tyaktvā dārān gṛhāṇi ca // ### [1.40.66](https://indike.org/pramana/in.purana.linga.1.40.66) svānprāṇān anapekṣanto niṣkāruṇyāḥ suduḥkhitāḥ naṣṭe śraute smārtadharme parasparahatāstadā // ### [1.40.67](https://indike.org/pramana/in.purana.linga.1.40.67) nirmaryādā nirākrāntā niḥsnehā nirapatrapāḥ naṣṭe dharme pratihatāḥ hrasvakāḥ pañcaviṃśakāḥ // ### [1.40.68](https://indike.org/pramana/in.purana.linga.1.40.68) hitvā putrāṃś ca dārāṃś ca vivādavyākulendriyāḥ anāvṛṣṭihatāścaiva vārtāmutsṛjya dūrataḥ // ### [1.40.69](https://indike.org/pramana/in.purana.linga.1.40.69) pratyantānupasevante hitvā janapadān svakān saritsāgarakūpāṃste sevante parvatāṃs tathā // ### [1.40.70](https://indike.org/pramana/in.purana.linga.1.40.70) madhumāṃsairmūlaphalair vartayanti suduḥkhitāḥ cīrapatrājinadharā niṣkriyā niṣparigrahāḥ // ### [1.40.71](https://indike.org/pramana/in.purana.linga.1.40.71) varṇāśramaparibhraṣṭāḥ saṃkaṭaṃ ghoramāsthitāḥ evaṃ kaṣṭamanuprāptā alpaśeṣāḥ prajāstadā // ### [1.40.72](https://indike.org/pramana/in.purana.linga.1.40.72) jarāvyādhikṣudhāviṣṭā duḥkhānnirvedamānasāḥ vicāraṇā tu nirvedāt sāmyāvasthā vicāraṇā // ### [1.40.73](https://indike.org/pramana/in.purana.linga.1.40.73) sāmyāvasthātmako bodhaḥ saṃbodhāddharmaśīlatā arūpaśamayuktāstu kaliśiṣṭā hi vai svayam // ### [1.40.74](https://indike.org/pramana/in.purana.linga.1.40.74) ahorātrāttadā tāsāṃ yugaṃ tu parivartate cittasaṃmohanaṃ kṛtvā tāsāṃ vai suptamattavat // ### [1.40.75](https://indike.org/pramana/in.purana.linga.1.40.75) bhāvino 'rthasya ca balāt tataḥ kṛtamavartata pravṛtte tu tatastasmin punaḥ kṛtayuge tu vai // ### [1.40.76](https://indike.org/pramana/in.purana.linga.1.40.76) utpannāḥ kaliśiṣṭāstu prajāḥ kārtayugāstadā tiṣṭhanti ceha ye siddhā adṛṣṭā vicaranti ca // ### [1.40.77](https://indike.org/pramana/in.purana.linga.1.40.77) sapta saptarṣibhiścaiva tatra te tu vyavasthitāḥ brahmakṣatraviśaḥ śūdrā bījārthaṃ ye smṛtā iha // ### [1.40.78](https://indike.org/pramana/in.purana.linga.1.40.78) kalijaiḥ saha te sarve nirviśeṣāstadābhavan teṣāṃ saptarṣayo dharmaṃ kathayantītare 'pi ca // ### [1.40.79](https://indike.org/pramana/in.purana.linga.1.40.79) varṇāśramācārayutaṃ śrautaṃ smārtaṃ dvidhā tu yam tatasteṣu kriyāvatsu vardhante vai prajāḥ kṛte // ### [1.40.80](https://indike.org/pramana/in.purana.linga.1.40.80) śrautasmārtakṛtānāṃ ca dharme saptarṣidarśite keciddharmavyavasthārthaṃ tiṣṭhantīha yugakṣaye // ### [1.40.81](https://indike.org/pramana/in.purana.linga.1.40.81) manvantarādhikāreṣu tiṣṭhanti munayastu vai yathā dāvapradagdheṣu tṛṇeṣviha tataḥ kṣitau // ### [1.40.82](https://indike.org/pramana/in.purana.linga.1.40.82) vanānāṃ prathamaṃ vṛṣṭyā teṣāṃ mūleṣu saṃbhavaḥ tathā kārtayugānāṃ tu kalijeṣviha saṃbhavaḥ // ### [1.40.83](https://indike.org/pramana/in.purana.linga.1.40.83) evaṃ yugādyugasyeha saṃtānaṃ tu parasparam vartate ha vyavacchedād yāvanmanvantarakṣayaḥ // ### [1.40.84](https://indike.org/pramana/in.purana.linga.1.40.84) sukhamāyurbalaṃ rūpaṃ dharmo 'rthaḥ kāma eva ca yugeṣvetāni hīyante trīṃstrīn pādān krameṇa tu // ### [1.40.85](https://indike.org/pramana/in.purana.linga.1.40.85) sasaṃdhyāṃśeṣu hīyante yugānāṃ dharmasiddhayaḥ ityeṣā pratisiddhirvai kīrtitaiṣā krameṇa tu // ### [1.40.86](https://indike.org/pramana/in.purana.linga.1.40.86) caturyugānāṃ sarveṣām anenaiva tu sādhanam eṣā caturyugāvṛttir ā sahasrād guṇīkṛtā // ### [1.40.87](https://indike.org/pramana/in.purana.linga.1.40.87) brahmaṇastadahaḥ proktaṃ rātriścaitāvatī smṛtā anārjavaṃ jaḍībhāvo bhūtānām ā yugakṣayāt // ### [1.40.88](https://indike.org/pramana/in.purana.linga.1.40.88) etadeva tu sarveṣāṃ yugānāṃ lakṣaṇaṃ smṛtam eṣāṃ caturyugāṇāṃ ca guṇitā hyekasaptatiḥ // ### [1.40.89](https://indike.org/pramana/in.purana.linga.1.40.89) krameṇa parivṛttā tu manorantaram ucyate caturyuge yathaikasmin bhavatīha yadā tu yat // ### [1.40.90](https://indike.org/pramana/in.purana.linga.1.40.90) tathā cānyeṣu bhavati punastadvai yathākramam sarge sarge yathā bhedā utpadyante tathaiva tu // ### [1.40.91](https://indike.org/pramana/in.purana.linga.1.40.91) pañcaviṃśatparimitā na nyūnā nādhikās tathā tathā kalpā yugaiḥ sārdhaṃ bhavanti saha lakṣaṇaiḥ // ### [1.40.92](https://indike.org/pramana/in.purana.linga.1.40.92) manvantarāṇāṃ sarveṣām etadeva tu lakṣaṇam // ### [1.40.93](https://indike.org/pramana/in.purana.linga.1.40.93) yathā yugānāṃ parivartanāni cirapravṛttāni yugasvabhāvāt tathā tu saṃtiṣṭhati jīvalokaḥ kṣayodayābhyāṃ parivartamānaḥ // ### [1.40.94](https://indike.org/pramana/in.purana.linga.1.40.94) ityetallakṣaṇaṃ proktaṃ yugānāṃ vai samāsataḥ atītānāgatānāṃ hi sarvamanvantareṣu vai // ### [1.40.95](https://indike.org/pramana/in.purana.linga.1.40.95) manvantareṇa caikena sarvāṇyevāntarāṇi ca vyākhyātāni na saṃdehaḥ kalpaḥ kalpena caiva hi // ### [1.40.96](https://indike.org/pramana/in.purana.linga.1.40.96) anāgateṣu tadvacca tarkaḥ kāryo vijānatā manvantareṣu sarveṣu atītānāgateṣviha // ### [1.40.97](https://indike.org/pramana/in.purana.linga.1.40.97) tulyābhimāninaḥ sarve nāmarūpairbhavantyuta devā hyaṣṭavidhā ye ca ye ca manvantareśvarāḥ // ### [1.40.98](https://indike.org/pramana/in.purana.linga.1.40.98) ṛṣayo manavaścaiva sarve tulyaprayojanāḥ evaṃ varṇāśramāṇāṃ tu pravibhāgo yuge yuge // ### [1.40.99](https://indike.org/pramana/in.purana.linga.1.40.99) yugasvabhāvaś ca tathā vidhatte vai tadā prabhuḥ varṇāśramavibhāgāś ca yugāni yugasiddhayaḥ // ### [1.40.100](https://indike.org/pramana/in.purana.linga.1.40.100) yugānāṃ parimāṇaṃ te kathitaṃ hi prasaṅgataḥ vadāmi devīputratvaṃ padmayoneḥ samāsataḥ // ### [1.40.100.p1](https://indike.org/pramana/in.purana.linga.1.40.100.p1) iti śrīliṅgamahāpurāṇe pūrvabhāge caturyugaparimāṇaṃ nāma catvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.43.1) — Gaṇeśa Bhaṭṭa, Sanskrit ## Linked texts (4) - [Liṅgapurāṇa](https://indike.org/pramana/in.vernacular.tamil.kappiyam.lingapurana.46.1) — Ativīrarāma Pāṇṭiyar 1500, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.6.2-4) — Kamalākarabhaṭṭa, Sanskrit - [Prabhañjana](https://indike.org/pramana/in.darsana.suddhadvaita.vitthala.prabhanjana.4.4) — Viṭṭhalanātha 1518, Sanskrit - [Kṛtyaratnākara (Caṇḍeśvara)](https://indike.org/pramana/in.niti.dharma.nibandha.krtya.krtyaratnakara.4.p118) — Caṇḍeśvara, Sanskrit --- Source: [https://indike.org/pramana/in.purana.linga.1.40](https://indike.org/pramana/in.purana.linga.1.40) · Pramāṇa