[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.67 # Lingapurana 1.67 Liṅgapurāṇa 1.67 - **Language:** Sanskrit ## Contents - [1.67.28](https://indike.org/pramana/in.purana.linga.1.67.28) — 1 part ### [1.67.1](https://indike.org/pramana/in.purana.linga.1.67.1) yayātiruvāca brāhmaṇapramukhā varṇāḥ sarve śṛṇvantu me vacaḥ jyeṣṭhaṃ prati yathā rājyaṃ na deyaṃ me kathañcana // ### [1.67.2](https://indike.org/pramana/in.purana.linga.1.67.2) mama jyeṣṭhena yadunā niyogo nānupālitaḥ pratikūlamatiścaiva na sa putraḥ satāṃ mataḥ // ### [1.67.3](https://indike.org/pramana/in.purana.linga.1.67.3) mātāpitrorvacanakṛt sadbhiḥ putraḥ praśasyate sa putraḥ putravad yas tu vartate mātṛpitṛṣu // ### [1.67.4](https://indike.org/pramana/in.purana.linga.1.67.4) yadunāhamavajñātas tathā turvasunāpi ca druhyena cānunā caiva mayyavajñā kṛtā bhṛśam // ### [1.67.5](https://indike.org/pramana/in.purana.linga.1.67.5) puruṇā ca kṛtaṃ vākyaṃ mānitaś ca viśeṣataḥ kanīyānmama dāyādo jarā yena dhṛtā mama // ### [1.67.6](https://indike.org/pramana/in.purana.linga.1.67.6) śukreṇa me samādiṣṭā devayānyāḥ kṛte jarā prārthitena punastena jarā saṃcāriṇī kṛtā // ### [1.67.7](https://indike.org/pramana/in.purana.linga.1.67.7) śukreṇa ca varo dattaḥ kāvyenośanasā svayam putro yastvanuvarteta sa te rājyadharastviti // ### [1.67.8](https://indike.org/pramana/in.purana.linga.1.67.8) bhavanto 'pyanujānantu pūrū rājye 'bhiṣicyate yaḥ putro guṇasampanno mātāpitrorhitaḥ sadā // ### [1.67.9](https://indike.org/pramana/in.purana.linga.1.67.9) sarvamarhati kalyāṇaṃ kanīyān api sa prabhuḥ arhaḥ pūruridaṃ rājyaṃ yaḥ suto vākyakṛttava // ### [1.67.10](https://indike.org/pramana/in.purana.linga.1.67.10) varadānena śukrasya na śakyaṃ kartumanyathā evaṃ jānapadaistuṣṭair ityukto nāhuṣastadā // ### [1.67.11](https://indike.org/pramana/in.purana.linga.1.67.11) abhiṣicya tato rājyaṃ pūruṃ sa sutam ātmanaḥ diśi dakṣiṇapūrvasyāṃ turvasuṃ putramādiśat // ### [1.67.12](https://indike.org/pramana/in.purana.linga.1.67.12) dakṣiṇāyāmatho rājā yaduṃ jyeṣṭhaṃ nyayojayat pratīcyāmuttarasyāṃ tu druhyuṃ cānuṃ ca tāvubhau // ### [1.67.13](https://indike.org/pramana/in.purana.linga.1.67.13) saptadvīpāṃ yayātistu jitvā pṛthvīṃ sasāgarām vyabhajacca tridhā rājyaṃ putrebhyo nāhuṣastadā // ### [1.67.14](https://indike.org/pramana/in.purana.linga.1.67.14) putrasaṃkrāmitaśrīstu harṣanirbharamānasaḥ prītimānabhavadrājā bhāram āveśya bandhuṣu // ### [1.67.15](https://indike.org/pramana/in.purana.linga.1.67.15) atra gāthā mahārājñā purā gītā yayātinā yābhiḥ pratyāharet kāmān sarvato 'ṅgāni kūrmavat // ### [1.67.16](https://indike.org/pramana/in.purana.linga.1.67.16) tābhir eva naraḥ śrīmān nānyathā karmakoṭikṛt na jātu kāmaḥ kāmānām upabhogena śāmyati // ### [1.67.17](https://indike.org/pramana/in.purana.linga.1.67.17) haviṣā kṛṣṇavartmeva bhūya evābhivardhate yatpṛthivyāṃ vrīhiyavaṃ hiraṇyaṃ paśavaḥ striyaḥ // ### [1.67.18](https://indike.org/pramana/in.purana.linga.1.67.18) nālamekasya tatsarvam iti matvā śamaṃ vrajet yadā na kurute bhāvaṃ sarvabhūteṣu pāpakam // ### [1.67.19](https://indike.org/pramana/in.purana.linga.1.67.19) karmaṇā manasā vācā brahma sampadyate tadā yadā parānna bibheti pare cāsmānna bibhyati // ### [1.67.20](https://indike.org/pramana/in.purana.linga.1.67.20) yadā na nindenna dveṣṭi brahma sampadyate tadā yā dustyajā durmatibhir yānajīryati jīryataḥ // ### [1.67.21](https://indike.org/pramana/in.purana.linga.1.67.21) yo 'sau prāṇāntiko rogas tāṃ tṛṣṇāṃ tyajataḥ sukham jīryanti jīryataḥ keśā dantā jīryanti jīryataḥ // ### [1.67.22](https://indike.org/pramana/in.purana.linga.1.67.22) cakṣuḥśrotre ca jīryete tṛṣṇaikā nirupadravā jīryanti dehinaḥ sarve svabhāvādeva nānyathā // ### [1.67.23](https://indike.org/pramana/in.purana.linga.1.67.23) jīvitāśā dhanāśā ca jīryato 'pi na jīryate yacca kāmasukhaṃ loke yacca divyaṃ mahatsukham // ### [1.67.24](https://indike.org/pramana/in.purana.linga.1.67.24) tṛṣṇākṣayasukhasyaitat kalāṃ nārhati ṣoḍaśīm evamuktvā sa rājarṣiḥ sadāraḥ prāviśadvanam // ### [1.67.25](https://indike.org/pramana/in.purana.linga.1.67.25) bhṛgutuṅge tapastaptvā tatraiva ca mahāyaśāḥ sādhayitvā tvanaśanaṃ sadāraḥ svargamāptavān // ### [1.67.26](https://indike.org/pramana/in.purana.linga.1.67.26) tasya vaṃśāstu pañcaite puṇyā devarṣisatkṛtāḥ yairvyāptā pṛthivī kṛtsnā sūryasyeva marīcibhiḥ // ### [1.67.27](https://indike.org/pramana/in.purana.linga.1.67.27) dhanī prajāvān āyuṣmān kīrtimāṃś ca bhavennaraḥ yayāticaritaṃ puṇyaṃ paṭhañchṛṇvaṃś ca buddhimān // ### [1.67.28](https://indike.org/pramana/in.purana.linga.1.67.28) sarvapāpavinirmuktaḥ śivaloke mahīyate // ### [1.67.28.p1](https://indike.org/pramana/in.purana.linga.1.67.28.p1) iti śrīliṅgamahāpurāṇe pūrvabhāge somavaṃśe yayāticaritaṃ nāma saptaṣaṣṭitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.74.10) — Gaṇeśa Bhaṭṭa, Sanskrit ## Linked texts (9) - [Vāyupurāṇa](https://indike.org/pramana/in.purana.vayu.2.31.93) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.68.80) — Vyāsa, Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.1.85.23) — Sanskrit - [Matsyapurāṇa](https://indike.org/pramana/in.purana.matsya.34.19) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.22.16) — Sanskrit - [Brahmapurāṇa](https://indike.org/pramana/in.purana.brahma.12.18) — Vyāsa, Sanskrit - [Mudgalapurāṇa](https://indike.org/pramana/in.purana.upa.surya.mudgala.3.31.71) — Sanskrit - [Kūrmapurāṇa](https://indike.org/pramana/in.purana.kurma.1.21.9) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.76.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.67](https://indike.org/pramana/in.purana.linga.1.67) · Pramāṇa