[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.71 # Lingapurana 1.71 Liṅgapurāṇa 1.71 - **Language:** Sanskrit ## Contents - [1.71.163](https://indike.org/pramana/in.purana.linga.1.71.163) — 1 part ### [1.71.1](https://indike.org/pramana/in.purana.linga.1.71.1) ṛṣaya ūcuḥ samāsād vistarāccaiva sargaḥ proktastvayā śubhaḥ kathaṃ paśupatiścāsīt puraṃ dagdhuṃ maheśvaraḥ // ### [1.71.2](https://indike.org/pramana/in.purana.linga.1.71.2) kathaṃ ca paśavaścāsan devāḥ sabrahmakāḥ prabhoḥ mayasya tapasā pūrvaṃ sudurgaṃ nirmitaṃ puram // ### [1.71.3](https://indike.org/pramana/in.purana.linga.1.71.3) haimaṃ ca rājataṃ divyam ayasmayam anuttamam sudurgaṃ devadevena dagdhamityeva naḥ śrutam // ### [1.71.4](https://indike.org/pramana/in.purana.linga.1.71.4) kathaṃ dadāha bhagavān bhaganetranipātanaḥ ekeneṣunipātena divyenāpi tadā katham // ### [1.71.5](https://indike.org/pramana/in.purana.linga.1.71.5) viṣṇunotpāditairbhūtair na dagdhaṃ tatpuratrayam purasya saṃbhavaḥ sarvo varalābhaḥ purā śrutaḥ // ### [1.71.6](https://indike.org/pramana/in.purana.linga.1.71.6) idānīṃ dahanaṃ sarvaṃ vaktumarhasi suvrata teṣāṃ tadvacanaṃ śrutvā sūtaḥ paurāṇikottamaḥ // ### [1.71.7](https://indike.org/pramana/in.purana.linga.1.71.7) yathā śrutaṃ tathā prāha vyāsād viśvārthasūcakāt trailokyasyāsya śāpāddhi manovākkāyasaṃbhavāt // ### [1.71.8](https://indike.org/pramana/in.purana.linga.1.71.8) nihate tārake daitye tāraputre sabāndhave skandena vā prayatnena tasya putrā mahābalāḥ // ### [1.71.9](https://indike.org/pramana/in.purana.linga.1.71.9) vidyunmālī tārakākṣaḥ kamalākṣaś ca vīryavān tapastepurmahātmāno mahābalaparākramāḥ // ### [1.71.10](https://indike.org/pramana/in.purana.linga.1.71.10) tapa ugraṃ samāsthāya niyame parame sthitāḥ tapasā karśayāmāsur dehān svāndānavottamāḥ // ### [1.71.11](https://indike.org/pramana/in.purana.linga.1.71.11) teṣāṃ pitāmahaḥ prīto varadaḥ pradadau varam avadhyatvaṃ ca sarveṣāṃ sarvabhūteṣu sarvadā // ### [1.71.12](https://indike.org/pramana/in.purana.linga.1.71.12) sahitā varayāmāsuḥ sarvalokapitāmaham tān abravīt tadā devo lokānāṃ prabhur avyayaḥ // ### [1.71.13](https://indike.org/pramana/in.purana.linga.1.71.13) nāsti sarvāmaratvaṃ vai nivartadhvam ato 'surāḥ anyaṃ varaṃ vṛṇīdhvaṃ vai yādṛśaṃ samprarocate // ### [1.71.14](https://indike.org/pramana/in.purana.linga.1.71.14) tataste sahitā daityāḥ sampradhārya parasparam brahmāṇamabruvandaityāḥ praṇipatya jagadgurum // ### [1.71.15](https://indike.org/pramana/in.purana.linga.1.71.15) vayaṃ purāṇi trīṇyeva samāsthāya mahīmimām vicariṣyāma lokeśa tvatprasādājjagadguro // ### [1.71.16](https://indike.org/pramana/in.purana.linga.1.71.16) tathā varṣasahasreṣu sameṣyāmaḥ parasparam ekībhāvaṃ gamiṣyanti purāṇyetāni cānagha // ### [1.71.17](https://indike.org/pramana/in.purana.linga.1.71.17) samāgatāni caitāni yo hanyādbhagavaṃstadā ekenaiveṣuṇā devaḥ sa no mṛtyurbhaviṣyati // ### [1.71.18](https://indike.org/pramana/in.purana.linga.1.71.18) evamastviti tāndevaḥ pratyuktvā prāviśaddivam tato mayaḥ svatapasā cakre vīraḥ purāṇyatha // ### [1.71.19](https://indike.org/pramana/in.purana.linga.1.71.19) kāñcanaṃ divi tatrāsīd antarikṣe ca rājatam āyasaṃ cābhavad bhūmau puraṃ teṣāṃ mahātmanām // ### [1.71.20](https://indike.org/pramana/in.purana.linga.1.71.20) ekaikaṃ yojanaśataṃ vistārāyāmataḥ samam kāñcanaṃ tārakākṣasya kamalākṣasya rājatam // ### [1.71.21](https://indike.org/pramana/in.purana.linga.1.71.21) vidyunmāleścāyasaṃ vai trividhaṃ durgamuttamam mayaś ca balavāṃstatra daityadānavapūjitaḥ // ### [1.71.22](https://indike.org/pramana/in.purana.linga.1.71.22) hairaṇye rājate caiva kṛṣṇāyasamaye tathā ālayaṃ cātmanaḥ kṛtvā tatrāste balavāṃstadā // ### [1.71.23](https://indike.org/pramana/in.purana.linga.1.71.23) evaṃ babhūvurdaityānām atidurgāṇi suvratāḥ purāṇi trīṇi viprendrās trailokyamiva cāparam // ### [1.71.24](https://indike.org/pramana/in.purana.linga.1.71.24) puratraye tadā jāte sarve daityā jagattraye puratrayaṃ praviśyaiva babhūvuste balādhikāḥ // ### [1.71.25](https://indike.org/pramana/in.purana.linga.1.71.25) kalpadrumasamākīrṇaṃ gajavājisamākulam nānāprasādasaṃkīrṇaṃ maṇijālaiḥ samāvṛtam // ### [1.71.26](https://indike.org/pramana/in.purana.linga.1.71.26) sūryamaṇḍalasaṃkāśair vimānairviśvatomukhaiḥ padmarāgamayaiḥ śubhraiḥ śobhitaṃ candrasaṃnibhaiḥ // ### [1.71.27](https://indike.org/pramana/in.purana.linga.1.71.27) prāsādairgopurairdivyaiḥ kailāsaśikharopamaiḥ śobhitaṃ tripuraṃ teṣāṃ pṛthakpṛthaganuttamaiḥ // ### [1.71.28](https://indike.org/pramana/in.purana.linga.1.71.28) divyastrībhiḥ susampūrṇaṃ gandharvaiḥ siddhacāraṇaiḥ rudrālayaiḥ pratigṛhaṃ sāgnihotrair dvijottamāḥ // ### [1.71.29](https://indike.org/pramana/in.purana.linga.1.71.29) vāpīkūpataḍāgaiś ca dīrghikābhistu sarvataḥ mattamātaṅgayūthaiś ca turaṅgaiś ca suśobhanaiḥ // ### [1.71.30](https://indike.org/pramana/in.purana.linga.1.71.30) rathaiś ca vividhākārair vicitrairviśvatomukhaiḥ sabhāprapādibhiś caiva krīḍāsthānaiḥ pṛthak pṛthak // ### [1.71.31](https://indike.org/pramana/in.purana.linga.1.71.31) vedādhyayanaśālābhir vividhābhiḥ samantataḥ adhṛṣyaṃ manasāpyanyair mayasyaiva ca māyayā // ### [1.71.32](https://indike.org/pramana/in.purana.linga.1.71.32) pativratābhiḥ sarvatra sevitaṃ munipuṅgavāḥ kṛtvāpi sumahat pāpam apāpaiḥ śaṅkarārcanāt // ### [1.71.33](https://indike.org/pramana/in.purana.linga.1.71.33) daityeśvarairmahābhāgaiḥ sadāraiḥ sasutairdvijāḥ śrautasmārtārthadharmajñais taddharmanirataiḥ sadā // ### [1.71.34](https://indike.org/pramana/in.purana.linga.1.71.34) mahādevetaraṃ tyaktvā devaṃ tasyārcane sthitaiḥ vyūḍhoraskair vṛṣaskandhaiḥ sarvāyudhadharaiḥ sadā // ### [1.71.35](https://indike.org/pramana/in.purana.linga.1.71.35) sarvadā kṣudhitaiścaiva dāvāgnisadṛśekṣaṇaiḥ praśāntaiḥ kupitaiścaiva kubjair vāmanakais tathā // ### [1.71.36](https://indike.org/pramana/in.purana.linga.1.71.36) nīlotpaladalaprakhyair nīlakuñcitamūrdhajaiḥ nīlādrimerusaṃkāśair nīradopamaniḥsvanaiḥ mayena rakṣitaiḥ sarvaiḥ śikṣitairyuddhalālasaiḥ // ### [1.71.37](https://indike.org/pramana/in.purana.linga.1.71.37) atha samararataiḥ sadā samantāc chivapadapūjanayā sulabdhavīryaiḥ ravimarudamarendrasaṃnikāśaiḥ suramathanaiḥ sudṛḍhaiḥ susevitaṃ tat // ### [1.71.38](https://indike.org/pramana/in.purana.linga.1.71.38) sendrā devā dvijaśreṣṭhā drumā dāvāgninā yathā puratrayāgninā dagdhā hy abhavan daityavaibhavāt // ### [1.71.39](https://indike.org/pramana/in.purana.linga.1.71.39) athaivaṃ te tadā dagdhā devā deveśvaraṃ harim abhivandya tadā prāhus tamapratimavarcasam // ### [1.71.40](https://indike.org/pramana/in.purana.linga.1.71.40) so 'pi nārāyaṇaḥ śrīmān cintayāmāsa cetasā kiṃ kāryaṃ devakāryeṣu bhagavāniti sa prabhuḥ // ### [1.71.41](https://indike.org/pramana/in.purana.linga.1.71.41) tadā sasmāra vai yajñaṃ yajñamūrtirjanārdanaḥ yajvā yajñabhugīśāno yajvanāṃ phaladaḥ prabhuḥ // ### [1.71.42](https://indike.org/pramana/in.purana.linga.1.71.42) tato yajñaḥ smṛtastena devakāryārthasiddhaye devaṃ te puruṣaṃ caiva praṇemustuṣṭuvustadā // ### [1.71.43](https://indike.org/pramana/in.purana.linga.1.71.43) bhagavānapi taṃ dṛṣṭvā yajñaṃ prāha sanātanam sanātanastadā sendrān devān ālokya cācyutaḥ // ### [1.71.44](https://indike.org/pramana/in.purana.linga.1.71.44) śrīviṣṇuruvāca anenopasadā devā yajadhvaṃ parameśvaram puratrayavināśāya jagattrayavibhūtaye // ### [1.71.45](https://indike.org/pramana/in.purana.linga.1.71.45) sūta uvāca atha tasya vacaḥ śrutvā devadevasya dhīmataḥ siṃhanādaṃ mahatkṛtvā yajñeśaṃ tuṣṭuvuḥ surāḥ // ### [1.71.46](https://indike.org/pramana/in.purana.linga.1.71.46) tataḥ saṃcintya bhagavān svayameva janārdanaḥ punaḥ prāha sa sarvāṃstāṃs tridaśāṃstridaśeśvaraḥ // ### [1.71.47](https://indike.org/pramana/in.purana.linga.1.71.47) hatvā dagdhvā ca bhūtāni bhuktvā cānyāyato 'pi vā yajedyadi mahādevam apāpo nātra saṃśayaḥ // ### [1.71.48](https://indike.org/pramana/in.purana.linga.1.71.48) apāpā naiva hantavyāḥ pāpā eva na saṃśayaḥ hantavyāḥ sarvayatnena kathaṃ vadhyāḥ surottamāḥ // ### [1.71.49](https://indike.org/pramana/in.purana.linga.1.71.49) asurā durmadāḥ pāpā api devairmahābalaiḥ tasmānna vadhyā rudrasya prabhāvāt parameṣṭhinaḥ // ### [1.71.50](https://indike.org/pramana/in.purana.linga.1.71.50) ko 'haṃ brahmāthavā devā daityā devārisūdanāḥ munayaś ca mahātmānaḥ prasādena vinā prabhoḥ // ### [1.71.51](https://indike.org/pramana/in.purana.linga.1.71.51) yaḥ saptaviṃśako nityaḥ parātparataraḥ prabhuḥ viśvāmareśvaro vandyo viśvādhāro maheśvaraḥ // ### [1.71.52](https://indike.org/pramana/in.purana.linga.1.71.52) sa eva sarvadeveśaḥ sarveṣāmapi śaṅkaraḥ līlayā devadaityendravibhāgamakaroddharaḥ // ### [1.71.53](https://indike.org/pramana/in.purana.linga.1.71.53) tasyāṃśam ekaṃ sampūjya devā devatvam āgatāḥ brahmā brahmatvam āpanno hy ahaṃ viṣṇutvameva ca // ### [1.71.54](https://indike.org/pramana/in.purana.linga.1.71.54) tam apūjya jagatyasmin kaḥ pumān siddhimicchati tasmāttenaiva hantavyā liṅgārcanavidher balāt // ### [1.71.55](https://indike.org/pramana/in.purana.linga.1.71.55) dharmaniṣṭhāś ca te sarve śrautasmārtavidhau sthitāḥ tathāpi yajamānena raudreṇopasadā prabhum rudramiṣṭvā yathānyāyaṃ jeṣyāmo daityasattamān // ### [1.71.56](https://indike.org/pramana/in.purana.linga.1.71.56) satārakākṣeṇa mayena guptaṃ svasthaṃ ca guptaṃ sphaṭikābhamekam ko nāma hantuṃ tripuraṃ samartho muktvā trinetraṃ bhagavantamekam // ### [1.71.57](https://indike.org/pramana/in.purana.linga.1.71.57) sūta uvāca evamuktvā hariśceṣṭvā yajñenopasadā prabhum upaviṣṭo dadarśātha bhūtasaṃghānsahasraśaḥ // ### [1.71.58](https://indike.org/pramana/in.purana.linga.1.71.58) śūlaśaktigadāhastān ṭaṅkopalaśilāyudhān nānāpraharaṇopetān nānāveṣadharāṃstadā // ### [1.71.59](https://indike.org/pramana/in.purana.linga.1.71.59) kālāgnirudrasaṃkāśān kālarudropamāṃstadā prāha devo hariḥ sākṣāt praṇipatya sthitān prabhuḥ // ### [1.71.60](https://indike.org/pramana/in.purana.linga.1.71.60) viṣṇuruvāca dagdhvā bhittvā ca bhuktvā ca gatvā daityapuratrayam punaryathāgataṃ vīrā gantumarhatha bhūtaye // ### [1.71.61](https://indike.org/pramana/in.purana.linga.1.71.61) tataḥ praṇamya deveśaṃ bhūtasaṃghāḥ puratrayam praviśya naṣṭāste sarve śalabhā iva pāvakam // ### [1.71.62](https://indike.org/pramana/in.purana.linga.1.71.62) tatastu naṣṭāste sarve bhūtā deveśvarājñayā nanṛtur mumuduś caiva jagur daityāḥ sahasraśaḥ // ### [1.71.63](https://indike.org/pramana/in.purana.linga.1.71.63) tuṣṭuvurdevadeveśaṃ paramātmānamīśvaram tataḥ parājitā devā dhvastavīryāḥ kṣaṇena tu // ### [1.71.64](https://indike.org/pramana/in.purana.linga.1.71.64) sendrāḥ saṃgamya deveśam upendraṃ dhiṣṭhitā bhayāt tāndṛṣṭvā cintayāmāsa bhagavānpuruṣottamaḥ // ### [1.71.65](https://indike.org/pramana/in.purana.linga.1.71.65) kiṃ kṛtyamiti saṃtaptaḥ saṃtaptānsendrakānkṣaṇam kathaṃ tu teṣāṃ daityānāṃ balaṃ hatvā prayatnataḥ // ### [1.71.66](https://indike.org/pramana/in.purana.linga.1.71.66) devakāryaṃ kariṣyāmi prasādātparameṣṭhinaḥ pāpaṃ vicārato nāsti dharmiṣṭhānāṃ na saṃśayaḥ // ### [1.71.67](https://indike.org/pramana/in.purana.linga.1.71.67) tasmāddaityā na vadhyāste bhūtaiścopasadodbhavaiḥ pāpaṃ nudati dharmeṇa dharme sarvaṃ pratiṣṭhitam // ### [1.71.68](https://indike.org/pramana/in.purana.linga.1.71.68) dharmādaiśvaryamityeṣā śrutireṣā sanātanī daityāścaite hi dharmiṣṭhāḥ sarve tripuravāsinaḥ // ### [1.71.69](https://indike.org/pramana/in.purana.linga.1.71.69) tasmādavadhyatāṃ prāptā nānyathā dvijapuṅgavāḥ kṛtvāpi sumahatpāpaṃ rudramabhyarcayanti ye // ### [1.71.70](https://indike.org/pramana/in.purana.linga.1.71.70) mucyante pātakaiḥ sarvaiḥ padmapatramivāṃbhasā pūjayā bhogasaṃpattir avaśyaṃ jāyate dvijāḥ // ### [1.71.71](https://indike.org/pramana/in.purana.linga.1.71.71) tasmātte bhogino daityā liṅgārcanaparāyaṇāḥ tasmātkṛtvā dharmavighnam ahaṃ devāḥ svamāyayā // ### [1.71.72](https://indike.org/pramana/in.purana.linga.1.71.72) daityānāṃ devakāryārthaṃ jeṣye 'haṃ tripuraṃ kṣaṇāt vicāryaivaṃ tatasteṣāṃ bhagavānpuruṣottamaḥ kartuṃ vyavasitaścābhūd dharmavighnaṃ surāriṇām // ### [1.71.73](https://indike.org/pramana/in.purana.linga.1.71.73) asṛjacca mahātejāḥ puruṣaṃ cātmasaṃbhavam māyī māyāmayaṃ teṣāṃ dharmavighnārthamacyutaḥ // ### [1.71.74](https://indike.org/pramana/in.purana.linga.1.71.74) śāstraṃ ca śāstā sarveṣām akarotkāmarūpadhṛk sarvasaṃmohanaṃ māyī dṛṣṭapratyayasaṃyutam // ### [1.71.75](https://indike.org/pramana/in.purana.linga.1.71.75) etatsvāṅgabhavāyaiva puruṣāyopadiśya tu māyī māyāmayaṃ śāstraṃ granthaṣoḍaśalakṣakam // ### [1.71.76](https://indike.org/pramana/in.purana.linga.1.71.76) śrautasmārtaviruddhaṃ ca varṇāśramavivarjitam ihaiva svarganarakaṃ pratyayaṃ nānyathā punaḥ // ### [1.71.77](https://indike.org/pramana/in.purana.linga.1.71.77) tacchāstramupadiśyaiva puruṣāyācyutaḥ svayam puratrayavināśāya prāhainaṃ puruṣaṃ hariḥ // ### [1.71.78](https://indike.org/pramana/in.purana.linga.1.71.78) gantumarhasi nāśāya bho tūrṇaṃ puravāsinām dharmās tathā praṇaśyantu śrautasmārtā na saṃśayaḥ // ### [1.71.79](https://indike.org/pramana/in.purana.linga.1.71.79) tataḥ praṇamya taṃ māyī māyāśāstraviśāradaḥ praviśya tatpuraṃ tūrṇaṃ munirmāyāṃ tadākarot // ### [1.71.80](https://indike.org/pramana/in.purana.linga.1.71.80) māyayā tasya te daityāḥ puratrayanivāsinaḥ śrautaṃ smārtaṃ ca saṃtyajya tasya śiṣyāstadābhavan // ### [1.71.81](https://indike.org/pramana/in.purana.linga.1.71.81) tatyajuś ca mahādevaṃ śaṅkaraṃ parameśvaram nārado 'pi tadā māyī niyogānmāyinaḥ prabhoḥ // ### [1.71.82](https://indike.org/pramana/in.purana.linga.1.71.82) praviśya tatpuraṃ tena māyinā saha dīkṣitaḥ muniḥ śiṣyaiḥ praśiṣyaiś ca saṃvṛtaḥ sarvataḥ svayam // ### [1.71.83](https://indike.org/pramana/in.purana.linga.1.71.83) strīdharmaṃ cākarotstrīṇāṃ duścāraphalasiddhidam cakrustāḥ sarvadā labdhvā sadya eva phalaṃ striyaḥ // ### [1.71.84](https://indike.org/pramana/in.purana.linga.1.71.84) janāsaktā babhūvustā vinindya patidevatāḥ adyāpi gauravāttasya nāradasya kalau muneḥ // ### [1.71.85](https://indike.org/pramana/in.purana.linga.1.71.85) nāryaścaranti saṃtyajya bhartṝn svairaṃ vṛthādhamāḥ strīṇāṃ mātā pitā bandhuḥ sakhā mitraṃ ca bāndhavaḥ // ### [1.71.86](https://indike.org/pramana/in.purana.linga.1.71.86) bhartā eva na saṃdehas tathāpy āsahamāyayā kṛtvāpi sumahatpāpaṃ yā bhartuḥ premasaṃyutā // ### [1.71.87](https://indike.org/pramana/in.purana.linga.1.71.87) prāpnuyāt paramaṃ svargaṃ narakaṃ ca viparyayāt puraikā muniśārdūlāḥ sarvadharmān sadā patim // ### [1.71.88](https://indike.org/pramana/in.purana.linga.1.71.88) saṃtyajyāpūjayansādhvyo devānanyāñjagadgurūn tāḥ svargalokamāsādya modante vigatajvarāḥ // ### [1.71.89](https://indike.org/pramana/in.purana.linga.1.71.89) narakaṃ ca jagāmānyā tasmādbhartā parā gatiḥ tathāpi bhartṝn svāṃs tyaktvā babhūvuḥ svairavṛttayaḥ // ### [1.71.90](https://indike.org/pramana/in.purana.linga.1.71.90) māyayā devadevasya viṣṇostasyājñayā prabhoḥ alakṣmīś ca svayaṃ tasya niyogāttripuraṃ gatā // ### [1.71.91](https://indike.org/pramana/in.purana.linga.1.71.91) yā lakṣmīstapasā teṣāṃ labdhā deveśvarādajāt bahirgatā parityajya niyogādbrahmaṇaḥ prabhoḥ // ### [1.71.92](https://indike.org/pramana/in.purana.linga.1.71.92) buddhimohaṃ tathābhūtaṃ viṣṇumāyāvinirmitam teṣāṃ dattvā kṣaṇaṃ devas tāsāṃ māyī ca nāradaḥ // ### [1.71.93](https://indike.org/pramana/in.purana.linga.1.71.93) sukhāsīnau hyasaṃbhrāntau dharmavighnārthamavyayau evaṃ naṣṭe tadā dharme śrautasmārte suśobhane // ### [1.71.94](https://indike.org/pramana/in.purana.linga.1.71.94) pāṣaṇḍe khyāpite tena viṣṇunā viśvayoninā tyakte maheśvare daityais tyakte liṅgārcane tathā // ### [1.71.95](https://indike.org/pramana/in.purana.linga.1.71.95) strīdharme nikhile naṣṭe durācāre vyavasthite kṛtārtha iva deveśo devaiḥ sārdhamumāpatim // ### [1.71.96](https://indike.org/pramana/in.purana.linga.1.71.96) tapasā prāpya sarvajñaṃ tuṣṭāva puruṣottamaḥ maheśvarāya devāya namaste paramātmane // ### [1.71.97](https://indike.org/pramana/in.purana.linga.1.71.97) nārāyaṇāya śarvāya brahmaṇe brahmarūpiṇe śāśvatāya hyanantāya avyaktāya ca te namaḥ // ### [1.71.98](https://indike.org/pramana/in.purana.linga.1.71.98) sūta uvāca evaṃ stutvā mahādevaṃ daṇḍavatpraṇipatya ca jajāpa rudraṃ bhagavān koṭivāraṃ jale sthitaḥ // ### [1.71.99](https://indike.org/pramana/in.purana.linga.1.71.99) devāś ca sarve te devaṃ tuṣṭuvuḥ parameśvaram sendrāḥ sasādhyāḥ sayamāḥ sarudrāḥ samarudgaṇāḥ // ### [1.71.100](https://indike.org/pramana/in.purana.linga.1.71.100) devā ūcuḥ namaḥ sarvātmane tubhyaṃ śaṅkarāyārtihāriṇe rudrāya nīlarudrāya kadrudrāya pracetase // ### [1.71.101](https://indike.org/pramana/in.purana.linga.1.71.101) gatirnaḥ sarvadāsmābhir vandyo devārimardanaḥ tvamādistvamanantaś ca anantaścākṣayaḥ prabhuḥ // ### [1.71.102](https://indike.org/pramana/in.purana.linga.1.71.102) prakṛtiḥ puruṣaḥ sākṣāt sraṣṭā hartā jagadguro trātā netā jagatyasmin dvijānāṃ dvijavatsala // ### [1.71.103](https://indike.org/pramana/in.purana.linga.1.71.103) varado vāṅmayo vācyo vācyavācakavarjitaḥ yājyo muktyarthamīśāno yogibhir yogavibhramaiḥ // ### [1.71.104](https://indike.org/pramana/in.purana.linga.1.71.104) hṛtpuṇḍarīkasuṣire yogināṃ saṃsthitaḥ sadā vadanti sūrayaḥ santaṃ paraṃ brahmasvarūpiṇam // ### [1.71.105](https://indike.org/pramana/in.purana.linga.1.71.105) bhavantaṃ tattvam ityāryās tejorāśiṃ parātparam paramātmānamityāhur asmiñjagati tadvibho // ### [1.71.106](https://indike.org/pramana/in.purana.linga.1.71.106) dṛṣṭaṃ śrutaṃ sthitaṃ sarvaṃ jāyamānaṃ jagadguro aṇoralpataraṃ prāhur mahato 'pi mahattaram // ### [1.71.107](https://indike.org/pramana/in.purana.linga.1.71.107) sarvataḥ pāṇipādaṃ tvāṃ sarvato 'kṣiśiromukham sarvataḥ śrutimalloke sarvamāvṛtya tiṣṭhasi // ### [1.71.108](https://indike.org/pramana/in.purana.linga.1.71.108) mahādevamanirdeśyaṃ sarvajñaṃ tvāmanāmayam viśvarūpaṃ virūpākṣaṃ sadāśivam anāmayam // ### [1.71.109](https://indike.org/pramana/in.purana.linga.1.71.109) koṭibhāskarasaṃkāśaṃ koṭiśītāṃśusannibham koṭikālāgnisaṃkāśaṃ ṣaḍviṃśakamanīśvaram // ### [1.71.110](https://indike.org/pramana/in.purana.linga.1.71.110) pravartakaṃ jagatyasmin prakṛteḥ prapitāmaham vadanti varadaṃ devaṃ sarvāvāsaṃ svayaṃbhuvam // ### [1.71.111](https://indike.org/pramana/in.purana.linga.1.71.111) śrutayaḥ śrutisāraṃ tvāṃ śrutisāravido janāḥ // ### [1.71.112](https://indike.org/pramana/in.purana.linga.1.71.112) adṛṣṭamasmābhir anekamūrte vinā kṛtaṃ yadbhavatātha loke tvameva daityāsurabhūtasaṃghān devān narān sthāvarajaṅgamāṃś ca // ### [1.71.113](https://indike.org/pramana/in.purana.linga.1.71.113) pāhi nānyā gatiḥ śaṃbho vinihatyāsurottamān māyayā mohitāḥ sarve bhavataḥ parameśvara // ### [1.71.114](https://indike.org/pramana/in.purana.linga.1.71.114) yathā taraṅgā laharīsamūhā yudhyanti cānyonyamapāṃnidhau ca jalāśrayādeva jaḍīkṛtāś ca surāsurāstadvadajasya sarvam // ### [1.71.115](https://indike.org/pramana/in.purana.linga.1.71.115) sūta uvāca ya idaṃ prātarutthāya śucirbhūtvā japennaraḥ śṛṇuyādvā stavaṃ puṇyaṃ sarvakāmam avāpnuyāt // ### [1.71.116](https://indike.org/pramana/in.purana.linga.1.71.116) stutastvevaṃ surairviṣṇor japena ca maheśvaraḥ somaḥ somām athāliṅgya nandidattakaraḥ smayan // ### [1.71.117](https://indike.org/pramana/in.purana.linga.1.71.117) prāha gaṃbhīrayā vācā devānālokya śaṅkaraḥ jñātaṃ mayedamadhunā devakāryaṃ sureśvarāḥ // ### [1.71.118](https://indike.org/pramana/in.purana.linga.1.71.118) viṣṇor māyābalaṃ caiva nāradasya ca dhīmataḥ teṣāmadharmaniṣṭhānāṃ daityānāṃ devasattamāḥ // ### [1.71.119](https://indike.org/pramana/in.purana.linga.1.71.119) puratrayavināśaṃ ca kariṣye 'haṃ surottamāḥ atha sabrahmakā devāḥ sendropendrāḥ samāgatāḥ // ### [1.71.120](https://indike.org/pramana/in.purana.linga.1.71.120) śrutvā prabhostadā vākyaṃ praṇemustuṣṭuvuś ca te apyetadantare devī devamālokya vismitā // ### [1.71.121](https://indike.org/pramana/in.purana.linga.1.71.121) līlāṃbujena cāhatya kalamāha vṛṣadhvajam krīḍamānaṃ vibho paśya ṣaṇmukhaṃ ravisannibham // ### [1.71.122](https://indike.org/pramana/in.purana.linga.1.71.122) putraṃ putravatāṃ śreṣṭhaṃ bhūṣitaṃ bhūṣaṇaiḥ śubhaiḥ mukuṭaiḥ kaṭakaiścaiva kuṇḍalairvalayaiḥ śubhaiḥ // ### [1.71.123](https://indike.org/pramana/in.purana.linga.1.71.123) nūpuraiśchannavāraiś ca tathā hy udarabandhanaiḥ kiṅkiṇībhir anekābhir haimairaśvatthapatrakaiḥ // ### [1.71.124](https://indike.org/pramana/in.purana.linga.1.71.124) kalpakadrumajaiḥ puṣpaiḥ śobhitairalakaiḥ śubhaiḥ hārair vārijarāgādimaṇicitrais tathāṅgadaiḥ // ### [1.71.125](https://indike.org/pramana/in.purana.linga.1.71.125) muktāphalamayairhāraiḥ pūrṇacandrasamaprabhaiḥ tilakaiś ca mahādeva paśya putraṃ suśobhanam // ### [1.71.126](https://indike.org/pramana/in.purana.linga.1.71.126) aṅkitaṃ kuṅkumādyaiś ca vṛttaṃ bhasitanirmitam vaktravṛndaṃ ca paśyeśa vṛndaṃ kāmalakaṃ yathā // ### [1.71.127](https://indike.org/pramana/in.purana.linga.1.71.127) netrāṇi ca vibho paśya śubhāni tvaṃ śubhāni ca añjanāni vicitrāṇi maṅgalārthaṃ ca mātṛbhiḥ // ### [1.71.128](https://indike.org/pramana/in.purana.linga.1.71.128) gaṅgādibhiḥ kṛttikādyaiḥ svāhayā ca viśeṣataḥ ityevaṃ lokamātuś ca vāgbhiḥ saṃbodhitaḥ śivaḥ // ### [1.71.129](https://indike.org/pramana/in.purana.linga.1.71.129) na yayau tṛptimīśānaḥ pibanskandānanāmṛtam na sasmāra ca tāndevān daityaśastranipīḍitān // ### [1.71.130](https://indike.org/pramana/in.purana.linga.1.71.130) skandamāliṅgya cāghrāya nṛtya putretyuvāca ha so 'pi līlālaso bālo nanartārtiharaḥ prabhuḥ // ### [1.71.131](https://indike.org/pramana/in.purana.linga.1.71.131) sahaiva nanṛtuścānye saha tena gaṇeśvarāḥ trailokyamakhilaṃ tatra nanarteśājñayā kṣaṇam // ### [1.71.132](https://indike.org/pramana/in.purana.linga.1.71.132) nāgāś ca nanṛtuḥ sarve devāḥ sendrapurogamāḥ tuṣṭuvurgaṇapāḥ skandaṃ mumodāṃbā ca mātaraḥ // ### [1.71.133](https://indike.org/pramana/in.purana.linga.1.71.133) sasṛjuḥ puṣpavarṣāṇi jagurgandharvakinnarāḥ nṛtyāmṛtaṃ tadā pītvā pārvatīparameśvarau avāpatus tadā tṛptiṃ nandinā ca gaṇeśvarāḥ // ### [1.71.134](https://indike.org/pramana/in.purana.linga.1.71.134) tataḥ sa nandī saha ṣaṇmukhena tathā ca sārdhaṃ girirājaputryā viveśa divyaṃ bhavanaṃ bhavo 'pi yathāmbudo 'nyāmbudam ambudābhaḥ // ### [1.71.135](https://indike.org/pramana/in.purana.linga.1.71.135) dvārasya pārśve te tasthur devā devasya dhīmataḥ tuṣṭuvuś ca mahādevaṃ kiṃcid udvignacetasaḥ // ### [1.71.136](https://indike.org/pramana/in.purana.linga.1.71.136) kiṃtu kiṃtviti cānyonyaṃ prekṣya caitatsamākulāḥ pāpā vayam iti hyanye abhāgyāśceti cāpare // ### [1.71.137](https://indike.org/pramana/in.purana.linga.1.71.137) bhāgyavantaś ca daityendrā iti cānye sureśvarāḥ pūjāphalamimaṃ teṣām ityanye neti cāpare // ### [1.71.138](https://indike.org/pramana/in.purana.linga.1.71.138) etasminnantare teṣāṃ śrutvā śabdānanekaśaḥ kumbhodaro mahātejā daṇḍenātāḍayatsurān // ### [1.71.139](https://indike.org/pramana/in.purana.linga.1.71.139) dudruvuste bhayāviṣṭā devā hāhetivādinaḥ apatanmunayaścānye devāś ca dharaṇītale // ### [1.71.140](https://indike.org/pramana/in.purana.linga.1.71.140) aho vidherbalaṃ ceti munayaḥ kaśyapādayaḥ dṛṣṭvāpi devadeveśaṃ devānāṃ cāsuradviṣām // ### [1.71.141](https://indike.org/pramana/in.purana.linga.1.71.141) abhāgyānna samāptaṃ tu kāryamityapare dvijāḥ procurnamaḥ śivāyeti pūjya cālpataraṃ hṛdi // ### [1.71.142](https://indike.org/pramana/in.purana.linga.1.71.142) tataḥ kapardī nandīśo mahādevapriyo muniḥ śūlī mālī tathā hālī kuṇḍalī valayī gadī // ### [1.71.143](https://indike.org/pramana/in.purana.linga.1.71.143) vṛṣamāruhya suśvetaṃ yayau tasyājñayā tadā tato vai nandinaṃ dṛṣṭvā gaṇaḥ kumbhodaro 'pi saḥ // ### [1.71.144](https://indike.org/pramana/in.purana.linga.1.71.144) praṇamya nandinaṃ mūrdhnā saha tena tvaran yayau nandī bhāti mahātejā vṛṣapṛṣṭhe vṛṣadhvajaḥ // ### [1.71.145](https://indike.org/pramana/in.purana.linga.1.71.145) sagaṇo gaṇasenānīr meghapṛṣṭhe yathā bhavaḥ daśayojanavistīrṇaṃ muktājālair alaṃkṛtam // ### [1.71.146](https://indike.org/pramana/in.purana.linga.1.71.146) sitātapatraṃ śailāder ākāśamiva bhāti tat tatrāntarbaddhamālā sā muktāphalamayī śubhā // ### [1.71.147](https://indike.org/pramana/in.purana.linga.1.71.147) gaṅgākāśānnipatitā bhāti mūrdhni vibhoryathā atha dṛṣṭvā gaṇādhyakṣaṃ devadundubhayaḥ śubhāḥ // ### [1.71.148](https://indike.org/pramana/in.purana.linga.1.71.148) niyogādvajriṇaḥ sarve vinedurmunipuṅgavāḥ tuṣṭuvuś ca gaṇeśānaṃ vāgbhir iṣṭapradaṃ śubham // ### [1.71.149](https://indike.org/pramana/in.purana.linga.1.71.149) yathā devā bhavaṃ dṛṣṭvā prītikaṇṭakitatvacaḥ niyogādvajriṇo mūrdhni puṣpavarṣaṃ ca khecarāḥ // ### [1.71.150](https://indike.org/pramana/in.purana.linga.1.71.150) vavṛṣuś ca sugandhāḍhyaṃ nandino gaganoditam vṛṣṭyā tuṣṭastadā reje tuṣṭyā puṣṭyā yathārthayā // ### [1.71.151](https://indike.org/pramana/in.purana.linga.1.71.151) nandī bhavaś cāndrayātu snātayā gandhavāriṇā puṣpairnānāvidhaistatra bhāti pṛṣṭhaṃ vṛṣasya tat // ### [1.71.152](https://indike.org/pramana/in.purana.linga.1.71.152) saṃkīrṇaṃ tu divaḥ pṛṣṭhaṃ nakṣatrairiva suvratāḥ kusumaiḥ saṃvṛto nandī vṛṣapṛṣṭhe rarāja saḥ // ### [1.71.153](https://indike.org/pramana/in.purana.linga.1.71.153) divaḥ pṛṣṭhe yathā candro nakṣatrairiva suvratāḥ taṃ dṛṣṭvā nandinaṃ devāḥ sendropendrās tathāvidham // ### [1.71.154](https://indike.org/pramana/in.purana.linga.1.71.154) tuṣṭuvur gaṇapeśānaṃ devadevamivāparam namaste rudrabhaktāya rudrajāpyaratāya ca // ### [1.71.155](https://indike.org/pramana/in.purana.linga.1.71.155) rudrabhaktārtināśāya raudrakarmaratāya te kūṣmāṇḍagaṇanāthāya yogināṃ pataye namaḥ // ### [1.71.156](https://indike.org/pramana/in.purana.linga.1.71.156) sarvadāya śaraṇyāya sarvajñāyārtihāriṇe vedānāṃ pataye caiva vedavedyāya te namaḥ // ### [1.71.157](https://indike.org/pramana/in.purana.linga.1.71.157) vajriṇe vajradaṃṣṭrāya vajrivajranivāriṇe vajrālaṃkṛtadehāya vajriṇārādhitāya te // ### [1.71.158](https://indike.org/pramana/in.purana.linga.1.71.158) raktāya raktanetrāya raktāṃbaradharāya te raktānāṃ bhavapādābje rudralokapradāyine // ### [1.71.159](https://indike.org/pramana/in.purana.linga.1.71.159) namaḥ senādhipataye rudrāṇāṃ pataye namaḥ bhūtānāṃ bhuvaneśānāṃ pataye pāpahāriṇe // ### [1.71.160](https://indike.org/pramana/in.purana.linga.1.71.160) rudrāya rudrapataye raudrapāpaharāya te namaḥ śivāya saumyāya rudrabhaktāya te namaḥ // ### [1.71.161](https://indike.org/pramana/in.purana.linga.1.71.161) sūta uvāca tataḥ prīto gaṇādhyakṣaḥ prāha devāṃśchivātmajaḥ rathaṃ ca sārathiṃ śaṃbhoḥ kārmukaṃ śaramuttamam // ### [1.71.162](https://indike.org/pramana/in.purana.linga.1.71.162) kartumarhatha yatnena naṣṭaṃ matvā puratrayam atha te brahmaṇā sārdhaṃ tathā vai viśvakarmaṇā // ### [1.71.163](https://indike.org/pramana/in.purana.linga.1.71.163) rathaṃ cakruḥ susaṃrabdhā devadevasya dhīmataḥ // ### [1.71.163.p1](https://indike.org/pramana/in.purana.linga.1.71.163.p1) iti śrīliṅgamahāpurāṇe pūrvabhāge puradāhe nandikeśvaravākyaṃ nāma ekasaptatitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.81.87) — Gaṇeśa Bhaṭṭa, Sanskrit ## Linked texts (6) - [Śivapurāṇa (complete text)](https://indike.org/pramana/in.purana.siva*complete-2.2.5.1.19) — Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.8.33.5) — Sanskrit - [Saurapurāṇa](https://indike.org/pramana/in.purana.upa.saiva.saura.34.56) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.10.13.86) — Sanskrit - [Sāmbapurāṇa](https://indike.org/pramana/in.purana.upa.surya.samba.11.12) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.83.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.71](https://indike.org/pramana/in.purana.linga.1.71) · Pramāṇa