[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.72 # Lingapurana 1.72 Liṅgapurāṇa 1.72 - **Language:** Sanskrit ## Contents - [1.72.184](https://indike.org/pramana/in.purana.linga.1.72.184) — 1 part ### [1.72.1](https://indike.org/pramana/in.purana.linga.1.72.1) atha rudrasya devasya nirmito viśvakarmaṇā sarvalokamayo divyo ratho yatnena sādaram // ### [1.72.2](https://indike.org/pramana/in.purana.linga.1.72.2) sarvabhūtamayaścaiva sarvadevanamaskṛtaḥ sarvadevamayaścaiva sauvarṇaḥ sarvasaṃmataḥ // ### [1.72.3](https://indike.org/pramana/in.purana.linga.1.72.3) rathāṅgaṃ dakṣiṇaṃ sūryo vāmāṅgaṃ soma eva ca dakṣiṇaṃ dvādaśāraṃ hi ṣoḍaśāraṃ tathottaram // ### [1.72.4](https://indike.org/pramana/in.purana.linga.1.72.4) areṣu teṣu viprendrāś cādityā dvādaśaiva tu śaśinaḥ ṣoḍaśāreṣu kalā vāmasya suvratāḥ // ### [1.72.5](https://indike.org/pramana/in.purana.linga.1.72.5) ṛkṣāṇi ca tadā tasya vāmasyaiva tu bhūṣaṇam nemyaḥ ṣaḍṛtavaścaiva tayorvai viprapuṅgavāḥ // ### [1.72.6](https://indike.org/pramana/in.purana.linga.1.72.6) puṣkaraṃ cāntarikṣaṃ vai rathanīḍaś ca mandaraḥ astādrirudayādriś ca ubhau tau kūbarau smṛtau // ### [1.72.7](https://indike.org/pramana/in.purana.linga.1.72.7) adhiṣṭhānaṃ mahāmerur āśrayāḥ kesarācalāḥ vegaḥ saṃvatsarastasya ayane cakrasaṃgamau // ### [1.72.8](https://indike.org/pramana/in.purana.linga.1.72.8) muhūrtā bandhurāstasya śamyāścaiva kalāḥ smṛtāḥ tasya kāṣṭhāḥ smṛtā ghoṇā cākṣadaṇḍāḥ kṣaṇāś ca vai // ### [1.72.9](https://indike.org/pramana/in.purana.linga.1.72.9) nimeṣāścānukarṣāś ca īṣā cāsya lavāḥ smṛtāḥ dyaurvarūthaṃ rathasyāsya svargamokṣāvubhau dhvajau // ### [1.72.10](https://indike.org/pramana/in.purana.linga.1.72.10) dharmo virāgo daṇḍo 'sya yajñā daṇḍāśrayāḥ smṛtāḥ dakṣiṇāḥ saṃdhayastasya lohāḥ pañcāśadagnayaḥ // ### [1.72.11](https://indike.org/pramana/in.purana.linga.1.72.11) yugāntakoṭī tau tasya dharmakāmāvubhau smṛtau īṣādaṇḍastathāvyaktaṃ buddhistasyaiva naḍvalaḥ // ### [1.72.12](https://indike.org/pramana/in.purana.linga.1.72.12) koṇas tathā hyahaṅkāro bhūtāni ca balaṃ smṛtam indriyāṇi ca tasyaiva bhūṣaṇāni samantataḥ // ### [1.72.13](https://indike.org/pramana/in.purana.linga.1.72.13) śraddhā ca gatirasyaiva vedāstasya hayāḥ smṛtāḥ padāni bhūṣaṇānyeva ṣaḍaṅgānyupabhūṣaṇam // ### [1.72.14](https://indike.org/pramana/in.purana.linga.1.72.14) purāṇanyāyamīmāṃsādharmaśāstrāṇi suvratāḥ vālāśrayāḥ paṭāścaiva sarvalakṣaṇasaṃyutāḥ // ### [1.72.15](https://indike.org/pramana/in.purana.linga.1.72.15) mantrā ghaṇṭāḥ smṛtāsteṣāṃ varṇāḥ pādāstathāśramāḥ avacchedo hyanantastu sahasraphaṇabhūṣitaḥ // ### [1.72.16](https://indike.org/pramana/in.purana.linga.1.72.16) diśaḥ pādā rathasyāsya tathā copadiśaś ca ha puṣkarādyāḥ patākāś ca sauvarṇā ratnabhūṣitāḥ // ### [1.72.17](https://indike.org/pramana/in.purana.linga.1.72.17) samudrāstasya catvāro rathakambalikāḥ smṛtāḥ gaṅgādyāḥ saritaḥ śreṣṭhāḥ sarvābharaṇabhūṣitāḥ // ### [1.72.18](https://indike.org/pramana/in.purana.linga.1.72.18) cāmarāsaktahastāgrāḥ sarvāḥ strīrūpaśobhitāḥ tatratatra kṛtasthānāḥ śobhayāṃcakrire ratham // ### [1.72.19](https://indike.org/pramana/in.purana.linga.1.72.19) āvahādyās tathā sapta sopānaṃ haimamuttamam sārathirbhagavānbrahmā devābhīṣudharāḥ smṛtāḥ // ### [1.72.20](https://indike.org/pramana/in.purana.linga.1.72.20) pratodo brahmaṇastasya praṇavo brahmadaivatam lokālokācalastasya sasopānaḥ samantataḥ // ### [1.72.21](https://indike.org/pramana/in.purana.linga.1.72.21) viṣamaś ca tadā bāhyo mānasādriḥ suśobhanaḥ nāsāḥ samantatastasya sarva evācalāḥ smṛtāḥ // ### [1.72.22](https://indike.org/pramana/in.purana.linga.1.72.22) talāḥ kapotāḥ kāpotāḥ sarve talanivāsinaḥ merureva mahāchatraṃ mandaraḥ pārśvaḍiṇḍimaḥ // ### [1.72.23](https://indike.org/pramana/in.purana.linga.1.72.23) śailendraḥ kārmukaṃ caiva jyā bhujaṅgādhipaḥ svayam kālarātryā tathaiveha tathendradhanuṣā punaḥ // ### [1.72.24](https://indike.org/pramana/in.purana.linga.1.72.24) ghaṇṭā sarasvatī devī dhanuṣaḥ śrutirūpiṇī iṣurviṣṇurmahātejāḥ śalyaṃ somaḥ śarasya ca // ### [1.72.25](https://indike.org/pramana/in.purana.linga.1.72.25) kālāgnistaccharasyaiva sākṣāttīkṣṇaḥ sudāruṇaḥ anīkaṃ viṣasambhūtaṃ vāyavo vājakāḥ smṛtāḥ // ### [1.72.26](https://indike.org/pramana/in.purana.linga.1.72.26) evaṃ kṛtvā rathaṃ divyaṃ kārmukaṃ ca śaraṃ tathā sārathiṃ jagatāṃ caiva brahmāṇaṃ prabhumīśvaram // ### [1.72.27](https://indike.org/pramana/in.purana.linga.1.72.27) āruroha rathaṃ divyaṃ raṇamaṇḍanadhṛg bhavaḥ sarvadevagaṇairyuktaṃ kampayanniva rodasī // ### [1.72.28](https://indike.org/pramana/in.purana.linga.1.72.28) ṛṣibhiḥ stūyamānaś ca vandyamānaś ca bandibhiḥ upanṛttaścāpsarasāṃ gaṇairnṛtyaviśāradaiḥ // ### [1.72.29](https://indike.org/pramana/in.purana.linga.1.72.29) suśobhamāno varadaḥ samprekṣyaiva ca sārathim tasminnārohati rathaṃ kalpitaṃ lokasaṃbhṛtam // ### [1.72.30](https://indike.org/pramana/in.purana.linga.1.72.30) śirobhiḥ patitā bhūmīṃ turagā vedasaṃbhavāḥ athādhastādrathasyāsya bhagavān dharaṇīdharaḥ // ### [1.72.31](https://indike.org/pramana/in.purana.linga.1.72.31) vṛṣendrarūpī cotthāpya sthāpayāmāsa vai kṣaṇam kṣaṇāntare vṛṣendro 'pi jānubhyāmagamaddharām // ### [1.72.32](https://indike.org/pramana/in.purana.linga.1.72.32) abhīṣuhasto bhagavān udyamya ca hayān vibhuḥ sthāpayāmāsa devasya vacanādvai rathaṃ śubham // ### [1.72.33](https://indike.org/pramana/in.purana.linga.1.72.33) tato 'śvāṃścodayāmāsa manomārutaraṃhasaḥ purāṇyuddiśya khasthāni dānavānāṃ tarasvinām // ### [1.72.34](https://indike.org/pramana/in.purana.linga.1.72.34) athāha bhagavān rudro devānālokya śaṅkaraḥ paśūnāmādhipatyaṃ me dattaṃ hanmi tato 'surān // ### [1.72.35](https://indike.org/pramana/in.purana.linga.1.72.35) pṛthakpaśutvaṃ devānāṃ tathānyeṣāṃ surottamāḥ kalpayitvaiva vadhyāste nānyathā naiva sattamāḥ // ### [1.72.36](https://indike.org/pramana/in.purana.linga.1.72.36) iti śrutvā vacaḥ sarvaṃ devadevasya dhīmataḥ viṣādamagaman sarve paśutvaṃ prati śaṅkitāḥ // ### [1.72.37](https://indike.org/pramana/in.purana.linga.1.72.37) teṣāṃ bhāvaṃ tato jñātvā devastānidamabravīt mā vo 'stu paśubhāve 'smin bhayaṃ vibudhasattamāḥ // ### [1.72.38](https://indike.org/pramana/in.purana.linga.1.72.38) śrūyatāṃ paśubhāvasya vimokṣaḥ kriyatāṃ ca saḥ yo vai pāśupataṃ divyaṃ cariṣyati sa mokṣyati // ### [1.72.39](https://indike.org/pramana/in.purana.linga.1.72.39) paśutvāditi satyaṃ ca pratijñātaṃ samāhitāḥ ye cāpyanye cariṣyanti vrataṃ pāśupataṃ mama // ### [1.72.40](https://indike.org/pramana/in.purana.linga.1.72.40) mokṣyanti te na saṃdehaḥ paśutvāt surasattamāḥ naiṣṭhikaṃ dvādaśābdaṃ vā tadardhaṃ varṣakatrayam // ### [1.72.41](https://indike.org/pramana/in.purana.linga.1.72.41) śuśrūṣāṃ kārayedyastu sa paśutvādvimucyate tasmātparamidaṃ divyaṃ cariṣyatha surottamāḥ // ### [1.72.42](https://indike.org/pramana/in.purana.linga.1.72.42) tatheti cābruvandevāḥ śive lokanamaskṛte tasmādvai paśavaḥ sarve devāsuranarāḥ prabhoḥ // ### [1.72.43](https://indike.org/pramana/in.purana.linga.1.72.43) rudraḥ paśupatiścaiva paśupāśavimocakaḥ yaḥ paśustatpaśutvaṃ ca vratenānena saṃtyajet // ### [1.72.44](https://indike.org/pramana/in.purana.linga.1.72.44) tatkṛtvā na ca pāpīyān iti śāstrasya niścayaḥ tato vināyakaḥ sākṣād bālo 'bālaparākramaḥ // ### [1.72.45](https://indike.org/pramana/in.purana.linga.1.72.45) apūjitastadā devaiḥ prāha devānnivārayan māmapūjya jagatyasmin bhakṣyabhojyādibhiḥ śubhaiḥ // ### [1.72.46](https://indike.org/pramana/in.purana.linga.1.72.46) kaḥ pumānsiddhimāpnoti devo vā dānavo 'pi vā tatastasmin kṣaṇādeva devakārye sureśvarāḥ // ### [1.72.47](https://indike.org/pramana/in.purana.linga.1.72.47) vighnaṃ kariṣye deveśa kathaṃ kartuṃ samudyatāḥ tataḥ sendrāḥ surāḥ sarve bhītāḥ sampūjya taṃ prabhum // ### [1.72.48](https://indike.org/pramana/in.purana.linga.1.72.48) bhakṣyabhojyādibhiścaiva uṇḍaraiścaiva modakaiḥ abruvaṃste gaṇeśānaṃ nirvighnaṃ cāstu naḥ sadā // ### [1.72.49](https://indike.org/pramana/in.purana.linga.1.72.49) āliṅgya cāghrāya sutaṃ tadānīmapūjayatsarvasurendramukhyaḥ // ### [1.72.50](https://indike.org/pramana/in.purana.linga.1.72.50) sampūjya pūjyaṃ saha devasaṃghair vināyakaṃ nāyakamīśvarāṇām gaṇeśvaraireva nagendradhanvā puratrayaṃ dagdhumasau jagāma // ### [1.72.51](https://indike.org/pramana/in.purana.linga.1.72.51) taṃ devadevaṃ surasiddhasaṃghā maheśvaraṃ bhūtagaṇāś ca sarve gaṇeśvarā nandimukhāstadānīṃ svavāhanairanvayurīśamīśāḥ // ### [1.72.52](https://indike.org/pramana/in.purana.linga.1.72.52) agre surāṇāṃ ca gaṇeśvarāṇāṃ tadātha nandī girirājakalpam vimānamāruhya puraṃ prahartuṃ jagāma mṛtyuṃ bhagavāniveśaḥ // ### [1.72.53](https://indike.org/pramana/in.purana.linga.1.72.53) yāntaṃ tadānīṃ tu śilādaputram āruhya nāgendravṛṣāśvavaryān devāstadānīṃ gaṇapāś ca sarve gaṇā yayuḥ svāyudhacihnahastāḥ // ### [1.72.54](https://indike.org/pramana/in.purana.linga.1.72.54) jagāma jagatāṃ hitāya puratrayaṃ dagdhumaluptaśaktiḥ // ### [1.72.55](https://indike.org/pramana/in.purana.linga.1.72.55) surāsureśaṃ sahasraraśmir bhagavān sutīkṣṇaḥ // ### [1.72.56](https://indike.org/pramana/in.purana.linga.1.72.56) rarāja madhye bhagavānsurāṇāṃ vivāhano vārijapatravarṇaḥ yathā sumeroḥ śikharādhirūḍhaḥ sahasraraśmir bhagavān sutīkṣṇaḥ // ### [1.72.57](https://indike.org/pramana/in.purana.linga.1.72.57) sahasranetraḥ prathamaḥ surāṇāṃ gajendramāruhya ca dakṣiṇe 'sya jagāma rudrasya puraṃ nihantuṃ yathoragāṃstatra tu vainateyaḥ // ### [1.72.58](https://indike.org/pramana/in.purana.linga.1.72.58) taṃ siddhagandharvasurendravīrāḥ surendravṛndādhipam indram īśam samantatastuṣṭuvuriṣṭadaṃ te jayeti śakraṃ varapuṣpavṛṣṭyā // ### [1.72.59](https://indike.org/pramana/in.purana.linga.1.72.59) praṇemurālokya sahasranetraṃ salīlamaṃbā tanayaṃ yathendram // ### [1.72.60](https://indike.org/pramana/in.purana.linga.1.72.60) yamapāvakavitteśā vāyurnirṛtireva ca apāmpatis tatheśāno bhavaṃ cānu samāgatāḥ // ### [1.72.61](https://indike.org/pramana/in.purana.linga.1.72.61) vīrabhadro raṇe bhadro nairṛtyāṃ vai rathasya tu vṛṣabhendraṃ samāruhya romajaiś ca samāvṛtaḥ // ### [1.72.62](https://indike.org/pramana/in.purana.linga.1.72.62) sevāṃ cakre puraṃ hantuṃ devadevaṃ triyaṃbakam mahākālo mahātejā mahādeva ivāparaḥ // ### [1.72.63](https://indike.org/pramana/in.purana.linga.1.72.63) vāyavyāṃ sagaṇaiḥ sārdhaṃ sevāṃ cakre rathasya tu // ### [1.72.64](https://indike.org/pramana/in.purana.linga.1.72.64) ṣaṇmukho 'pi saha siddhacāraṇaiḥ senayā ca girirājasaṃnibhaḥ devanāthagaṇavṛndasaṃvṛto vāraṇena ca tathāgnisaṃbhavaḥ // ### [1.72.65](https://indike.org/pramana/in.purana.linga.1.72.65) vighnaṃ gaṇeśo 'pyasureśvarāṇāṃ kṛtvā surāṇāṃ bhagavānavighnam vighneśvaro vighnagaṇaiś ca sārdhaṃ taṃ deśamīśānapadaṃ jagāma // ### [1.72.66](https://indike.org/pramana/in.purana.linga.1.72.66) kālī tadā kālaniśāprakāśaṃ śūlaṃ kapālābharaṇā kareṇa prakampayantī ca tadā surendrān mahāsurāsṛṅmadhupānamattā // ### [1.72.67](https://indike.org/pramana/in.purana.linga.1.72.67) mattebhagāmī madalolanetrā mattaiḥ piśācaiś ca gaṇaiś ca mattaiḥ mattebhacarmāṃbaraveṣṭitāṅgī yayau purastācca gaṇeśvarasya // ### [1.72.68](https://indike.org/pramana/in.purana.linga.1.72.68) tāṃ siddhagandharvapiśācayakṣavidyādharāhīndrasurendramukhyāḥ praṇemuruccairabhituṣṭuvuś ca jayeti devīṃ himaśailaputrīm // ### [1.72.69](https://indike.org/pramana/in.purana.linga.1.72.69) mātaraḥ suravarārisūdanāḥ sādaraṃ suragaṇaiḥ supūjitāḥ mātaraṃ yayuratha svavāhanaiḥ svairgaṇairdhvajadharaiḥ samantataḥ // ### [1.72.70](https://indike.org/pramana/in.purana.linga.1.72.70) durgārūḍhamṛgādhipā duratigā dordaṇḍavṛndaiḥ śivā bibhrāṇāṅkuśaśūlapāśaparaśuṃ cakrāsiśaṅkhāyudham prauḍhādityasahasrasadṛśairnetrairdahantī pathaṃ bālābālaparākramā bhagavatī daityānprahartuṃ yayau // ### [1.72.71](https://indike.org/pramana/in.purana.linga.1.72.71) taṃ devamīśaṃ tripuraṃ nihantuṃ tadā tu devendraraviprakāśāḥ gajairhayaiḥ siṃhavarai rathaiś ca vṛṣairyayuste gaṇarājamukhyāḥ // ### [1.72.72](https://indike.org/pramana/in.purana.linga.1.72.72) halaiś ca phālair musalair bhuśuṇḍair girīndrakūṭair girisannibhāste yayuḥ purastāddhi maheśvarasya sureśvarā bhūtagaṇeśvarāś ca // ### [1.72.73](https://indike.org/pramana/in.purana.linga.1.72.73) tathendrapadmodbhavaviṣṇumukhyāḥ surā gaṇeśāś ca gaṇeśamīśam jayeti vāgbhir bhagavantamūcuḥ kirīṭadattāñjalayaḥ samantāt // ### [1.72.74](https://indike.org/pramana/in.purana.linga.1.72.74) nanṛturmunayaḥ sarve daṇḍahastā jaṭādharāḥ vavṛṣuḥ puṣpavarṣāṇi khecarāḥ siddhacāraṇāḥ puratrayaṃ ca viprendrāḥ prāṇadatsarvatas tathā // ### [1.72.75](https://indike.org/pramana/in.purana.linga.1.72.75) gaṇeśvarair devagaṇaiś ca bhṛṅgī sahāvṛtaḥ sarvagaṇendravaryaḥ jagāma yogī tripuraṃ nihantuṃ vimānamāruhya yathā mahendraḥ // ### [1.72.76](https://indike.org/pramana/in.purana.linga.1.72.76) keśo vigatavāsāś ca mahākeśo mahājvaraḥ somavallī savarṇaś ca somapaḥ senakas tathā // ### [1.72.77](https://indike.org/pramana/in.purana.linga.1.72.77) somadhṛk sūryavācaś ca sūryapeṣaṇakas tathā sūryākṣaḥ sūrināmā ca suraḥ sundara eva ca // ### [1.72.78](https://indike.org/pramana/in.purana.linga.1.72.78) prakudaḥ kakudantaś ca kampanaś ca prakampanaḥ indraś cendrajayaścaiva mahābhīr bhīmakas tathā // ### [1.72.79](https://indike.org/pramana/in.purana.linga.1.72.79) śatākṣaścaiva pañcākṣaḥ sahasrākṣo mahodaraḥ yamajihvaḥ śatāśvaś ca kaṇṭhanaḥ kaṇṭhapūjanaḥ // ### [1.72.80](https://indike.org/pramana/in.purana.linga.1.72.80) dviśikhas triśikhaścaiva tathā pañcaśikho dvijāḥ muṇḍo 'rdhamuṇḍo dīrghaś ca piśācāsyaḥ pinākadhṛk // ### [1.72.81](https://indike.org/pramana/in.purana.linga.1.72.81) pippalāyatanaścaiva tathā hyaṅgārakāśanaḥ śithilaḥ śithilāsyaś ca akṣapādo hyajaḥ kujaḥ // ### [1.72.82](https://indike.org/pramana/in.purana.linga.1.72.82) ajavaktro hayavaktro gajavaktro 'rdhvavaktrakaḥ ityādyāḥ parivāryeśaṃ lakṣyalakṣaṇavarjitāḥ // ### [1.72.83](https://indike.org/pramana/in.purana.linga.1.72.83) vṛndaśastaṃ samāvṛtya jagmuḥ somaṃ gaṇairvṛtāḥ sahasrāṇāṃ sahasrāṇi rudrāṇāmūrdhvaretasām // ### [1.72.84](https://indike.org/pramana/in.purana.linga.1.72.84) samāvṛtya mahādevaṃ devadevaṃ maheśvaram dagdhuṃ puratrayaṃ jagmuḥ koṭikoṭigaṇairvṛtāḥ // ### [1.72.85](https://indike.org/pramana/in.purana.linga.1.72.85) trayastriṃśatsurāścaiva trayaś ca triśatās tathā trayaś ca trisahasrāṇi jagmurdevāḥ samantataḥ // ### [1.72.86](https://indike.org/pramana/in.purana.linga.1.72.86) mātaraḥ sarvalokānāṃ gaṇānāṃ caiva mātaraḥ bhūtānāṃ mātaraścaiva jagmurdevasya pṛṣṭhataḥ // ### [1.72.87](https://indike.org/pramana/in.purana.linga.1.72.87) bhāti madhye gaṇānāṃ ca rathamadhye gaṇeśvaraḥ nabhasyamalanakṣatre tārāmadhya ivoḍurāṭ // ### [1.72.88](https://indike.org/pramana/in.purana.linga.1.72.88) rarāja devī devasya girijā pārśvasaṃsthitā tadā prabhāvato gaurī bhavasyeva jaganmayī // ### [1.72.89](https://indike.org/pramana/in.purana.linga.1.72.89) śubhāvatī tadā devī pārśvasaṃsthā vibhāti sā cāmarāsaktahastāgrā sā hemāṃbujavarṇikā // ### [1.72.90](https://indike.org/pramana/in.purana.linga.1.72.90) atha vibhāti vibhorviśadaṃ vapur bhasitabhāsitamaṃbikayā tayā sitamivābhramaho saha vidyutā nabhasi devapateḥ parameṣṭhinaḥ // ### [1.72.91](https://indike.org/pramana/in.purana.linga.1.72.91) bhātīndradhanuṣākāśaṃ meruṇā ca yathā jagat hiraṇyadhanuṣā saumyaṃ vapuḥ śaṃbhoḥ śaśidyuti // ### [1.72.92](https://indike.org/pramana/in.purana.linga.1.72.92) sitātapatraṃ ratnāṃśumiśritaṃ parameṣṭhinaḥ yathodaye śaśāṅkasya bhātyakhaṇḍaṃ hi maṇḍalam // ### [1.72.93](https://indike.org/pramana/in.purana.linga.1.72.93) sadukūlā śive raktā lambitā bhāti mālikā chatrāntā ratnajākāśāt patantīva saridvarā // ### [1.72.94](https://indike.org/pramana/in.purana.linga.1.72.94) atha mahendraviriñcivibhāvasuprabhṛtibhir natapādasaroruhaḥ saha tadā ca jagāma tayāṃbayā sakalalokahitāya puratrayam // ### [1.72.95](https://indike.org/pramana/in.purana.linga.1.72.95) dagdhuṃ samartho manasā kṣaṇena carācaraṃ sarvamidaṃ triśūlī kimatra dagdhuṃ tripuraṃ pinākī svayaṃ gataścātra gaṇaiś ca sārdham // ### [1.72.96](https://indike.org/pramana/in.purana.linga.1.72.96) rathena kiṃ ceṣuvareṇa tasya gaṇaiś ca kiṃ devagaṇaiś ca śaṃbhoḥ puratrayaṃ dagdhumaluptaśakteḥ kimetad ityāhur ajendramukhyāḥ // ### [1.72.97](https://indike.org/pramana/in.purana.linga.1.72.97) manvāma nūnaṃ bhagavānpinākī līlārthametatsakalaṃ pravarttum vyavasthitaśceti tathānyathā ced āḍambareṇāsya phalaṃ kimanyat // ### [1.72.98](https://indike.org/pramana/in.purana.linga.1.72.98) puratrayasyāsya samīpavartī sureśvarair nandimukhaiś ca nandī gaṇairgaṇeśastu rarāja devyā jagadratho merurivāṣṭaśṛṅgaiḥ // ### [1.72.99](https://indike.org/pramana/in.purana.linga.1.72.99) atha nirīkṣya sureśvaramīśvaraṃ sagaṇamadrisutāsahitaṃ tadā tripuraraṅgatalopari saṃsthitaḥ suragaṇo 'nujagāma svayaṃ tathā // ### [1.72.100](https://indike.org/pramana/in.purana.linga.1.72.100) jagattrayaṃ sarvamivāparaṃ tat puratrayaṃ tatra vibhāti samyak nareśvaraiścaiva gaṇaiś ca devaiḥ suretaraiś ca trividhairmunīndrāḥ // ### [1.72.101](https://indike.org/pramana/in.purana.linga.1.72.101) atha sajyaṃ dhanuḥ kṛtvā śarvaḥ saṃdhāya taṃ śaram yuktvā pāśupatāstreṇa tripuraṃ samacintayat // ### [1.72.102](https://indike.org/pramana/in.purana.linga.1.72.102) tasmin sthite mahādeve rudre vitatakārmuke purāṇi tena kālena jagmurekatvamāśu vai // ### [1.72.103](https://indike.org/pramana/in.purana.linga.1.72.103) ekībhāvaṃ gate caiva tripure samupāgate babhūva tumulo harṣo devatānāṃ mahātmanām // ### [1.72.104](https://indike.org/pramana/in.purana.linga.1.72.104) tato devagaṇāḥ sarve siddhāś ca paramarṣayaḥ jayeti vāco mumucuḥ saṃstuvanto 'ṣṭamūrtikam // ### [1.72.105](https://indike.org/pramana/in.purana.linga.1.72.105) athāha bhagavānbrahmā bhaganetranipātanam puṣyayoge 'pi samprāpte līlāvaśamumāpatim // ### [1.72.106](https://indike.org/pramana/in.purana.linga.1.72.106) sthāne tava mahādeva ceṣṭeyaṃ parameśvara pūrvadevāś ca devāś ca samāstava yataḥ prabho // ### [1.72.107](https://indike.org/pramana/in.purana.linga.1.72.107) tathāpi devā dharmiṣṭhāḥ pūrvadevāś ca pāpinaḥ yatastasmājjagannātha līlāṃ tyaktumihārhasi // ### [1.72.108](https://indike.org/pramana/in.purana.linga.1.72.108) kiṃ rathena dhvajeneśa tava dagdhuṃ puratrayam iṣuṇā bhūtasaṃghaiś ca viṣṇunā ca mayā prabho // ### [1.72.109](https://indike.org/pramana/in.purana.linga.1.72.109) puṣyayoge tvanuprāpte puraṃ dagdhumihārhasi yāvanna yānti deveśa viyogaṃ tāvadeva tu // ### [1.72.110](https://indike.org/pramana/in.purana.linga.1.72.110) dagdhumarhasi śīghraṃ tvaṃ trīṇyetāni purāṇi vai atha devo mahādevaḥ sarvajñastadavaikṣata // ### [1.72.111](https://indike.org/pramana/in.purana.linga.1.72.111) puratrayaṃ virūpākṣas tatkṣaṇādbhasma vai kṛtam somaś ca bhagavānviṣṇuḥ kālāgnirvāyureva ca // ### [1.72.112](https://indike.org/pramana/in.purana.linga.1.72.112) śare vyavasthitāḥ sarve devamūcuḥ praṇamya tam dagdhamapyatha deveśa vīkṣaṇena puratrayam // ### [1.72.113](https://indike.org/pramana/in.purana.linga.1.72.113) asmaddhitārthaṃ deveśa śaraṃ moktumihārhasi atha saṃmṛjya dhanuṣo jyāṃ hasan tripurārdanaḥ // ### [1.72.114](https://indike.org/pramana/in.purana.linga.1.72.114) mumoca bāṇaṃ viprendrā vyākṛṣyākarṇam īśvaraḥ tatkṣaṇāttripuraṃ dagdhvā tripurāntakaraḥ śaraḥ // ### [1.72.115](https://indike.org/pramana/in.purana.linga.1.72.115) devadevaṃ samāsādya namaskṛtvā vyavasthitaḥ reje puratrayaṃ dagdhaṃ daityakoṭiśatairvṛtam // ### [1.72.116](https://indike.org/pramana/in.purana.linga.1.72.116) iṣuṇā tena kalpānte rudreṇeva jagattrayam ye pūjayanti tatrāpi daityā rudraṃ sabāndhavāḥ // ### [1.72.117](https://indike.org/pramana/in.purana.linga.1.72.117) gāṇapatyaṃ tadā śaṃbhor yayuḥ pūjāvidherbalāt na kiṃcid abruvan devāḥ sendropendrā gaṇeśvarāḥ // ### [1.72.118](https://indike.org/pramana/in.purana.linga.1.72.118) bhayāddevaṃ nirīkṣyaiva devīṃ himavataḥ sutām dṛṣṭvā bhītaṃ tadānīkaṃ devānāṃ devapuṅgavaḥ // ### [1.72.119](https://indike.org/pramana/in.purana.linga.1.72.119) kiṃ cetyāha tadā devān praṇemustaṃ samantataḥ // ### [1.72.120](https://indike.org/pramana/in.purana.linga.1.72.120) vavandire nandinamindubhūṣaṇaṃ vavandire parvatarājasaṃbhavām vavandire cādrisutāsutaṃ prabhuṃ vavandire devagaṇā maheśvaram // ### [1.72.121](https://indike.org/pramana/in.purana.linga.1.72.121) tuṣṭāva hṛdaye brahmā devaiḥ saha samāhitaḥ viṣṇunā ca bhavaṃ devaṃ tripurārātimīśvaram // ### [1.72.122](https://indike.org/pramana/in.purana.linga.1.72.122) śrīpitāmaha uvāca prasīda devadeveśa prasīda parameśvara prasīda jagatāṃ nātha prasīdānandadāvyaya // ### [1.72.123](https://indike.org/pramana/in.purana.linga.1.72.123) pañcāsyarudrarudrāya pañcāśatkoṭimūrtaye ātmatrayopaviṣṭāya vidyātattvāya te namaḥ // ### [1.72.124](https://indike.org/pramana/in.purana.linga.1.72.124) śivāya śivatattvāya aghorāya namonamaḥ aghorāṣṭakatattvāya dvādaśātmasvarūpiṇe // ### [1.72.125](https://indike.org/pramana/in.purana.linga.1.72.125) vidyutkoṭipratīkāśam aṣṭakāśaṃ suśobhanam rūpamāsthāya loke 'smin saṃsthitāya śivātmane // ### [1.72.126](https://indike.org/pramana/in.purana.linga.1.72.126) agnivarṇāya raudrāya aṃbikārdhaśarīriṇe dhavalaśyāmaraktānāṃ muktidāyāmarāya ca // ### [1.72.127](https://indike.org/pramana/in.purana.linga.1.72.127) jyeṣṭhāya rudrarūpāya somāya varadāya ca trilokāya tridevāya vaṣaṭkārāya vai namaḥ // ### [1.72.128](https://indike.org/pramana/in.purana.linga.1.72.128) madhye gaganarūpāya gaganasthāya te namaḥ aṣṭakṣetrāṣṭarūpāya aṣṭatattvāya te namaḥ // ### [1.72.129](https://indike.org/pramana/in.purana.linga.1.72.129) caturdhā ca caturdhā ca caturdhā saṃsthitāya ca pañcadhā pañcadhā caiva pañcamantraśarīriṇe // ### [1.72.130](https://indike.org/pramana/in.purana.linga.1.72.130) catuḥṣaṣṭiprakārāya akārāya namonamaḥ dvātriṃśattattvarūpāya ukārāya namonamaḥ // ### [1.72.131](https://indike.org/pramana/in.purana.linga.1.72.131) ṣoḍaśātmasvarūpāya makārāya namonamaḥ aṣṭadhātmasvarūpāya ardhamātrātmane namaḥ // ### [1.72.132](https://indike.org/pramana/in.purana.linga.1.72.132) oṅkārāya namastubhyaṃ caturdhā saṃsthitāya ca gaganeśāya devāya svargeśāya namo namaḥ // ### [1.72.133](https://indike.org/pramana/in.purana.linga.1.72.133) saptalokāya pātālanarakeśāya vai namaḥ aṣṭakṣetrāṣṭarūpāya parātparatarāya ca // ### [1.72.134](https://indike.org/pramana/in.purana.linga.1.72.134) sahasraśirase tubhyaṃ sahasrāya ca te namaḥ sahasrapādayuktāya śarvāya parameṣṭhine // ### [1.72.135](https://indike.org/pramana/in.purana.linga.1.72.135) navātmatattvarūpāya navāṣṭātmātmaśaktaye punaraṣṭaprakāśāya tathāṣṭāṣṭakamūrtaye // ### [1.72.136](https://indike.org/pramana/in.purana.linga.1.72.136) catuḥṣaṣṭyātmatattvāya punaraṣṭavidhāya te guṇāṣṭakavṛtāyaiva guṇine nirguṇāya te // ### [1.72.137](https://indike.org/pramana/in.purana.linga.1.72.137) mūlasthāya namastubhyaṃ śāśvatasthānavāsine nābhimaṇḍalasaṃsthāya hṛdi niḥsvanakāriṇe // ### [1.72.138](https://indike.org/pramana/in.purana.linga.1.72.138) kandhare ca sthitāyaiva tālurandhrasthitāya ca bhrūmadhye saṃsthitāyaiva nādamadhye sthitāya ca // ### [1.72.139](https://indike.org/pramana/in.purana.linga.1.72.139) candrabimbasthitāyaiva śivāya śivarūpiṇe vahnisomārkarūpāya ṣaṭtriṃśacchaktirūpiṇe // ### [1.72.140](https://indike.org/pramana/in.purana.linga.1.72.140) tridhā saṃvṛtya lokānvai prasuptabhujagātmane triprakāraṃ sthitāyaiva tretāgnimayarūpiṇe // ### [1.72.141](https://indike.org/pramana/in.purana.linga.1.72.141) sadāśivāya śāntāya maheśāya pinākine sarvajñāya śaraṇyāya sadyojātāya vai namaḥ // ### [1.72.142](https://indike.org/pramana/in.purana.linga.1.72.142) aghorāya namastubhyaṃ vāmadevāya te namaḥ tatpuruṣāya namo 'stu īśānāya namonamaḥ // ### [1.72.143](https://indike.org/pramana/in.purana.linga.1.72.143) namastriṃśatprakāśāya śāntātītāya vai namaḥ ananteśāya sūkṣmāya uttamāya namo 'stu te // ### [1.72.144](https://indike.org/pramana/in.purana.linga.1.72.144) ekākṣāya namastubhyam ekarudrāya te namaḥ namastrimūrtaye tubhyaṃ śrīkaṇṭhāya śikhaṇḍine // ### [1.72.145](https://indike.org/pramana/in.purana.linga.1.72.145) anantāsanasaṃsthāya anantāyāntakāriṇe vimalāya viśālāya vimalāṅgāya te namaḥ // ### [1.72.146](https://indike.org/pramana/in.purana.linga.1.72.146) vimalāsanasaṃsthāya vimalārthārtharūpiṇe yogapīṭhāntarasthāya yogine yogadāyine // ### [1.72.147](https://indike.org/pramana/in.purana.linga.1.72.147) yogināṃ hṛdi saṃsthāya sadā nīvāraśūkavat pratyāhārāya te nityaṃ pratyāhāraratāya te // ### [1.72.148](https://indike.org/pramana/in.purana.linga.1.72.148) pratyāhāraratānāṃ ca pratisthānasthitāya ca dhāraṇāyai namastubhyaṃ dhāraṇābhiratāya te // ### [1.72.149](https://indike.org/pramana/in.purana.linga.1.72.149) dhāraṇābhyāsayuktānāṃ purastātsaṃsthitāya ca dhyānāya dhyānarūpāya dhyānagamyāya te namaḥ // ### [1.72.150](https://indike.org/pramana/in.purana.linga.1.72.150) dhyeyāya dhyeyagamyāya dhyeyadhyānāya te namaḥ dhyeyānāmapi dhyeyāya namo dhyeyatamāya te // ### [1.72.151](https://indike.org/pramana/in.purana.linga.1.72.151) samādhānābhigamyāya samādhānāya te namaḥ samādhānaratānāṃ tu nirvikalpārtharūpiṇe // ### [1.72.152](https://indike.org/pramana/in.purana.linga.1.72.152) dagdhvoddhṛtaṃ sarvamidaṃ tvayādya jagattrayaṃ rudra puratrayaṃ hi kaḥ stotumicchet kathamīdṛśaṃ tvāṃ stoṣye hi tuṣṭāya śivāya tubhyam // ### [1.72.153](https://indike.org/pramana/in.purana.linga.1.72.153) bhaktyā ca tuṣṭyādbhutadarśanācca martyā amartyā api devadeva ete gaṇāḥ siddhagaṇaiḥ praṇāmaṃ kurvanti deveśa gaṇeśa tubhyam // ### [1.72.154](https://indike.org/pramana/in.purana.linga.1.72.154) nirīkṣaṇādeva vibho 'si dagdhuṃ puratrayaṃ caiva jagattrayaṃ ca līlālasenāṃbikayā kṣaṇena dagdhaṃ kileṣuś ca tadātha muktaḥ // ### [1.72.155](https://indike.org/pramana/in.purana.linga.1.72.155) kṛto rathaśceṣuvaraś ca śubhraṃ śarasanaṃ te tripurakṣayāya anekayatnaiś ca mayātha tubhyaṃ phalaṃ na dṛṣṭaṃ surasiddhasaṃghaiḥ // ### [1.72.156](https://indike.org/pramana/in.purana.linga.1.72.156) ratho rathī devavaro hariś ca rudraḥ svayaṃ śakrapitāmahau ca tvameva sarve bhagavan kathaṃ tu stoṣye hy atoṣyaṃ praṇipatya mūrdhnā // ### [1.72.157](https://indike.org/pramana/in.purana.linga.1.72.157) anantapādas tvam anantabāhur anantamūrdhāntakaraḥ śivaś ca anantamūrtiḥ katham īdṛśaṃ tvāṃ toṣye hy atoṣyaṃ kathamīdṛśaṃ tvām // ### [1.72.158](https://indike.org/pramana/in.purana.linga.1.72.158) namonamaḥ sarvavide śivāya rudrāya śarvāya bhavāya tubhyam sthūlāya sūkṣmāya susūkṣmasūkṣmasūkṣmāya sūkṣmārthavide vidhātre // ### [1.72.159](https://indike.org/pramana/in.purana.linga.1.72.159) sraṣṭre namaḥ sarvasurāsurāṇāṃ bhartre ca hartre jagatāṃ vidhātre netre surāṇāmasureśvarāṇāṃ dātre praśāstre mama sarvaśāstre // ### [1.72.160](https://indike.org/pramana/in.purana.linga.1.72.160) vedāntavedyāya sunirmalāya vedārthavidbhiḥ satataṃ stutāya vedātmarūpāya bhavāya tubhyam antāya madhyāya sumadhyamāya // ### [1.72.161](https://indike.org/pramana/in.purana.linga.1.72.161) ādyantaśūnyāya ca saṃsthitāya tathā tvaśūnyāya ca liṅgine ca aliṅgine liṅgamayāya tubhyaṃ liṅgāya vedādimayāya sākṣāt // ### [1.72.162](https://indike.org/pramana/in.purana.linga.1.72.162) rudrāya mūrdhānanikṛntanāya mamādidevasya ca yajñamūrteḥ vidhvāntabhaṅgaṃ mama kartumīśa dṛṣṭvaiva bhūmau karajāgrakoṭyā // ### [1.72.163](https://indike.org/pramana/in.purana.linga.1.72.163) aho vicitraṃ tava devadeva viceṣṭitaṃ sarvasurāsureśa dehīva devaiḥ saha devakāryaṃ kariṣyase nirguṇarūpatattva // ### [1.72.164](https://indike.org/pramana/in.purana.linga.1.72.164) ekaṃ sthūlaṃ sūkṣmamekaṃ susūkṣmaṃ mūrtāmūrtaṃ mūrtamekaṃ hyamūrtam ekaṃ dṛṣṭaṃ vāṅmayaṃ caikamīśaṃ dhyeyaṃ caikaṃ tattvamatrādbhutaṃ te // ### [1.72.165](https://indike.org/pramana/in.purana.linga.1.72.165) svapne dṛṣṭaṃ yatpadārthaṃ hyalakṣyaṃ dṛṣṭaṃ nūnaṃ bhāti manye na cāpi mūrtirno vai daivakīśāna devair lakṣyā yatnairapyalakṣyaṃ kathaṃ tu // ### [1.72.166](https://indike.org/pramana/in.purana.linga.1.72.166) divyaḥ kva deveśa bhavatprabhāvo vayaṃ kva bhaktiḥ kva ca te stutiś ca tathāpi bhaktyā vilapantamīśa pitāmahaṃ māṃ bhagavankṣamasva // ### [1.72.167](https://indike.org/pramana/in.purana.linga.1.72.167) sūta uvāca ya imaṃ śṛṇuyāddvijottamā bhuvi devaṃ praṇipatya paṭhet sa ca muñcati pāpabandhanaṃ bhavabhaktyā puraśāsituḥ stavam // ### [1.72.168](https://indike.org/pramana/in.purana.linga.1.72.168) śrutvā ca bhaktyā caturānanena stuto hasañśailasutāṃ nirīkṣya stavaṃ tadā prāha mahānubhāvaṃ mahābhujo mandaraśṛṅgavāsī // ### [1.72.169](https://indike.org/pramana/in.purana.linga.1.72.169) śiva uvāca stavenānena tuṣṭo 'smi tava bhaktyā ca padmaja varān varaya bhadraṃ te devānāṃ ca yathepsitān // ### [1.72.170](https://indike.org/pramana/in.purana.linga.1.72.170) sūta uvāca tataḥ praṇamya deveśaṃ bhagavānpadmasaṃbhavaḥ kṛtāñjalipuṭo bhūtvā prāhedaṃ prītamānasaḥ // ### [1.72.171](https://indike.org/pramana/in.purana.linga.1.72.171) śrīpitāmaha uvāca bhagavandevadeveśa tripurāntaka śaṅkara tvayi bhaktiṃ parāṃ me 'dya prasīda parameśvaram // ### [1.72.172](https://indike.org/pramana/in.purana.linga.1.72.172) devānāṃ caiva sarveṣāṃ tvayi sarvārthadeśvara prasīda bhaktiyogena sārathyena ca sarvadā // ### [1.72.173](https://indike.org/pramana/in.purana.linga.1.72.173) janārdano 'pi bhagavān namaskṛtya maheśvaram kṛtāñjalipuṭo bhūtvā prāha sāṃbaṃ triyaṃbakam // ### [1.72.174](https://indike.org/pramana/in.purana.linga.1.72.174) vāhanatvaṃ taveśāna nityamīhe prasīda me tvayi bhaktiṃ ca deveśa devadeva namo 'stu te // ### [1.72.175](https://indike.org/pramana/in.purana.linga.1.72.175) sāmarthyaṃ ca sadā mahyaṃ bhavantaṃ voḍhumīśvaram sarvajñatvaṃ ca varada sarvagatvaṃ ca śaṅkara // ### [1.72.176](https://indike.org/pramana/in.purana.linga.1.72.176) sūta uvāca tayoḥ śrutvā mahādevo vijñaptiṃ parameśvaraḥ sārathye vāhanatve ca kalpayāmāsa vai bhavaḥ // ### [1.72.177](https://indike.org/pramana/in.purana.linga.1.72.177) dattvā tasmai brahmaṇe viṣṇave ca dagdhvā daityāndevadevo mahātmā sārdhaṃ devyā nandinā bhūtasaṃghair antardhānaṃ kārayāmāsa śarvaḥ // ### [1.72.178](https://indike.org/pramana/in.purana.linga.1.72.178) tatastadā maheśvare gate raṇādgaṇaiḥ saha sureśvarāḥ suvismitā bhavaṃ praṇamya pārvatīm // ### [1.72.179](https://indike.org/pramana/in.purana.linga.1.72.179) yayuś ca duḥkhavarjitāḥ svavāhanairdivaṃ tataḥ sureśvarā munīśvarā gaṇeśvarāś ca bhāskarāḥ // ### [1.72.180](https://indike.org/pramana/in.purana.linga.1.72.180) tripurārerimaṃ puṇyaṃ nirmitaṃ brahmaṇā purā yaḥ paṭhecchrāddhakāle vā daive karmaṇi ca dvijāḥ // ### [1.72.181](https://indike.org/pramana/in.purana.linga.1.72.181) śrāvayedvā dvijān bhaktyā brahmalokaṃ sa gacchati mānasairvācikaiḥ pāpais tathā vai kāyikaiḥ punaḥ // ### [1.72.182](https://indike.org/pramana/in.purana.linga.1.72.182) sthūlaiḥ sūkṣmaiḥ susūkṣmaiś ca mahāpātakasaṃbhavaiḥ pātakaiś ca dvijaśreṣṭhā upapātakasaṃbhavaiḥ // ### [1.72.183](https://indike.org/pramana/in.purana.linga.1.72.183) pāpaiś ca mucyate jantuḥ śrutvādhyāyamimaṃ śubham śatravo nāśamāyānti saṃgrāme vijayībhavet // ### [1.72.184](https://indike.org/pramana/in.purana.linga.1.72.184) sarvarogairna bādhyeta āpado na spṛśanti tam dhanamāyuryaśo vidyāṃ prabhāvamatulaṃ labhet // ### [1.72.184.p1](https://indike.org/pramana/in.purana.linga.1.72.184.p1) iti śrīliṅgamahāpurāṇe pūrvabhāge tripuradāhe brahmastavo nāma dvisaptitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.83.21) — Gaṇeśa Bhaṭṭa, Sanskrit ## Linked texts (8) - [Śivapurāṇa (complete text)](https://indike.org/pramana/in.purana.siva*complete-2.2.5.8.6) — Sanskrit - [Southern recension](https://indike.org/pramana/in.lit.mahabharata.vyasa*southern.8.25.21) — Sanskrit - [Saurapurāṇa](https://indike.org/pramana/in.purana.upa.saiva.saura.35.8) — Sanskrit - [Vīrāgama](https://indike.org/pramana/in.sampradaya.saiva.agama.rudra.vira.1.7) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.11.9.21) — Sanskrit - [Sāmbapurāṇa](https://indike.org/pramana/in.purana.upa.surya.samba.20.9) — Sanskrit - [Śivadharma (Nandiprokta)](https://indike.org/pramana/in.sampradaya.saiva.sivadharma.sivadharmanandiprokta.1.47) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.84.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.72](https://indike.org/pramana/in.purana.linga.1.72) · Pramāṇa