[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.51 # Lingapurana 1.51 Liṅgapurāṇa 1.51 - **Language:** Sanskrit ## Contents - [1.51.31](https://indike.org/pramana/in.purana.linga.1.51.31) — 1 part ### [1.51.1](https://indike.org/pramana/in.purana.linga.1.51.1) sūta uvāca devakūṭe girau madhye mahākūṭe suśobhane hemavaiḍūryamāṇikyanīlagomedakāntibhiḥ // ### [1.51.2](https://indike.org/pramana/in.purana.linga.1.51.2) tathānyairmaṇimukhyaiś ca nirmite nirmale śubhe śākhāśatasahasrāḍhye sarvadrumavibhūṣite // ### [1.51.3](https://indike.org/pramana/in.purana.linga.1.51.3) campakāśokapuṃnāgavakulāsanamaṇḍite pārijātakasampūrṇe nānāpakṣigaṇānvite // ### [1.51.4](https://indike.org/pramana/in.purana.linga.1.51.4) naikadhātuśataiścitre vicitrakusumākule nitambapuṣpasālamben-aikasattvagaṇānvite // ### [1.51.5](https://indike.org/pramana/in.purana.linga.1.51.5) vimalasvādupānīyen-aikaprasravaṇairyute nirjharaiḥ kusumākīrṇair anekaiś ca vibhūṣite // ### [1.51.6](https://indike.org/pramana/in.purana.linga.1.51.6) puṣpoḍupavahābhiś ca sravantībhir alaṃkṛte snigdhavarṇaṃ mahāmūlam anekaskandhapādapam // ### [1.51.7](https://indike.org/pramana/in.purana.linga.1.51.7) ramyaṃ hyaviralacchāyaṃ daśayojanamaṇḍalam tatra bhūtavanaṃ nāma nānābhūtagaṇālayam // ### [1.51.8](https://indike.org/pramana/in.purana.linga.1.51.8) mahādevasya devasya śaṅkarasya mahātmanaḥ dīptamāyatanaṃ tatra mahāmaṇivibhūṣitam // ### [1.51.9](https://indike.org/pramana/in.purana.linga.1.51.9) hemaprākārasaṃyuktaṃ maṇitoraṇamaṇḍitam sphāṭikaiś ca vicitraiś ca gopuraiś ca samanvitam // ### [1.51.10](https://indike.org/pramana/in.purana.linga.1.51.10) siṃhāsanairmaṇimayaiḥ śubhāstaraṇasaṃyutaiḥ kṣitāvitastataḥ samyak śarveṇādhiṣṭhitaiḥ śubhaiḥ // ### [1.51.11](https://indike.org/pramana/in.purana.linga.1.51.11) amlānamālānicitair nānāvarṇair gṛhottamaiḥ maṇḍapaiḥ suvicitrais tu sphāṭikastambhasaṃyutaiḥ // ### [1.51.12](https://indike.org/pramana/in.purana.linga.1.51.12) saṃyutaṃ sarvabhūtendrair brahmendropendrapūjitaiḥ varāhagajasiṃharkṣaśārdūlakarabhānanaiḥ // ### [1.51.13](https://indike.org/pramana/in.purana.linga.1.51.13) gṛdhrolūkamukhaiścānyair mṛgoṣṭrājamukhairapi pramathairvividhaiḥ sthūlair girikūṭopamaiḥ śubhaiḥ // ### [1.51.14](https://indike.org/pramana/in.purana.linga.1.51.14) karālairharikeśaiś ca romaśaiś ca mahābhujaiḥ nānāvarṇākṛtidharair nānāsaṃsthānasaṃsthitaiḥ // ### [1.51.15](https://indike.org/pramana/in.purana.linga.1.51.15) dīptāsyair dīptacaritair nandīśvaramukhaiḥ śubhaiḥ brahmendraviṣṇusaṃkāśair aṇimādiguṇānvitaiḥ // ### [1.51.16](https://indike.org/pramana/in.purana.linga.1.51.16) aśūnyamamarairnityaṃ mahāpariṣadais tathā tatra bhūtapaterdevāḥ pūjāṃ nityaṃ prayuñjate // ### [1.51.17](https://indike.org/pramana/in.purana.linga.1.51.17) jharjharaiḥ śaṅkhapaṭahair bherīḍiṇḍimagomukhaiḥ lalitāvasitodgītair vṛttavalgitagarjitaiḥ // ### [1.51.18](https://indike.org/pramana/in.purana.linga.1.51.18) pūjito vai mahādevaḥ pramathaiḥ pramatheśvaraḥ siddharṣidevagandharvair brahmaṇā ca mahātmanā // ### [1.51.19](https://indike.org/pramana/in.purana.linga.1.51.19) upendrapramukhaiścānyaiḥ pūjitastatra śaṃkaraḥ vibhaktacāruśikharaṃ yatra tacchaṅkhavarcasam // ### [1.51.20](https://indike.org/pramana/in.purana.linga.1.51.20) kailāso yakṣarājasya kuberasya mahātmanaḥ nivāsaḥ koṭiyakṣāṇāṃ tathānyeṣāṃ mahātmanām // ### [1.51.21](https://indike.org/pramana/in.purana.linga.1.51.21) tatrāpi devadevasya bhavasyāyatanaṃ mahat tasminnāyatane somaḥ sadāste sagaṇo haraḥ // ### [1.51.22](https://indike.org/pramana/in.purana.linga.1.51.22) yatra mandākinī nāma nalinī vipulodakā suvarṇamaṇisopānā kuberaśikhare śubhe // ### [1.51.23](https://indike.org/pramana/in.purana.linga.1.51.23) jāṃbūnadamayaiḥ padmair gandhasparśaguṇānvitaiḥ nīlavaiḍūryapatraiś ca gandhopetairmahotpalaiḥ // ### [1.51.24](https://indike.org/pramana/in.purana.linga.1.51.24) tathā kumudaṣaṇḍaiś ca mahāpadmair alaṃkṛtā yakṣagandharvanārībhir apsarobhiś ca sevitā // ### [1.51.25](https://indike.org/pramana/in.purana.linga.1.51.25) devadānavagandharvair yakṣarākṣasakinnaraiḥ upaspṛṣṭajalā puṇyā nadī mandākinī śubhā // ### [1.51.26](https://indike.org/pramana/in.purana.linga.1.51.26) tasyāścottarapārśve tu bhavasyāyatanaṃ śubham vaiḍūryamaṇisampannaṃ tatrāste śaṅkaro 'vyayaḥ // ### [1.51.27](https://indike.org/pramana/in.purana.linga.1.51.27) dvijāḥ kanakanandāyās tīre vai prāci dakṣiṇe vanaṃ dvijasahasrāḍhyaṃ mṛgapakṣisamākulam // ### [1.51.28](https://indike.org/pramana/in.purana.linga.1.51.28) tatrāpi sagaṇaḥ sāmbaḥ krīḍate 'drisame gṛhe nandāyāḥ paścime tīre kiṃcid vai dakṣiṇāśrite // ### [1.51.29](https://indike.org/pramana/in.purana.linga.1.51.29) puraṃ rudrapurī nāma nānāprāsādasaṃkulam tatrāpi śatadhā kṛtvā hy ātmānaṃ cāmbayā saha // ### [1.51.30](https://indike.org/pramana/in.purana.linga.1.51.30) krīḍate sagaṇaḥ sāmbas tacchivālayam ucyate evaṃ śatasahasrāṇi śarvasyāyatanāni tu // ### [1.51.31](https://indike.org/pramana/in.purana.linga.1.51.31) pratidvīpe muniśreṣṭhāḥ parvateṣu vaneṣu ca nadīnadataṭākānāṃ tīreṣvarṇavasaṃdhiṣu // ### [1.51.31.p1](https://indike.org/pramana/in.purana.linga.1.51.31.p1) iti śrīliṅgamahāpurāṇe pūrvabhāge ekapañcāśattamo 'dhyāyaḥ ## Linked texts (2) - [Vāyupurāṇa](https://indike.org/pramana/in.purana.vayu.1.40.20) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.57.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.51](https://indike.org/pramana/in.purana.linga.1.51) · Pramāṇa