[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.73 # Lingapurana 1.73 Liṅgapurāṇa 1.73 - **Language:** Sanskrit ## Contents - [1.73.29](https://indike.org/pramana/in.purana.linga.1.73.29) — 1 part ### [1.73.1](https://indike.org/pramana/in.purana.linga.1.73.1) sūta uvāca gate maheśvare deve dagdhvā ca tripuraṃ kṣaṇāt sadasyāha surendrāṇāṃ bhagavānpadmasaṃbhavaḥ // ### [1.73.2](https://indike.org/pramana/in.purana.linga.1.73.2) pitāmaha uvāca saṃtyajya devadeveśaṃ liṅgamūrtimaheśvaram tārapautro mahātejās tārakasya suto balī // ### [1.73.3](https://indike.org/pramana/in.purana.linga.1.73.3) tārakākṣo 'pi ditijaḥ kamalākṣaś ca vīryavān vidyunmālī ca daityeśaḥ anye cāpi sabāndhavāḥ // ### [1.73.4](https://indike.org/pramana/in.purana.linga.1.73.4) tyaktvā devaṃ mahādevaṃ māyayā ca hareḥ prabhoḥ sarve vinaṣṭāḥ pradhvastāḥ svapuraiḥ purasaṃbhavaiḥ // ### [1.73.5](https://indike.org/pramana/in.purana.linga.1.73.5) tasmātsadā pūjanīyo liṅgamūrtiḥ sadāśivaḥ yāvatpūjā sureśānāṃ tāvadeva sthitiryataḥ // ### [1.73.6](https://indike.org/pramana/in.purana.linga.1.73.6) pūjanīyaḥ śivo nityaṃ śraddhayā devapuṅgavaiḥ sarvaliṅgamayo lokaḥ sarvaṃ liṅge pratiṣṭhitam // ### [1.73.7](https://indike.org/pramana/in.purana.linga.1.73.7) tasmāt sampūjayelliṅgaṃ ya icchetsiddhimātmanaḥ sarve liṅgārcanādeva devā daityāś ca dānavāḥ // ### [1.73.8](https://indike.org/pramana/in.purana.linga.1.73.8) yakṣā vidyādharāḥ siddhā rākṣasāḥ piśitāśanāḥ pitaro munayaścāpi piśācāḥ kinnarādayaḥ // ### [1.73.9](https://indike.org/pramana/in.purana.linga.1.73.9) arcayitvā liṅgamūrti saṃsiddhā nātra saṃśayaḥ tasmālliṅgaṃ yajennityaṃ yena kenāpi vā surāḥ // ### [1.73.10](https://indike.org/pramana/in.purana.linga.1.73.10) paśavaś ca vayaṃ tasya devadevasya dhīmataḥ paśutvaṃ ca parityajya kṛtvā pāśupataṃ tataḥ // ### [1.73.11](https://indike.org/pramana/in.purana.linga.1.73.11) pūjanīyo mahādevo liṅgamūrtiḥ sanātanaḥ viśodhya caiva bhūtāni pañcabhiḥ praṇavaiḥ samam // ### [1.73.12](https://indike.org/pramana/in.purana.linga.1.73.12) prāṇāyāmaiḥ samāyuktaiḥ pañcabhiḥ surapuṅgavāḥ caturbhiḥ praṇavaiścaiva prāṇāyāmaparāyaṇaiḥ // ### [1.73.13](https://indike.org/pramana/in.purana.linga.1.73.13) tribhiś ca praṇavairdevāḥ prāṇāyāmaistathāvidhaiḥ dvidhā nyasya tathauṃkāraṃ prāṇāyāmaparāyaṇaḥ // ### [1.73.14](https://indike.org/pramana/in.purana.linga.1.73.14) tataścauṃkāram uccārya prāṇāpānau niyamya ca jñānāmṛtena sarvāṅgāny āpūrya praṇavena ca // ### [1.73.15](https://indike.org/pramana/in.purana.linga.1.73.15) guṇatrayaṃ caturdhākhyam ahaṅkāraṃ ca suvratāḥ tanmātrāṇi ca bhūtāni tathā buddhīndriyāṇi ca // ### [1.73.16](https://indike.org/pramana/in.purana.linga.1.73.16) karmendriyāṇi saṃśodhya puruṣaṃ yugalaṃ tathā cidātmānaṃ tanuṃ kṛtvā cāgnirbhasmeti saṃspṛśet // ### [1.73.17](https://indike.org/pramana/in.purana.linga.1.73.17) vāyurbhasmeti ca vyoma tathāmbhaḥ pṛthivī tathā triyāyuṣaṃ trisaṃdhyaṃ ca dhūlayed bhasitena yaḥ // ### [1.73.18](https://indike.org/pramana/in.purana.linga.1.73.18) sa yogī sarvatattvajño vrataṃ pāśupataṃ tvidam bhavena pāśamokṣārthaṃ kathitaṃ devasattamāḥ // ### [1.73.19](https://indike.org/pramana/in.purana.linga.1.73.19) evaṃ pāśupataṃ kṛtvā sampūjya parameśvaram liṅge purā mayā dṛṣṭe viṣṇunā ca mahātmanā // ### [1.73.20](https://indike.org/pramana/in.purana.linga.1.73.20) paśavo naiva jāyante varṣamātreṇa devatāḥ asmābhiḥ sarvakāryāṇāṃ devamabhyarcya yatnataḥ // ### [1.73.21](https://indike.org/pramana/in.purana.linga.1.73.21) bāhye cābhyantare caiva manye kartavyamīśvaram pratijñā mama viṣṇoś ca divyaiṣā surasattamāḥ // ### [1.73.22](https://indike.org/pramana/in.purana.linga.1.73.22) munīnāṃ ca na saṃdehas tasmāt sampūjayecchivam sā hānistanmahacchidraṃ sa mohaḥ sā ca mūkatā // ### [1.73.23](https://indike.org/pramana/in.purana.linga.1.73.23) yatkṣaṇaṃ vā muhūrtaṃ vā śivamekaṃ na cintayet bhavabhaktiparā ye ca bhavapraṇatacetasaḥ // ### [1.73.24](https://indike.org/pramana/in.purana.linga.1.73.24) bhavasaṃsmaraṇodyuktā na te duḥkhasya bhājanam bhavanāni manojñāni divyamābharaṇaṃ striyaḥ // ### [1.73.25](https://indike.org/pramana/in.purana.linga.1.73.25) dhanaṃ vā tuṣṭiparyantaṃ śivapūjāvidheḥ phalam ye vāñchanti mahābhogān rājyaṃ ca tridaśālaye te 'rcayantu sadā kālaṃ liṅgamūrtiṃ maheśvaram // ### [1.73.26](https://indike.org/pramana/in.purana.linga.1.73.26) hatvā bhittvā ca bhūtāni dagdhvā sarvamidaṃ jagat // ### [1.73.27](https://indike.org/pramana/in.purana.linga.1.73.27) yajedekaṃ virūpākṣaṃ na pāpaiḥ sa pralipyate śailaṃ liṅgaṃ madīyaṃ hi sarvadevanamaskṛtam // ### [1.73.28](https://indike.org/pramana/in.purana.linga.1.73.28) ityuktvā pūrvamabhyarcya rudraṃ tribhuvaneśvaram tuṣṭāva vāgbhir iṣṭābhir devadevaṃ triyaṃbakam // ### [1.73.29](https://indike.org/pramana/in.purana.linga.1.73.29) tadāprabhṛti śakrādyāḥ pūjayāmāsurīśvaram sākṣātpāśupataṃ kṛtvā bhasmoddhūlitavigrahāḥ // ### [1.73.29.p1](https://indike.org/pramana/in.purana.linga.1.73.29.p1) iti śrīliṅgamahāpurāṇe pūrvabhāge brahmaproktaliṅgārcanavidhir nāma trisaptatitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.85.11) — Gaṇeśa Bhaṭṭa, Sanskrit ## Linked texts (2) - [Śivadharmottara](https://indike.org/pramana/in.sampradaya.saiva.sivadharma.sivadharmottara.29) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.86.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.73](https://indike.org/pramana/in.purana.linga.1.73) · Pramāṇa