[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.45 # Lingapurana 1.45 Liṅgapurāṇa 1.45 - **Language:** Sanskrit ## Contents - [1.45.23](https://indike.org/pramana/in.purana.linga.1.45.23) — 1 part ### [1.45.1](https://indike.org/pramana/in.purana.linga.1.45.1) ṛṣaya ūcuḥ sūta suvyaktamakhilaṃ kathitaṃ śaṅkarasya tu sarvātmabhāvaṃ rudrasya svarūpaṃ vaktumarhasi // ### [1.45.2](https://indike.org/pramana/in.purana.linga.1.45.2) sūta uvāca bhūrbhuvaḥ svarmahaścaiva janaḥ sākṣāttapas tathā satyalokaś ca pātālaṃ narakārṇavakoṭayaḥ // ### [1.45.3](https://indike.org/pramana/in.purana.linga.1.45.3) tārakāgrahasomārkā dhruvaḥ saptarṣayas tathā vaimānikāstathānye ca tiṣṭhantyasya prasādataḥ // ### [1.45.4](https://indike.org/pramana/in.purana.linga.1.45.4) anena nirmitāstvevaṃ tadātmāno dvijarṣabhāḥ samaṣṭirūpaḥ sarvātmā saṃsthitaḥ sarvadā śivaḥ // ### [1.45.5](https://indike.org/pramana/in.purana.linga.1.45.5) sarvātmānaṃ mahātmānaṃ mahādevaṃ maheśvaram na vijānanti saṃmūḍhā māyayā tasya mohitāḥ // ### [1.45.6](https://indike.org/pramana/in.purana.linga.1.45.6) tasya devasya rudrasya śarīraṃ vai jagattrayam tasmātpraṇamya taṃ vakṣye jagatāṃ nirṇayaṃ śubham // ### [1.45.7](https://indike.org/pramana/in.purana.linga.1.45.7) purā vaḥ kathitaṃ sarvaṃ mayāṇḍasya yathā kṛtiḥ bhuvanānāṃ svarūpaṃ ca brahmāṇḍe kathayāmyaham // ### [1.45.8](https://indike.org/pramana/in.purana.linga.1.45.8) pṛthivī cāntarikṣaṃ ca svarmaharjana eva ca tapaḥ satyaṃ ca saptaite lokāstvaṇḍodbhavāḥ śubhāḥ // ### [1.45.9](https://indike.org/pramana/in.purana.linga.1.45.9) adhastādatra caiteṣāṃ dvijāḥ sapta talāni tu mahātalādayasteṣāṃ adhastānnarakāḥ kramāt // ### [1.45.10](https://indike.org/pramana/in.purana.linga.1.45.10) mahātalaṃ hematalaṃ sarvaratnopaśobhitam prāsādaiś ca vicitraiś ca bhavasyāyatanais tathā // ### [1.45.11](https://indike.org/pramana/in.purana.linga.1.45.11) anantena ca saṃyuktaṃ mucukundena dhīmatā nṛpeṇa balinā caiva pātālasvargavāsinā // ### [1.45.12](https://indike.org/pramana/in.purana.linga.1.45.12) śailaṃ rasātalaṃ viprāḥ śārkaraṃ hi talātalam pītaṃ sutalamityuktaṃ vitalaṃ vidrumaprabham // ### [1.45.13](https://indike.org/pramana/in.purana.linga.1.45.13) sitaṃ hi atalaṃ tacca talaṃ yacca sitetaram kṣmāyāstu yāvadvistāro hy adhasteṣāṃ ca suvratāḥ // ### [1.45.14](https://indike.org/pramana/in.purana.linga.1.45.14) talānāṃ caiva sarveṣāṃ tāvatsaṃkhyā samāhitā sahasrayojanaṃ vyoma daśasāhasrameva ca // ### [1.45.15](https://indike.org/pramana/in.purana.linga.1.45.15) lakṣaṃ saptasahasraṃ hi talānāṃ saghanasya tu vyomnaḥ pramāṇaṃ mūlaṃ tu triṃśatsāhasrakeṇa tu // ### [1.45.16](https://indike.org/pramana/in.purana.linga.1.45.16) suvarṇena muniśreṣṭhās tathā vāsukinā śubham rasātalamiti khyātaṃ tathānyaiś ca niṣevitam // ### [1.45.17](https://indike.org/pramana/in.purana.linga.1.45.17) virocanahiraṇyākṣanarakādyaiś ca sevitam talātalamiti khyātaṃ sarvaśobhāsamanvitam // ### [1.45.18](https://indike.org/pramana/in.purana.linga.1.45.18) vaināyakādibhiścaiva kālanemipurogamaiḥ pūrvadevaiḥ samākīrṇaṃ sutalaṃ ca tathāparaiḥ // ### [1.45.19](https://indike.org/pramana/in.purana.linga.1.45.19) vitalaṃ dānavādyaiś ca tārakāgnimukhais tathā mahāntakādyair nāgaiś ca prahlādenāsureṇa ca // ### [1.45.20](https://indike.org/pramana/in.purana.linga.1.45.20) vitalaṃ cātra vikhyātaṃ kambalāśvaniṣevitam mahākumbhena vīreṇa hayagrīveṇa dhīmatā // ### [1.45.21](https://indike.org/pramana/in.purana.linga.1.45.21) śaṅkukarṇena saṃbhinnaṃ tathā namucipūrvakaiḥ tathānyair vividhair vīrais talaṃ caiva suśobhitam // ### [1.45.22](https://indike.org/pramana/in.purana.linga.1.45.22) taleṣu teṣu sarveṣu cāmbayā parameśvaraḥ skandena nandinā sārdhaṃ gaṇapaiḥ sarvato vṛtaḥ // ### [1.45.23](https://indike.org/pramana/in.purana.linga.1.45.23) talānāṃ caiva sarveṣām ūrdhvataḥ saptasaptamāḥ kṣmātalāni dharā cāpi saptadhā kathayāmi vaḥ // ### [1.45.23.p1](https://indike.org/pramana/in.purana.linga.1.45.23.p1) iti śrīliṅgamahāpurāṇe pūrvabhāge pātālavarṇanaṃ nāma pañcacatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.48.9) — Gaṇeśa Bhaṭṭa, Sanskrit ## Linked texts (2) - [Mudgalapurāṇa](https://indike.org/pramana/in.purana.upa.surya.mudgala.2.12.2) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.51.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.45](https://indike.org/pramana/in.purana.linga.1.45) · Pramāṇa