[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.62 # Lingapurana 1.62 Liṅgapurāṇa 1.62 - **Language:** Sanskrit ## Contents - [1.62.42](https://indike.org/pramana/in.purana.linga.1.62.42) — 1 part ### [1.62.1](https://indike.org/pramana/in.purana.linga.1.62.1) ṛṣaya ūcuḥ kathaṃ viṣṇoḥ prasādādvai dhruvo buddhimatāṃ varaḥ meḍhībhūto grāhāṇāṃ vai vaktumarhasi sāṃpratam // ### [1.62.2](https://indike.org/pramana/in.purana.linga.1.62.2) sūta uvāca etamarthaṃ mayā pṛṣṭo nānāśāstraviśāradaḥ mārkaṇḍeyaḥ purā prāha mahyaṃ śuśrūṣave dvijāḥ // ### [1.62.3](https://indike.org/pramana/in.purana.linga.1.62.3) mārkaṇḍeya uvāca sārvabhaumo mahātejāḥ sarvaśastrabhṛtāṃ varaḥ uttānapādo rājā vai pālayāmāsa medinīm // ### [1.62.4](https://indike.org/pramana/in.purana.linga.1.62.4) tasya bhāryādvayam abhūt sunītiḥ surucis tathā agrajāyāmabhūtputraḥ sunītyāṃ tu mahāyaśāḥ // ### [1.62.5](https://indike.org/pramana/in.purana.linga.1.62.5) dhruvo nāma mahāprājñaḥ kuladīpo mahāmatiḥ kadācit saptavarṣe 'pi pituraṅkam upāviśat // ### [1.62.6](https://indike.org/pramana/in.purana.linga.1.62.6) surucistaṃ vinirdhūya svaputraṃ prītimānasā nyaveśayattaṃ viprendrā hy aṅkaṃ rūpeṇa mānitā // ### [1.62.7](https://indike.org/pramana/in.purana.linga.1.62.7) alabdhvā sa piturdhīmān aṅkaṃ duḥkhitamānasaḥ mātuḥ samīpamāgamya ruroda sa punaḥ punaḥ // ### [1.62.8](https://indike.org/pramana/in.purana.linga.1.62.8) rudantaṃ putramāhedaṃ mātā śokapariplutā surucirdayitā bhartus tasyāḥ putro 'pi tādṛśaḥ // ### [1.62.9](https://indike.org/pramana/in.purana.linga.1.62.9) mama tvaṃ mandabhāgyāyā jātaḥ putro 'pyabhāgyavān kiṃ śocasi kimarthaṃ tvaṃ rodamānaḥ punaḥ punaḥ // ### [1.62.10](https://indike.org/pramana/in.purana.linga.1.62.10) saṃtaptahṛdayo bhūtvā mama śokaṃ kariṣyasi svasthasthānaṃ dhruvaṃ putra svaśaktyā tvaṃ samāpnuyāḥ // ### [1.62.11](https://indike.org/pramana/in.purana.linga.1.62.11) ityuktaḥ sa tu mātrā vai nirjagāma tadā vanam viśvāmitraṃ tato dṛṣṭvā praṇipatya yathāvidhi // ### [1.62.12](https://indike.org/pramana/in.purana.linga.1.62.12) uvāca prāñjalirbhūtvā bhagavan vaktumarhasi sarveṣāmuparisthānaṃ kena prāpsyāmi sattama // ### [1.62.13](https://indike.org/pramana/in.purana.linga.1.62.13) pituraṅke samāsīnaṃ mātā māṃ surucirmune vyadhūnayatsa taṃ rājā pitā novāca kiṃcana // ### [1.62.14](https://indike.org/pramana/in.purana.linga.1.62.14) etasmāt kāraṇād brahmaṃs trasto 'haṃ mātaraṃ gataḥ sunītirāha me mātā mā kṛthāḥ śokamuttamam // ### [1.62.15](https://indike.org/pramana/in.purana.linga.1.62.15) svakarmaṇā paraṃ sthānaṃ prāptumarhasi putraka tasyā hi vacanaṃ śrutvā sthānaṃ tava mahāmune // ### [1.62.16](https://indike.org/pramana/in.purana.linga.1.62.16) prāpto vanamidaṃ brahmann adya tvāṃ dṛṣṭavānprabho tava prasādāt prāpsye 'haṃ sthānamadbhutamuttamam // ### [1.62.17](https://indike.org/pramana/in.purana.linga.1.62.17) ityuktaḥ sa muniḥ śrīmān prahasann idam abravīt rājaputra śṛṇuṣvedaṃ sthānamuttamamāpsyasi // ### [1.62.18](https://indike.org/pramana/in.purana.linga.1.62.18) ārādhya jagatāmīśaṃ keśavaṃ kleśanāśanam dakṣiṇāṅgabhavaṃ śaṃbhor mahādevasya dhīmataḥ // ### [1.62.19](https://indike.org/pramana/in.purana.linga.1.62.19) japa nityaṃ mahāprājña sarvapāpavināśanam iṣṭadaṃ paramaṃ śuddhaṃ pavitramamalaṃ param // ### [1.62.20](https://indike.org/pramana/in.purana.linga.1.62.20) brūhi mantramimaṃ divyaṃ praṇavena samanvitam namo 'stu vāsudevāya ityevaṃ niyatendriyaḥ // ### [1.62.21](https://indike.org/pramana/in.purana.linga.1.62.21) dhyāyansanātanaṃ viṣṇuṃ japahomaparāyaṇaḥ ityuktaḥ praṇipatyainaṃ viśvāmitraṃ mahāyaśāḥ // ### [1.62.22](https://indike.org/pramana/in.purana.linga.1.62.22) prāṅmukho niyato bhūtvā jajāpa prītamānasaḥ śākamūlaphalāhāraḥ saṃvatsaramatandritaḥ // ### [1.62.23](https://indike.org/pramana/in.purana.linga.1.62.23) jajāpa mantramaniśam ajasraṃ sa punaḥ punaḥ vetālā rākṣasā ghorāḥ siṃhādyāś ca mahāmṛgāḥ // ### [1.62.24](https://indike.org/pramana/in.purana.linga.1.62.24) tamabhyayurmahātmānaṃ buddhimohāya bhīṣaṇāḥ japan sa vāsudeveti na kiṃcit pratyapadyata // ### [1.62.25](https://indike.org/pramana/in.purana.linga.1.62.25) sunītir asya yā mātā tasyā rūpeṇa saṃvṛtā piśāci samanuprāptā ruroda bhṛśaduḥkhitā // ### [1.62.26](https://indike.org/pramana/in.purana.linga.1.62.26) mama tvamekaḥ putro 'si kimarthaṃ kliśyate bhavān māmanāthāmapahāya tapa āsthitavānasi // ### [1.62.27](https://indike.org/pramana/in.purana.linga.1.62.27) evamādīni vākyāni bhāṣamāṇāṃ mahātapāḥ anirīkṣyaiva hṛṣṭātmā harernāma jajāpa saḥ // ### [1.62.28](https://indike.org/pramana/in.purana.linga.1.62.28) tataḥ praśemuḥ sarvatra vighnarūpāṇi tatra vai tato garuḍamāruhya kālameghasamadyutiḥ // ### [1.62.29](https://indike.org/pramana/in.purana.linga.1.62.29) sarvadevaiḥ parivṛtaḥ stūyamāno maharṣibhiḥ āyayau bhagavānviṣṇuḥ dhruvāntikam arātihā // ### [1.62.30](https://indike.org/pramana/in.purana.linga.1.62.30) samāgataṃ vilokyātha ko 'sāvityeva cintayan pibanniva hṛṣīkeśaṃ nayanābhyāṃ jagatpatim // ### [1.62.31](https://indike.org/pramana/in.purana.linga.1.62.31) japan sa vāsudeveti dhruvastasthau mahādyutiḥ śaṅkhaprāntena govindaḥ pasparśāsyaṃ hi tasya vai // ### [1.62.32](https://indike.org/pramana/in.purana.linga.1.62.32) tataḥ sa paramaṃ jñānam avāpya puruṣottamam tuṣṭāva prāñjalirbhūtvā sarvalokeśvaraṃ harim // ### [1.62.33](https://indike.org/pramana/in.purana.linga.1.62.33) prasīda devadeveśa śaṅkhacakragadādhara lokātman vedaguhyātman tvāṃ prapanno 'smi keśava // ### [1.62.34](https://indike.org/pramana/in.purana.linga.1.62.34) na vidustvāṃ mahātmānaṃ sanakādyā maharṣayaḥ tatkathaṃ tvāmahaṃ vidyāṃ namaste bhuvaneśvara // ### [1.62.35](https://indike.org/pramana/in.purana.linga.1.62.35) tamāha prahasanviṣṇur ehi vatsa dhruvo bhavān sthānaṃ dhruvaṃ samāsādya jyotiṣām agrabhug bhava // ### [1.62.36](https://indike.org/pramana/in.purana.linga.1.62.36) mātrā tvaṃ sahitastatra jyotiṣāṃ sthānamāpnuhi matsthānametatparamaṃ dhruvaṃ nityaṃ suśobhanam // ### [1.62.37](https://indike.org/pramana/in.purana.linga.1.62.37) tapasārādhya deveśaṃ purā labdhaṃ hi śaṅkarāt vāsudeveti yo nityaṃ praṇavena samanvitam // ### [1.62.38](https://indike.org/pramana/in.purana.linga.1.62.38) namaskārasamāyuktaṃ bhagavacchabdasaṃyutam japedevaṃ hi yo vidvān dhruvaṃ sthānaṃ prapadyate // ### [1.62.39](https://indike.org/pramana/in.purana.linga.1.62.39) tato devāḥ sagandharvāḥ siddhāś ca paramarṣayaḥ mātrā saha dhruvaṃ sarve tasmin sthāne nyaveśayan // ### [1.62.40](https://indike.org/pramana/in.purana.linga.1.62.40) viṣṇorājñāṃ puraskṛtya jyotiṣāṃ sthānamāptavān evaṃ dhruvo mahātejā dvādaśākṣaravidyayā // ### [1.62.41](https://indike.org/pramana/in.purana.linga.1.62.41) avāpa mahatīṃ siddhim etatte kathitaṃ mayā // ### [1.62.42](https://indike.org/pramana/in.purana.linga.1.62.42) sūta uvāca tasmādyo vāsudevāya praṇāmaṃ kurute naraḥ sa yāti dhruvasālokyaṃ dhruvatvaṃ tasya tattathā // ### [1.62.42.p1](https://indike.org/pramana/in.purana.linga.1.62.42.p1) iti śrīliṅgamahāpurāṇe pūrvabhāge bhuvanakośe dhruvasaṃsthānavarṇanaṃ nāma dviṣaṣṭitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.67.19) — Gaṇeśa Bhaṭṭa, Sanskrit ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.68.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.62](https://indike.org/pramana/in.purana.linga.1.62) · Pramāṇa