[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.55 # Lingapurana 1.55 Liṅgapurāṇa 1.55 - **Language:** Sanskrit ## Contents - [1.55.82](https://indike.org/pramana/in.purana.linga.1.55.82) — 1 part ### [1.55.1](https://indike.org/pramana/in.purana.linga.1.55.1) sūta uvāca sauraṃ saṃkṣepato vakṣye rathaṃ śaśina eva ca grahāṇām itareṣāṃ ca yathā gacchati cāmbupaḥ // ### [1.55.2](https://indike.org/pramana/in.purana.linga.1.55.2) saurastu brahmaṇā sṛṣṭo rathastvarthavaśena saḥ saṃvatsarasyāvayavaiḥ kalpitaś ca dvijarṣabhāḥ // ### [1.55.3](https://indike.org/pramana/in.purana.linga.1.55.3) trinābhinā tu cakreṇa pañcāreṇa samanvitaḥ sauvarṇaḥ sarvadevānām āvāso bhāskarasya tu // ### [1.55.4](https://indike.org/pramana/in.purana.linga.1.55.4) navayojanasāhasro vistārāyāmataḥ smṛtaḥ dviguṇo 'pi rathopasthād īṣādaṇḍaḥ pramāṇataḥ // ### [1.55.5](https://indike.org/pramana/in.purana.linga.1.55.5) asaṅgaistu hayairyukto yataścakraṃ tataḥ sthitaiḥ vājinastasya vai sapta chandobhir nirmitāstu te // ### [1.55.6](https://indike.org/pramana/in.purana.linga.1.55.6) cakrapakṣe nibaddhāstu dhruve cākṣaḥ samarpitaḥ sahāśvacakro bhramate sahākṣo bhramate dhruvaḥ // ### [1.55.7](https://indike.org/pramana/in.purana.linga.1.55.7) akṣaḥ sahaikacakreṇa bhramate 'sau dhruveritaḥ prerako jyotiṣāṃ dhīmān dhruvo vai vātaraśmibhiḥ // ### [1.55.8](https://indike.org/pramana/in.purana.linga.1.55.8) yugākṣakoṭisambaddhau dvau raśmī syandanasya tu dhruveṇa bhramate raśminibaddhaḥ sa yugākṣayoḥ // ### [1.55.9](https://indike.org/pramana/in.purana.linga.1.55.9) bhramato maṇḍalāni syuḥ khecarasya rathasya tu yugākṣakoṭī te tasya dakṣiṇe syandanasya hi // ### [1.55.10](https://indike.org/pramana/in.purana.linga.1.55.10) dhruveṇa pragṛhīte vai vicakrāśve ca rajjubhiḥ bhramantamanugacchanti dhruvaṃ raśmī ca tāvubhau // ### [1.55.11](https://indike.org/pramana/in.purana.linga.1.55.11) yugākṣakoṭistvetasya vātormisyandanasya tu kīle saktā yathā rajjur bhramate sarvatodiśam // ### [1.55.12](https://indike.org/pramana/in.purana.linga.1.55.12) bhrāmyatastasya raśmī tu maṇḍaleṣūttarāyaṇe vardhete dakṣiṇe caiva bhramatā maṇḍalāni tu // ### [1.55.13](https://indike.org/pramana/in.purana.linga.1.55.13) ākṛṣyete yadā te vai dhruveṇādhiṣṭhite tadā ābhyantarasthaḥ sūryo 'tha bhramate maṇḍalāni tu // ### [1.55.14](https://indike.org/pramana/in.purana.linga.1.55.14) aśītimaṇḍalaśataṃ kāṣṭhayorantaraṃ dvayoḥ dhruveṇa mucyamānābhyāṃ raśmibhyāṃ punareva tu // ### [1.55.15](https://indike.org/pramana/in.purana.linga.1.55.15) tathaiva bāhyataḥ sūryo bhramate maṇḍalāni tu udveṣṭayan sa vegena maṇḍalāni tu gacchati // ### [1.55.16](https://indike.org/pramana/in.purana.linga.1.55.16) devāścaiva tathā nityaṃ munayaś ca divāniśam yajanti satataṃ devaṃ bhāskaraṃ bhavamīśvaram // ### [1.55.17](https://indike.org/pramana/in.purana.linga.1.55.17) saratho 'dhiṣṭhito devair ādityairmunibhis tathā gandharvairapsarobhiś ca grāmaṇīsarparākṣasaiḥ // ### [1.55.18](https://indike.org/pramana/in.purana.linga.1.55.18) ete vasanti vai sūrye dvau dvau māsau krameṇa tu āpyāyayanti cādityaṃ tejobhir bhāskaraṃ śivam // ### [1.55.19](https://indike.org/pramana/in.purana.linga.1.55.19) grathitaiḥ svairvacobhistu stuvanti munayo ravim gandharvāpsarasaścaiva nṛtyageyairupāsate // ### [1.55.20](https://indike.org/pramana/in.purana.linga.1.55.20) grāmaṇīyakṣabhūtāni kurvate 'bhīṣusaṃgraham sarpā vahanti vai sūryaṃ yātudhānā anuyānti ca // ### [1.55.21](https://indike.org/pramana/in.purana.linga.1.55.21) vālakhilyā nayantyastaṃ parivāryodayādravim ityete vai vasantīha dvau dvau māsau divākare // ### [1.55.22](https://indike.org/pramana/in.purana.linga.1.55.22) madhuś ca mādhavaścaiva śukraś ca śucireva ca nabhonabhasyau viprendrā iṣaścorjastathaiva ca // ### [1.55.23](https://indike.org/pramana/in.purana.linga.1.55.23) sahaḥsahasyau ca tathā tapasyaś ca tapaḥ punaḥ ete dvādaśa māsāstu varṣaṃ vai mānuṣaṃ dvijāḥ // ### [1.55.24](https://indike.org/pramana/in.purana.linga.1.55.24) vāsantikas tathā graiṣmaḥ śubho vai vārṣikas tathā śāradaś ca himaścaiva śaiśira ṛtavaḥ smṛtāḥ // ### [1.55.25](https://indike.org/pramana/in.purana.linga.1.55.25) dhātāryamātha mitraś ca varuṇaścendra eva ca vivasvāṃścaiva pūṣā ca parjanyo 'ṃśur bhagas tathā // ### [1.55.26](https://indike.org/pramana/in.purana.linga.1.55.26) tvaṣṭā viṣṇuḥ pulastyaś ca pulahaścātrireva ca vasiṣṭhaścāṅgirāścaiva bhṛgurbuddhimatāṃ varaḥ // ### [1.55.27](https://indike.org/pramana/in.purana.linga.1.55.27) bhāradvājo gautamaś ca kaśyapaś ca kratus tathā jamadagniḥ kauśikaś ca vāsukiḥ kaṅkaṇīkaraḥ // ### [1.55.28](https://indike.org/pramana/in.purana.linga.1.55.28) takṣakaś ca tathā nāga elāpatras tathā dvijāḥ śaṅkhapālas tathā cānyas tv airāvata iti smṛtaḥ // ### [1.55.29](https://indike.org/pramana/in.purana.linga.1.55.29) dhanañjayo mahāpadmas tathā karkoṭakaḥ smṛtaḥ kambalo 'śvataraścaiva tumbururnāradas tathā // ### [1.55.30](https://indike.org/pramana/in.purana.linga.1.55.30) hāhā hūhūrmuniśreṣṭhā viśvāvasuranuttamaḥ ugraseno 'tha surucir anyaścaiva parāvasuḥ // ### [1.55.31](https://indike.org/pramana/in.purana.linga.1.55.31) citraseno mahātejāś corṇāyuścaiva suvratāḥ dhṛtarāṣṭraḥ sūryavarcā devī sākṣāt kṛtasthalā // ### [1.55.32](https://indike.org/pramana/in.purana.linga.1.55.32) śubhānanā śubhaśroṇir divyā vai puñjikasthalā menakā sahajanyā ca pramlocātha śucismitā // ### [1.55.33](https://indike.org/pramana/in.purana.linga.1.55.33) anumlocā ghṛtācī ca viśvācī corvaśī tathā pūrvacittiriti khyātā devī sākṣāttilottamā // ### [1.55.34](https://indike.org/pramana/in.purana.linga.1.55.34) raṃbhā cāmbhojavadanā rathakṛd grāmaṇīḥ śubhaḥ rathaujā rathacitraś ca subāhurvai rathasvanaḥ // ### [1.55.35](https://indike.org/pramana/in.purana.linga.1.55.35) varuṇaś ca tathaivānyaḥ suṣeṇaḥ senajicchubhaḥ tārkṣyaścāriṣṭanemiś ca kṣatajit satyajittathā // ### [1.55.36](https://indike.org/pramana/in.purana.linga.1.55.36) rakṣohetiḥ prahetiś ca pauruṣeyo vadhas tathā sarpo vyāghraḥ punaścāpo vāto vidyuddivākaraḥ // ### [1.55.37](https://indike.org/pramana/in.purana.linga.1.55.37) brahmopetaś ca rakṣendro yajñopetastathaiva ca ete devādayaḥ sarve vasantyarke krameṇa tu // ### [1.55.38](https://indike.org/pramana/in.purana.linga.1.55.38) sthānābhimānino hyete gaṇā dvādaśa saptakāḥ dhātrādiviṣṇuparyantā devā dvādaśa kīrtitāḥ // ### [1.55.39](https://indike.org/pramana/in.purana.linga.1.55.39) ādityaṃ paramaṃ bhānuṃ bhābhirāpyāyayanti te pulastyādyāḥ kauśikāntā munayo munisattamāḥ // ### [1.55.40](https://indike.org/pramana/in.purana.linga.1.55.40) dvādaśaiva stavairbhānuṃ stuvanti ca yathākramam nāgāścāśvatarāntāstu vāsukipramukhāḥ śubhāḥ // ### [1.55.41](https://indike.org/pramana/in.purana.linga.1.55.41) dvādaśaiva mahādevaṃ vahantyevaṃ yathākramam krameṇa sūryavarcāntās tumburupramukhāmbupam // ### [1.55.42](https://indike.org/pramana/in.purana.linga.1.55.42) gītairenamupāsante gandharvā dvādaśottamāḥ kṛtasthalādyā raṃbhāntā divyāścāpsaraso ravim // ### [1.55.43](https://indike.org/pramana/in.purana.linga.1.55.43) tāṇḍavaiḥ sarasaiḥ sarvāś copāsante yathākramam divyāḥ satyajidantāś ca grāmaṇyo rathakṛnmukhāḥ // ### [1.55.44](https://indike.org/pramana/in.purana.linga.1.55.44) dvādaśāsya krameṇaiva kurvate 'bhīṣusaṃgraham prayānti yajñopetāntā rakṣohetimukhāḥ saha // ### [1.55.45](https://indike.org/pramana/in.purana.linga.1.55.45) sāyudhā dvādaśaivaite rākṣasāśca yathākramam dhātāryamā pulastyaś ca pulahaś ca prajāpatiḥ // ### [1.55.46](https://indike.org/pramana/in.purana.linga.1.55.46) urago vāsukiścaiva kaṅkaṇīkaś ca tāvubhau tumburur nāradaścaiva gandharvau gāyatāṃ varau // ### [1.55.47](https://indike.org/pramana/in.purana.linga.1.55.47) kṛtasthalāpsarāścaiva tathā vai puñjikasthalā grāmaṇī rathakṛccaiva rathaujāścaiva tāvubhau // ### [1.55.48](https://indike.org/pramana/in.purana.linga.1.55.48) rakṣohetiḥ prahetiś ca yātudhānāvudāhṛtau madhumādhavayoreṣa gaṇo vasati bhāskare // ### [1.55.49](https://indike.org/pramana/in.purana.linga.1.55.49) vasanti grīṣmakau māsau mitraś ca varuṇaś ca ha ṛṣiratrirvasiṣṭhaś ca takṣako nāga eva ca // ### [1.55.50](https://indike.org/pramana/in.purana.linga.1.55.50) menakā sahajanyā ca gandharvau ca hāhāhūhūḥ subāhunāmā grāmaṇyau rathacitraś ca tāvubhau // ### [1.55.51](https://indike.org/pramana/in.purana.linga.1.55.51) pauruṣeyo vadhaścaiva yātudhānāvudāhṛtau ete vasanti vai sūrye māsayoḥ śuciśukrayoḥ // ### [1.55.52](https://indike.org/pramana/in.purana.linga.1.55.52) tataḥ sūrye punaścānyā nivasantīha devatāḥ indraścaiva vivasvāṃś ca aṅgirā bhṛgureva ca // ### [1.55.53](https://indike.org/pramana/in.purana.linga.1.55.53) elāpatras tathā sarpaḥ śaṅkhapālaś ca tāvubhau viśvāvasūgrasenau ca varuṇaś ca rathasvanaḥ // ### [1.55.54](https://indike.org/pramana/in.purana.linga.1.55.54) pramlocā caiva vikhyātā anumlocā ca te ubhe yātudhānās tathā sarpo vyāghraścaiva tu tāvubhau // ### [1.55.55](https://indike.org/pramana/in.purana.linga.1.55.55) nabhonabhasyayoreṣa gaṇo vasati bhāskare parjanyaścaiva pūṣā ca bharadvājo 'tha gautamaḥ // ### [1.55.56](https://indike.org/pramana/in.purana.linga.1.55.56) dhanañjaya irāvāṃś ca suruciḥ saparāvasuḥ ghṛtācī cāpsaraḥśreṣṭhā viśvācī cātiśobhanā // ### [1.55.57](https://indike.org/pramana/in.purana.linga.1.55.57) senajicca suṣeṇaś ca senānīr grāmaṇīś ca tau āpo vātaś ca tāvetau yātudhānāvubhau smṛtau // ### [1.55.58](https://indike.org/pramana/in.purana.linga.1.55.58) vasantyete tu vai sūrye māsa ūrja iṣe ca ha haimantikau tu dvau māsau vasanti ca divākare // ### [1.55.59](https://indike.org/pramana/in.purana.linga.1.55.59) aṃśurbhagaś ca dvāvetau kaśyapaś ca kratuḥ saha bhujaṅgaś ca mahāpadmaḥ sarpaḥ karkoṭakas tathā // ### [1.55.60](https://indike.org/pramana/in.purana.linga.1.55.60) citrasenaś ca gandharva ūrṇāyuścaiva tāvubhau urvaśī pūrvacittiś ca tathaivāpsarasāvubhe // ### [1.55.61](https://indike.org/pramana/in.purana.linga.1.55.61) tārkṣyaścāriṣṭanemiś ca senānīr grāmaṇīś ca tau vidyuddivākaraścobhau yātudhānāvudāhṛtau // ### [1.55.62](https://indike.org/pramana/in.purana.linga.1.55.62) sahe caiva sahasye ca vasantyete divākare tataḥ śaiśirayoścāpi māsayor nivasanti vai // ### [1.55.63](https://indike.org/pramana/in.purana.linga.1.55.63) tvaṣṭā viṣṇurjamadagnir viśvāmitrastathaiva ca kādraveyau tathā nāgau kambalāśvatarāvubhau // ### [1.55.64](https://indike.org/pramana/in.purana.linga.1.55.64) dhṛtarāṣṭraḥ sagandharvaḥ sūryavarcāstathaiva ca tilottamāpsarāścaiva devī raṃbhā manoharā // ### [1.55.65](https://indike.org/pramana/in.purana.linga.1.55.65) rathajitsatyajiccaiva grāmaṇyau lokaviśrutau brahmopetas tathā rakṣo yajñopetaś ca yaḥ smṛtaḥ // ### [1.55.66](https://indike.org/pramana/in.purana.linga.1.55.66) ete devā vasantyarke dvau dvau māsau krameṇa tu sthānābhimānino hyete gaṇā dvādaśa saptakāḥ // ### [1.55.67](https://indike.org/pramana/in.purana.linga.1.55.67) sūryamāpyāyayantyete tejasā teja uttamam grathitaiḥ svairvacobhistu stuvanti munayo ravim // ### [1.55.68](https://indike.org/pramana/in.purana.linga.1.55.68) gandharvāpsarasaścaiva nṛtyageyairupāsate grāmaṇīyakṣabhūtāni kurvate 'bhīṣusaṃgraham // ### [1.55.69](https://indike.org/pramana/in.purana.linga.1.55.69) sarpā vahanti vai sūryaṃ yātudhānā anuyānti vai vālakhilyā nayantyastaṃ parivāryodayādravim // ### [1.55.70](https://indike.org/pramana/in.purana.linga.1.55.70) eteṣāmeva devānāṃ yathā tejo yathā tapaḥ yathāyogaṃ yathāmantraṃ yathādharmaṃ yathābalam // ### [1.55.71](https://indike.org/pramana/in.purana.linga.1.55.71) tathā tapatyasau sūryas teṣāmiddhastu tejasā ityete vai vasantīha dvau dvau māsau divākare // ### [1.55.72](https://indike.org/pramana/in.purana.linga.1.55.72) ṛṣayo devagandharvapannagāpsarasāṃ gaṇāḥ grāmaṇyaś ca tathā yakṣā yātudhānāś ca mukhyataḥ // ### [1.55.73](https://indike.org/pramana/in.purana.linga.1.55.73) ete tapanti varṣanti bhānti vānti sṛjanti ca bhūtānāmaśubhaṃ karma vyapohantīha kīrtitāḥ // ### [1.55.74](https://indike.org/pramana/in.purana.linga.1.55.74) mānavānāṃ śubhaṃ hyete haranti ca durātmanām duritaṃ supracārāṇāṃ vyapohanti kvacit kvacit // ### [1.55.75](https://indike.org/pramana/in.purana.linga.1.55.75) vimāne ca sthitā divye kāmage vātaraṃhasi ete sahaiva sūryeṇa bhramanti divasānugāḥ // ### [1.55.76](https://indike.org/pramana/in.purana.linga.1.55.76) varṣantaś ca tapantaś ca hlādayantaś ca vai dvijāḥ gopāyantīha bhūtāni sarvāṇi dyāmanukṣayāt // ### [1.55.77](https://indike.org/pramana/in.purana.linga.1.55.77) sthānābhimāninām etat sthānaṃ manvantareṣu vai atītānāgatānāṃ vai vartante sāṃprataṃ ca ye // ### [1.55.78](https://indike.org/pramana/in.purana.linga.1.55.78) ete vasanti vai sūrye saptakāste caturdaśa caturdaśasu sarveṣu gaṇā manvantareṣviha // ### [1.55.79](https://indike.org/pramana/in.purana.linga.1.55.79) saṃkṣepādvistarāccaiva yathāvṛttaṃ yathāśrutam kathitaṃ muniśārdūlā devadevasya dhīmataḥ // ### [1.55.80](https://indike.org/pramana/in.purana.linga.1.55.80) ete devā vasantyarke dvau dvau māsau krameṇa tu sthānābhimānino hyete gaṇā dvādaśa saptakāḥ // ### [1.55.81](https://indike.org/pramana/in.purana.linga.1.55.81) ityeṣa ekacakreṇa sūryastūrṇaṃ rathena tu haritairakṣarairaśvaiḥ sarpate 'sau divākaraḥ // ### [1.55.82](https://indike.org/pramana/in.purana.linga.1.55.82) ahorātraṃ rathenāsāv ekacakreṇa tu bhraman saptadvīpasamudrāṅgāṃ saptabhiḥ sarpate divi // ### [1.55.82.p1](https://indike.org/pramana/in.purana.linga.1.55.82.p1) iti śrīliṅgamahāpurāṇe pūrvabhāge sūryarathanirṇayo nāma pañcapañcāśattamo 'dhyāyaḥ ## Linked texts (5) - [Vāyupurāṇa](https://indike.org/pramana/in.purana.vayu.1.51.72) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.22.65) — Vyāsa, Sanskrit - [Mudgalapurāṇa](https://indike.org/pramana/in.purana.upa.surya.mudgala.2.13.12) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.App.I.37.59) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.61.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.55](https://indike.org/pramana/in.purana.linga.1.55) · Pramāṇa