[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.47 # Lingapurana 1.47 Liṅgapurāṇa 1.47 - **Language:** Sanskrit ## Contents - [1.47.25](https://indike.org/pramana/in.purana.linga.1.47.25) — 1 part ### [1.47.1](https://indike.org/pramana/in.purana.linga.1.47.1) sūta uvāca āgnīdhraṃ jyeṣṭhadāyādaṃ kāmyaputraṃ mahābalam priyavrato 'bhyaṣiñcadvai jaṃbūdvīpeśvaraṃ nṛpaḥ // ### [1.47.2](https://indike.org/pramana/in.purana.linga.1.47.2) so 'tīva bhavabhaktaś ca tapasvī taruṇaḥ sadā bhavārcanarataḥ śrīmān gomāndhīmāndvijarṣabhāḥ // ### [1.47.3](https://indike.org/pramana/in.purana.linga.1.47.3) tasya putrā babhūvuste prajāpatisamā nava sarve māheśvarāścaiva mahādevaparāyaṇāḥ // ### [1.47.4](https://indike.org/pramana/in.purana.linga.1.47.4) jyeṣṭho nābhir iti khyātas tasya kiṃpuruṣo 'nujaḥ harivarṣastṛtīyastu caturtho vai tvilāvṛtaḥ // ### [1.47.5](https://indike.org/pramana/in.purana.linga.1.47.5) ramyastu pañcamas tatra hiraṇmān ṣaṣṭha ucyate kurustu saptamasteṣāṃ bhadrāśvastvaṣṭamaḥ smṛtaḥ // ### [1.47.6](https://indike.org/pramana/in.purana.linga.1.47.6) navamaḥ ketumālastu teṣāṃ deśānnibodhata nābhestu dakṣiṇaṃ varṣaṃ hemākhyaṃ tu pitā dadau // ### [1.47.7](https://indike.org/pramana/in.purana.linga.1.47.7) hemakūṭaṃ tu yadvarṣaṃ dadau kiṃpuruṣāya saḥ naiṣadhaṃ yatsmṛtaṃ varṣaṃ haraye tatpitā dadau // ### [1.47.8](https://indike.org/pramana/in.purana.linga.1.47.8) ilāvṛtāya pradadau meruryatra tu madhyamaḥ nīlācalāśritaṃ varṣaṃ ramyāya pradadau pitā // ### [1.47.9](https://indike.org/pramana/in.purana.linga.1.47.9) śvetaṃ yaduttaraṃ tasmāt pitrā dattaṃ hiraṇmate yaduttaraṃ śṛṅgavarṣaṃ pitā tatkurave dadau // ### [1.47.10](https://indike.org/pramana/in.purana.linga.1.47.10) varṣaṃ mālyavataṃ cāpi bhadrāśvasya nyavedayat gandhamādanavarṣaṃ tu ketumālāya dattavān // ### [1.47.11](https://indike.org/pramana/in.purana.linga.1.47.11) ityetāni mahāntīha nava varṣāṇi bhāgaśaḥ āgnīdhrasteṣu varṣeṣu putrāṃstānabhiṣicya vai // ### [1.47.12](https://indike.org/pramana/in.purana.linga.1.47.12) yathākramaṃ sa dharmātmā tatastu tapasi sthitaḥ tapasā bhāvitaścaiva svādhyāyaniratastvabhūt // ### [1.47.13](https://indike.org/pramana/in.purana.linga.1.47.13) svādhyāyanirataḥ paścāc chivadhyānaratas tvabhūt yāni kiṃpuruṣādyāni varṣāṇyaṣṭau śubhāni ca // ### [1.47.14](https://indike.org/pramana/in.purana.linga.1.47.14) teṣāṃ svabhāvataḥ siddhiḥ sukhaprāyā hyayatnataḥ viparyayo na teṣvasti jarāmṛtyubhayaṃ na ca // ### [1.47.15](https://indike.org/pramana/in.purana.linga.1.47.15) dharmādharmau na teṣvāstāṃ nottamādhamamadhyamāḥ na teṣvasti yugāvasthā kṣetreṣvaṣṭasu sarvataḥ // ### [1.47.16](https://indike.org/pramana/in.purana.linga.1.47.16) rudrakṣetre mṛtāścaiva jaṅgamāḥ sthāvarās tathā bhaktāḥ prāsaṃgikāścāpi teṣu kṣetreṣu yānti te // ### [1.47.17](https://indike.org/pramana/in.purana.linga.1.47.17) teṣāṃ hitāya rudreṇa cāṣṭakṣetraṃ vinirmitam tatra teṣāṃ mahādevaḥ sānnidhyaṃ kurute sadā // ### [1.47.18](https://indike.org/pramana/in.purana.linga.1.47.18) dṛṣṭvā hṛdi mahādevam aṣṭakṣetranivāsinaḥ sukhinaḥ sarvadā teṣāṃ sa eveha parā gatiḥ // ### [1.47.19](https://indike.org/pramana/in.purana.linga.1.47.19) nābhernisargaṃ vakṣyāmi himāṅke 'sminnibodhata nābhistvajanayatputraṃ merudevyāṃ mahāmatiḥ // ### [1.47.20](https://indike.org/pramana/in.purana.linga.1.47.20) ṛṣabhaṃ pārthivaśreṣṭhaṃ sarvakṣatrasya pūjitam ṛṣabhādbharato jajñe vīraḥ putraśatāgrajaḥ // ### [1.47.21](https://indike.org/pramana/in.purana.linga.1.47.21) so 'bhiṣicyātha ṛṣabho bharataṃ putravatsalaḥ jñānavairāgyamāśritya jitvendriyamahoragān // ### [1.47.22](https://indike.org/pramana/in.purana.linga.1.47.22) sarvātmanātmani sthāpya paramātmānamīśvaram nagno jaṭī nirāhāraś cīrī dhvāntagato hi saḥ // ### [1.47.23](https://indike.org/pramana/in.purana.linga.1.47.23) nirāśastyaktasaṃdehaḥ śaivamāpa paraṃ padam himādrerdakṣiṇaṃ varṣaṃ bharatāya nyavedayat // ### [1.47.24](https://indike.org/pramana/in.purana.linga.1.47.24) tasmāttu bhārataṃ varṣaṃ tasya nāmnā vidurbudhāḥ bharatasyātmajo vidvān sumatirnāma dhārmikaḥ // ### [1.47.25](https://indike.org/pramana/in.purana.linga.1.47.25) babhūva tasmiṃstadrājyaṃ bharataḥ saṃnyaveśayat putrasaṃkrāmitaśrīko vanaṃ rājā viveśa saḥ // ### [1.47.25.p1](https://indike.org/pramana/in.purana.linga.1.47.25.p1) iti śrīliṅgamahāpurāṇe pūrvabhāge bharatavarṣakathanaṃ nāma saptacatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.50.1) — Gaṇeśa Bhaṭṭa, Sanskrit ## Linked texts (4) - [Vāyupurāṇa](https://indike.org/pramana/in.purana.vayu.1.33.38) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.14.44) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.1.15) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.53.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.47](https://indike.org/pramana/in.purana.linga.1.47) · Pramāṇa