[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.61 # Lingapurana 1.61 Liṅgapurāṇa 1.61 - **Language:** Sanskrit ## Contents - [1.61.63](https://indike.org/pramana/in.purana.linga.1.61.63) — 1 part ### [1.61.1](https://indike.org/pramana/in.purana.linga.1.61.1) sūta uvāca kṣetrāṇyetāni sarvāṇi ātapanti gabhastibhiḥ teṣāṃ kṣetrāṇyathādatte sūryo nakṣatratārakāḥ // ### [1.61.2](https://indike.org/pramana/in.purana.linga.1.61.2) cīrṇena sukṛteneha sukṛtānte grahāśrayāḥ tāraṇāttārakā hyetāḥ śuklatvāccaiva tārakāḥ // ### [1.61.3](https://indike.org/pramana/in.purana.linga.1.61.3) divyānāṃ pārthivānāṃ ca naiśānāṃ caiva sarvaśaḥ ādānānnityamādityas tejasāṃ tamasāmapi // ### [1.61.4](https://indike.org/pramana/in.purana.linga.1.61.4) savane syandane 'rthe ca dhātur eṣa vibhāṣyate savanāttejaso 'pāṃ ca tenāsau savitā mataḥ // ### [1.61.5](https://indike.org/pramana/in.purana.linga.1.61.5) bahulaścandra ityeṣa hlādane dhāturucyate śuklatve cāmṛtatve ca śītatve ca vibhāvyate // ### [1.61.6](https://indike.org/pramana/in.purana.linga.1.61.6) sūryācandramasordivye maṇḍale bhāsvare khage jalatejomaye śukle vṛttakuṃbhanibhe śubhe // ### [1.61.7](https://indike.org/pramana/in.purana.linga.1.61.7) ghanatoyātmakaṃ tatra maṇḍalaṃ śaśinaḥ smṛtam ghanatejomayaṃ śuklaṃ maṇḍalaṃ bhāskarasya tu // ### [1.61.8](https://indike.org/pramana/in.purana.linga.1.61.8) vasanti sarvadevāś ca sthānānyetāni sarvaśaḥ manvantareṣu sarveṣu ṛkṣasūryagrahāśrayāḥ // ### [1.61.9](https://indike.org/pramana/in.purana.linga.1.61.9) tena grahā gṛhāṇyeva tadākhyāste bhavanti ca sauraṃ sūryo 'viśatsthānaṃ saumyaṃ somastathaiva ca // ### [1.61.10](https://indike.org/pramana/in.purana.linga.1.61.10) śaukraṃ śukro 'viśatsthānaṃ ṣoḍaśārciḥ pratāpavān bṛhad bṛhaspatiścaiva lohitaścaiva lohitam // ### [1.61.11](https://indike.org/pramana/in.purana.linga.1.61.11) śanaiścaraṃ tathā sthānaṃ devaścāpi śanaiścaraḥ baudhaṃ budhastu svarbhānuḥ svarbhānusthānamāśritaḥ // ### [1.61.12](https://indike.org/pramana/in.purana.linga.1.61.12) nakṣatrāṇi ca sarvāṇi nakṣatrāṇi viśanti ca gṛhāṇyetāni sarvāṇi jyotīṃṣi sukṛtātmanām // ### [1.61.13](https://indike.org/pramana/in.purana.linga.1.61.13) kalpādau sampravṛttāni nirmitāni svayaṃbhuvā sthānānyetāni tiṣṭhanti yāvad ābhūtasaṃplavam // ### [1.61.14](https://indike.org/pramana/in.purana.linga.1.61.14) manvantareṣu sarveṣu devasthānāni tāni vai abhimānino 'vatiṣṭhante devāḥ sthānaṃ punaḥ punaḥ // ### [1.61.15](https://indike.org/pramana/in.purana.linga.1.61.15) atītaistu sahaitāni bhāvyābhāvyaiḥ suraiḥ saha vartante vartamānaiś ca sthānibhistaiḥ suraiḥ saha // ### [1.61.16](https://indike.org/pramana/in.purana.linga.1.61.16) asminmanvantare caiva grahā vaimānikāḥ smṛtāḥ vivasvānaditeḥ putraḥ sūryo vaivasvate 'ntare // ### [1.61.17](https://indike.org/pramana/in.purana.linga.1.61.17) dyutimānṛṣiputrastu somo devo vasuḥ smṛtaḥ śukro devastu vijñeyo bhārgavo 'surayājakaḥ // ### [1.61.18](https://indike.org/pramana/in.purana.linga.1.61.18) bṛhattejāḥ smṛto devo devācāryo 'ṅgiraḥsutaḥ budho manoharaścaiva ṛṣiputrastu sa smṛtaḥ // ### [1.61.19](https://indike.org/pramana/in.purana.linga.1.61.19) śanaiścaro virūpastu saṃjñāputro vivasvataḥ agnirvikeśyāṃ jajñe tu yuvāsau lohitārciṣaḥ // ### [1.61.20](https://indike.org/pramana/in.purana.linga.1.61.20) nakṣatraṛkṣanāminyo dākṣāyaṇyastu tāḥ smṛtāḥ svarbhānuḥ siṃhikāputro bhūtasaṃtāpano 'suraḥ // ### [1.61.21](https://indike.org/pramana/in.purana.linga.1.61.21) somarkṣagrahasūryeṣu kīrtitāstvabhimāninaḥ sthānānyetānyathoktāni sthāninyaścaiva devatāḥ // ### [1.61.22](https://indike.org/pramana/in.purana.linga.1.61.22) sauram agnimayaṃ sthānaṃ sahasrāṃśorvivasvataḥ himāṃśostu smṛtaṃ sthānam ammayaṃ śuklameva ca // ### [1.61.23](https://indike.org/pramana/in.purana.linga.1.61.23) āpyaṃ śyāmaṃ manojñaṃ ca budharaśmigṛhaṃ smṛtam śuklasyāpyammayaṃ śuklaṃ padaṃ ṣoḍaśaraśmivat // ### [1.61.24](https://indike.org/pramana/in.purana.linga.1.61.24) navaraśmi tu bhaumasya lohitaṃ sthānam uttamam haridrābhaṃ bṛhaccāpi ṣoḍaśārcirbṛhaspateḥ // ### [1.61.25](https://indike.org/pramana/in.purana.linga.1.61.25) aṣṭaraśmigṛhaṃ cāpi proktaṃ kṛṣṇaṃ śanaiścare svarbhānostāmasaṃ sthānaṃ bhūtasaṃtāpanālayam // ### [1.61.26](https://indike.org/pramana/in.purana.linga.1.61.26) vijñeyāstārakāḥ sarvās tv ṛṣayastvekaraśmayaḥ āśrayāḥ puṇyakīrtīnāṃ śuklāścāpi svavarṇataḥ // ### [1.61.27](https://indike.org/pramana/in.purana.linga.1.61.27) ghanatoyātmikā jñeyāḥ kalpādāveva nirmitāḥ ādityaraśmisaṃyogāt saṃprakāśātmikāḥ smṛtāḥ // ### [1.61.28](https://indike.org/pramana/in.purana.linga.1.61.28) navayojanasāhasro viṣkaṃbhaḥ savituḥ smṛtaḥ triguṇastasya vistāro maṇḍalasya pramāṇataḥ // ### [1.61.29](https://indike.org/pramana/in.purana.linga.1.61.29) dviguṇaḥ sūryavistārād vistāraḥ śaśinaḥ smṛtaḥ tulyastayostu svarbhānur bhūtvādhastātprasarpati // ### [1.61.30](https://indike.org/pramana/in.purana.linga.1.61.30) uddhṛtya pṛthivīchāyāṃ nirmitāṃ maṇḍalākṛtim svarbhānostu bṛhatsthānaṃ tṛtīyaṃ yattamomayam // ### [1.61.31](https://indike.org/pramana/in.purana.linga.1.61.31) ādityāttacca niṣkramya samaṃ gacchati parvasu ādityameti somācca punaḥ saureṣu parvasu // ### [1.61.32](https://indike.org/pramana/in.purana.linga.1.61.32) svarbhānuṃ nudate yasmāt tasmātsvarbhānurucyate candrasya ṣoḍaśo bhāgo bhārgavasya vidhīyate // ### [1.61.33](https://indike.org/pramana/in.purana.linga.1.61.33) viṣkaṃbhānmaṇḍalāccaiva yojanāgrātpramāṇataḥ bhārgavātpādahīnastu vijñeyo vai bṛhaspatiḥ // ### [1.61.34](https://indike.org/pramana/in.purana.linga.1.61.34) bṛhaspateḥ pādahīnau vakrasaurī ubhau smṛtau vistārānmaṇḍalāccaiva pādahīnastayorbudhaḥ // ### [1.61.35](https://indike.org/pramana/in.purana.linga.1.61.35) tārānakṣatrarūpāṇi vapuṣmantīha yāni vai budhena tāni tulyāni vistārānmaṇḍalācca vai // ### [1.61.36](https://indike.org/pramana/in.purana.linga.1.61.36) prāyaśaścandrayogīni vidyādṛkṣāṇi tattvavit tārānakṣatrarūpāṇi hīnāni tu parasparam // ### [1.61.37](https://indike.org/pramana/in.purana.linga.1.61.37) śatāni pañca catvāri trīṇi dve caiva yojane sarvopari nikṛṣṭāni tārakāmaṇḍalāni tu // ### [1.61.38](https://indike.org/pramana/in.purana.linga.1.61.38) yojanānyardhamātrāṇi tebhyo hrasvaṃ na vidyate upariṣṭāttrayasteṣāṃ grahāste dūrasarpiṇaḥ // ### [1.61.39](https://indike.org/pramana/in.purana.linga.1.61.39) sauro 'ṅgirāś ca vakraś ca jñeyā mandavicāriṇaḥ pūrvameva samākhyātā gatisteṣāṃ yathākramam // ### [1.61.40](https://indike.org/pramana/in.purana.linga.1.61.40) eteṣveva grahāḥ sarve nakṣatreṣu samutthitāḥ vivasvānaditeḥ putraḥ sūryo vai munisattamāḥ // ### [1.61.41](https://indike.org/pramana/in.purana.linga.1.61.41) viśākhāsu samutpanno grahāṇāṃ prathamo grahaḥ tviṣimān dharmaputrastu somo devo vasustu saḥ // ### [1.61.42](https://indike.org/pramana/in.purana.linga.1.61.42) śītaraśmiḥ samutpannaḥ kṛttikāsu niśākaraḥ ṣoḍaśārcirbhṛgoḥ putraḥ śukraḥ sūryādanantaram // ### [1.61.43](https://indike.org/pramana/in.purana.linga.1.61.43) tārāgrahāṇāṃ pravaras tiṣye kṣetre samutthitaḥ grahaścāṅgirasaḥ putro dvādaśārcirbṛhaspatiḥ // ### [1.61.44](https://indike.org/pramana/in.purana.linga.1.61.44) phālgunīṣu samutpannaḥ pūrvākhyāsu jagadguruḥ navārcirlohitāṅgaś ca prajāpatisuto grahaḥ // ### [1.61.45](https://indike.org/pramana/in.purana.linga.1.61.45) āṣāḍhāsviha pūrvāsu samutpanna iti smṛtaḥ revatīṣveva saptārciḥsthāne sauriḥ śanaiścaraḥ // ### [1.61.46](https://indike.org/pramana/in.purana.linga.1.61.46) saumyo budho dhaniṣṭhāsu pañcārcir udito grahaḥ tamomayo mṛtyusutaḥ prajākṣayakaraḥ śikhī // ### [1.61.47](https://indike.org/pramana/in.purana.linga.1.61.47) āśleṣāsu samutpannaḥ sarvahārī mahāgrahaḥ tathā svanāmadheyeṣu dākṣāyaṇyaḥ samutthitāḥ // ### [1.61.48](https://indike.org/pramana/in.purana.linga.1.61.48) tamovīryamayo rāhuḥ prakṛtyā kṛṣṇamaṇḍalaḥ bharaṇīṣu samutpanno grahaścandrārkamardanaḥ // ### [1.61.49](https://indike.org/pramana/in.purana.linga.1.61.49) ete tārā grahāścāpi boddhavyā bhārgavādayaḥ janmanakṣatrapīḍāsu yānti vaiguṇyatāṃ yataḥ // ### [1.61.50](https://indike.org/pramana/in.purana.linga.1.61.50) mucyate tena doṣeṇa tatastadgrahabhaktitaḥ sarvagrahāṇāmeteṣām ādirāditya ucyate // ### [1.61.51](https://indike.org/pramana/in.purana.linga.1.61.51) tārāgrahāṇāṃ śukrastu ketūnāṃ cāpi dhūmavān dhruvaḥ kila grahāṇāṃ tu vibhaktānāṃ caturdiśam // ### [1.61.52](https://indike.org/pramana/in.purana.linga.1.61.52) nakṣatrāṇāṃ śraviṣṭhā syād ayanānāṃ tathottaram varṣāṇāṃ caiva pañcānām ādyaḥ saṃvatsaraḥ smṛtaḥ // ### [1.61.53](https://indike.org/pramana/in.purana.linga.1.61.53) ṛtūnāṃ śiśiraścāpi māsānāṃ māgha ucyate pakṣāṇāṃ śuklapakṣastu tithīnāṃ pratipattathā // ### [1.61.54](https://indike.org/pramana/in.purana.linga.1.61.54) ahorātravibhāgānām ahaścādiḥ prakīrtitaḥ muhūrtānāṃ tathaivādir muhūrto rudradaivataḥ // ### [1.61.55](https://indike.org/pramana/in.purana.linga.1.61.55) kṣaṇaścāpi nimeṣādiḥ kālaḥ kālavidāṃ varāḥ śravaṇāntaṃ dhaniṣṭhādi yugaṃ syātpañcavārṣikam // ### [1.61.56](https://indike.org/pramana/in.purana.linga.1.61.56) bhānorgativiśeṣeṇa cakravatparivartate divākaraḥ smṛtastasmāt kālakṛdvibhurīśvaraḥ // ### [1.61.57](https://indike.org/pramana/in.purana.linga.1.61.57) caturvidhānāṃ bhūtānāṃ pravartakanivartakaḥ tasyāpi bhagavān rudraḥ sākṣāddevaḥ pravartakaḥ // ### [1.61.58](https://indike.org/pramana/in.purana.linga.1.61.58) ityeṣa jyotiṣāmevaṃ saṃniveśo 'rthaniścayaḥ lokasaṃvyavahārārthaṃ mahādevena nirmitaḥ // ### [1.61.59](https://indike.org/pramana/in.purana.linga.1.61.59) buddhipūrvaṃ bhagavatā kalpādau sampravartitaḥ sa āśrayo 'bhimānī ca sarvasya jyotirātmakaḥ // ### [1.61.60](https://indike.org/pramana/in.purana.linga.1.61.60) ekarūpapradhānasya pariṇāmo 'yamadbhutaḥ naiṣa śakyaḥ prasaṃkhyātuṃ yāthātathyena kenacit // ### [1.61.61](https://indike.org/pramana/in.purana.linga.1.61.61) gatāgataṃ manuṣyeṇa jyotiṣāṃ māṃsacakṣuṣā āgamādanumānācca pratyakṣādupapattitaḥ // ### [1.61.62](https://indike.org/pramana/in.purana.linga.1.61.62) parīkṣya nipuṇaṃ buddhyā śraddhātavyaṃ vipaścitā cakṣuḥ śāstraṃ jalaṃ lekhyaṃ gaṇitaṃ munisattamāḥ // ### [1.61.63](https://indike.org/pramana/in.purana.linga.1.61.63) pañcaite hetavo jñeyā jyotirmānavinirṇaye // ### [1.61.63.p1](https://indike.org/pramana/in.purana.linga.1.61.63.p1) iti śrīliṅgamahāpurāṇe pūrvabhāge grahasaṃkhyāvarṇanaṃ nāmaikaṣaṣṭitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.64.3) — Gaṇeśa Bhaṭṭa, Sanskrit ## Linked texts (5) - [Brahmāṇḍapurāṇa](https://indike.org/pramana/in.purana.brahmanda.1.24.74) — Vyāsa, Sanskrit - [Vāyupurāṇa](https://indike.org/pramana/in.purana.vayu.1.53.54) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.12.22) — Sanskrit - [Sāmbapurāṇa](https://indike.org/pramana/in.purana.upa.surya.samba.8.17) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.67.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.61](https://indike.org/pramana/in.purana.linga.1.61) · Pramāṇa