[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.68 # Lingapurana 1.68 Liṅgapurāṇa 1.68 - **Language:** Sanskrit ## Contents - [1.68.51](https://indike.org/pramana/in.purana.linga.1.68.51) — 1 part ### [1.68.1](https://indike.org/pramana/in.purana.linga.1.68.1) sūta uvāca yadorvaṃśaṃ pravakṣyāmi jyeṣṭhasyottamatejasaḥ saṃkṣepeṇānupūrvyācca gadato me nibodhata // ### [1.68.2](https://indike.org/pramana/in.purana.linga.1.68.2) yadoḥ putrā babhūvur hi pañca devasutopamāḥ sahasrajitsuto jyeṣṭhaḥ kroṣṭur nīlo 'jako laghuḥ // ### [1.68.3](https://indike.org/pramana/in.purana.linga.1.68.3) sahasrajitsutastadvac chatajinnāma pārthivaḥ sutāḥ śatajitaḥ khyātās trayaḥ paramakīrtayaḥ // ### [1.68.4](https://indike.org/pramana/in.purana.linga.1.68.4) haihayaś ca hayaścaiva rājā veṇuhayaś ca yaḥ haihayasya tu dāyādo dharma ityabhiviśrutaḥ // ### [1.68.5](https://indike.org/pramana/in.purana.linga.1.68.5) tasya putro 'bhavadviprā dharmanetra iti śrutaḥ dharmanetrasya kīrtis tu saṃjayas tasya cātmajaḥ // ### [1.68.6](https://indike.org/pramana/in.purana.linga.1.68.6) saṃjayasya tu dāyādo mahiṣmānnāma dhārmikaḥ āsīn mahiṣmataḥ putro bhadraśreṇyaḥ pratāpavān // ### [1.68.7](https://indike.org/pramana/in.purana.linga.1.68.7) bhadraśreṇyasya dāyādo durdamo nāma pārthivaḥ durdamasya suto dhīmān dhanako nāma viśrutaḥ // ### [1.68.8](https://indike.org/pramana/in.purana.linga.1.68.8) dhanakasya tu dāyādāś catvāro lokasaṃmatāḥ kṛtavīryaḥ kṛtāgniś ca kṛtavarmā tathaiva ca // ### [1.68.9](https://indike.org/pramana/in.purana.linga.1.68.9) kṛtaujāś ca caturtho 'bhūt kārtavīryastato 'rjunaḥ jajñe bāhusahasreṇa saptadvīpeśvarottamaḥ // ### [1.68.10](https://indike.org/pramana/in.purana.linga.1.68.10) tasya rāmas tadā tvāsīn mṛtyurnārāyaṇātmakaḥ tasya putraśatānyāsan pañca tatra mahārathāḥ // ### [1.68.11](https://indike.org/pramana/in.purana.linga.1.68.11) kṛtāstrā balinaḥ śūrā dharmātmāno manasvinaḥ śūraś ca śūrasenaś ca dhṛṣṭaḥ kṛṣṇastathaiva ca // ### [1.68.12](https://indike.org/pramana/in.purana.linga.1.68.12) jayadhvajaś ca rājāsīd āvantīnāṃ viśāṃ patiḥ jayadhvajasya putro 'bhūt tālajaṅgho mahābalaḥ // ### [1.68.13](https://indike.org/pramana/in.purana.linga.1.68.13) śataṃ putrāstu tasyeha tālajaṅghāḥ prakīrtitāḥ teṣāṃ jyeṣṭho mahāvīryo vītihotro 'bhavannṛpaḥ // ### [1.68.14](https://indike.org/pramana/in.purana.linga.1.68.14) vṛṣaprabhṛtayaścānye tatsutāḥ puṇyakarmaṇaḥ vṛṣo vaṃśakarasteṣāṃ tasya putro 'bhavanmadhuḥ // ### [1.68.15](https://indike.org/pramana/in.purana.linga.1.68.15) madhoḥ putraśataṃ cāsīd vṛṣṇistasya tu vaṃśabhāk vṛṣṇestu vṛṣṇayaḥ sarve madhorvai mādhavāḥ smṛtāḥ yādavā yaduvaṃśena nirucyante tu haihayāḥ // ### [1.68.16](https://indike.org/pramana/in.purana.linga.1.68.16) teṣāṃ pañca gaṇā hyete haihayānāṃ mahātmanām // ### [1.68.17](https://indike.org/pramana/in.purana.linga.1.68.17) vītihotrāś ca haryātā bhojāścāvantayas tathā śūrasenāstu vikhyātās tālajaṅghāstathaiva ca // ### [1.68.18](https://indike.org/pramana/in.purana.linga.1.68.18) śūraś ca śūrasenaś ca vṛṣaḥ kṛṣṇastathaiva ca jayadhvajaḥ pañcamastu vikhyātā haihayottamāḥ // ### [1.68.19](https://indike.org/pramana/in.purana.linga.1.68.19) śūraś ca śūravīraś ca śūrasenasya cānaghāḥ śūrasenā iti khyātā deśāsteṣāṃ mahātmanām // ### [1.68.20](https://indike.org/pramana/in.purana.linga.1.68.20) vītihotrasutaścāpi viśruto narta ityuta durjayaḥ kṛṣṇaputrastu babhūvāmitrakarśanaḥ // ### [1.68.21](https://indike.org/pramana/in.purana.linga.1.68.21) kroṣṭuś ca śṛṇu rājarṣer vaṃśamuttamapauruṣam yasyānvaye tu sambhūto viṣṇur vṛṣṇikulodvahaḥ // ### [1.68.22](https://indike.org/pramana/in.purana.linga.1.68.22) kroṣṭoreko 'bhavatputro vṛjinīvānmahāyaśāḥ tasya putro 'bhavat svātī kuśaṅkus tatsuto 'bhavat // ### [1.68.23](https://indike.org/pramana/in.purana.linga.1.68.23) atha prasūtimicchanvai kuśaṅkuḥ sumahābalaḥ mahākratubhir īje 'sau vividhairāptadakṣiṇaiḥ // ### [1.68.24](https://indike.org/pramana/in.purana.linga.1.68.24) jajñe citrarathastasya putraḥ karmabhir anvitaḥ atha caitraratho vīro yajvā vipuladakṣiṇaḥ // ### [1.68.25](https://indike.org/pramana/in.purana.linga.1.68.25) śaśabindus tu vai rājā anvayād vratam uttamam cakravartī mahāsattvo mahāvīryo bahuprajāḥ // ### [1.68.26](https://indike.org/pramana/in.purana.linga.1.68.26) śaśabindostu putrāṇāṃ sahasrāṇāmabhūcchatam śaṃsanti tasya putrāṇām anantakam anuttamam // ### [1.68.27](https://indike.org/pramana/in.purana.linga.1.68.27) anantakāt suto yajño yajñasya tanayo dhṛtiḥ uśanāstasya tanayaḥ samprāpya tu mahīmimām // ### [1.68.28](https://indike.org/pramana/in.purana.linga.1.68.28) ājahārāśvamedhānāṃ śatamuttamadhārmikaḥ smṛtaścośanasaḥ putraḥ siteṣur nāma pārthivaḥ // ### [1.68.29](https://indike.org/pramana/in.purana.linga.1.68.29) marutastasya tanayo rājarṣirvaṃśavardhanaḥ vīraḥ kambalabarhistu marustasyātmajaḥ smṛtaḥ // ### [1.68.30](https://indike.org/pramana/in.purana.linga.1.68.30) putrastu rukmakavaco vidvān kambalabarhiṣaḥ nihatya rukmakavaco vīrān kavacino raṇe // ### [1.68.31](https://indike.org/pramana/in.purana.linga.1.68.31) dhanvino niśitair bāṇair avāpa śriyamuttamām aśvamedhe tu dharmātmā ṛtvigbhyaḥ pṛthivīṃ dadau // ### [1.68.32](https://indike.org/pramana/in.purana.linga.1.68.32) jajñe tu rukmakavacāt parāvṛtparavīrahā jajñire pañca putrāstu mahāsattvāḥ parāvṛtaḥ // ### [1.68.33](https://indike.org/pramana/in.purana.linga.1.68.33) rukmeṣuḥ pṛthurukmaś ca jyāmaghaḥ parigho hariḥ parighaṃ ca hariṃ caiva videheṣu pitā nyasat // ### [1.68.34](https://indike.org/pramana/in.purana.linga.1.68.34) rukmeṣurabhavadrājā pṛthurukmastadāśrayāt taistu pravrājito rājā jyāmagho 'vasadāśrame // ### [1.68.35](https://indike.org/pramana/in.purana.linga.1.68.35) praśāntaḥ sa vanastho 'pi brāhmaṇaireva bodhitaḥ jagāma dhanurādāya deśamanyaṃ dhvajī rathī // ### [1.68.36](https://indike.org/pramana/in.purana.linga.1.68.36) narmadātīramekākī kevalaṃ bhāryayā yutaḥ ṛkṣavantaṃ giriṃ gatvā tyaktamanyairuvāsa saḥ // ### [1.68.37](https://indike.org/pramana/in.purana.linga.1.68.37) jyāmaghasyābhavadbhāryā śaibyā śīlavatī satī sā caiva tapasogreṇa śaibyā vai samprasūyata // ### [1.68.38](https://indike.org/pramana/in.purana.linga.1.68.38) sutaṃ vidarbhaṃ subhagā vayaḥpariṇatā satī rājā putrasutāyāṃ tu vidvāṃsau krathakaiśikau // ### [1.68.39](https://indike.org/pramana/in.purana.linga.1.68.39) putrau vidarbharājasya śūrau raṇaviśāradau romapādastṛtīyaś ca babhrustasyātmajaḥ smṛtaḥ // ### [1.68.40](https://indike.org/pramana/in.purana.linga.1.68.40) sudhṛtistanayastasya vidvānparamadhārmikaḥ kauśikastanayastasmāt tasmāccaidyānvayaḥ smṛtaḥ // ### [1.68.41](https://indike.org/pramana/in.purana.linga.1.68.41) kratho vidarbhasya sutaḥ kuntistasyātmajo 'bhavat kunter vṛtastato jajñe raṇadhṛṣṭaḥ pratāpavān // ### [1.68.42](https://indike.org/pramana/in.purana.linga.1.68.42) raṇadhṛṣṭasya ca suto nidhṛtiḥ paravīrahā daśārho naidhṛto nāmnā mahārigaṇasūdanaḥ // ### [1.68.43](https://indike.org/pramana/in.purana.linga.1.68.43) daśārhasya suto vyāpto jīmūta iti tatsutaḥ jīmūtaputro vikṛtis tasya bhīmarathaḥ sutaḥ // ### [1.68.44](https://indike.org/pramana/in.purana.linga.1.68.44) atha bhīmarathasyāsīt putro navarathaḥ kila dānadharmarato nityaṃ satyaśīlaparāyaṇaḥ // ### [1.68.45](https://indike.org/pramana/in.purana.linga.1.68.45) tasya cāsīddṛḍharathaḥ śakunistasya cātmajaḥ tasmāt karambhaḥ sambhūto devarāto 'bhavattataḥ // ### [1.68.46](https://indike.org/pramana/in.purana.linga.1.68.46) devarātādabhūdrājā devarātir mahāyaśāḥ devagarbhopamo jajñe yo devakṣatranāmakaḥ // ### [1.68.47](https://indike.org/pramana/in.purana.linga.1.68.47) devakṣatrasutaḥ śrīmān madhurnāma mahāyaśāḥ madhūnāṃ vaṃśakṛdrājā madhostu kuruvaṃśakaḥ // ### [1.68.48](https://indike.org/pramana/in.purana.linga.1.68.48) kuruvaṃśād anus tasmāt purutvān puruṣottamaḥ aṃśurjajñe ca vaidarbhyāṃ bhadravatyāṃ purutvataḥ // ### [1.68.49](https://indike.org/pramana/in.purana.linga.1.68.49) aikṣvākīm avahaccāṃśuḥ sattvastasmādajāyata sattvāt sarvaguṇopetaḥ sātvataḥ kulavardhanaḥ // ### [1.68.50](https://indike.org/pramana/in.purana.linga.1.68.50) jyāmaghasya mayā proktā sṛṣṭirvai vistareṇa vaḥ yaḥ paṭhecchṛṇuyādvāpi nisṛṣṭiṃ jyāmaghasya tu // ### [1.68.51](https://indike.org/pramana/in.purana.linga.1.68.51) prajīvatyeti vai svargaṃ rājyaṃ saukhyaṃ ca vindati // ### [1.68.51.p1](https://indike.org/pramana/in.purana.linga.1.68.51.p1) iti śrīliṅgamahāpurāṇe pūrvabhāge vaṃśānuvarṇanaṃ nāmāṣṭaṣaṣṭitamo 'dhyāyaḥ ## Linked texts (9) - [Vāyupurāṇa](https://indike.org/pramana/in.purana.vayu.2.32.3) — Vyāsa, Sanskrit - [Matsyapurāṇa](https://indike.org/pramana/in.purana.matsya.43.5) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.23.133x388-1) — Sanskrit - [Padmapurāṇa](https://indike.org/pramana/in.purana.padma.1.13.11) — Vyāsa, Sanskrit - [Brahmapurāṇa](https://indike.org/pramana/in.purana.brahma.15.10) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.21.13) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.69.1) — Vyāsa, Sanskrit - [Mudgalapurāṇa](https://indike.org/pramana/in.purana.upa.surya.mudgala.3.38.4) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.77.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.68](https://indike.org/pramana/in.purana.linga.1.68) · Pramāṇa