[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.42 # Lingapurana 1.42 Liṅgapurāṇa 1.42 - **Language:** Sanskrit ## Contents - [1.42.38](https://indike.org/pramana/in.purana.linga.1.42.38) — 1 part ### [1.42.1](https://indike.org/pramana/in.purana.linga.1.42.1) sūta uvāca gate puṇye ca varade sahasrākṣe śilāśanaḥ ārādhayanmahādevaṃ tapasātoṣayadbhavam // ### [1.42.2](https://indike.org/pramana/in.purana.linga.1.42.2) atha tasyaivamaniśaṃ tatparasya dvijasya tu divyaṃ varṣasahasraṃ tu gataṃ kṣaṇamivādbhutam // ### [1.42.3](https://indike.org/pramana/in.purana.linga.1.42.3) valmīkenāvṛtāṅgaś ca lakṣyaḥ kīṭagaṇairmuniḥ vajrasūcīmukhaiścānyai raktakīṭaiś ca sarvataḥ // ### [1.42.4](https://indike.org/pramana/in.purana.linga.1.42.4) nirmāṃsarudhiratvag vai nirlepaḥ kuḍyavat sthitaḥ asthiśeṣo 'bhavatpaścāt tamamanyata śaṅkaraḥ // ### [1.42.5](https://indike.org/pramana/in.purana.linga.1.42.5) yadā spṛṣṭo munistena kareṇa ca smarāriṇā tadaiva muniśārdūlaś cotsasarja klamaṃ dvijaḥ // ### [1.42.6](https://indike.org/pramana/in.purana.linga.1.42.6) tapatastasya tapasā prabhustuṣṭātha śaṅkaraḥ tuṣṭastavetyathovāca sagaṇaścomayā saha // ### [1.42.7](https://indike.org/pramana/in.purana.linga.1.42.7) tapasānena kiṃ kāryaṃ bhavataste mahāmate dadāmi putraṃ sarvajñaṃ sarvaśāstrārthapāragam // ### [1.42.8](https://indike.org/pramana/in.purana.linga.1.42.8) tataḥ praṇamya deveśaṃ stutvovāca śilāśanaḥ harṣagadgadayā vācā somaṃ somavibhūṣaṇam // ### [1.42.9](https://indike.org/pramana/in.purana.linga.1.42.9) śilāda uvāca bhagavandevadeveśa tripurārdana śaṅkara ayonijaṃ mṛtyuhīnaṃ putramicchāmi sattama // ### [1.42.10](https://indike.org/pramana/in.purana.linga.1.42.10) sūta uvāca pūrvamārādhitaḥ prāha tapasā parameśvaraḥ śilādaṃ brahmaṇā rudraḥ prītyā paramayā punaḥ // ### [1.42.11](https://indike.org/pramana/in.purana.linga.1.42.11) śrīdevadeva uvāca pūrvamārādhito vipra brahmaṇāhaṃ tapodhana tapasā cāvatārārthaṃ munibhiś ca surottamaiḥ // ### [1.42.12](https://indike.org/pramana/in.purana.linga.1.42.12) tava putro bhaviṣyāmi nandināmnā tvayonijaḥ pitā bhaviṣyasi mama piturvai jagatāṃ mune // ### [1.42.13](https://indike.org/pramana/in.purana.linga.1.42.13) evamuktvā muniṃ prekṣya praṇipatya sthitaṃ ghṛṇī somaḥ somopamaḥ prītas tatraivāntaradhīyata // ### [1.42.14](https://indike.org/pramana/in.purana.linga.1.42.14) labdhaputraḥ pitā rudrāt prīto mama mahāmune yajñāṅgaṇaṃ mahatprāpya yajñārthaṃ yajñavittamaḥ // ### [1.42.15](https://indike.org/pramana/in.purana.linga.1.42.15) tadaṅgaṇādahaṃ śaṃbhos tanujastasya cājñayā saṃjātaḥ pūrvamevāhaṃ yugāntāgnisamaprabhaḥ // ### [1.42.16](https://indike.org/pramana/in.purana.linga.1.42.16) vavarṣustadā puṣkarāvartakādyā jaguḥ khecarāḥ kinnarāḥ siddhasādhyāḥ śilādātmajatvaṃ gate mayyupendraḥ sasarjātha vṛṣṭiṃ supuṣpaughamiśrām // ### [1.42.17](https://indike.org/pramana/in.purana.linga.1.42.17) māṃ dṛṣṭvā kālasūryābhaṃ jaṭāmukuṭadhāriṇam tryakṣaṃ caturbhujaṃ bālaṃ śūlaṭaṅkagadādharam // ### [1.42.18](https://indike.org/pramana/in.purana.linga.1.42.18) vajriṇaṃ vajradaṃṣṭraṃ ca vajriṇārādhitaṃ śiśum vajrakuṇḍalinaṃ ghoraṃ nīradopamaniḥsvanam // ### [1.42.19](https://indike.org/pramana/in.purana.linga.1.42.19) brahmādyāstuṣṭuvuḥ sarve surendraś ca munīśvarāḥ neduḥ samantataḥ sarve nanṛtuścāpsarogaṇāḥ // ### [1.42.20](https://indike.org/pramana/in.purana.linga.1.42.20) ṛṣayo muniśārdūla ṛgyajuḥsāmasaṃbhavaiḥ mantrairmāheśvaraiḥ stutvā sampraṇemurmudānvitāḥ // ### [1.42.21](https://indike.org/pramana/in.purana.linga.1.42.21) brahmā hariś ca rudraś ca śakraḥ sākṣācchivāṃbikā jīvaścendurmahātejā bhāskaraḥ pavano 'nalaḥ // ### [1.42.22](https://indike.org/pramana/in.purana.linga.1.42.22) īśāno nirṛtiryakṣo yamo varuṇa eva ca viśvedevās tathā rudrā vasavaś ca mahābalāḥ // ### [1.42.23](https://indike.org/pramana/in.purana.linga.1.42.23) lakṣmīḥ sākṣācchacī jyeṣṭhā devī caiva sarasvatī aditiś ca ditiścaiva śraddhā lajjā dhṛtis tathā // ### [1.42.24](https://indike.org/pramana/in.purana.linga.1.42.24) nandā bhadrā ca surabhī suśīlā sumanās tathā vṛṣendraś ca mahātejā dharmo dharmātmajas tathā // ### [1.42.25](https://indike.org/pramana/in.purana.linga.1.42.25) āvṛtya māṃ tathāliṅgya tuṣṭuvurmunisattama śilādo 'pi munirdṛṣṭvā pitā me tādṛśaṃ tadā // ### [1.42.26](https://indike.org/pramana/in.purana.linga.1.42.26) prītyā praṇamya puṇyātmā tuṣṭāveṣṭapradaṃ sutam bhagavandevadeveśa triyaṃbaka mamāvyaya // ### [1.42.27](https://indike.org/pramana/in.purana.linga.1.42.27) putro 'si jagatāṃ yasmāt trātā duḥkhāddhi kiṃ punaḥ rakṣako jagatāṃ yasmāt pitā me putra sarvaga // ### [1.42.28](https://indike.org/pramana/in.purana.linga.1.42.28) ayonija namastubhyaṃ jagadyone pitāmaha pitā putra maheśāna jagatāṃ ca jagadguro // ### [1.42.29](https://indike.org/pramana/in.purana.linga.1.42.29) vatsa vatsa mahābhāga pāhi māṃ parameśvara tvayāhaṃ nandito yasmān nandī nāmnā sureśvara // ### [1.42.30](https://indike.org/pramana/in.purana.linga.1.42.30) tasmānnandaya māṃ nandin namāmi jagadīśvaram prasīda pitarau me 'dya rudralokaṃ gatau vibho // ### [1.42.31](https://indike.org/pramana/in.purana.linga.1.42.31) pitāmahaś ca bho nandin navatīrṇe maheśvare mamaiva saphalaṃ loke janma vai jagatāṃ prabho // ### [1.42.32](https://indike.org/pramana/in.purana.linga.1.42.32) avatīrṇe sute nandin rakṣārthaṃ mahyamīśvara tubhyaṃ namaḥ sureśāna nandīśvara namo 'stu te // ### [1.42.33](https://indike.org/pramana/in.purana.linga.1.42.33) putra pāhi mahābāho devadeva jagadguro putratvameva nandīśa matvā yatkīrtitaṃ mayā // ### [1.42.34](https://indike.org/pramana/in.purana.linga.1.42.34) tvayā tatkṣamyatāṃ vatsa stavastavya surāsuraiḥ yaḥ paṭhecchṛṇuyādvāpi mama putraprabhāṣitam // ### [1.42.35](https://indike.org/pramana/in.purana.linga.1.42.35) śrāvayedvā dvijān bhaktyā mayā sārdhaṃ sa modate evaṃ stutvā sutaṃ bālaṃ praṇamya bahumānataḥ // ### [1.42.36](https://indike.org/pramana/in.purana.linga.1.42.36) munīśvarāṃś ca samprekṣya śilāda uvāca suvrataḥ paśyadhvaṃ munayaḥ sarve mahābhāgyaṃ mamāvyayaḥ // ### [1.42.37](https://indike.org/pramana/in.purana.linga.1.42.37) nandī yajñāṅgaṇe devaś cāvatīrṇo yataḥ prabhuḥ matsamaḥ kaḥ pumāṃlloke devo vā dānavo 'pi vā // ### [1.42.38](https://indike.org/pramana/in.purana.linga.1.42.38) eṣa nandī yato jāto yajñabhūmau hitāya me // ### [1.42.38.p1](https://indike.org/pramana/in.purana.linga.1.42.38.p1) iti śrīliṅgamahāpurāṇe pūrvabhāge nandikeśvarotpattir nāma dvicatvāriṃśo 'dhyāyaḥ ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.48.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.42](https://indike.org/pramana/in.purana.linga.1.42) · Pramāṇa