[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.56 # Lingapurana 1.56 Liṅgapurāṇa 1.56 - **Language:** Sanskrit ## Contents - [1.56.18](https://indike.org/pramana/in.purana.linga.1.56.18) — 1 part ### [1.56.1](https://indike.org/pramana/in.purana.linga.1.56.1) sūta uvāca vīthyāśrayāṇi carati nakṣatrāṇi niśākaraḥ tricakrobhayato 'śvaś ca vijñeyastasya vai rathaḥ // ### [1.56.2](https://indike.org/pramana/in.purana.linga.1.56.2) śatāraiś ca tribhiścakrair yuktaḥ śuklairhayottamaiḥ daśabhistvakṛśair divyair asaṃgais tair manojavaiḥ // ### [1.56.3](https://indike.org/pramana/in.purana.linga.1.56.3) rathenānena devaiś ca pitṛbhiścaiva gacchati somo hyambumayair gobhiḥ śuklaiḥ śuklagabhastimān // ### [1.56.4](https://indike.org/pramana/in.purana.linga.1.56.4) kramate śuklapakṣādau bhāskarātparamāsthitaḥ āpūryate parasyāntaḥ satataṃ divasakramāt // ### [1.56.5](https://indike.org/pramana/in.purana.linga.1.56.5) devaiḥ pītaṃ kṣaye somam āpyāyayati nityaśaḥ pītaṃ pañcadaśāhaṃ tu raśminaikena bhāskaraḥ // ### [1.56.6](https://indike.org/pramana/in.purana.linga.1.56.6) āpūrayan suṣumnena bhāgaṃ bhāgamanukramāt ityeṣā sūryavīryeṇa candrasyāpyāyitā tanuḥ // ### [1.56.7](https://indike.org/pramana/in.purana.linga.1.56.7) sa paurṇamāsyāṃ dṛśyeta śuklaḥ sampūrṇamaṇḍalaḥ evamāpyāyitaṃ somaṃ śuklapakṣe dinakramāt // ### [1.56.8](https://indike.org/pramana/in.purana.linga.1.56.8) tato dvitīyāprabhṛti bahulasya caturdaśīm pibantyambumayaṃ devā madhu saumyaṃ sudhāmṛtam // ### [1.56.9](https://indike.org/pramana/in.purana.linga.1.56.9) saṃbhṛtaṃ tvardhamāsena hy amṛtaṃ sūryatejasā pānārthamamṛtaṃ somaṃ paurṇamāsyāmupāsate // ### [1.56.10](https://indike.org/pramana/in.purana.linga.1.56.10) ekarātriṃ surāḥ sarve pitṛbhistvṛṣibhiḥ saha somasya kṛṣṇapakṣādau bhāskarābhimukhasya ca // ### [1.56.11](https://indike.org/pramana/in.purana.linga.1.56.11) prakṣīyante parasyāntaḥ pīyamānāḥ kalāḥ kramāt trayastriṃśacchatāścaiva trayastriṃśattathaiva ca // ### [1.56.12](https://indike.org/pramana/in.purana.linga.1.56.12) trayastriṃśatsahasrāṇi devāḥ somaṃ pibanti vai evaṃ dinakramātpīte vibudhaistu niśākare // ### [1.56.13](https://indike.org/pramana/in.purana.linga.1.56.13) pītvārdhamāsaṃ gacchanti amāvāsyāṃ surottamāḥ pitaraścopatiṣṭhanti amāvāsyāṃ niśākaram // ### [1.56.14](https://indike.org/pramana/in.purana.linga.1.56.14) tataḥ pañcadaśe bhāge kiṃcicchiṣṭe kalātmake aparāhṇe pitṛgaṇā jaghanyaṃ paryupāsate // ### [1.56.15](https://indike.org/pramana/in.purana.linga.1.56.15) pibanti dvikalaṃ kālaṃ śiṣṭā tasya kalā tu yā nisṛtaṃ tadamāvāsyāṃ gabhastibhyaḥ svadhāmṛtam // ### [1.56.16](https://indike.org/pramana/in.purana.linga.1.56.16) māsatṛptimavāpyāgryāṃ pītvā gacchanti te 'mṛtam pitṛbhiḥ pīyamānasya pañcadaśyāṃ kalā tu yā // ### [1.56.17](https://indike.org/pramana/in.purana.linga.1.56.17) yāvattu kṣīyate tasya bhāgaḥ pañcadaśastu saḥ amāvāsyāṃ tatastasyā antarā pūryate punaḥ // ### [1.56.18](https://indike.org/pramana/in.purana.linga.1.56.18) vṛddhikṣayau vai pakṣādau ṣoḍaśyāṃ śaśinaḥ smṛtau evaṃ sūryanimittaiṣā pakṣavṛddhirniśākare // ### [1.56.18.p1](https://indike.org/pramana/in.purana.linga.1.56.18.p1) iti śrīliṅgamahāpurāṇe pūrvabhāge somavarṇanaṃ nāma ṣaṭpañcāśattamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.59.7) — Gaṇeśa Bhaṭṭa, Sanskrit ## Linked texts (4) - [Brahmāṇḍapurāṇa](https://indike.org/pramana/in.purana.brahmanda.1.23.54) — Vyāsa, Sanskrit - [Vāyupurāṇa](https://indike.org/pramana/in.purana.vayu.1.52.51) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.12.11) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.62.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.56](https://indike.org/pramana/in.purana.linga.1.56) · Pramāṇa