[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.58 # Lingapurana 1.58 Liṅgapurāṇa 1.58 - **Language:** Sanskrit ## Contents - [1.58.17](https://indike.org/pramana/in.purana.linga.1.58.17) — 1 part ### [1.58.1](https://indike.org/pramana/in.purana.linga.1.58.1) ṛṣaya ūcuḥ abhyaṣiñcatkathaṃ brahmā cādhipatye prajāpatiḥ devadaityamukhān sarvān sarvātmā vada sāṃpratam // ### [1.58.2](https://indike.org/pramana/in.purana.linga.1.58.2) sūta uvāca grahādhipatye bhagavān abhyaṣiñcaddivākaram ṛkṣāṇāmoṣadhīnāṃ ca somaṃ brahmā prajāpatiḥ // ### [1.58.3](https://indike.org/pramana/in.purana.linga.1.58.3) apāṃ ca varuṇaṃ devaṃ dhanānāṃ yakṣapuṅgavam ādityānāṃ tathā viṣṇuṃ vasūnāṃ pāvakaṃ tathā // ### [1.58.4](https://indike.org/pramana/in.purana.linga.1.58.4) prajāpatīnāṃ dakṣaṃ ca marutāṃ śakrameva ca daityānāṃ dānavānāṃ ca prahlādaṃ daityapuṅgavam // ### [1.58.5](https://indike.org/pramana/in.purana.linga.1.58.5) dharmaṃ pitṝṇām adhipaṃ nirṛtiṃ piśitāśinām rudraṃ paśūnāṃ bhūtānāṃ nandinaṃ gaṇanāyakam // ### [1.58.6](https://indike.org/pramana/in.purana.linga.1.58.6) vīrāṇāṃ vīrabhadraṃ ca piśācānāṃ bhayaṃkaram mātṝṇāṃ caiva cāmuṇḍāṃ sarvadevanamaskṛtām // ### [1.58.7](https://indike.org/pramana/in.purana.linga.1.58.7) rudrāṇāṃ devadeveśaṃ nīlalohitamīśvaram vighnānāṃ vyomajaṃ devaṃ gajāsyaṃ tu vināyakam // ### [1.58.8](https://indike.org/pramana/in.purana.linga.1.58.8) strīṇāṃ devīmumāṃ devīṃ vacasāṃ ca sarasvatīm viṣṇuṃ māyāvināṃ caiva svātmānaṃ jagatāṃ tathā // ### [1.58.9](https://indike.org/pramana/in.purana.linga.1.58.9) himavantaṃ girīṇāṃ tu nadīnāṃ caiva jāhnavīm samudrāṇāṃ ca sarveṣām adhipaṃ payasāṃ nidhim // ### [1.58.10](https://indike.org/pramana/in.purana.linga.1.58.10) vṛkṣāṇāṃ caiva cāśvatthaṃ plakṣaṃ ca prapitāmahaḥ // ### [1.58.11](https://indike.org/pramana/in.purana.linga.1.58.11) gandharvavidyādharakinnarāṇām īśaṃ punaś citrarathaṃ cakāra nāgādhipaṃ vāsukimugravīryaṃ sarpādhipaṃ takṣakamugravīryam // ### [1.58.12](https://indike.org/pramana/in.purana.linga.1.58.12) suparṇamīśaṃ patatāmathāśvarājānamuccaiḥśravasaṃ cakāra // ### [1.58.13](https://indike.org/pramana/in.purana.linga.1.58.13) siṃhaṃ mṛgāṇāṃ vṛṣabhaṃ gavāṃ ca mṛgādhipānāṃ śarabhaṃ cakāra senādhipānāṃ guhamaprameyaṃ śrutismṛtīnāṃ lakulīśamīśam // ### [1.58.14](https://indike.org/pramana/in.purana.linga.1.58.14) abhyaṣiñcatsudharmāṇaṃ tathā śaṅkhapadaṃ diśām ketumantaṃ krameṇaiva hemaromāṇameva ca // ### [1.58.15](https://indike.org/pramana/in.purana.linga.1.58.15) pṛthivyāṃ pṛthumīśānaṃ sarveṣāṃ tu maheśvaram caturmūrtiṣu sarvajñaṃ śaṅkaraṃ vṛṣabhadhvajam // ### [1.58.16](https://indike.org/pramana/in.purana.linga.1.58.16) prasādādbhagavāñchambhoś cābhyaṣiñcadyathākramam purābhiṣicya puṇyātmā rarāja bhuvaneśvaraḥ // ### [1.58.17](https://indike.org/pramana/in.purana.linga.1.58.17) etadvo vistareṇaiva kathitaṃ munipuṅgavāḥ abhiṣiktāstatastvete viśiṣṭā viśvayoninā // ### [1.58.17.p1](https://indike.org/pramana/in.purana.linga.1.58.17.p1) iti śrīliṅgamahāpurāṇe sūryādyabhiṣekakathanaṃ nāmāṣṭapañcāśattamo 'dhyāyaḥ ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.64.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.58](https://indike.org/pramana/in.purana.linga.1.58) · Pramāṇa