[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.43 # Lingapurana 1.43 Liṅgapurāṇa 1.43 - **Language:** Sanskrit ## Contents - [1.43.53](https://indike.org/pramana/in.purana.linga.1.43.53) — 1 part ### [1.43.1](https://indike.org/pramana/in.purana.linga.1.43.1) nandikeśvara uvāca mayā saha pitā hṛṣṭaḥ praṇamya ca maheśvaram uṭajaṃ svaṃ jagāmāśu nidhiṃ labdhveva nirdhanaḥ // ### [1.43.2](https://indike.org/pramana/in.purana.linga.1.43.2) yadāgato 'hamuṭajaṃ śilādasya mahāmune tadā vai daivikaṃ rūpaṃ tyaktvā mānuṣyam āsthitaḥ // ### [1.43.3](https://indike.org/pramana/in.purana.linga.1.43.3) naṣṭā caiva smṛtirdivyā yena kenāpi kāraṇāt mānuṣyamāsthitaṃ dṛṣṭvā pitā me lokapūjitaḥ // ### [1.43.4](https://indike.org/pramana/in.purana.linga.1.43.4) vilalāpātiduḥkhārtaḥ svajanaiś ca samāvṛtaḥ jātakarmādikāścaiva cakāra mama sarvavit // ### [1.43.5](https://indike.org/pramana/in.purana.linga.1.43.5) śālaṅkāyanaputro vai śilādaḥ putravatsalaḥ upadiṣṭā hi tenaiva ṛkśākhā yajuṣas tathā // ### [1.43.6](https://indike.org/pramana/in.purana.linga.1.43.6) sāmaśākhāsahasraṃ ca sāṅgopāṅgaṃ mahāmune āyurvedaṃ dhanurvedaṃ gāndharvaṃ cāśvalakṣaṇam // ### [1.43.7](https://indike.org/pramana/in.purana.linga.1.43.7) hastināṃ caritaṃ caiva narāṇāṃ caiva lakṣaṇam sampūrṇe saptame varṣe tato 'tha munisattamau // ### [1.43.8](https://indike.org/pramana/in.purana.linga.1.43.8) mitrāvaruṇanāmānau tapoyogabalānvitau tasyāśramaṃ gatau divyau draṣṭuṃ māṃ cājñayā vibhoḥ // ### [1.43.9](https://indike.org/pramana/in.purana.linga.1.43.9) ūcatuś ca mahātmānau māṃ nirīkṣya muhurmuhuḥ tāta nandyayamalpāyuḥ sarvaśāstrārthapāragaḥ // ### [1.43.10](https://indike.org/pramana/in.purana.linga.1.43.10) na dṛṣṭamevamāścaryam āyurvarṣādataḥ param ityuktavati viprendraḥ śilādaḥ putravatsalaḥ // ### [1.43.11](https://indike.org/pramana/in.purana.linga.1.43.11) samāliṅgya ca duḥkhārto rurodātīva visvaram hā putra putra putreti papāta ca samantataḥ // ### [1.43.12](https://indike.org/pramana/in.purana.linga.1.43.12) aho balaṃ daivavidher vidhātuśceti duḥkhitaḥ tasya cārtasvaraṃ śrutvā tadāśramanivāsinaḥ // ### [1.43.13](https://indike.org/pramana/in.purana.linga.1.43.13) nipeturvihvalātyarthaṃ rakṣāścakruś ca maṅgalam tuṣṭuvuś ca mahādevaṃ triyaṃbakamumāpatim // ### [1.43.14](https://indike.org/pramana/in.purana.linga.1.43.14) hutvā triyaṃbakenaiva madhunaiva ca saṃplutām dūrvāmayutasaṃkhyātāṃ sarvadravyasamanvitām // ### [1.43.15](https://indike.org/pramana/in.purana.linga.1.43.15) pitā vigatasaṃjñaś ca tathā caiva pitāmahaḥ viceṣṭaś ca lalāpāsau mṛtavannipapāta ca // ### [1.43.16](https://indike.org/pramana/in.purana.linga.1.43.16) mṛtyor bhīto 'ham acirāc chirasā cābhivandya tam mṛtavatpatitaṃ sākṣāt pitaraṃ ca pitāmaham // ### [1.43.17](https://indike.org/pramana/in.purana.linga.1.43.17) pradakṣiṇīkṛtya ca taṃ rudrajāpyarato 'bhavam hṛtpuṇḍarīke suṣire dhyātvā devaṃ triyaṃbakam // ### [1.43.18](https://indike.org/pramana/in.purana.linga.1.43.18) tryakṣaṃ daśabhujaṃ śāntaṃ pañcavaktraṃ sadāśivam saritaścāntare puṇye sthitaṃ māṃ parameśvaraḥ // ### [1.43.19](https://indike.org/pramana/in.purana.linga.1.43.19) tuṣṭo 'bravīnmahādevaḥ somaḥ somārdhabhūṣaṇaḥ vatsa nandinmahābāho mṛtyorbhītiḥ kutastava // ### [1.43.20](https://indike.org/pramana/in.purana.linga.1.43.20) mayaiva preṣitau viprau matsamastvaṃ na saṃśayaḥ vatsainattava dehaṃ ca laukikaṃ paramārthataḥ // ### [1.43.21](https://indike.org/pramana/in.purana.linga.1.43.21) nāstyeva daivikaṃ dṛṣṭaṃ śilādena purā tava devaiś ca munibhiḥ siddhair gandharvairdānavottamaiḥ // ### [1.43.22](https://indike.org/pramana/in.purana.linga.1.43.22) pūjitaṃ yatpurā vatsa daivikaṃ nandikeśvara saṃsārasya svabhāvo 'yaṃ sukhaṃ duḥkhaṃ punaḥ punaḥ // ### [1.43.23](https://indike.org/pramana/in.purana.linga.1.43.23) nṛṇāṃ yoniparityāgaḥ sarvathaiva vivekinaḥ evamuktvā tu māṃ sākṣāt sarvadevamaheśvaraḥ // ### [1.43.24](https://indike.org/pramana/in.purana.linga.1.43.24) karābhyāṃ suśubhābhyāṃ ca ubhābhyāṃ parameśvaraḥ pasparśa bhagavān rudraḥ paramārtiharo haraḥ // ### [1.43.25](https://indike.org/pramana/in.purana.linga.1.43.25) uvāca ca mahādevas tuṣṭātmā vṛṣabhadhvajaḥ nirīkṣya gaṇapāṃścaiva devīṃ himavataḥ sutām // ### [1.43.26](https://indike.org/pramana/in.purana.linga.1.43.26) samālokya ca tuṣṭātmā mahādevaḥ sureśvaraḥ ajaro jarayā tyakto nityaṃ duḥkhavivarjitaḥ // ### [1.43.27](https://indike.org/pramana/in.purana.linga.1.43.27) akṣayaścāvyayaścaiva sapitā sasuhṛjjanaḥ mameṣṭo gaṇapaścaiva madvīryo matparākramaḥ // ### [1.43.28](https://indike.org/pramana/in.purana.linga.1.43.28) iṣṭo mama sadā caiva mama pārśvagataḥ sadā madbalaścaiva bhavitā mahāyogabalānvitaḥ // ### [1.43.29](https://indike.org/pramana/in.purana.linga.1.43.29) evamuktvā ca māṃ devo bhagavān sagaṇastadā kuśeśayamayīṃ mālāṃ samunmucyātmanastadā // ### [1.43.30](https://indike.org/pramana/in.purana.linga.1.43.30) ābabandha mahātejā mama devo vṛṣadhvajaḥ tayāhaṃ mālayā jātaḥ śubhayā kaṇṭhasaktayā // ### [1.43.31](https://indike.org/pramana/in.purana.linga.1.43.31) tryakṣo daśabhujaścaiva dvitīya iva śaṅkaraḥ tata eva samādāya hastena parameśvaraḥ // ### [1.43.32](https://indike.org/pramana/in.purana.linga.1.43.32) uvāca brūhi kiṃ te 'dya dadāmi varamuttamam tato jaṭāśritaṃ vāri gṛhītvā cātinirmalam // ### [1.43.33](https://indike.org/pramana/in.purana.linga.1.43.33) uktā nadī bhavasveti utsasarja vṛṣadhvajaḥ tataḥ sā divyatoyā ca pūrṇāsitajalā śubhā // ### [1.43.34](https://indike.org/pramana/in.purana.linga.1.43.34) padmotpalavanopetā prāvartata mahānadī tāmāha ca mahādevo nadīṃ paramaśobhanām // ### [1.43.35](https://indike.org/pramana/in.purana.linga.1.43.35) yasmājjaṭodakādeva pravṛttā tvaṃ mahānadī tasmājjaṭodakā puṇyā bhaviṣyasi saridvarā // ### [1.43.36](https://indike.org/pramana/in.purana.linga.1.43.36) tvayi snātvā naraḥ kaścit sarvapāpaiḥ pramucyate tato devyā mahādevaḥ śilādatanayaṃ prabhuḥ // ### [1.43.37](https://indike.org/pramana/in.purana.linga.1.43.37) putraste 'yamiti procya pādayoḥ saṃnyapātayat sā māmāghrāya śirasi pāṇibhyāṃ parimārjatī // ### [1.43.38](https://indike.org/pramana/in.purana.linga.1.43.38) putrapremṇābhyaṣiñcacca srotobhistanayaistribhiḥ payasā śaṅkhagaureṇa devadevaṃ nirīkṣya sā // ### [1.43.39](https://indike.org/pramana/in.purana.linga.1.43.39) tāni srotāṃsi trīṇyasyāḥ srotasvinyo 'bhavaṃstadā nadīṃ trisrotasaṃ devo bhagavānavadadbhavaḥ // ### [1.43.40](https://indike.org/pramana/in.purana.linga.1.43.40) trisrotasaṃ nadīṃ dṛṣṭvā vṛṣaḥ paramaharṣitaḥ nanāda nādāttasmācca saridanyā tato 'bhavat // ### [1.43.41](https://indike.org/pramana/in.purana.linga.1.43.41) vṛṣadhvaniriti khyātā devadevena sā nadī jāṃbūnadamayaṃ citraṃ sarvaratnamayaṃ śubham // ### [1.43.42](https://indike.org/pramana/in.purana.linga.1.43.42) svaṃ devaścādbhutaṃ divyaṃ nirmitaṃ viśvakarmaṇā mukuṭaṃ cābabandheśo mama mūrdhni vṛṣadhvajaḥ // ### [1.43.43](https://indike.org/pramana/in.purana.linga.1.43.43) kuṇḍale ca śubhe divye vajravaiḍūryabhūṣite ābabandha mahādevaḥ svayameva maheśvaraḥ // ### [1.43.44](https://indike.org/pramana/in.purana.linga.1.43.44) māṃ tathābhyarcitaṃ vyomni dṛṣṭvā meghaiḥ prabhākaraḥ meghāṃbhasā cābhyaṣiñcac chilādanam atho mune // ### [1.43.45](https://indike.org/pramana/in.purana.linga.1.43.45) tasyābhiṣiktasya tadā pravṛttā srotasā bhṛśam yasmāt suvarṇānniḥsṛtya nadyeṣā sampravartate // ### [1.43.46](https://indike.org/pramana/in.purana.linga.1.43.46) svarṇodaketi tāmāha devadevastriyaṃbakaḥ jāmbūnadamayādyasmād dvitīyā mukuṭācchubhā // ### [1.43.47](https://indike.org/pramana/in.purana.linga.1.43.47) prāvartata nadī puṇyā ūcur jambūnadīti tām etatpañcanadaṃ nāma japyeśvarasamīpagam // ### [1.43.48](https://indike.org/pramana/in.purana.linga.1.43.48) yaḥ pañcanadamāsādya snātvā japyeśvareśvaram pūjayecchivasāyujyaṃ prayātyeva na saṃśayaḥ // ### [1.43.49](https://indike.org/pramana/in.purana.linga.1.43.49) atha devo mahādevaḥ sarvabhūtapatirbhavaḥ devīmuvāca śarvāṇīm umāṃ girisutāmajām // ### [1.43.50](https://indike.org/pramana/in.purana.linga.1.43.50) devī nandīśvaraṃ devam abhiṣiñcāmi bhūtapam gaṇendraṃ vyāhariṣyāmi kiṃ vā tvaṃ manyase 'vyaye // ### [1.43.51](https://indike.org/pramana/in.purana.linga.1.43.51) tasya tadvacanaṃ śrutvā bhavānī harṣitānanā smayantī varadaṃ prāha bhavaṃ bhūtapatiṃ patim // ### [1.43.52](https://indike.org/pramana/in.purana.linga.1.43.52) sarvalokādhipatyaṃ ca gaṇeśatvaṃ tathaiva ca dātumarhasi deveśa śailādistanayo mama // ### [1.43.53](https://indike.org/pramana/in.purana.linga.1.43.53) tataḥ sa bhagavāñśarvaḥ sarvalokeśvareśvaraḥ sasmāra gaṇapān divyān devadevo vṛṣadhvajaḥ // ### [1.43.53.p1](https://indike.org/pramana/in.purana.linga.1.43.53.p1) iti śrīliṅgamahāpurāṇe pūrvabhāge nandikeśvaraprādurbhāvanandikeśvarābhiṣekamantro nāma tricatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.46.6) — Gaṇeśa Bhaṭṭa, Sanskrit ## Linked texts (6) - [Skandapurāṇa (early; "Ambikākhaṇḍa")](https://indike.org/pramana/in.purana.skanda*early.22.7) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.App.I.31.2820) — Sanskrit - [Svāyambhuvāgama](https://indike.org/pramana/in.sampradaya.saiva.agama.rudra.svayambhuva.4.45-5) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.49.1) — Ativīrarāma Pāṇṭiyar 1500, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.31.74) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.31.74) — Basava, Sanskrit --- Source: [https://indike.org/pramana/in.purana.linga.1.43](https://indike.org/pramana/in.purana.linga.1.43) · Pramāṇa