[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.46 # Lingapurana 1.46 Liṅgapurāṇa 1.46 - **Language:** Sanskrit ## Contents - [1.46.49](https://indike.org/pramana/in.purana.linga.1.46.49) — 1 part ### [1.46.1](https://indike.org/pramana/in.purana.linga.1.46.1) sūta uvāca saptadvīpā tathā pṛthvī nadīparvatasaṃkulā samudraiḥ saptabhiścaiva sarvataḥ samalaṃkṛtā // ### [1.46.2](https://indike.org/pramana/in.purana.linga.1.46.2) jambūḥ plakṣaḥ śālmaliś ca kuśaḥ krauñcastathaiva ca śākaḥ puṣkaranāmā ca dvīpāstvabhyantare kramāt // ### [1.46.3](https://indike.org/pramana/in.purana.linga.1.46.3) saptadvīpeṣu sarveṣu sāmbaḥ sarvagaṇairvṛtaḥ nānāveṣadharo bhūtvā sānnidhyaṃ kurute haraḥ // ### [1.46.4](https://indike.org/pramana/in.purana.linga.1.46.4) kṣārodekṣurasodaś ca surodaś ca ghṛtodadhiḥ dadhyarṇavaś ca kṣīrodaḥ svādūdaścāpyanukramāt // ### [1.46.5](https://indike.org/pramana/in.purana.linga.1.46.5) samudreṣviha sarveṣu sarvadā sagaṇaḥ śivaḥ jalarūpī bhavaḥ śrīmān krīḍate cormibāhubhiḥ // ### [1.46.6](https://indike.org/pramana/in.purana.linga.1.46.6) kṣīrārṇavāmṛtamiva sadā kṣīrārṇave hariḥ śete śivajñānadhiyā sākṣādvai yoganidrayā // ### [1.46.7](https://indike.org/pramana/in.purana.linga.1.46.7) yadā prabuddho bhagavān prabuddhamakhilaṃ jagat yadā suptastadā suptaṃ tanmayaṃ ca carācaram // ### [1.46.8](https://indike.org/pramana/in.purana.linga.1.46.8) tenaiva sṛṣṭamakhilaṃ dhṛtaṃ rakṣitameva ca saṃhṛtaṃ devadevasya prasādātparameṣṭhinaḥ // ### [1.46.9](https://indike.org/pramana/in.purana.linga.1.46.9) suṣeṇā iti vikhyātā yajante puruṣarṣabham aniruddhaṃ muniśreṣṭhāḥ śaṅkhacakragadādharam // ### [1.46.10](https://indike.org/pramana/in.purana.linga.1.46.10) ye cāniruddhaṃ puruṣaṃ dhyāyantyātmavidāṃ varāḥ nārāyaṇasamāḥ sarve sarvasaṃpatsamanvitāḥ // ### [1.46.11](https://indike.org/pramana/in.purana.linga.1.46.11) sanandanaś ca bhagavān sanakaś ca sanātanaḥ vālakhilyāś ca siddhāś ca mitrāvaruṇakau tathā // ### [1.46.12](https://indike.org/pramana/in.purana.linga.1.46.12) yajanti satataṃ tatra viśvasya prabhavaṃ harim saptadvīpeṣu tiṣṭhanti nānāśṛṅgā mahodayāḥ // ### [1.46.13](https://indike.org/pramana/in.purana.linga.1.46.13) āsamudrāyatāḥ kecid girayo gahvarais tathā dharāyāḥ patayaścāsan bahavaḥ kālagauravāt // ### [1.46.14](https://indike.org/pramana/in.purana.linga.1.46.14) sāmarthyātparameśānāḥ krauñcārerjanakātprabhoḥ manvantareṣu sarveṣu atītānāgateṣviha // ### [1.46.15](https://indike.org/pramana/in.purana.linga.1.46.15) pravakṣyāmi dhareśān vo vakṣye svāyaṃbhuve 'ntare manvantareṣu sarveṣu atītānāgateṣu ca // ### [1.46.16](https://indike.org/pramana/in.purana.linga.1.46.16) tulyābhimāninaścaiva sarve tulyaprayojanāḥ svāyaṃbhuvasya ca manoḥ pautrāstvāsanmahābalāḥ // ### [1.46.17](https://indike.org/pramana/in.purana.linga.1.46.17) priyavratātmajā vīrās te daśeha prakīrtitāḥ āgnīdhraścāgnibāhuś ca medhā medhātithirvasuḥ // ### [1.46.18](https://indike.org/pramana/in.purana.linga.1.46.18) jyotiṣmāndyutimān havyaḥ savanaḥ putra eva ca priyavrato 'bhyaṣiñcattān sapta saptasu pārthivān // ### [1.46.19](https://indike.org/pramana/in.purana.linga.1.46.19) jambūdvīpeśvaraṃ cakre āgnīdhraṃ sumahābalam plakṣadvīpeśvaraścāpi tena medhātithiḥ kṛtaḥ // ### [1.46.20](https://indike.org/pramana/in.purana.linga.1.46.20) śālmaleś ca vapuṣmantaṃ rājānamabhiṣiktavān jyotiṣmantaṃ kuśadvīpe rājānaṃ kṛtavānnṛpaḥ // ### [1.46.21](https://indike.org/pramana/in.purana.linga.1.46.21) dyutimantaṃ ca rājānaṃ krauñcadvīpe samādiśat śākadvīpeśvaraṃ cāpi havyaṃ cakre priyavrataḥ // ### [1.46.22](https://indike.org/pramana/in.purana.linga.1.46.22) puṣkarādhipatiṃ cakre savanaṃ cāpi suvratāḥ puṣkare savanasyāpi mahāvītaḥ suto 'bhavat // ### [1.46.23](https://indike.org/pramana/in.purana.linga.1.46.23) dhātakī caiva dvāvetau putrau putravatāṃ varau mahāvītaṃ smṛtaṃ varṣaṃ tasya nāmnā mahātmanaḥ // ### [1.46.24](https://indike.org/pramana/in.purana.linga.1.46.24) nāmnā tu dhātakeścaiva dhātakīkhaṇḍamucyate havyo 'pyajanayat putrāñ chākadvīpeśvaraḥ prabhuḥ // ### [1.46.25](https://indike.org/pramana/in.purana.linga.1.46.25) jaladaṃ ca kumāraṃ ca sukumāraṃ maṇīcakam kusumottaramodākī saptamastu mahādrumaḥ // ### [1.46.26](https://indike.org/pramana/in.purana.linga.1.46.26) aladaṃ jaladasyātha varṣaṃ prathamamucyate kumārasya tu kaumāraṃ dvitīyaṃ parikīrtitam // ### [1.46.27](https://indike.org/pramana/in.purana.linga.1.46.27) sukumāraṃ tṛtīyaṃ tu sukumārasya kīrtyate maṇīcakaṃ caturthaṃ tu māṇīcakamihocyate // ### [1.46.28](https://indike.org/pramana/in.purana.linga.1.46.28) kusumottarasya vai varṣaṃ pañcamaṃ kusumottaram modakaṃ cāpi modāker varṣaṃ ṣaṣṭhaṃ prakīrtitam // ### [1.46.29](https://indike.org/pramana/in.purana.linga.1.46.29) mahādrumasya nāmnā tu saptamaṃ tanmahādrumam teṣāṃ tu nāmabhistāni sapta varṣāṇi tatra vai // ### [1.46.30](https://indike.org/pramana/in.purana.linga.1.46.30) krauñcadvīpeśvarasyāpi putrā dyutimatastu vai kuśalo manugaścoṣṇaḥ pīvaraścāndhakārakaḥ // ### [1.46.31](https://indike.org/pramana/in.purana.linga.1.46.31) muniśca dundubhiścaiva sutā dyutimatastu vai teṣāṃ svanāmabhir deśāḥ krauñcadvīpāśrayāḥ śubhāḥ // ### [1.46.32](https://indike.org/pramana/in.purana.linga.1.46.32) kuśaladeśaḥ kuśale manugasya manonugaḥ uṣṇasyoṣṇaḥ smṛto deśaḥ pīvaraḥ pīvarasya ca // ### [1.46.33](https://indike.org/pramana/in.purana.linga.1.46.33) andhakārasya kathito deśo nāmnāndhakārakaḥ munerdeśo muniḥ prokto dundubher dundubhiḥ smṛtaḥ // ### [1.46.34](https://indike.org/pramana/in.purana.linga.1.46.34) ete janapadāḥ sapta krauñcadvīpeṣu bhāsvarāḥ jyotiṣmantaḥ kuśadvīpe sapta cāsanmahaujasaḥ // ### [1.46.35](https://indike.org/pramana/in.purana.linga.1.46.35) udbhido veṇumāṃścaiva dvairatho lavaṇo dhṛtiḥ ṣaṣṭhaḥ prabhākaraścāpi saptamaḥ kapilaḥ smṛtaḥ // ### [1.46.36](https://indike.org/pramana/in.purana.linga.1.46.36) udbhidaṃ prathamaṃ varṣaṃ dvitīyaṃ veṇumaṇḍalam tṛtīyaṃ dvairathaṃ caiva caturthaṃ lavaṇaṃ smṛtam // ### [1.46.37](https://indike.org/pramana/in.purana.linga.1.46.37) pañcamaṃ dhṛtimat ṣaṣṭhaṃ prabhākaram anuttamam saptamaṃ kapilaṃ nāma kapilasya prakīrtitam // ### [1.46.38](https://indike.org/pramana/in.purana.linga.1.46.38) śālmalasyeśvarāḥ sapta sutāste vai vapuṣmataḥ śvetaś ca haritaścaiva jīmūto rohitas tathā // ### [1.46.39](https://indike.org/pramana/in.purana.linga.1.46.39) vaidyuto mānasaścaiva suprabhaḥ saptamas tathā śvetasya deśaḥ śvetastu haritasya ca hāritaḥ // ### [1.46.40](https://indike.org/pramana/in.purana.linga.1.46.40) jīmūtasya ca jīmūto rohitasya ca rohitaḥ vaidyuto vaidyutasyāpi mānasasya ca mānasaḥ // ### [1.46.41](https://indike.org/pramana/in.purana.linga.1.46.41) suprabhaḥ suprabhasyāpi sapta vai deśalāñchakāḥ plakṣadvīpe tu vakṣyāmi jambūdvīpādanantaram // ### [1.46.42](https://indike.org/pramana/in.purana.linga.1.46.42) sapta medhātitheḥ putrāḥ plakṣadvīpeśvarā nṛpāḥ jyeṣṭhaḥ śāntabhayasteṣāṃ saptavarṣāṇi tāni vai // ### [1.46.43](https://indike.org/pramana/in.purana.linga.1.46.43) tasmācchāntabhayāccaiva śiśirastu sukhodayaḥ ānandaś ca śivaścaiva kṣemakaś ca dhruvas tathā // ### [1.46.44](https://indike.org/pramana/in.purana.linga.1.46.44) tāni teṣāṃ tu nāmāni saptavarṣāṇi bhāgaśaḥ niveśitāni taistāni pūrvaṃ svāyaṃbhuve 'ntare // ### [1.46.45](https://indike.org/pramana/in.purana.linga.1.46.45) medhātithestu putraistaiḥ plakṣadvīpanivāsibhiḥ varṇāśramācārayutāḥ prajāstatra niveśitāḥ // ### [1.46.46](https://indike.org/pramana/in.purana.linga.1.46.46) plakṣadvīpādivarṣeṣu śākadvīpāntikeṣu vai jñeyaḥ pañcasu dharmo vai varṇāśramavibhāgaśaḥ // ### [1.46.47](https://indike.org/pramana/in.purana.linga.1.46.47) sukhamāyuḥ svarūpaṃ ca balaṃ dharmo dvijottamāḥ pañcasveteṣu dvīpeṣu sarvasādhāraṇaṃ smṛtam // ### [1.46.48](https://indike.org/pramana/in.purana.linga.1.46.48) rudrārcanaratā nityaṃ maheśvaraparāyaṇāḥ anye ca puṣkaradvīpe prajātāś ca prajeśvarāḥ // ### [1.46.49](https://indike.org/pramana/in.purana.linga.1.46.49) prajāpateś ca rudrasya bhāvāmṛtasukhotkaṭāḥ // ### [1.46.49.p1](https://indike.org/pramana/in.purana.linga.1.46.49.p1) iti śrīliṅgamahāpurāṇe pūrvabhāge bhuvanakośe dvīpadvīpeśvarakathanaṃ nāma ṣaṭcatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.49.1) — Gaṇeśa Bhaṭṭa, Sanskrit ## Linked texts (4) - [Vāyupurāṇa](https://indike.org/pramana/in.purana.vayu.1.31.19) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.14.10) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.1.14) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.52.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.46](https://indike.org/pramana/in.purana.linga.1.46) · Pramāṇa