[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.65 # Lingapurana 1.65 Liṅgapurāṇa 1.65 - **Language:** Sanskrit ## Contents - [1.65.175](https://indike.org/pramana/in.purana.linga.1.65.175) — 1 part ### [1.65.1](https://indike.org/pramana/in.purana.linga.1.65.1) ṛṣaya ūcuḥ ādityavaṃśaṃ somasya vaṃśaṃ vaṃśavidāṃ vara vaktumarhasi cāsmākaṃ saṃkṣepād romaharṣaṇa // ### [1.65.2](https://indike.org/pramana/in.purana.linga.1.65.2) sūta uvāca aditiḥ suṣuve putram ādityaṃ kaśyapāddvijāḥ tasyādityasya caivāsīd bhāryā trayam athāparam // ### [1.65.3](https://indike.org/pramana/in.purana.linga.1.65.3) saṃjñā rājñī prabhā chāyā putrāṃstāsāṃ vadāmi vaḥ saṃjñā tvāṣṭrī ca suṣuve sūryānmanumanuttamam // ### [1.65.4](https://indike.org/pramana/in.purana.linga.1.65.4) yamaṃ ca yamunāṃ caiva rājñī revatameva ca prabhā prabhātam ādityāc chāyāṃ saṃjñāpyakalpayat // ### [1.65.5](https://indike.org/pramana/in.purana.linga.1.65.5) chāyā ca tasmātsuṣuve sāvarṇiṃ bhāskarāddvijāḥ tataḥ śaniṃ ca tapatīṃ viṣṭiṃ caiva yathākramam // ### [1.65.6](https://indike.org/pramana/in.purana.linga.1.65.6) chāyā svaputrābhyadhikaṃ snehaṃ cakre manau tadā pūrvo manurna cakṣāma yamastu krodhamūrchitaḥ // ### [1.65.7](https://indike.org/pramana/in.purana.linga.1.65.7) saṃtāḍayāmāsa ruṣā pādamudyamya dakṣiṇam yamena tāḍitā sā tu chāyā vai duḥkhitābhavat // ### [1.65.8](https://indike.org/pramana/in.purana.linga.1.65.8) chāyāśāpāt padaṃ caikaṃ yamasya klinnamuttamam pūyaśoṇitasampūrṇaṃ kṛmīṇāṃ nicayānvitam // ### [1.65.9](https://indike.org/pramana/in.purana.linga.1.65.9) so 'pi gokarṇamāśritya phalakenānilāśanaḥ ārādhayanmahādevaṃ yāvadvarṣāyutāyutam // ### [1.65.10](https://indike.org/pramana/in.purana.linga.1.65.10) bhavaprasādād āgatya lokapālatvamuttamam pitṝṇāmādhipatyaṃ tu śāpamokṣaṃ tathaiva ca // ### [1.65.11](https://indike.org/pramana/in.purana.linga.1.65.11) labdhavāndevadevasya prabhāvācchūlapāṇinaḥ asahantī purā bhānos tejomayam aninditā // ### [1.65.12](https://indike.org/pramana/in.purana.linga.1.65.12) rūpaṃ tvāṣṭrī svadehāttu chāyākhyāṃ sā tvakalpayat vaḍavārūpamāsthāya tapastepe tu suvratā // ### [1.65.13](https://indike.org/pramana/in.purana.linga.1.65.13) kālātprayatnato jñātvā chāyāṃ chāyāpatiḥ prabhuḥ vaḍavāmagamatsaṃjñām aśvarūpeṇa bhāskaraḥ // ### [1.65.14](https://indike.org/pramana/in.purana.linga.1.65.14) vaḍavā ca tadā tvāṣṭrī saṃjñā tasmāddivākarāt suṣuve cāśvinau devau devānāṃ tu bhiṣagvarau // ### [1.65.15](https://indike.org/pramana/in.purana.linga.1.65.15) likhito bhāskaraḥ paścāt saṃjñāpitrā mahātmanā viṣṇoścakraṃ tu yadghoraṃ maṇḍalādbhāskarasya tu // ### [1.65.16](https://indike.org/pramana/in.purana.linga.1.65.16) nirmame bhagavāṃstvaṣṭā pradhānaṃ divyamāyudham rudraprasādācca śubhaṃ sudarśanamiti smṛtam // ### [1.65.17](https://indike.org/pramana/in.purana.linga.1.65.17) labdhavān bhagavāṃścakraṃ kṛṣṇaḥ kālāgnisannibham manostu prathamasyāsan nava putrāstu tatsamāḥ // ### [1.65.18](https://indike.org/pramana/in.purana.linga.1.65.18) ikṣvākur nabhagaś caiva dhṛṣṇuḥ śaryātireva ca nariṣyantaś ca vai dhīmān nābhāgo 'riṣṭa eva ca // ### [1.65.19](https://indike.org/pramana/in.purana.linga.1.65.19) karūṣaś ca pṛṣadhraś ca navaite mānavāḥ smṛtāḥ ilā jyeṣṭhā variṣṭhā ca puṃstvaṃ prāpa ca yā purā // ### [1.65.20](https://indike.org/pramana/in.purana.linga.1.65.20) sudyumna iti vikhyātā puṃstvaṃ prāptā tvilā purā mitrāvaruṇayostvatra prasādānmunipuṅgavāḥ // ### [1.65.21](https://indike.org/pramana/in.purana.linga.1.65.21) punaḥ śaravaṇaṃ prāpya strītvaṃ prāpto bhavājñayā sudyumno mānavaḥ śrīmān somavaṃśapravṛddhaye // ### [1.65.22](https://indike.org/pramana/in.purana.linga.1.65.22) ikṣvākoraśvamedhena ilā kiṃpuruṣo 'bhavat ilā kiṃpuruṣatve ca sudyumna iti cocyate // ### [1.65.23](https://indike.org/pramana/in.purana.linga.1.65.23) māsamekaṃ pumānvīraḥ strītvaṃ māsamabhūtpunaḥ ilā budhasya bhavanaṃ somaputrasya cāśritā // ### [1.65.24](https://indike.org/pramana/in.purana.linga.1.65.24) budhenāntaramāsādya maithunāya pravartitā somaputrādbudhāccāpi ailo jajñe purūravāḥ // ### [1.65.25](https://indike.org/pramana/in.purana.linga.1.65.25) somavaṃśāgrajo dhīmān bhavabhaktaḥ pratāpavān ikṣvākorvaṃśavistāraṃ paścādvakṣye tapodhanāḥ // ### [1.65.26](https://indike.org/pramana/in.purana.linga.1.65.26) putratrayamabhūttasya sudyumnasya dvijottamāḥ utkalaś ca gayaścaiva vinatāśvastathaiva ca // ### [1.65.27](https://indike.org/pramana/in.purana.linga.1.65.27) utkalasyotkalaṃ rāṣṭraṃ vinatāśvasya paścimam gayā gayasya cākhyātā purī paramaśobhanā // ### [1.65.28](https://indike.org/pramana/in.purana.linga.1.65.28) surāṇāṃ saṃsthitiryasyāṃ pitṝṇāṃ ca sadā sthitiḥ ikṣvākujyeṣṭhadāyādo madhyadeśam avāptavān // ### [1.65.29](https://indike.org/pramana/in.purana.linga.1.65.29) kanyābhāvācca sudyumno naiva bhāgamavāptavān vasiṣṭhavacanāt tvāsīt pratiṣṭhāne mahādyutiḥ // ### [1.65.30](https://indike.org/pramana/in.purana.linga.1.65.30) pratiṣṭhā dharmarājasya sudyumnasya mahātmanaḥ tatpurūravase prādād rājyaṃ prāpya mahāyaśāḥ // ### [1.65.31](https://indike.org/pramana/in.purana.linga.1.65.31) mānaveyo mahābhāgaḥ strīpuṃsorlakṣaṇānvitaḥ ikṣvākorabhavadvīro vikukṣirdharmavittamaḥ // ### [1.65.32](https://indike.org/pramana/in.purana.linga.1.65.32) jyeṣṭhaḥ putraśatasyāsīd daśa pañca ca tatsutāḥ abhūjjyeṣṭhaḥ kakutsthaś ca kakutsthāttu suyodhanaḥ // ### [1.65.33](https://indike.org/pramana/in.purana.linga.1.65.33) tataḥ pṛthurmuniśreṣṭhā viśvakaḥ pārthivas tathā viśvakasyārdrako dhīmān yuvanāśvastu tatsutaḥ // ### [1.65.34](https://indike.org/pramana/in.purana.linga.1.65.34) śābastiś ca mahātejā vaṃśakastu tato 'bhavat nirmitā yena śābastī gauḍadeśe dvijottamāḥ // ### [1.65.35](https://indike.org/pramana/in.purana.linga.1.65.35) vaṃśācca bṛhadaśvo 'bhūt kuvalāśvastu tatsutaḥ dhundhumāratvamāpanno dhundhuṃ hatvā mahābalam // ### [1.65.36](https://indike.org/pramana/in.purana.linga.1.65.36) dhundhumārasya tanayās trayastrailokyaviśrutāḥ dṛḍhāśvaścaiva caṇḍāśvaḥ kapilāśvaś ca te smṛtāḥ // ### [1.65.37](https://indike.org/pramana/in.purana.linga.1.65.37) dṛḍhāśvasya pramodastu haryaśvastasya vai sutaḥ haryaśvasya nikumbhastu saṃhatāśvastu tatsutaḥ // ### [1.65.38](https://indike.org/pramana/in.purana.linga.1.65.38) kṛśāśvo 'tha raṇāśvaś ca saṃhatāśvātmajāvubhau yuvanāśvo raṇāśvasya māndhātā tasya vai sutaḥ // ### [1.65.39](https://indike.org/pramana/in.purana.linga.1.65.39) māndhātuḥ purukutso 'bhūd ambarīṣaś ca vīryavān mucukundaś ca puṇyātmā trayastrailokyaviśrutāḥ // ### [1.65.40](https://indike.org/pramana/in.purana.linga.1.65.40) aṃbarīṣasya dāyādo yuvanāśvo 'paraḥ smṛtaḥ harito yuvanāśvasya haritāstu yataḥ smṛtāḥ // ### [1.65.41](https://indike.org/pramana/in.purana.linga.1.65.41) ete hyaṅgirasaḥ pakṣe kṣatropetā dvijātayaḥ purukutsasya dāyādas trasaddasyur mahāyaśāḥ // ### [1.65.42](https://indike.org/pramana/in.purana.linga.1.65.42) narmadāyāṃ samutpannaḥ sambhūtistasya cātmajaḥ viṣṇuvṛddhaḥ sutastasya viṣṇuvṛddhā yataḥ smṛtāḥ // ### [1.65.43](https://indike.org/pramana/in.purana.linga.1.65.43) ete hyaṅgirasaḥ pakṣe kṣatropetāḥ samāśritāḥ sambhūtiraparaṃ putram anaraṇyamajījanat // ### [1.65.44](https://indike.org/pramana/in.purana.linga.1.65.44) rāvaṇena hato yo 'sau trailokyavijaye dvijāḥ bṛhadaśvo 'naraṇyasya haryaśvastasya cātmajaḥ // ### [1.65.45](https://indike.org/pramana/in.purana.linga.1.65.45) haryaśvāttu dṛṣadvatyāṃ jajñe vasumanā nṛpaḥ tasya putro 'bhavadrājā tridhanvā bhavabhāvitaḥ // ### [1.65.46](https://indike.org/pramana/in.purana.linga.1.65.46) prasādād brahmasūnor vai taṇḍinaḥ prāpya śiṣyatām aśvamedhasahasrasya phalaṃ prāpya tadājñayā // ### [1.65.47](https://indike.org/pramana/in.purana.linga.1.65.47) gaṇaiśvaryamanuprāpto bhavabhaktaḥ pratāpavān kathaṃ caivāśvamedhaṃ vai karomīti vicintayan // ### [1.65.48](https://indike.org/pramana/in.purana.linga.1.65.48) dhanahīnaś ca dharmātmā dṛṣṭavān brahmaṇaḥ sutam taṇḍisaṃjñaṃ dvijaṃ tasmāl labdhavāndvijasattamāḥ // ### [1.65.49](https://indike.org/pramana/in.purana.linga.1.65.49) nāmnāṃ sahasraṃ rudrasya brahmaṇā kathitaṃ purā tena nāmnāṃ sahasreṇa stutvā taṇḍirmaheśvaram // ### [1.65.50](https://indike.org/pramana/in.purana.linga.1.65.50) labdhavāngāṇapatyaṃ ca brahmayonirdvijottamaḥ tatastasmānnṛpo labdhvā taṇḍinā kathitaṃ purā // ### [1.65.51](https://indike.org/pramana/in.purana.linga.1.65.51) nāmnāṃ sahasraṃ japtvā vai gāṇapatyamavāptavān nāmnāṃ sahasraṃ rudrasya tāṇḍinā brahmayoninā // ### [1.65.52](https://indike.org/pramana/in.purana.linga.1.65.52) kathitaṃ sarvavedārthasaṃcayaṃ sūta suvrata nāmnāṃ sahasraṃ viprāṇāṃ vaktum arhasi śobhanam // ### [1.65.53](https://indike.org/pramana/in.purana.linga.1.65.53) sūta uvāca sarvabhūtātmabhūtasya harasyāmitatejasaḥ aṣṭottarasahasraṃ tu nāmnāṃ śṛṇuta suvratāḥ // ### [1.65.54](https://indike.org/pramana/in.purana.linga.1.65.54) yajjaptvā tu muniśreṣṭhā gāṇapatyamavāptavān oṃ sthiraḥ sthāṇuḥ prabhurbhānuḥ pravaro varado varaḥ // ### [1.65.55](https://indike.org/pramana/in.purana.linga.1.65.55) sarvātmā sarvavikhyātaḥ sarvaḥ sarvakaro bhavaḥ jaṭī daṇḍī śikhaṇḍī ca sarvagaḥ sarvabhāvanaḥ // ### [1.65.56](https://indike.org/pramana/in.purana.linga.1.65.56) hariś ca hariṇākṣaś ca sarvabhūtaharaḥ smṛtaḥ pravṛttiś ca nivṛttiś ca śāntātmā śāśvato dhruvaḥ // ### [1.65.57](https://indike.org/pramana/in.purana.linga.1.65.57) śmaśānavāsī bhagavān khacaro gocaro 'rdanaḥ abhivādyo mahākarmā tapasvī bhūtadhāraṇaḥ // ### [1.65.58](https://indike.org/pramana/in.purana.linga.1.65.58) unmattaveṣaḥ pracchannaḥ sarvalokaḥ prajāpatiḥ mahārūpo mahākāyaḥ sarvarūpo mahāyaśāḥ // ### [1.65.59](https://indike.org/pramana/in.purana.linga.1.65.59) mahātmā sarvabhūtaś ca virūpo vāmano naraḥ lokapālo 'ntarhitātmā prasādo 'bhayado vibhuḥ // ### [1.65.60](https://indike.org/pramana/in.purana.linga.1.65.60) pavitraś ca mahāṃścaiva niyato niyatāśrayaḥ svayaṃbhūḥ sarvakarmā ca ādirādikaro nidhiḥ // ### [1.65.61](https://indike.org/pramana/in.purana.linga.1.65.61) sahasrākṣo viśālākṣaḥ somo nakṣatrasādhakaḥ candraḥ sūryaḥ śaniḥ ketur graho grahapatirmataḥ // ### [1.65.62](https://indike.org/pramana/in.purana.linga.1.65.62) rājā rājyodayaḥ kartā mṛgabāṇārpaṇo ghanaḥ mahātapā dīrghatapā adṛśyo dhanasādhakaḥ // ### [1.65.63](https://indike.org/pramana/in.purana.linga.1.65.63) saṃvatsaraḥ kṛtīmantraḥ prāṇāyāmaḥ paraṃtapaḥ yogī yogo mahābījo mahārato mahābalaḥ // ### [1.65.64](https://indike.org/pramana/in.purana.linga.1.65.64) suvarṇaretāḥ sarvajñaḥ subījo vṛṣavāhanaḥ daśabāhustvanimiṣo nīlakaṇṭha umāpatiḥ // ### [1.65.65](https://indike.org/pramana/in.purana.linga.1.65.65) viśvarūpaḥ svayaṃśreṣṭho balavīro balāgraṇīḥ gaṇakartā gaṇapatir digvāsāḥ kāmya eva ca // ### [1.65.66](https://indike.org/pramana/in.purana.linga.1.65.66) mantravitparamo mantraḥ sarvabhāvakaro haraḥ kamaṇḍaludharo dhanvī bāṇahastaḥ kapālavān // ### [1.65.67](https://indike.org/pramana/in.purana.linga.1.65.67) śarī śataghnī khaḍgī ca paṭṭiśī cāyudhī mahān ajaś ca mṛgarūpaś ca tejastejaskaro vidhiḥ // ### [1.65.68](https://indike.org/pramana/in.purana.linga.1.65.68) uṣṇīṣī ca suvaktraś ca udagro vinatas tathā dīrghaś ca harikeśaś ca sutīrthaḥ kṛṣṇa eva ca // ### [1.65.69](https://indike.org/pramana/in.purana.linga.1.65.69) śṛgālarūpaḥ sarvārtho muṇḍaḥ sarvaśubhaṅkaraḥ siṃhaśārdūlarūpaś ca gandhakārī kapardyapi // ### [1.65.70](https://indike.org/pramana/in.purana.linga.1.65.70) ūrdhvaretordhvaliṅgī ca ūrdhvaśāyī nabhastalaḥ trijaṭī cīravāsāś ca rudraḥ senāpatir vibhuḥ // ### [1.65.71](https://indike.org/pramana/in.purana.linga.1.65.71) ahorātraṃ ca naktaṃ ca tigmamanyuḥ suvarcasaḥ gajahā daityahā kālo lokadhātā guṇākaraḥ // ### [1.65.72](https://indike.org/pramana/in.purana.linga.1.65.72) siṃhaśārdūlarūpāṇām ārdracarmāṃbaraṃdharaḥ kālayogī mahānādaḥ sarvāvāsaścatuṣpathaḥ // ### [1.65.73](https://indike.org/pramana/in.purana.linga.1.65.73) niśācaraḥ pretacārī sarvadarśī maheśvaraḥ bahubhūto bahudhanaḥ sarvasāro 'mṛteśvaraḥ // ### [1.65.74](https://indike.org/pramana/in.purana.linga.1.65.74) nṛtyapriyo nityanṛtyo nartanaḥ sarvasādhakaḥ sakārmuko mahābāhur mahāghoro mahātapāḥ // ### [1.65.75](https://indike.org/pramana/in.purana.linga.1.65.75) mahāśaro mahāpāśo nityo giricaro mataḥ sahasrahasto vijayo vyavasāyo hyaninditaḥ // ### [1.65.76](https://indike.org/pramana/in.purana.linga.1.65.76) amarṣaṇo marṣaṇātmā yajñahā kāmanāśanaḥ dakṣahā paricārī ca prahaso madhyamas tathā // ### [1.65.77](https://indike.org/pramana/in.purana.linga.1.65.77) tejo 'pahārī balavān vidito 'bhyudito bahuḥ gaṃbhīraghoṣo yogātmā yajñahā kāmanāśanaḥ // ### [1.65.78](https://indike.org/pramana/in.purana.linga.1.65.78) gaṃbhīraroṣo gaṃbhīro gaṃbhīrabalavāhanaḥ nyagrodharūpo nyagrodho viśvakarmā ca viśvabhuk // ### [1.65.79](https://indike.org/pramana/in.purana.linga.1.65.79) tīkṣṇopāyaś ca haryaśvaḥ sahāyaḥ karmakālavit viṣṇuḥ prasādito yajñaḥ samudro vaḍavāmukhaḥ // ### [1.65.80](https://indike.org/pramana/in.purana.linga.1.65.80) hutāśanasahāyaś ca praśāntātmā hutāśanaḥ ugratejā mahātejā jayo vijayakālavit // ### [1.65.81](https://indike.org/pramana/in.purana.linga.1.65.81) jyotiṣāmayanaṃ siddhiḥ saṃdhirvigraha eva ca khaḍgī śaṅkhī jaṭī jvālī khacaro dyucaro balī // ### [1.65.82](https://indike.org/pramana/in.purana.linga.1.65.82) vaiṇavī paṇavī kālaḥ kālakaṇṭhaḥ kaṭaṃkaṭaḥ nakṣatravigraho bhāvo nibhāvaḥ sarvatomukhaḥ // ### [1.65.83](https://indike.org/pramana/in.purana.linga.1.65.83) vimocanastu śaraṇo hiraṇyakavacodbhavaḥ mekhalākṛtirūpaś ca jalācāraḥ stutas tathā // ### [1.65.84](https://indike.org/pramana/in.purana.linga.1.65.84) vīṇī ca paṇavī tālī nālī kalikaṭus tathā sarvatūryaninādī ca sarvavyāpyaparigrahaḥ // ### [1.65.85](https://indike.org/pramana/in.purana.linga.1.65.85) vyālarūpī bilāvāsī guhāvāsī taraṃgavit vṛkṣaḥ śrīmālakarmā ca sarvabandhavimocanaḥ // ### [1.65.86](https://indike.org/pramana/in.purana.linga.1.65.86) bandhanastu surendrāṇāṃ yudhi śatruvināśanaḥ sakhā pravāso durvāpaḥ sarvasādhuniṣevitaḥ // ### [1.65.87](https://indike.org/pramana/in.purana.linga.1.65.87) praskando 'pyavibhāvaś ca tulyo yajñavibhāgavit sarvavāsaḥ sarvacārī durvāsā vāsavo mataḥ // ### [1.65.88](https://indike.org/pramana/in.purana.linga.1.65.88) haimo hemakaro yajñaḥ sarvadhārī dharottamaḥ ākāśo nirvirūpaś ca vivāsā uragaḥ khagaḥ // ### [1.65.89](https://indike.org/pramana/in.purana.linga.1.65.89) bhikṣuś ca bhikṣurūpī ca raudrarūpaḥ surūpavān vasuretāḥ suvacasvī vasuvego mahābalaḥ // ### [1.65.90](https://indike.org/pramana/in.purana.linga.1.65.90) manovego niśācāraḥ sarvalokaśubhapradaḥ sarvāvāsī trayīvāsī upadeśakaro dharaḥ // ### [1.65.91](https://indike.org/pramana/in.purana.linga.1.65.91) munirātmā munir lokaḥ sabhāgyaś ca sahasrabhuk pakṣī ca pakṣarūpaś ca atidīpto niśākaraḥ // ### [1.65.92](https://indike.org/pramana/in.purana.linga.1.65.92) samīro damanākāro hy artho hyarthakaro vaśaḥ vāsudevaś ca devaś ca vāmadevaś ca vāmanaḥ // ### [1.65.93](https://indike.org/pramana/in.purana.linga.1.65.93) siddhiyogāpahārī ca siddhaḥ sarvārthasādhakaḥ akṣuṇṇaḥ kṣuṇṇarūpaś ca vṛṣaṇo mṛdur avyayaḥ // ### [1.65.94](https://indike.org/pramana/in.purana.linga.1.65.94) mahāseno viśākhaś ca ṣaṣṭibhāgo gavāṃ patiḥ cakrahastastu viṣṭambhī mūlastambhana eva ca // ### [1.65.95](https://indike.org/pramana/in.purana.linga.1.65.95) ṛturṛtukarastālo madhurmadhukaro varaḥ vānaspatyo vājasano nityamāśramapūjitaḥ // ### [1.65.96](https://indike.org/pramana/in.purana.linga.1.65.96) brahmacārī lokacārī sarvacārī sucāravit īśāna īśvaraḥ kālo niśācārī hyanekadṛk // ### [1.65.97](https://indike.org/pramana/in.purana.linga.1.65.97) nimittastho nimittaṃ ca nandir nandikaro haraḥ nandīśvaraḥ sunandī ca nandano viṣamardanaḥ // ### [1.65.98](https://indike.org/pramana/in.purana.linga.1.65.98) bhagahārī niyantā ca kālo lokapitāmahaḥ caturmukho mahāliṅgaś cāruliṅgastathaiva ca // ### [1.65.99](https://indike.org/pramana/in.purana.linga.1.65.99) liṅgādhyakṣaḥ surādhyakṣaḥ kālādhyakṣo yugāvahaḥ bījādhyakṣo bījakartā adhyātmānugato balaḥ // ### [1.65.100](https://indike.org/pramana/in.purana.linga.1.65.100) itihāsaś ca kalpaś ca damano jagadīśvaraḥ dambho dambhakaro dātā vaṃśo vaṃśakaraḥ kaliḥ // ### [1.65.101](https://indike.org/pramana/in.purana.linga.1.65.101) lokakartā paśupatir mahākartā hyadhokṣajaḥ akṣaraṃ paramaṃ brahma balavāñchukta eva ca // ### [1.65.102](https://indike.org/pramana/in.purana.linga.1.65.102) nityo hyanīśaḥ śuddhātmā śuddho māno gatirhaviḥ prāsādastu balo darpo darpaṇo havya indrajit // ### [1.65.103](https://indike.org/pramana/in.purana.linga.1.65.103) vedakāraḥ sūtrakāro vidvāṃś ca paramardanaḥ mahāmeghanivāsī ca mahāghoro vaśīkaraḥ // ### [1.65.104](https://indike.org/pramana/in.purana.linga.1.65.104) agnijvālo mahājvālaḥ paridhūmrāvṛto raviḥ dhiṣaṇaḥ śaṅkaro nityo varcasvī dhūmralocanaḥ // ### [1.65.105](https://indike.org/pramana/in.purana.linga.1.65.105) nīlas tathāṅgaluptaś ca śobhano naravigrahaḥ svasti svastisvabhāvaś ca bhogī bhogakaro laghuḥ // ### [1.65.106](https://indike.org/pramana/in.purana.linga.1.65.106) utsaṅgaś ca mahāṅgaś ca mahāgarbhaḥ pratāpavān kṛṣṇavarṇaḥ suvarṇaś ca indriyaḥ sarvavarṇikaḥ // ### [1.65.107](https://indike.org/pramana/in.purana.linga.1.65.107) mahāpādo mahāhasto mahākāyo mahāyaśāḥ mahāmūrdhā mahāmātro mahāmitro nagālayaḥ // ### [1.65.108](https://indike.org/pramana/in.purana.linga.1.65.108) mahāskandho mahākarṇo mahoṣṭhaś ca mahāhanuḥ mahānāso mahākaṇṭho mahāgrīvaḥ śmaśānavān // ### [1.65.109](https://indike.org/pramana/in.purana.linga.1.65.109) mahābalo mahātejā hy antarātmā mṛgālayaḥ lambitoṣṭhaś ca niṣṭhaś ca mahāmāyaḥ payonidhiḥ // ### [1.65.110](https://indike.org/pramana/in.purana.linga.1.65.110) mahādanto mahādaṃṣṭro mahājihvo mahāmukhaḥ mahānakho mahāromā mahākeśo mahājaṭaḥ // ### [1.65.111](https://indike.org/pramana/in.purana.linga.1.65.111) asapatnaḥ prasādaś ca pratyayo gītasādhakaḥ prasvedano 'svedanaś ca ādikaś ca mahāmuniḥ // ### [1.65.112](https://indike.org/pramana/in.purana.linga.1.65.112) vṛṣako vṛṣaketuś ca analo vāyuvāhanaḥ maṇḍalī meruvāsaś ca devavāhana eva ca // ### [1.65.113](https://indike.org/pramana/in.purana.linga.1.65.113) atharvaśīrṣaḥ sāmāsya ṛksahasrorjitekṣaṇaḥ yajuḥ pādabhujo guhyaḥ prakāśaujāstathaiva ca // ### [1.65.114](https://indike.org/pramana/in.purana.linga.1.65.114) amoghārthaprasādaś ca antarbhāvyaḥ sudarśanaḥ upahāraḥ priyaḥ sarvaḥ kanakaḥ kāñcanasthitaḥ // ### [1.65.115](https://indike.org/pramana/in.purana.linga.1.65.115) nābhir nandikaro harmyaḥ puṣkaraḥ sthapatiḥ sthitaḥ sarvaśāstro dhanaścādyo yajño yajvā samāhitaḥ // ### [1.65.116](https://indike.org/pramana/in.purana.linga.1.65.116) nago nīlaḥ kaviḥ kālo makaraḥ kālapūjitaḥ sagaṇo gaṇakāraś ca bhūtabhāvanasārathiḥ // ### [1.65.117](https://indike.org/pramana/in.purana.linga.1.65.117) bhasmaśāyī bhasmagoptā bhasmabhūtatanurgaṇaḥ āgamaś ca vilopaś ca mahātmā sarvapūjitaḥ // ### [1.65.118](https://indike.org/pramana/in.purana.linga.1.65.118) śuklaḥ strīrūpasampannaḥ śucirbhūtaniṣevitaḥ āśramasthaḥ kapotastho viśvakarmā patirvirāṭ // ### [1.65.119](https://indike.org/pramana/in.purana.linga.1.65.119) viśālaśākhas tāmroṣṭho hy ambujālaḥ suniścitaḥ kapilaḥ kalaśaḥ sthūla āyudhaścaiva romaśaḥ // ### [1.65.120](https://indike.org/pramana/in.purana.linga.1.65.120) gandharvo hyaditistārkṣyo hy avijñeyaḥ suśāradaḥ paraśvadhāyudho devo hy arthakārī subāndhavaḥ // ### [1.65.121](https://indike.org/pramana/in.purana.linga.1.65.121) tumbavīṇo mahākopa ūrdhvaretā jaleśayaḥ ugro vaṃśakaro vaṃśo vaṃśavādī hyaninditaḥ // ### [1.65.122](https://indike.org/pramana/in.purana.linga.1.65.122) sarvāṅgarūpī māyāvī suhṛdo hyanilo balaḥ bandhano bandhakartā ca subandhanavimocanaḥ // ### [1.65.123](https://indike.org/pramana/in.purana.linga.1.65.123) rākṣasaghno 'tha kāmārir mahādaṃṣṭro mahāyudhaḥ lambito lambitoṣṭhaś ca lambahasto varapradaḥ // ### [1.65.124](https://indike.org/pramana/in.purana.linga.1.65.124) bāhustvaninditaḥ sarvaḥ śaṅkaro 'thāpyakopanaḥ amareśo mahāghoro viśvadevaḥ surārihā // ### [1.65.125](https://indike.org/pramana/in.purana.linga.1.65.125) ahirbudhnyo nirṛtiś ca cekitāno halī tathā ajaikapācca kāpālī śaṃ kumāro mahāgiriḥ // ### [1.65.126](https://indike.org/pramana/in.purana.linga.1.65.126) dhanvantarirdhūmaketuḥ sūryo vaiśravaṇas tathā dhātā viṣṇuś ca śakraś ca mitrastvaṣṭā dharo dhruvaḥ // ### [1.65.127](https://indike.org/pramana/in.purana.linga.1.65.127) prabhāsaḥ parvato vāyur aryamā savitā raviḥ dhṛtiścaiva vidhātā ca māndhātā bhūtabhāvanaḥ // ### [1.65.128](https://indike.org/pramana/in.purana.linga.1.65.128) nīrastīrthaś ca bhīmaś ca sarvakarmā guṇodvahaḥ padmagarbho mahāgarbhaś candravaktro nabho 'naghaḥ // ### [1.65.129](https://indike.org/pramana/in.purana.linga.1.65.129) balavāṃścopaśāntaś ca purāṇaḥ puṇyakṛttamaḥ krūrakartā krūravāsī tanurātmā mahauṣadhaḥ // ### [1.65.130](https://indike.org/pramana/in.purana.linga.1.65.130) sarvāśayaḥ sarvacārī prāṇeśaḥ prāṇināṃ patiḥ devadevaḥ sukhotsiktaḥ sadasatsarvaratnavit // ### [1.65.131](https://indike.org/pramana/in.purana.linga.1.65.131) kailāsastho guhāvāsī himavadgirisaṃśrayaḥ kulahārī kulākartā bahuvitto bahuprajaḥ // ### [1.65.132](https://indike.org/pramana/in.purana.linga.1.65.132) prāṇeśo bandhakī vṛkṣo nakulaś cādrikas tathā hrasvagrīvo mahājānur alolaś ca mahauṣadhiḥ // ### [1.65.133](https://indike.org/pramana/in.purana.linga.1.65.133) siddhāntakārī siddhārthaś chando vyākaraṇodbhavaḥ siṃhanādaḥ siṃhadaṃṣṭraḥ siṃhāsyaḥ siṃhavāhanaḥ // ### [1.65.134](https://indike.org/pramana/in.purana.linga.1.65.134) prabhāvātmā jagatkālaḥ kālaḥ kampī tarustanuḥ sāraṅgo bhūtacakrāṅkaḥ ketumālī suvedhakaḥ // ### [1.65.135](https://indike.org/pramana/in.purana.linga.1.65.135) bhūtālayo bhūtapatir ahorātro malo 'malaḥ vasubhṛt sarvabhūtātmā niścalaḥ suvidur budhaḥ // ### [1.65.136](https://indike.org/pramana/in.purana.linga.1.65.136) asuhṛtsarvabhūtānāṃ niścalaścalavidbudhaḥ amoghaḥ saṃyamo hṛṣṭo bhojanaḥ prāṇadhāraṇaḥ // ### [1.65.137](https://indike.org/pramana/in.purana.linga.1.65.137) dhṛtimānmatimāṃstryakṣaḥ sukṛtastu yudhāṃpatiḥ gopālo gopatirgrāmo gocarmavasano haraḥ // ### [1.65.138](https://indike.org/pramana/in.purana.linga.1.65.138) hiraṇyabāhuś ca tathā guhāvāsaḥ praveśanaḥ mahāmanā mahākāmaś cittakāmo jitendriyaḥ // ### [1.65.139](https://indike.org/pramana/in.purana.linga.1.65.139) gāndhāraś ca surāpaś ca tāpakarmarato hitaḥ mahābhūto bhūtavṛto hy apsarogaṇasevitaḥ // ### [1.65.140](https://indike.org/pramana/in.purana.linga.1.65.140) mahāketur dharādhātā naikatānarataḥ svaraḥ avedanīya āvedyaḥ sarvagaś ca sukhāvahaḥ // ### [1.65.141](https://indike.org/pramana/in.purana.linga.1.65.141) tāraṇaścaraṇo dhātā paridhā paripūjitaḥ saṃyogī vardhano vṛddho gaṇiko 'tha gaṇādhipaḥ // ### [1.65.142](https://indike.org/pramana/in.purana.linga.1.65.142) nityo dhātā sahāyaś ca devāsurapatiḥ patiḥ yuktaś ca yuktabāhuś ca sudevo 'pi suparvaṇaḥ // ### [1.65.143](https://indike.org/pramana/in.purana.linga.1.65.143) āṣāḍhaś ca suṣāḍhaś ca skandhado harito haraḥ vapurāvartamāno 'nyo vapuḥśreṣṭho mahāvapuḥ // ### [1.65.144](https://indike.org/pramana/in.purana.linga.1.65.144) śirovimarśanaḥ sarvalakṣyalakṣaṇabhūṣitaḥ akṣayo rathagītaś ca sarvabhogī mahābalaḥ // ### [1.65.145](https://indike.org/pramana/in.purana.linga.1.65.145) sāmnāyo 'tha mahāmnāyas tīrthadevo mahāyaśāḥ nirjīvo jīvano mantraḥ subhago bahukarkaśaḥ // ### [1.65.146](https://indike.org/pramana/in.purana.linga.1.65.146) ratnabhūto 'tha ratnāṅgo mahārṇavanipātavit mūlaṃ viśālo hyamṛtaṃ vyaktāvyaktastaponidhiḥ // ### [1.65.147](https://indike.org/pramana/in.purana.linga.1.65.147) ārohaṇo 'dhirohaś ca śīladhārī mahātapāḥ mahākaṇṭho mahāyogī yugo yugakaro hariḥ // ### [1.65.148](https://indike.org/pramana/in.purana.linga.1.65.148) yugarūpo mahārūpo vahano gahano nagaḥ nyāyo nirvāpaṇo 'pādaḥ paṇḍito hyacalopamaḥ // ### [1.65.149](https://indike.org/pramana/in.purana.linga.1.65.149) bahumālo mahāmālaḥ śipiviṣṭaḥ sulocanaḥ vistāro lavaṇaḥ kūpaḥ kusumāṅgaḥ phalodayaḥ // ### [1.65.150](https://indike.org/pramana/in.purana.linga.1.65.150) ṛṣabho vṛṣabho bhaṅgo maṇibimbajaṭādharaḥ indurvisargaḥ sumukhaḥ śūraḥ sarvāyudhaḥ sahaḥ // ### [1.65.151](https://indike.org/pramana/in.purana.linga.1.65.151) nivedanaḥ sudhājātaḥ svargadvāro mahādhanuḥ girāvāso visargaś ca sarvalakṣaṇalakṣavit // ### [1.65.152](https://indike.org/pramana/in.purana.linga.1.65.152) gandhamālī ca bhagavān anantaḥ sarvalakṣaṇaḥ saṃtāno bahulo bāhuḥ sakalaḥ sarvapāvanaḥ // ### [1.65.153](https://indike.org/pramana/in.purana.linga.1.65.153) karasthālī kapālī ca ūrdhvasaṃhanano yuvā yantratantrasuvikhyāto lokaḥ sarvāśrayo mṛduḥ // ### [1.65.154](https://indike.org/pramana/in.purana.linga.1.65.154) muṇḍo virūpo vikṛto daṇḍī kuṇḍī vikurvaṇaḥ vāryakṣaḥ kakubho vajrī dīptatejāḥ sahasrapāt // ### [1.65.155](https://indike.org/pramana/in.purana.linga.1.65.155) sahasramūrdhā devendraḥ sarvadevamayo guruḥ sahasrabāhuḥ sarvāṅgaḥ śaraṇyaḥ sarvalokakṛt // ### [1.65.156](https://indike.org/pramana/in.purana.linga.1.65.156) pavitraṃ trimadhurmantraḥ kaniṣṭhaḥ kṛṣṇapiṅgalaḥ brahmadaṇḍavinirmātā śataghnaḥ śatapāśadhṛk // ### [1.65.157](https://indike.org/pramana/in.purana.linga.1.65.157) kalā kāṣṭhā lavo mātrā muhūrto 'haḥ kṣapā kṣaṇaḥ viśvakṣetraprado bījaṃ liṅgamādyastu nirmukhaḥ // ### [1.65.158](https://indike.org/pramana/in.purana.linga.1.65.158) sadasadvyaktamavyaktaṃ pitā mātā pitāmahaḥ svargadvāraṃ mokṣadvāraṃ prajādvāraṃ triviṣṭapaḥ // ### [1.65.159](https://indike.org/pramana/in.purana.linga.1.65.159) nirvāṇaṃ hṛdayaścaiva brahmalokaḥ parā gatiḥ devāsuravinirmātā devāsuraparāyaṇaḥ // ### [1.65.160](https://indike.org/pramana/in.purana.linga.1.65.160) devāsuragurur devo devāsuranamaskṛtaḥ devāsuramahāmātro devāsuragaṇāśrayaḥ // ### [1.65.161](https://indike.org/pramana/in.purana.linga.1.65.161) devāsuragaṇādhyakṣo devāsuragaṇāgraṇīḥ devādhidevo devarṣir devāsuravarapradaḥ // ### [1.65.162](https://indike.org/pramana/in.purana.linga.1.65.162) devāsureśvaro viṣṇur devāsuramaheśvaraḥ sarvadevamayo 'cintyo devatātmā svayambhavaḥ // ### [1.65.163](https://indike.org/pramana/in.purana.linga.1.65.163) udgatastrikramo vaidyo varado 'varajo 'mbaraḥ ijyo hastī tathā vyāghro devasiṃho maharṣabhaḥ // ### [1.65.164](https://indike.org/pramana/in.purana.linga.1.65.164) vibudhāgryaḥ suraḥ śreṣṭhaḥ svargadevastathottamaḥ saṃyuktaḥ śobhano vaktā āśānāṃ prabhavo 'vyayaḥ // ### [1.65.165](https://indike.org/pramana/in.purana.linga.1.65.165) guruḥ kānto nijaḥ sargaḥ pavitraḥ sarvavāhanaḥ śṛṅgī śṛṅgapriyo babhrū rājarājo nirāmayaḥ // ### [1.65.166](https://indike.org/pramana/in.purana.linga.1.65.166) abhirāmaḥ suśaraṇo nirāmaḥ sarvasādhanaḥ lalāṭākṣo viśvadeho hariṇo brahmavarcasaḥ // ### [1.65.167](https://indike.org/pramana/in.purana.linga.1.65.167) sthāvarāṇāṃ patiścaiva niyatendriyavartanaḥ siddhārthaḥ sarvabhūtārtho 'cintyaḥ satyaḥ śucivrataḥ // ### [1.65.168](https://indike.org/pramana/in.purana.linga.1.65.168) vratādhipaḥ paraṃ brahma muktānāṃ paramā gatiḥ vimukto muktakeśaś ca śrīmāñchrīvardhano jagat // ### [1.65.169](https://indike.org/pramana/in.purana.linga.1.65.169) yathāpradhānaṃ bhagavān iti bhaktyā stuto mayā bhaktimevaṃ puraskṛtya mayā yajñapatirvibhuḥ // ### [1.65.170](https://indike.org/pramana/in.purana.linga.1.65.170) tato hyanujñāṃ prāpyaivaṃ stuto bhaktimatāṃ gatiḥ tasmāllabdhvā stavaṃ śaṃbhor nṛpastrailokyaviśrutaḥ // ### [1.65.171](https://indike.org/pramana/in.purana.linga.1.65.171) aśvamedhasahasrasya phalaṃ prāpya mahāyaśāḥ gaṇādhipatyaṃ samprāptas taṇḍinastejasā prabhoḥ // ### [1.65.172](https://indike.org/pramana/in.purana.linga.1.65.172) yaḥ paṭhecchṛṇuyād vāpi śrāvayedbrāhmaṇānapi aśvamedhasahasrasya phalaṃ prāpnoti vai dvijāḥ // ### [1.65.173](https://indike.org/pramana/in.purana.linga.1.65.173) brahmaghnaś ca surāpaś ca steyī ca gurutalpagaḥ śaraṇāgataghātī ca mitraviśvāsaghātakaḥ // ### [1.65.174](https://indike.org/pramana/in.purana.linga.1.65.174) mātṛhā pitṛhā caiva vīrahā bhrūṇahā tathā saṃvatsaraṃ kramājjaptvā trisaṃdhyaṃ śaṅkarāśrame // ### [1.65.175](https://indike.org/pramana/in.purana.linga.1.65.175) devam iṣṭvā trisaṃdhyaṃ ca sarvapāpaiḥ pramucyate // ### [1.65.175.p1](https://indike.org/pramana/in.purana.linga.1.65.175.p1) iti śrīliṅgamahāpurāṇe pūrvabhāge rudrasahasranāmakathanaṃ nāma pañcaṣaṣṭitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.71.5) — Gaṇeśa Bhaṭṭa, Sanskrit ## Linked texts (19) - [Critical edition (BORI)](https://indike.org/pramana/in.lit.mahabharata.vyasa*crit.13.17.28) — Sanskrit - [Śivasahasranāma](https://indike.org/pramana/in.sampradaya.saiva.stotra.sivasahasranama.1) — Sanskrit - [Śivasahasranāmastotram](https://indike.org/pramana/in.sampradaya.saiva.stotra.sivasahasranamastotra.30) — Sanskrit - [Kūrmapurāṇa](https://indike.org/pramana/in.purana.kurma.1.19.1) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.60.3) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.23.5) — Vyāsa, Sanskrit - [Devīrahasya](https://indike.org/pramana/in.sampradaya.saiva.agama.rudra.devirahasya.36.70) — Sanskrit - [Revākhaṇḍa (Skandapurāṇa)](https://indike.org/pramana/in.purana.skanda.revakhanda.71.26) — Sanskrit - [Padmapurāṇa](https://indike.org/pramana/in.purana.padma.1.8.45) — Vyāsa, Sanskrit - [Matsyapurāṇa](https://indike.org/pramana/in.purana.matsya.11.10) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.8.35x158-12) — Sanskrit - [Mudgalapurāṇa](https://indike.org/pramana/in.purana.upa.surya.mudgala.3.25.1) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.7.2.19) — Sanskrit - [Agnipurāṇa](https://indike.org/pramana/in.purana.agni.272.8) — Vyāsa, Sanskrit - [Brahmapurāṇa](https://indike.org/pramana/in.purana.brahma.7.22) — Vyāsa, Sanskrit - [Śāktapramoda](https://indike.org/pramana/in.sampradaya.general.sakta.saktapramoda.11.630) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.72.1) — Ativīrarāma Pāṇṭiyar 1500, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.2.p18) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.2.p18) — Hemādri, Sanskrit --- Source: [https://indike.org/pramana/in.purana.linga.1.65](https://indike.org/pramana/in.purana.linga.1.65) · Pramāṇa