[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.41 # Lingapurana 1.41 Liṅgapurāṇa 1.41 - **Language:** Sanskrit ## Contents - [1.41.64](https://indike.org/pramana/in.purana.linga.1.41.64) — 1 part ### [1.41.1](https://indike.org/pramana/in.purana.linga.1.41.1) indra uvāca punaḥ sasarja bhagavān prabhraṣṭāḥ pūrvavatprajāḥ sahasrayugaparyante prabhāte tu pitāmahaḥ // ### [1.41.2](https://indike.org/pramana/in.purana.linga.1.41.2) evaṃ parārdhe viprendra dviguṇe tu tathā gate tadā dharāmbhasi vyāptā hy āpo vahnau samīraṇe // ### [1.41.3](https://indike.org/pramana/in.purana.linga.1.41.3) vahniḥ samīraṇaścaiva vyomni tanmātrasaṃyutaḥ indriyāṇi daśaikaṃ ca tanmātrāṇi dvijottama // ### [1.41.4](https://indike.org/pramana/in.purana.linga.1.41.4) ahaṅkāramanuprāpya pralīnāstatkṣaṇādaho abhimānastadā tatra mahāntaṃ vyāpya vai kṣaṇāt // ### [1.41.5](https://indike.org/pramana/in.purana.linga.1.41.5) mahānapi tathā vyaktaṃ prāpya līno 'bhavaddvija avyaktaṃ svaguṇaiḥ sārdhaṃ pralīnamabhavadbhave // ### [1.41.6](https://indike.org/pramana/in.purana.linga.1.41.6) tataḥ sṛṣṭirabhūttasmāt pūrvavatpuruṣācchivāt atha sṛṣṭāstadā tasya manasā tena mānasāḥ // ### [1.41.7](https://indike.org/pramana/in.purana.linga.1.41.7) na vyavardhanta loke 'smin prajāḥ kamalayoninā vṛddhyarthaṃ bhagavānbrahmā putrairvai mānasaiḥ saha // ### [1.41.8](https://indike.org/pramana/in.purana.linga.1.41.8) duścaraṃ vicacāreśaṃ samuddiśya tapaḥ svayam tuṣṭastu tapasā tasya bhavo jñātvā sa vāñchitam // ### [1.41.9](https://indike.org/pramana/in.purana.linga.1.41.9) lalāṭamadhyaṃ nirbhidya brahmaṇaḥ puruṣasya tu putrasnehamiti procya strīpuṃrūpo 'bhavattadā // ### [1.41.10](https://indike.org/pramana/in.purana.linga.1.41.10) tasya putro mahādevo hy ardhanārīśvaro 'bhavat dadāha bhagavānsarvaṃ brahmāṇaṃ ca jagadgurum // ### [1.41.11](https://indike.org/pramana/in.purana.linga.1.41.11) athārdhamātrāṃ kalyāṇīm ātmanaḥ parameśvarīm bubhuje yogamārgeṇa vṛddhyarthaṃ jagatāṃ śivaḥ // ### [1.41.12](https://indike.org/pramana/in.purana.linga.1.41.12) tasyāṃ hariṃ ca brahmāṇaṃ sasarja parameśvaraḥ viśveśvarastu viśvātmā cāstraṃ pāśupataṃ tathā // ### [1.41.13](https://indike.org/pramana/in.purana.linga.1.41.13) tasmādbrahmā mahādevyāś cāṃśajaś ca haris tathā aṇḍajaḥ padmajaścaiva bhavāṅgabhava eva ca // ### [1.41.14](https://indike.org/pramana/in.purana.linga.1.41.14) etatte kathitaṃ sarvam itihāsaṃ purātanam parārdhaṃ brahmaṇo yāvat tāvadbhūtiḥ samāsataḥ // ### [1.41.15](https://indike.org/pramana/in.purana.linga.1.41.15) vairāgyaṃ brahmaṇo vakṣye tamodbhūtaṃ samāsataḥ nārāyaṇo 'pi bhagavān dvidhā kṛtvātmanastanum // ### [1.41.16](https://indike.org/pramana/in.purana.linga.1.41.16) sasarja sakalaṃ tasmāt svāṅgādeva carācaram tato brahmāṇamasṛjad brahmā rudraṃ pitāmahaḥ // ### [1.41.17](https://indike.org/pramana/in.purana.linga.1.41.17) mune kalpāntare rudro hariṃ brahmāṇam īśvaram tato brahmāṇamasṛjan mune kalpāntare hariḥ // ### [1.41.18](https://indike.org/pramana/in.purana.linga.1.41.18) nārāyaṇaṃ punarbrahmā brahmāṇaṃ ca punarbhavaḥ tadā vicārya vai brahmā duḥkhaṃ saṃsāra ityajaḥ // ### [1.41.19](https://indike.org/pramana/in.purana.linga.1.41.19) sargaṃ visṛjya cātmānam ātmanyeva niyojya ca saṃhṛtya prāṇasañcāraṃ pāṣāṇa iva niścalaḥ // ### [1.41.20](https://indike.org/pramana/in.purana.linga.1.41.20) daśavarṣasahasrāṇi samādhistho 'bhavatprabhuḥ adhomukhaṃ tu yatpadmaṃ hṛdi saṃsthaṃ suśobhanam // ### [1.41.21](https://indike.org/pramana/in.purana.linga.1.41.21) pūritaṃ pūrakeṇaiva prabuddhaṃ cābhavattadā tadūrdhvavaktram abhavat kumbhakena nirodhitam // ### [1.41.22](https://indike.org/pramana/in.purana.linga.1.41.22) tatpadmakarṇikāmadhye sthāpayāmāsa ceśvaram tadomiti śivaṃ devam ardhamātrāparaṃ param // ### [1.41.23](https://indike.org/pramana/in.purana.linga.1.41.23) mṛṇālatantubhāgaikaśatabhāge vyavasthitam yamī yamaviśuddhātmā niyamyaivaṃ hṛdīśvaram // ### [1.41.24](https://indike.org/pramana/in.purana.linga.1.41.24) yamapuṣpādibhiḥ pūjyaṃ yājyo hyayajadavyayam tasya hṛtkamalasthasya niyogāccāṃśajo vibhuḥ // ### [1.41.25](https://indike.org/pramana/in.purana.linga.1.41.25) lalāṭamasya nirbhidya prādurāsītpitāmahāt lohito 'bhūt svayaṃ nīlaḥ śivasya hṛdayodbhavaḥ // ### [1.41.26](https://indike.org/pramana/in.purana.linga.1.41.26) vahneścaiva tu saṃyogāt prakṛtya puruṣaḥ prabhuḥ nīlaś ca lohitaścaiva yataḥ kālākṛtiḥ pumān // ### [1.41.27](https://indike.org/pramana/in.purana.linga.1.41.27) nīlalohita ityuktas tena devena vai prabhuḥ brahmaṇā bhagavānkālaḥ prītātmā cābhavadvibhuḥ // ### [1.41.28](https://indike.org/pramana/in.purana.linga.1.41.28) suprītamanasaṃ devaṃ tuṣṭāva ca pitāmahaḥ nāmāṣṭakena viśvātmā viśvātmānaṃ mahāmune // ### [1.41.29](https://indike.org/pramana/in.purana.linga.1.41.29) pitāmaha uvāca namaste bhagavan rudra bhāskarāmitatejase namo bhavāya devāya rasāyāmbumayāya te // ### [1.41.30](https://indike.org/pramana/in.purana.linga.1.41.30) śarvāya kṣitirūpāya sadā surabhiṇe namaḥ īśāya vāyave tubhyaṃ saṃsparśāya namo namaḥ // ### [1.41.31](https://indike.org/pramana/in.purana.linga.1.41.31) paśūnāṃ pataye caiva pāvakāyātitejase bhīmāya vyomarūpāya śabdamātrāya te namaḥ // ### [1.41.32](https://indike.org/pramana/in.purana.linga.1.41.32) mahādevāya somāya amṛtāya namo 'stu te ugrāya yajamānāya namaste karmayogine // ### [1.41.33](https://indike.org/pramana/in.purana.linga.1.41.33) yaḥ paṭhecchṛṇuyādvāpi paitāmahamimaṃ stavam rudrāya kathitaṃ viprāñ śrāvayedvā samāhitaḥ // ### [1.41.34](https://indike.org/pramana/in.purana.linga.1.41.34) aṣṭamūrtestu sāyujyaṃ varṣādekādavāpnuyāt evaṃ stutvā mahādevam avaikṣata pitāmahaḥ // ### [1.41.35](https://indike.org/pramana/in.purana.linga.1.41.35) tadāṣṭadhā mahādevaḥ samātiṣṭhatsamantataḥ tadā prakāśate bhānuḥ kṛṣṇavartmā niśākaraḥ // ### [1.41.36](https://indike.org/pramana/in.purana.linga.1.41.36) kṣitirvāyuḥ pumānaṃbhaḥ suṣiraṃ sarvagaṃ tathā tadāprabhṛti taṃ prāhur aṣṭamūrtiritīśvaram // ### [1.41.37](https://indike.org/pramana/in.purana.linga.1.41.37) aṣṭamūrteḥ prasādena virañciścāsṛjatpunaḥ sṛṣṭvaitad akhilaṃ brahmā punaḥ kalpāntare prabhuḥ // ### [1.41.38](https://indike.org/pramana/in.purana.linga.1.41.38) sahasrayugaparyantaṃ saṃsupte ca carācare prajāḥ sraṣṭumanās tepe tata ugraṃ tapo mahat // ### [1.41.39](https://indike.org/pramana/in.purana.linga.1.41.39) tasyaivaṃ tapyamānasya na kiṃcitsamavartata tato dīrgheṇa kālena duḥkhātkrodho vyajāyata // ### [1.41.40](https://indike.org/pramana/in.purana.linga.1.41.40) krodhāviṣṭasya netrābhyāṃ prāpatannaśrubindavaḥ tatastebhyo 'śrubindubhyo bhūtāḥ pretāstadābhavan // ### [1.41.41](https://indike.org/pramana/in.purana.linga.1.41.41) sarvāṃstānagrajāndṛṣṭvā bhūtapretaniśācarān anindata tadā devo brahmātmānam ajo vibhuḥ // ### [1.41.42](https://indike.org/pramana/in.purana.linga.1.41.42) jahau prāṇāṃś ca bhagavān krodhāviṣṭaḥ prajāpatiḥ tataḥ prāṇamayo rudraḥ prādurāsītprabhormukhāt // ### [1.41.43](https://indike.org/pramana/in.purana.linga.1.41.43) ardhanārīśvaro bhūtvā bālārkasadṛśadyutiḥ tadaikādaśadhātmānaṃ pravibhajya vyavasthitaḥ // ### [1.41.44](https://indike.org/pramana/in.purana.linga.1.41.44) ardhenāṃśena sarvātmā sasarjāsau śivāmumām sā cāsṛjattadā lakṣmīṃ durgāṃ śreṣṭhāṃ sarasvatīm // ### [1.41.45](https://indike.org/pramana/in.purana.linga.1.41.45) vāmāṃ raudrīṃ mahāmāyāṃ vaiṣṇavīṃ vārijekṣaṇām kalāṃ vikiriṇīṃ caiva kālīṃ kamalavāsinīm // ### [1.41.46](https://indike.org/pramana/in.purana.linga.1.41.46) balavikariṇīṃ devīṃ balapramathinīṃ tathā sarvabhūtasya damanīṃ sasṛje ca manonmanīm // ### [1.41.47](https://indike.org/pramana/in.purana.linga.1.41.47) tathānyā bahavaḥ sṛṣṭās tayā nāryaḥ sahasraśaḥ rudraiścaiva mahādevas tābhistribhuvaneśvaraḥ // ### [1.41.48](https://indike.org/pramana/in.purana.linga.1.41.48) sarvātmanaś ca tasyāgre hy atiṣṭhatparameśvaraḥ mṛtasya tasya devasya brahmaṇaḥ parameṣṭhinaḥ // ### [1.41.49](https://indike.org/pramana/in.purana.linga.1.41.49) ghṛṇī dadau punaḥ prāṇān brahmaputro maheśvaraḥ brahmaṇaḥ pradadau prāṇān ātmasthāṃstu tadā prabhuḥ // ### [1.41.50](https://indike.org/pramana/in.purana.linga.1.41.50) prahṛṣṭo 'bhūttato rudraḥ kiṃcitpratyāgatāsavam abhyabhāṣata deveśo brahmāṇaṃ paramaṃ vacaḥ // ### [1.41.51](https://indike.org/pramana/in.purana.linga.1.41.51) mā bhairdeva mahābhāga viriñca jagatāṃ guro mayeha sthāpitāḥ prāṇās tasmāduttiṣṭha vai prabho // ### [1.41.52](https://indike.org/pramana/in.purana.linga.1.41.52) śrutvā vacastatastasya svapnabhūtaṃ manogatam pitāmahaḥ prasannātmā netraiḥ phullāmbujaprabhaiḥ // ### [1.41.53](https://indike.org/pramana/in.purana.linga.1.41.53) tataḥ pratyāgataprāṇaḥ samudaikṣan maheśvaram sa udvīkṣya ciraṃ kālaṃ snigdhagaṃbhīrayā girā // ### [1.41.54](https://indike.org/pramana/in.purana.linga.1.41.54) uvāca bhagavān brahmā samutthāya kṛtāñjaliḥ bho bho vada mahābhāga ānandayasi me manaḥ // ### [1.41.55](https://indike.org/pramana/in.purana.linga.1.41.55) ko bhavān aṣṭamūrtir vai sthita ekādaśātmakaḥ tasya tadvacanaṃ śrutvā vyājahāra maheśvaraḥ // ### [1.41.56](https://indike.org/pramana/in.purana.linga.1.41.56) spṛśankarābhyāṃ brahmāṇaṃ sukhābhyāṃ sa surārihā māṃ viddhi paramātmānam enāṃ māyāmajāmiti // ### [1.41.57](https://indike.org/pramana/in.purana.linga.1.41.57) ete vai saṃsthitā rudrās tvāṃ rakṣitumihāgatāḥ tataḥ praṇamya taṃ brahmā devadevamuvāca ha // ### [1.41.58](https://indike.org/pramana/in.purana.linga.1.41.58) kṛtāñjalipuṭo bhūtvā harṣagadgadayā girā bhagavandevadeveśa duḥkhairākulito hyaham // ### [1.41.59](https://indike.org/pramana/in.purana.linga.1.41.59) saṃsārānmoktumīśāna māmihārhasi śaṅkara tataḥ prahasya bhagavān pitāmahamumāpatiḥ // ### [1.41.60](https://indike.org/pramana/in.purana.linga.1.41.60) tadā rudrairjagannāthas tayā cāntardadhe vibhuḥ tasmācchilāda lokeṣu durlabho vai tvayonijaḥ // ### [1.41.61](https://indike.org/pramana/in.purana.linga.1.41.61) mṛtyuhīnaḥ pumānviddhi samṛtyuḥ padmajo 'pi saḥ kiṃtu deveśvaro rudraḥ prasīdati yadīśvaraḥ // ### [1.41.62](https://indike.org/pramana/in.purana.linga.1.41.62) na durlabho mṛtyuhīnas tava putro hyayonijaḥ mayā ca viṣṇunā caiva brahmaṇā ca mahātmanā // ### [1.41.63](https://indike.org/pramana/in.purana.linga.1.41.63) ayonijaṃ mṛtyuhīnam asamarthaṃ niveditum evaṃ vyāhṛtya viprendram anugṛhya ca taṃ ghṛṇī // ### [1.41.64](https://indike.org/pramana/in.purana.linga.1.41.64) devairvṛto yayau devaḥ sitenebhena vai prabhuḥ // ### [1.41.64.p1](https://indike.org/pramana/in.purana.linga.1.41.64.p1) iti śrīliṅgamahāpurāṇe pūrvabhāge indravākyaṃ nāmaikacatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.44.1) — Gaṇeśa Bhaṭṭa, Sanskrit ## Linked texts (3) - [Vāyupurāṇa](https://indike.org/pramana/in.purana.vayu.1.25.70) — Vyāsa, Sanskrit - [Merutantra](https://indike.org/pramana/in.sampradaya.general.sakta.merutantra.5.711) — Gommaṭa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.47.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.41](https://indike.org/pramana/in.purana.linga.1.41) · Pramāṇa