[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.52 # Lingapurana 1.52 Liṅgapurāṇa 1.52 - **Language:** Sanskrit ## Contents - [1.52.51](https://indike.org/pramana/in.purana.linga.1.52.51) — 1 part ### [1.52.1](https://indike.org/pramana/in.purana.linga.1.52.1) sūta uvāca nadyaś ca bahavaḥ proktāḥ sadā bahujalāḥ śubhāḥ sarovarebhyaḥ sambhūtās tv asaṃkhyātā dvijottamāḥ // ### [1.52.2](https://indike.org/pramana/in.purana.linga.1.52.2) prāṅmukhā dakṣiṇāsyāstu cottaraprabhavāḥ śubhāḥ paścimāgrāḥ pavitrāś ca prativarṣaṃ prakīrtitāḥ // ### [1.52.3](https://indike.org/pramana/in.purana.linga.1.52.3) ākāśāṃbhonidhir yo 'sau soma ityabhidhīyate ādhāraḥ sarvabhūtānāṃ devānāmamṛtākaraḥ // ### [1.52.4](https://indike.org/pramana/in.purana.linga.1.52.4) asmātpravṛttā puṇyodā nadī tvākāśagāminī saptamenānilapathā pravṛttā cāmṛtodakā // ### [1.52.5](https://indike.org/pramana/in.purana.linga.1.52.5) sā jyotīṃṣyanuvartantī jyotirgaṇaniṣevitā tārākoṭisahasrāṇāṃ nabhasaś ca samāyutā // ### [1.52.6](https://indike.org/pramana/in.purana.linga.1.52.6) parivartatyaharaho yathā somastathaiva sā catvāryaśītiś ca tathā sahasrāṇāṃ samucchritaḥ // ### [1.52.7](https://indike.org/pramana/in.purana.linga.1.52.7) yojanānāṃ mahāmeruḥ śrīkaṇṭhākrīḍakomalaḥ tatrāsīno yataḥ śarvaḥ sāmbaḥ saha gaṇeśvaraiḥ // ### [1.52.8](https://indike.org/pramana/in.purana.linga.1.52.8) krīḍate suciraṃ kālaṃ tasmātpuṇyajalā śivā giriṃ meruṃ nadī puṇyā sā prayāti pradakṣiṇam // ### [1.52.9](https://indike.org/pramana/in.purana.linga.1.52.9) vibhajyamānasalilā sā javenānilena ca merorantarakūṭeṣu nipapāta caturṣvapi // ### [1.52.10](https://indike.org/pramana/in.purana.linga.1.52.10) samantātsamatikramya sarvādrīnpravibhāgaśaḥ niyogāddevadevasya praviṣṭā sā mahārṇavam // ### [1.52.11](https://indike.org/pramana/in.purana.linga.1.52.11) asyā vinirgatā nadyaḥ śataśo 'tha sahasraśaḥ sarvadvīpādrivarṣeṣu bahavaḥ parikīrtitāḥ // ### [1.52.12](https://indike.org/pramana/in.purana.linga.1.52.12) kṣudranadyastvasaṃkhyātā gaṅgā yadgāṅgatāmbarāt ketumāle narāḥ kālāḥ sarve panasabhojanāḥ // ### [1.52.13](https://indike.org/pramana/in.purana.linga.1.52.13) striyaścotpalavarṇābhā jīvitaṃ cāyutaṃ smṛtam bhadrāśve śuklavarṇāś ca striyaścandrāṃśusaṃnibhāḥ // ### [1.52.14](https://indike.org/pramana/in.purana.linga.1.52.14) kālāmrabhojanāḥ sarve nirātaṅkā ratipriyāḥ daśavarṣasahasrāṇi jīvanti śivabhāvitāḥ // ### [1.52.15](https://indike.org/pramana/in.purana.linga.1.52.15) hiraṇmayā ivātyartham īśvarārpitacetasaḥ tathā ramaṇake jīvā nyagrodhaphalabhojanāḥ // ### [1.52.16](https://indike.org/pramana/in.purana.linga.1.52.16) daśavarṣasahasrāṇi śatāni daśapañca ca jīvanti śuklāste sarve śivadhyānaparāyaṇāḥ // ### [1.52.17](https://indike.org/pramana/in.purana.linga.1.52.17) hairaṇmayā mahābhāgā hiraṇmayavanāśrayāḥ ekādaśa sahasrāṇi śatāni daśapañca ca // ### [1.52.18](https://indike.org/pramana/in.purana.linga.1.52.18) varṣāṇāṃ tatra jīvanti aśvatthāśanajīvanāḥ hairaṇmayā ivātyartham īśvarārpitamānasāḥ // ### [1.52.19](https://indike.org/pramana/in.purana.linga.1.52.19) kuruvarṣe tu kuravaḥ svargalokāt paricyutāḥ sarve maithunajātāś ca kṣīriṇaḥ kṣīrabhojanāḥ // ### [1.52.20](https://indike.org/pramana/in.purana.linga.1.52.20) anyonyamanuraktāś ca cakravākasadharmiṇaḥ anāmayā hyaśokāś ca nityaṃ sukhaniṣeviṇaḥ // ### [1.52.21](https://indike.org/pramana/in.purana.linga.1.52.21) trayodaśasahasrāṇi śatāni daśapañca ca jīvanti te mahāvīryā na cānyastrīniṣeviṇaḥ // ### [1.52.22](https://indike.org/pramana/in.purana.linga.1.52.22) sahaiva maraṇaṃ teṣāṃ kurūṇāṃ svargavāsinām hṛṣṭānāṃ supravṛddhānāṃ sarvānnāmṛtabhojinām // ### [1.52.23](https://indike.org/pramana/in.purana.linga.1.52.23) sadā tu candrakāntānāṃ sadā yauvanaśālinām śyāmāṅgānāṃ sadā sarvabhūṣaṇāspadadehinām // ### [1.52.24](https://indike.org/pramana/in.purana.linga.1.52.24) jaṃbūdvīpe tu tatrāpi kuruvarṣaṃ suśobhanam tatra candraprabhaṃ śambhor vimānaṃ candramaulinaḥ // ### [1.52.25](https://indike.org/pramana/in.purana.linga.1.52.25) varṣe tu bhārate martyāḥ puṇyāḥ karmavaśāyuṣaḥ śatāyuṣaḥ samākhyātā nānāvarṇālpadehinaḥ // ### [1.52.26](https://indike.org/pramana/in.purana.linga.1.52.26) nānādevārcane yuktā nānākarmaphalāśinaḥ nānājñānārthasampannā durbalāścālpabhoginaḥ // ### [1.52.27](https://indike.org/pramana/in.purana.linga.1.52.27) indradvīpe tathā kecit tathaiva ca kaseruke tāmradvīpaṃ gatāḥ kecit keciddeśaṃ gabhastimat // ### [1.52.28](https://indike.org/pramana/in.purana.linga.1.52.28) nāgadvīpaṃ tathā saumyaṃ gāndharvaṃ vāruṇaṃ gatāḥ kecinmlecchāḥ pulindāś ca nānājātisamudbhavāḥ // ### [1.52.29](https://indike.org/pramana/in.purana.linga.1.52.29) pūrve kirātāstasyānte paścime yavanāḥ smṛtāḥ brāhmaṇāḥ kṣatriyā vaiśyā madhye śūdrāś ca sarvaśaḥ // ### [1.52.30](https://indike.org/pramana/in.purana.linga.1.52.30) ijyāyuddhavaṇijyābhir vartayanto vyavasthitāḥ teṣāṃ saṃvyavahāro 'yaṃ vartate 'tra parasparam // ### [1.52.31](https://indike.org/pramana/in.purana.linga.1.52.31) dharmārthakāmasaṃyukto varṇānāṃ tu svakarmasu saṃkalpaścābhimānaś ca āśramāṇāṃ yathāvidhi // ### [1.52.32](https://indike.org/pramana/in.purana.linga.1.52.32) iha svargāpavargārthaṃ pravṛttiryatra mānuṣī teṣāṃ ca yugakarmāṇi nānyatra munipuṅgavāḥ // ### [1.52.33](https://indike.org/pramana/in.purana.linga.1.52.33) daśavarṣasahasrāṇi sthitiḥ kiṃpuruṣe nṛṇām suvarṇavarṇāś ca narāḥ striyaścāpsarasopamāḥ // ### [1.52.34](https://indike.org/pramana/in.purana.linga.1.52.34) anāmayā hyaśokāś ca sarve te śivabhāvitāḥ śuddhasattvāś ca hemābhāḥ sadārāḥ plakṣabhojanāḥ // ### [1.52.35](https://indike.org/pramana/in.purana.linga.1.52.35) mahārajatasaṃkāśā harivarṣe 'pi mānavāḥ devalokāccyutāḥ sarve devākārāś ca sarvaśaḥ // ### [1.52.36](https://indike.org/pramana/in.purana.linga.1.52.36) haraṃ yajanti sarveśaṃ pibantīkṣurasaṃ śubham na jarā bādhate tena na ca jīryanti te narāḥ // ### [1.52.37](https://indike.org/pramana/in.purana.linga.1.52.37) daśavarṣasahasrāṇi tatra jīvanti mānavāḥ madhyamaṃ yanmayā proktaṃ nāmnā varṣamilāvṛtam // ### [1.52.38](https://indike.org/pramana/in.purana.linga.1.52.38) na tatra sūryastapati na te jīryanti mānavāḥ candrasūryau na nakṣatraṃ na prakāśam ilāvṛte // ### [1.52.39](https://indike.org/pramana/in.purana.linga.1.52.39) padmaprabhāḥ padmamukhāḥ padmapattranibhekṣaṇāḥ padmapattrasugandhāś ca jāyante bhavabhāvitāḥ // ### [1.52.40](https://indike.org/pramana/in.purana.linga.1.52.40) jambūphalarasāhārā aniṣpandāḥ sugandhinaḥ devalokāgatāstatra jāyante hyajarāmarāḥ // ### [1.52.41](https://indike.org/pramana/in.purana.linga.1.52.41) trayodaśasahasrāṇi varṣāṇāṃ te narottamāḥ āyuḥpramāṇaṃ jīvanti varṣe divye tvilāvṛte // ### [1.52.42](https://indike.org/pramana/in.purana.linga.1.52.42) jaṃbūphalarasaṃ pītvā na jarā bādhate tvimān na kṣudhā na klamaścāpi na jano mṛtyumāṃs tathā // ### [1.52.43](https://indike.org/pramana/in.purana.linga.1.52.43) tatra jāmbūnadaṃ nāma kanakaṃ devabhūṣaṇam indragopapratīkāśaṃ jāyate bhāsvaraṃ tu tat // ### [1.52.44](https://indike.org/pramana/in.purana.linga.1.52.44) evaṃ mayā samākhyātā navavarṣānuvartinaḥ varṇāyurbhojanādyāni saṃkṣipya na tu vistarāt // ### [1.52.45](https://indike.org/pramana/in.purana.linga.1.52.45) hemakūṭe tu gandharvā vijñeyāścāpsarogaṇāḥ sarve nāgāś ca niṣadhe śeṣavāsukitakṣakāḥ // ### [1.52.46](https://indike.org/pramana/in.purana.linga.1.52.46) mahābalās trayastriṃśad ramante yājñikāḥ surāḥ nīle tu vaiḍūryamaye siddhā brahmarṣayo 'malāḥ // ### [1.52.47](https://indike.org/pramana/in.purana.linga.1.52.47) daityānāṃ dānavānāṃ ca śvetaḥ parvata ucyate śṛṅgavān parvataścaiva pitṝṇāṃ nilayaḥ sadā // ### [1.52.48](https://indike.org/pramana/in.purana.linga.1.52.48) himavān yakṣamukhyānāṃ bhūtānām īśvarasya ca sarvādriṣu mahādevo hariṇā brahmaṇāṃbayā // ### [1.52.49](https://indike.org/pramana/in.purana.linga.1.52.49) nandinā ca gaṇaiścaiva varṣeṣu ca vaneṣu ca nīlaśvetatriśṛṅge ca bhagavānnīlalohitaḥ // ### [1.52.50](https://indike.org/pramana/in.purana.linga.1.52.50) siddhairdevaiś ca pitṛbhir dṛṣṭo nityaṃ viśeṣataḥ nīlaś ca vaiḍūryamayaḥ śvetaḥ śuklo hiraṇmayaḥ // ### [1.52.51](https://indike.org/pramana/in.purana.linga.1.52.51) mayūrabarhavarṇastu śātakuṃbhas triśṛṅgavān ete parvatarājāno jaṃbūdvīpe vyavasthitāḥ // ### [1.52.51.p1](https://indike.org/pramana/in.purana.linga.1.52.51.p1) iti śrīliṅgamahāpurāṇe pūrvabhāge bhuvanakośasvabhāvavarṇanaṃ nāma dvipañcāśattamo 'dhyāyaḥ ## Linked texts (5) - [Vāyupurāṇa](https://indike.org/pramana/in.purana.vayu.1.42.5) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.15.79) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.vyasa*crit.6.7.30) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.58.1) — Ativīrarāma Pāṇṭiyar 1500, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.2.29) — Kumāra Kavi, Sanskrit --- Source: [https://indike.org/pramana/in.purana.linga.1.52](https://indike.org/pramana/in.purana.linga.1.52) · Pramāṇa