[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.50 # Lingapurana 1.50 Liṅgapurāṇa 1.50 - **Language:** Sanskrit ## Contents - [1.50.21](https://indike.org/pramana/in.purana.linga.1.50.21) — 1 part ### [1.50.1](https://indike.org/pramana/in.purana.linga.1.50.1) sūta uvāca śitāntaśikhare śakraḥ pārijātavane śubhe tasya prācyāṃ kumudādrikūṭo 'sau bahuvistaraḥ // ### [1.50.2](https://indike.org/pramana/in.purana.linga.1.50.2) aṣṭau purāṇyudīrṇāni dānavānāṃ dvijottamāḥ suvarṇakoṭare puṇye rākṣasānāṃ mahātmanām // ### [1.50.3](https://indike.org/pramana/in.purana.linga.1.50.3) nīlakānāṃ purāṇyāhur aṣṭaṣaṣṭirdvijottamāḥ mahānīle 'pi śailendre purāṇi daśa pañca ca // ### [1.50.4](https://indike.org/pramana/in.purana.linga.1.50.4) hayānanānāṃ mukhyānāṃ kinnarāṇāṃ ca suvratāḥ veṇusaudhe mahāśaile vidyādharapuratrayam // ### [1.50.5](https://indike.org/pramana/in.purana.linga.1.50.5) vaikuṇṭhe garuḍaḥ śrīmān karañje nīlalohitaḥ vasudhāre vasūnāṃ tu nivāsaḥ parikīrtitaḥ // ### [1.50.6](https://indike.org/pramana/in.purana.linga.1.50.6) ratnadhāre girivare saptarṣīṇāṃ mahātmanām saptasthānāni puṇyāni siddhāvāsayutāni ca // ### [1.50.7](https://indike.org/pramana/in.purana.linga.1.50.7) mahatprajāpateḥ sthānam ekaśṛṅge nagottame gajaśaile tu durgādyāḥ sumedhe vasavas tathā // ### [1.50.8](https://indike.org/pramana/in.purana.linga.1.50.8) ādityāś ca tathā rudrāḥ kṛtāvāsāstathāśvinau aśītirdevapuryastu hemakakṣe nagottame // ### [1.50.9](https://indike.org/pramana/in.purana.linga.1.50.9) sunīle rakṣasāṃ vāsāḥ pañcakoṭiśatāni ca pañcakūṭe purāṇyāsan pañcakoṭipramāṇataḥ // ### [1.50.10](https://indike.org/pramana/in.purana.linga.1.50.10) śataśṛṅge puraśataṃ yakṣāṇāmamitaujasām tāmrābhe kādraveyāṇāṃ viśākhe tu guhasya vai // ### [1.50.11](https://indike.org/pramana/in.purana.linga.1.50.11) śvetodare muniśreṣṭhāḥ suparṇasya mahātmanaḥ piśācake kuberasya harikūṭe harergṛham // ### [1.50.12](https://indike.org/pramana/in.purana.linga.1.50.12) kumude kiṃnarāvāsas tv añjane cāraṇālayaḥ kṛṣṇe gandharvanilayaḥ pāṇḍure purasaptakam // ### [1.50.13](https://indike.org/pramana/in.purana.linga.1.50.13) vidyādharāṇāṃ viprendrā viśvabhogasamanvitam sahasraśikhare śaile daityānāmugrakarmaṇām // ### [1.50.14](https://indike.org/pramana/in.purana.linga.1.50.14) purāṇāṃ tu sahasrāṇi sapta śakrāriṇāṃ dvijāḥ mukuṭe pannagāvāsaḥ puṣpaketau munīśvarāḥ // ### [1.50.15](https://indike.org/pramana/in.purana.linga.1.50.15) vaivasvatasya somasya vāyornāgādhipasya ca takṣake caiva śailendre catvāryāyatanāni ca // ### [1.50.16](https://indike.org/pramana/in.purana.linga.1.50.16) brahmendraviṣṇurudrāṇāṃ guhasya ca mahātmanaḥ kuberasya ca somasya tathānyeṣāṃ mahātmanām // ### [1.50.17](https://indike.org/pramana/in.purana.linga.1.50.17) santyāyatanamukhyāni maryādāparvateṣvapi śrīkaṇṭhādriguhāvāsī sarvāvāsaḥ sahomayā // ### [1.50.18](https://indike.org/pramana/in.purana.linga.1.50.18) śrīkaṇṭhasyādhipatyaṃ vai sarvadeveśvarasya ca aṇḍasyāsya pravṛttistu śrīkaṇṭhena na saṃśayaḥ // ### [1.50.19](https://indike.org/pramana/in.purana.linga.1.50.19) ananteśādayastvevaṃ pratyekaṃ cāṇḍapālakāḥ cakravartina ityuktās tato vidyeśvarāstviha // ### [1.50.20](https://indike.org/pramana/in.purana.linga.1.50.20) śrīkaṇṭhādhiṣṭhitānyatra sthānāni ca samāsataḥ maryādāparvateṣvadya śṛṇvantu pravadāmy aham // ### [1.50.21](https://indike.org/pramana/in.purana.linga.1.50.21) śrīkaṇṭhādhiṣṭhitaṃ viśvaṃ carācaramidaṃ jagat kālāgniśivaparyantaṃ kathaṃ vakṣye savistaram // ### [1.50.21.p1](https://indike.org/pramana/in.purana.linga.1.50.21.p1) iti śrīliṅgamahāpurāṇe pūrvabhāge bhuvanavinyāsoddeśasthānavarṇanaṃ nāma pañcāśattamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.53.1) — Gaṇeśa Bhaṭṭa, Sanskrit ## Linked texts (2) - [Vāyupurāṇa](https://indike.org/pramana/in.purana.vayu.1.39.54) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.56.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.50](https://indike.org/pramana/in.purana.linga.1.50) · Pramāṇa