[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.66 # Lingapurana 1.66 Liṅgapurāṇa 1.66 - **Language:** Sanskrit ## Contents - [1.66.83](https://indike.org/pramana/in.purana.linga.1.66.83) — 1 part ### [1.66.1](https://indike.org/pramana/in.purana.linga.1.66.1) sūta uvāca tridhanvā devadevasya prasādāttaṇḍinas tathā aśvamedhasahasrasya phalaṃ prāpya prayatnataḥ // ### [1.66.2](https://indike.org/pramana/in.purana.linga.1.66.2) gāṇapatyaṃ dṛḍhaṃ prāptaḥ sarvadevanamaskṛtaḥ āsīttridhanvanaścāpi vidvāṃstrayyāruṇo nṛpaḥ // ### [1.66.3](https://indike.org/pramana/in.purana.linga.1.66.3) tasya satyavrato nāma kumāro 'bhūnmahābalaḥ tena bhāryā vidarbhasya hṛtā hatvāmitaujasam // ### [1.66.4](https://indike.org/pramana/in.purana.linga.1.66.4) pāṇigrahaṇamantreṣu niṣṭhām aprāpiteṣviha tenādharmeṇa saṃyuktaṃ rājā trayyāruṇo 'tyajat // ### [1.66.5](https://indike.org/pramana/in.purana.linga.1.66.5) pitaraṃ so 'bravīt tyaktaḥ kva gacchāmīti vai dvijāḥ pitā tvenamathovāca śvapākaiḥ saha vartaya // ### [1.66.6](https://indike.org/pramana/in.purana.linga.1.66.6) ityuktaḥ sa vicakrāma nagarādvacanāt pituḥ sa tu satyavrato dhīmāñ chvapākāvasathāntike // ### [1.66.7](https://indike.org/pramana/in.purana.linga.1.66.7) pitrā tyakto 'vasadvīraḥ pitā cāsya vanaṃ yayau sarvalokeṣu vikhyātas triśaṅkuriti vīryavān // ### [1.66.8](https://indike.org/pramana/in.purana.linga.1.66.8) vasiṣṭhakopātpuṇyātmā rājā satyavrataḥ purā viśvāmitro mahātejā varaṃ dattvā triśaṅkave // ### [1.66.9](https://indike.org/pramana/in.purana.linga.1.66.9) rājye 'bhiṣicya taṃ pitrye yājayāmāsa taṃ muniḥ miṣatāṃ devatānāṃ ca vasiṣṭhasya ca kauśikaḥ // ### [1.66.10](https://indike.org/pramana/in.purana.linga.1.66.10) saśarīraṃ tadā taṃ vai divamāropayadvibhuḥ tasya satyavratā nāma bhāryā kaikayavaṃśajā // ### [1.66.11](https://indike.org/pramana/in.purana.linga.1.66.11) kumāraṃ janayāmāsa hariścandramakalmaṣam hariścandrasya ca suto rohito nāma vīryavān // ### [1.66.12](https://indike.org/pramana/in.purana.linga.1.66.12) harito rohitasyātha dhundhurhārita ucyate vijayaś ca sutejāś ca dhundhuputrau babhūvatuḥ // ### [1.66.13](https://indike.org/pramana/in.purana.linga.1.66.13) jetā kṣatrasya sarvatra vijayastena sa smṛtaḥ rucakastasya tanayo rājā paramadhārmikaḥ // ### [1.66.14](https://indike.org/pramana/in.purana.linga.1.66.14) rucakasya vṛkaḥ putras tasmādbāhuś ca jajñivān sagarastasya putro 'bhūd rājā paramadhārmikaḥ // ### [1.66.15](https://indike.org/pramana/in.purana.linga.1.66.15) dve bhārye sagarasyāpi prabhā bhānumatī tathā tābhyāmārādhitaḥ pūrvam aurvo 'gniḥ putrakāmyayā // ### [1.66.16](https://indike.org/pramana/in.purana.linga.1.66.16) aurvastuṣṭastayoḥ prādād yatheṣṭaṃ varamuttamam ekā ṣaṣṭisahasrāṇi sutamekaṃ parā tathā // ### [1.66.17](https://indike.org/pramana/in.purana.linga.1.66.17) agṛhṇād vaṃśakartāraṃ prabhāgṛhṇātsutānbahūn ekaṃ bhānumatiḥ putram agṛhṇād asamañjasam // ### [1.66.18](https://indike.org/pramana/in.purana.linga.1.66.18) tataḥ ṣaṣṭisahasrāṇi suṣuve sā tu vai prabhā khanantaḥ pṛthivīṃ dagdhā viṣṇuhuṅkāramārgaṇaiḥ // ### [1.66.19](https://indike.org/pramana/in.purana.linga.1.66.19) asamañjasya tanayaḥ so 'ṃśumānnāma viśrutaḥ tasya putro dilīpastu dilīpāttu bhagīrathaḥ // ### [1.66.20](https://indike.org/pramana/in.purana.linga.1.66.20) yena bhāgīrathī gaṅgā tapaḥ kṛtvāvatāritā bhagīrathasutaścāpi śruto nāma babhūva ha // ### [1.66.21](https://indike.org/pramana/in.purana.linga.1.66.21) nābhāgastasya dāyādo bhavabhaktaḥ pratāpavān aṃbarīṣaḥ sutastasya sindhudvīpas tato 'bhavat // ### [1.66.22](https://indike.org/pramana/in.purana.linga.1.66.22) nābhāgenāṃbarīṣeṇa bhujābhyāṃ paripālitā babhūva vasudhātyarthaṃ tāpatrayavivarjitā // ### [1.66.23](https://indike.org/pramana/in.purana.linga.1.66.23) ayutāyuḥ sutastasya sindhudvīpasya vīryavān putro 'yutāyuṣo dhīmān ṛtuparṇo mahāyaśāḥ // ### [1.66.24](https://indike.org/pramana/in.purana.linga.1.66.24) divyākṣahṛdayajño vai rājā nalasakho balī nalau dvāveva vikhyātau purāṇeṣu dṛḍhavratau // ### [1.66.25](https://indike.org/pramana/in.purana.linga.1.66.25) vīrasenasutaścānyo yaścekṣvākukulodbhavaḥ ṛtuparṇasya putro 'bhūt sārvabhaumaḥ prajeśvaraḥ // ### [1.66.26](https://indike.org/pramana/in.purana.linga.1.66.26) sudāsastasya tanayo rājā tvindrasamo 'bhavat sudāsasya sutaḥ proktaḥ saudāso nāma pārthivaḥ // ### [1.66.27](https://indike.org/pramana/in.purana.linga.1.66.27) khyātaḥ kalmāṣapādo vai nāmnā mitrasahaś ca saḥ vasiṣṭhastu mahātejāḥ kṣetre kalmāṣapādake // ### [1.66.28](https://indike.org/pramana/in.purana.linga.1.66.28) aśmakaṃ janayāmāsa ikṣvākukulavardhanam aśmakasyottarāyāṃ tu mūlakastu suto 'bhavat // ### [1.66.29](https://indike.org/pramana/in.purana.linga.1.66.29) sa hi rāmabhayādrājā strībhiḥ parivṛto vane bibharti trāṇamicchanvai nārīkavacamuttamam // ### [1.66.30](https://indike.org/pramana/in.purana.linga.1.66.30) mūlakasyāpi dharmātmā rājā śatarathaḥ sutaḥ tasmācchatarathājjajñe rājā tvilavilo balī // ### [1.66.31](https://indike.org/pramana/in.purana.linga.1.66.31) āsīt tvailaviliḥ śrīmān vṛddhaśarmā pratāpavān putro viśvasahastasya pitṛkanyā vyajījanat // ### [1.66.32](https://indike.org/pramana/in.purana.linga.1.66.32) dilīpastasya putro 'bhūt khaṭvāṅga iti viśrutaḥ yena svargād ihāgatya muhūrtaṃ prāpya jīvitam // ### [1.66.33](https://indike.org/pramana/in.purana.linga.1.66.33) trayo 'gnayastrayo lokā buddhyā satyena vai jitāḥ dīrghabāhuḥ sutastasya raghustasmādajāyata // ### [1.66.34](https://indike.org/pramana/in.purana.linga.1.66.34) ajaḥ putro raghoścāpi tasmājjajñe ca vīryavān rājā daśarathastasmāc chrīmānikṣvākuvaṃśakṛt // ### [1.66.35](https://indike.org/pramana/in.purana.linga.1.66.35) rāmo daśarathādvīro dharmajño lokaviśrutaḥ bharato lakṣmaṇaścaiva śatrughnaś ca mahābalaḥ // ### [1.66.36](https://indike.org/pramana/in.purana.linga.1.66.36) teṣāṃ śreṣṭho mahātejā rāmaḥ paramavīryavān rāvaṇaṃ samare hatvā yajñairiṣṭvā ca dharmavit // ### [1.66.37](https://indike.org/pramana/in.purana.linga.1.66.37) daśavarṣasahasrāṇi rāmo rājyaṃ cakāra saḥ rāmasya tanayo jajñe kuśa ityabhiviśrutaḥ // ### [1.66.38](https://indike.org/pramana/in.purana.linga.1.66.38) lavaś ca sumahābhāgaḥ satyavān abhavat sudhīḥ atithistu kuśājjajñe niṣadhastasya cātmajaḥ // ### [1.66.39](https://indike.org/pramana/in.purana.linga.1.66.39) nalastu niṣadhājjāto nabhastasmādajāyata nabhasaḥ puṇḍarīkākhyaḥ kṣemadhanvā tataḥ smṛtaḥ // ### [1.66.40](https://indike.org/pramana/in.purana.linga.1.66.40) tasya putro 'bhavad vīro devānīkaḥ pratāpavān ahīnaraḥ sutas tasya sahasrāśvastataḥ paraḥ // ### [1.66.41](https://indike.org/pramana/in.purana.linga.1.66.41) śubhaścandrāvalokaś ca tārāpīḍastato 'bhavat tasyātmajaścandragirir bhānucandras tato 'bhavat // ### [1.66.42](https://indike.org/pramana/in.purana.linga.1.66.42) śrutāyurabhavattasmād bṛhadbala iti smṛtaḥ bhārate yo mahātejāḥ saubhadreṇa nipātitaḥ // ### [1.66.43](https://indike.org/pramana/in.purana.linga.1.66.43) ete ikṣvākudāyādā rājānaḥ prāyaśaḥ smṛtāḥ vaṃśe pradhānā etasmin prādhānyena prakīrtitāḥ // ### [1.66.44](https://indike.org/pramana/in.purana.linga.1.66.44) sarve pāśupate jñānam adhītya parameśvaram samabhyarcya yathājñānam iṣṭvā yajñairyathāvidhi // ### [1.66.45](https://indike.org/pramana/in.purana.linga.1.66.45) divaṃ gatā mahātmānaḥ kecinmuktātmayoginaḥ nṛgo brāhmaṇaśāpena kṛkalāsatvam āgataḥ // ### [1.66.46](https://indike.org/pramana/in.purana.linga.1.66.46) dhṛṣṭaś ca dhṛṣṭaketuś ca yamabālaś ca vīryavān raṇadhṛṣṭaś ca te putrās trayaḥ paramadhārmikāḥ // ### [1.66.47](https://indike.org/pramana/in.purana.linga.1.66.47) ānarto nāma śaryāteḥ sukanyā nāma dārikā ānartasyābhavat putro rocamānaḥ pratāpavān // ### [1.66.48](https://indike.org/pramana/in.purana.linga.1.66.48) rocamānasya revo 'bhūd revād raivata eva ca kakudmī cāparo jyeṣṭhaputraḥ putraśatasya tu // ### [1.66.49](https://indike.org/pramana/in.purana.linga.1.66.49) revatī yasya sā kanyā patnī rāmasya viśrutā nariṣyantasya putro 'bhūj jitātmā tu mahābalī // ### [1.66.50](https://indike.org/pramana/in.purana.linga.1.66.50) nābhāgādaṃbarīṣastu viṣṇubhaktaḥ pratāpavān ṛtastasya sutaḥ śrīmān sarvadharmavidāṃvaraḥ // ### [1.66.51](https://indike.org/pramana/in.purana.linga.1.66.51) kṛtastasya sudharmābhūt pṛṣito nāma viśrutaḥ karūṣasya tu kārūṣāḥ sarve prakhyātakīrtayaḥ // ### [1.66.52](https://indike.org/pramana/in.purana.linga.1.66.52) pṛṣito hiṃsayitvā gāṃ guroḥ prāpa sukalmaṣam śāpācchūdratvam āpannaś cyavanasyeti viśrutaḥ // ### [1.66.53](https://indike.org/pramana/in.purana.linga.1.66.53) diṣṭaputrastu nābhāgas tasmādapi bhalandanaḥ bhalandanasya vikrānto rājāsīd ajavāhanaḥ // ### [1.66.54](https://indike.org/pramana/in.purana.linga.1.66.54) ete samāsataḥ proktā manuputrā mahābhujāḥ ikṣvākoḥ putrapautrādyā elasyātha vadāmi vaḥ // ### [1.66.55](https://indike.org/pramana/in.purana.linga.1.66.55) sūta uvāca ailaḥ purūravā nāma rudrabhaktaḥ pratāpavān cakre tvakaṇṭakaṃ rājyaṃ deśe puṇyatame dvijāḥ // ### [1.66.56](https://indike.org/pramana/in.purana.linga.1.66.56) uttare yamunātīre prayāge munisevite pratiṣṭhānādhipaḥ śrīmān pratiṣṭhāne pratiṣṭhitaḥ // ### [1.66.57](https://indike.org/pramana/in.purana.linga.1.66.57) tasya putrāḥ sapta bhavan sarve vitatatejasaḥ gandharvalokaviditā bhavabhaktā mahābalāḥ // ### [1.66.58](https://indike.org/pramana/in.purana.linga.1.66.58) āyur māyur amāyuś ca viśvāyuścaiva vīryavān śrutāyuś ca śatāyuś ca divyāścaivorvaśīsutāḥ // ### [1.66.59](https://indike.org/pramana/in.purana.linga.1.66.59) āyuṣastanayā vīrāḥ pañcaivāsanmahaujasaḥ svarbhānutanayāyāṃ te prabhāyāṃ jajñire nṛpāḥ // ### [1.66.60](https://indike.org/pramana/in.purana.linga.1.66.60) nahuṣaḥ prathamasteṣāṃ dharmajño lokaviśrutaḥ nahuṣasya tu dāyādāḥ ṣaḍindropamatejasaḥ // ### [1.66.61](https://indike.org/pramana/in.purana.linga.1.66.61) utpannāḥ pitṛkanyāyāṃ virajāyāṃ mahaujasaḥ yatiryayātiḥ saṃyātir āyātiḥ pañcamo 'ndhakaḥ // ### [1.66.62](https://indike.org/pramana/in.purana.linga.1.66.62) vijātiśceti ṣaḍime sarve prakhyātakīrtayaḥ yatirjyeṣṭhaś ca teṣāṃ vai yayātistu tato 'varaḥ // ### [1.66.63](https://indike.org/pramana/in.purana.linga.1.66.63) jyeṣṭhastu yatirmokṣārtho brahmabhūto 'bhavatprabhuḥ teṣāṃ yayātiḥ pañcānāṃ mahābalaparākramaḥ // ### [1.66.64](https://indike.org/pramana/in.purana.linga.1.66.64) devayānīmuśanasaḥ sutāṃ bhāryāmavāpa saḥ śarmiṣṭhāmāsurīṃ caiva tanayāṃ vṛṣaparvaṇaḥ // ### [1.66.65](https://indike.org/pramana/in.purana.linga.1.66.65) yaduṃ ca turvasuṃ caiva devayānī vyajāyata tāvubhau śubhakarmāṇau stutau vidyāviśāradau // ### [1.66.66](https://indike.org/pramana/in.purana.linga.1.66.66) druhyaṃ cānuṃ ca pūruṃ ca śarmiṣṭhā vārṣaparvaṇī yayātaye rathaṃ tasmai dadau śukraḥ pratāpavān // ### [1.66.67](https://indike.org/pramana/in.purana.linga.1.66.67) toṣitastena viprendraḥ prītaḥ paramabhāsvaram susaṃgaṃ kāñcanaṃ divyam akṣaye ca maheṣudhī // ### [1.66.68](https://indike.org/pramana/in.purana.linga.1.66.68) yuktaṃ manojavair aśvair yena kanyāṃ samudvahan sa tena rathamukhyena ṣaṇmāsenājayanmahīm // ### [1.66.69](https://indike.org/pramana/in.purana.linga.1.66.69) yayātiryudhi durdharṣo devadānavamānuṣaiḥ bhavabhaktastu puṇyātmā dharmaniṣṭhaḥ samañjasaḥ // ### [1.66.70](https://indike.org/pramana/in.purana.linga.1.66.70) yajñayājī jitakrodhaḥ sarvabhūtānukampanaḥ kauravāṇāṃ ca sarveṣāṃ sa bhavadratha uttamaḥ // ### [1.66.71](https://indike.org/pramana/in.purana.linga.1.66.71) yāvannarendrapravaraḥ kauravo janamejayaḥ pūrorvaṃśasya rājñastu rājñaḥ pārikṣitasya tu // ### [1.66.72](https://indike.org/pramana/in.purana.linga.1.66.72) jagāma sa ratho nāśaṃ śāpādgargasya dhīmataḥ gargasya hi sutaṃ bālaṃ sa rājā janamejayaḥ // ### [1.66.73](https://indike.org/pramana/in.purana.linga.1.66.73) akrūraṃ hiṃsayāmāsa brahmahatyāmavāpa saḥ sa lohagandhī rājarṣiḥ paridhāvannitastataḥ // ### [1.66.74](https://indike.org/pramana/in.purana.linga.1.66.74) paurajānapadaistyakto na lebhe śarma karhicit tataḥ sa duḥkhasaṃtapto na lebhe saṃvidaṃ kvacit // ### [1.66.75](https://indike.org/pramana/in.purana.linga.1.66.75) jagāma śaunakamṛṣiṃ śaraṇyaṃ vyathitastadā indretir nāma vikhyāto yo 'sau munirudāradhīḥ // ### [1.66.76](https://indike.org/pramana/in.purana.linga.1.66.76) yājayāmāsa cendretis taṃ nṛpaṃ janamejayam aśvamedhena rājānaṃ pāvanārthaṃ dvijottamāḥ // ### [1.66.77](https://indike.org/pramana/in.purana.linga.1.66.77) sa lohagandhānnirmukta enasā ca mahāyaśāḥ yajñasyāvabhṛthe madhye yāto divyo rathaḥ śubhaḥ // ### [1.66.78](https://indike.org/pramana/in.purana.linga.1.66.78) tasmādvaṃśātparibhraṣṭo vasoścedipateḥ punaḥ dattaḥ śakreṇa tuṣṭena lebhe tasmād bṛhadrathaḥ // ### [1.66.79](https://indike.org/pramana/in.purana.linga.1.66.79) tato hatvā jarāsaṃdhaṃ bhīmastaṃ rathamuttamam pradadau vāsudevāya prītyā kauravanandanaḥ // ### [1.66.80](https://indike.org/pramana/in.purana.linga.1.66.80) sūta uvāca abhyaṣiñcatpuruṃ putraṃ yayātirnāhuṣaḥ prabhuḥ kṛtopakārastenaiva puruṇā dvijasattamāḥ // ### [1.66.81](https://indike.org/pramana/in.purana.linga.1.66.81) abhiṣektukāmaṃ ca nṛpaṃ puruṃ putraṃ kanīyasam brāhmaṇapramukhā varṇā idaṃ vacanamabruvan // ### [1.66.82](https://indike.org/pramana/in.purana.linga.1.66.82) kathaṃ śukrasya naptāraṃ devayānyāḥ sutaṃ prabho jyeṣṭhaṃ yadumatikramya kanīyānrājyamarhati // ### [1.66.83](https://indike.org/pramana/in.purana.linga.1.66.83) ete saṃbodhayāmastvāṃ dharmaṃ ca anupālaya // ### [1.66.83.p1](https://indike.org/pramana/in.purana.linga.1.66.83.p1) iti śrīliṅgamahāpurāṇe pūrvabhāge ṣaṭṣaṣṭitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.73.2) — Gaṇeśa Bhaṭṭa, Sanskrit ## Linked texts (11) - [Vāyupurāṇa](https://indike.org/pramana/in.purana.vayu.2.26.83) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.63.77) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.9.88) — Sanskrit - [Kūrmapurāṇa](https://indike.org/pramana/in.purana.kurma.1.20.2) — Vyāsa, Sanskrit - [Brahmapurāṇa](https://indike.org/pramana/in.purana.brahma.7.97) — Vyāsa, Sanskrit - [Padmapurāṇa](https://indike.org/pramana/in.purana.padma.1.8.146) — Vyāsa, Sanskrit - [Matsyapurāṇa](https://indike.org/pramana/in.purana.matsya.12.40) — Vyāsa, Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.1.85.20) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.75.1) — Ativīrarāma Pāṇṭiyar 1500, Sanskrit - [Smṛtiratnākara](https://indike.org/pramana/in.niti.dharma.acara.smrtiratnakara.2.p16.4) — Veṅkaṭanātha, Sanskrit - [Smṛtiratnākara (Viṭṭhalanātha)](https://indike.org/pramana/in.niti.dharma.nibandha.smrtiratnakara-vitthala.2.p16.4) — Viṭṭhalanātha, Sanskrit --- Source: [https://indike.org/pramana/in.purana.linga.1.66](https://indike.org/pramana/in.purana.linga.1.66) · Pramāṇa