[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.6 # Lingapurana 1.6 Liṅgapurāṇa 1.6 - **Language:** Sanskrit ### [1.6.1](https://indike.org/pramana/in.purana.linga.1.6.1) sūta uvāca pavamānaḥ pāvakaś ca śuciragniś ca te smṛtāḥ nirmathyaḥ pavamānastu vaidyutaḥ pāvakaḥ smṛtaḥ // ### [1.6.2](https://indike.org/pramana/in.purana.linga.1.6.2) śuciḥ saurastu vijñeyaḥ svāhāputrāstrayastu te putraiḥ pautraistvihaiteṣāṃ saṃkhyā saṃkṣepataḥ smṛtā // ### [1.6.3](https://indike.org/pramana/in.purana.linga.1.6.3) visṛjya saptakaṃ cādau catvāriṃśannavaiva ca ityete vahnayaḥ proktāḥ praṇīyante 'dhvareṣu ca // ### [1.6.4](https://indike.org/pramana/in.purana.linga.1.6.4) sarve tapasvinastvete sarve vratabhṛtaḥ smṛtāḥ prajānāṃ patayaḥ sarve sarve rudrātmakāḥ smṛtāḥ // ### [1.6.5](https://indike.org/pramana/in.purana.linga.1.6.5) ayajvānaś ca yajvānaḥ pitaraḥ prītimānasāḥ agniṣvāttāś ca yajvānaḥ śeṣā barhiṣadaḥ smṛtāḥ // ### [1.6.6](https://indike.org/pramana/in.purana.linga.1.6.6) menāṃ tu mānasīṃ teṣāṃ janayāmāsa vai svadhā agniṣvāttātmajā menā mānasī lokaviśrutā // ### [1.6.7](https://indike.org/pramana/in.purana.linga.1.6.7) asūta menā mainākaṃ krauñcaṃ tasyānujāmumām gaṅgāṃ haimavatīṃ jajñe bhavāṅgāśleṣapāvanīm // ### [1.6.8](https://indike.org/pramana/in.purana.linga.1.6.8) dharaṇīṃ janayāmāsa mānasīṃ yajñayājinīm svadhā sā merurājasya patnī padmasamānanā // ### [1.6.9](https://indike.org/pramana/in.purana.linga.1.6.9) pitaro 'mṛtapāḥ proktās teṣāṃ caiveha vistaraḥ ṛṣīṇāṃ ca kulaṃ sarvaṃ śṛṇudhvaṃ tatsuvistaram // ### [1.6.10](https://indike.org/pramana/in.purana.linga.1.6.10) vadāmi pṛthagadhyāyasaṃsthitaṃ vastadūrdhvataḥ dākṣāyaṇī satī yātā pārśvaṃ rudrasya pārvatī // ### [1.6.11](https://indike.org/pramana/in.purana.linga.1.6.11) paścāddakṣaṃ vinindyaiṣā patiṃ lebhe bhavaṃ tathā tāṃ dhyātvā vyasṛjadrudrān anekānnīlalohitaḥ // ### [1.6.12](https://indike.org/pramana/in.purana.linga.1.6.12) ātmanastu samānsarvān sarvalokanamaskṛtān yācito muniśārdūlā brahmaṇā prahasan kṣaṇāt // ### [1.6.13](https://indike.org/pramana/in.purana.linga.1.6.13) taistu saṃchāditaṃ sarvaṃ caturdaśavidhaṃ jagat tāndṛṣṭvā vividhān rudrān nirmalānnīlalohitān // ### [1.6.14](https://indike.org/pramana/in.purana.linga.1.6.14) jarāmaraṇanirmuktān prāha rudrānpitāmahaḥ namo 'stu vo mahādevās trinetrā nīlalohitāḥ // ### [1.6.15](https://indike.org/pramana/in.purana.linga.1.6.15) sarvajñāḥ sarvagā dīrghā hrasvā vāmanakāḥ śubhāḥ hiraṇyakeśā dṛṣṭighnā nityā buddhāś ca nirmalāḥ // ### [1.6.16](https://indike.org/pramana/in.purana.linga.1.6.16) nirdvaṃdvā vītarāgāś ca viśvātmāno bhavātmajāḥ evaṃ stutvā tadā rudrān rudraṃ cāha bhavaṃ śivam pradakṣiṇīkṛtya tadā bhagavānkanakāṇḍajaḥ // ### [1.6.17](https://indike.org/pramana/in.purana.linga.1.6.17) namo 'stu te mahādeva prajā nārhasi śaṃkara mṛtyuhīnā vibho sraṣṭuṃ mṛtyuyuktāḥ sṛja prabho // ### [1.6.18](https://indike.org/pramana/in.purana.linga.1.6.18) tatastamāha bhagavān na hi me tādṛśī sthitiḥ sa tvaṃ sṛja yathākāmaṃ mṛtyuyuktāḥ prajāḥ prabho // ### [1.6.19](https://indike.org/pramana/in.purana.linga.1.6.19) labdhvā sasarja sakalaṃ śaṃkarāccaturānanaḥ jarāmaraṇasaṃyuktaṃ jagadetaccarācaram // ### [1.6.20](https://indike.org/pramana/in.purana.linga.1.6.20) śaṃkaro 'pi tadā rudrair nivṛttātmā hyadhiṣṭhitaḥ sthāṇutvaṃ tasya vai viprāḥ śaṃkarasya mahātmanaḥ // ### [1.6.21](https://indike.org/pramana/in.purana.linga.1.6.21) niṣkalasyātmanaḥ śambhoḥ svecchādhṛtaśarīriṇaḥ śaṃ rudraḥ sarvabhūtānāṃ karoti ghṛṇayā yataḥ // ### [1.6.22](https://indike.org/pramana/in.purana.linga.1.6.22) śaṃkaraścāprayatnena tadātmā yogavidyayā vairāgyasthaṃ viraktasya vimuktiryacchamucyate // ### [1.6.23](https://indike.org/pramana/in.purana.linga.1.6.23) aṇostu viṣayatyāgaḥ saṃsārabhayataḥ kramāt vairāgyājjāyate puṃso virāgo darśanāntare // ### [1.6.24](https://indike.org/pramana/in.purana.linga.1.6.24) vimukhyo viguṇatyāgo vijñānasyāvicārataḥ tasya cāsya ca saṃdhānaṃ prasādātparameṣṭhinaḥ // ### [1.6.25](https://indike.org/pramana/in.purana.linga.1.6.25) dharmo jñānaṃ ca vairāgyam aiśvaryaṃ śaṃkarādiha sa eva śaṃkaraḥ sākṣāt pinākī nīlalohitaḥ // ### [1.6.26](https://indike.org/pramana/in.purana.linga.1.6.26) ye śaṃkarāśritāḥ sarve mucyante te na saṃśayaḥ na gacchantyeva narakaṃ pāpiṣṭhā api dāruṇam // ### [1.6.27](https://indike.org/pramana/in.purana.linga.1.6.27) āśritāḥ śaṃkaraṃ tasmāt prāpnuvanti ca śāśvatam māyāntāścaiva ghorādyā hy aṣṭaviṃśatireva ca // ### [1.6.28](https://indike.org/pramana/in.purana.linga.1.6.28) koṭayo narakāṇāṃ tu pacyante tāsu pāpinaḥ anāśritāḥ śivaṃ rudraṃ śaṃkaraṃ nīlalohitam // ### [1.6.29](https://indike.org/pramana/in.purana.linga.1.6.29) āśrayaṃ sarvabhūtānām avyayaṃ jagatāṃ patim puruṣaṃ paramātmānaṃ puruhūtaṃ puruṣṭutam // ### [1.6.30](https://indike.org/pramana/in.purana.linga.1.6.30) tamasā kālarudrākhyaṃ rajasā kanakāṇḍajam sattvena sarvagaṃ viṣṇuṃ nirguṇatve maheśvaram // ### [1.6.31](https://indike.org/pramana/in.purana.linga.1.6.31) kena gacchanti narakaṃ narāḥ kena mahāmate karmaṇākarmaṇā vāpi śrotuṃ kautūhalaṃ hi naḥ // ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.7.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.6](https://indike.org/pramana/in.purana.linga.1.6) · Pramāṇa