[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.74 # Lingapurana 1.74 Liṅgapurāṇa 1.74 - **Language:** Sanskrit ## Contents - [1.74.30](https://indike.org/pramana/in.purana.linga.1.74.30) — 1 part ### [1.74.1](https://indike.org/pramana/in.purana.linga.1.74.1) sūta uvāca liṅgāni kalpayitvaivaṃ svādhikārānurūpataḥ viśvakarmā dadau teṣāṃ niyogādbrahmaṇaḥ prabhoḥ // ### [1.74.2](https://indike.org/pramana/in.purana.linga.1.74.2) indranīlamayaṃ liṅgaṃ viṣṇunā pūjitaṃ sadā padmarāgamayaṃ śakro haimaṃ viśravasaḥ sutaḥ // ### [1.74.3](https://indike.org/pramana/in.purana.linga.1.74.3) viśvedevās tathā raupyaṃ vasavaḥ kāntikaṃ śubham ārakūṭamayaṃ vāyur aśvinau pārthivaṃ sadā // ### [1.74.4](https://indike.org/pramana/in.purana.linga.1.74.4) sphāṭikaṃ varuṇo rājā ādityāstāmranirmitam mauktikaṃ somarāḍ dhīmāṃs tathā liṅgamanuttamam // ### [1.74.5](https://indike.org/pramana/in.purana.linga.1.74.5) anantādyā mahānāgāḥ pravālakamayaṃ śubham daityā hyayomayaṃ liṅgaṃ rākṣasāś ca mahātmanaḥ // ### [1.74.6](https://indike.org/pramana/in.purana.linga.1.74.6) trailohikaṃ guhyakāś ca sarvalohamayaṃ gaṇāḥ cāmuṇḍā saikataṃ sākṣān mātaraś ca dvijottamāḥ // ### [1.74.7](https://indike.org/pramana/in.purana.linga.1.74.7) dārujaṃ nairṛtir bhaktyā yamo mārakataṃ śubham nīlādyāś ca tathā rudrāḥ śuddhaṃ bhasmamayaṃ śubham // ### [1.74.8](https://indike.org/pramana/in.purana.linga.1.74.8) lakṣmīvṛkṣamayaṃ lakṣmīr guho vai gomayātmakam munayo muniśārdūlāḥ kuśāgramayam uttamam // ### [1.74.9](https://indike.org/pramana/in.purana.linga.1.74.9) vāmādyāḥ puṣpaliṅgaṃ tu gandhaliṅgaṃ manonmanī sarasvatī ca ratnena kṛtaṃ rudrasya vāgbhavā // ### [1.74.10](https://indike.org/pramana/in.purana.linga.1.74.10) durgā haimaṃ mahādevaṃ savedikamanuttamam ugrā piṣṭamayaṃ sarve mantrā hyājyamayaṃ śubham // ### [1.74.11](https://indike.org/pramana/in.purana.linga.1.74.11) vedāḥ sarve dadhimayaṃ piśācāḥ sīsanirmitam lebhire ca yathāyogyaṃ prasādādbrahmaṇaḥ padam // ### [1.74.12](https://indike.org/pramana/in.purana.linga.1.74.12) bahunātra kimuktena carācaramidaṃ jagat śivaliṅgaṃ samabhyarcya sthitamatra na saṃśayaḥ // ### [1.74.13](https://indike.org/pramana/in.purana.linga.1.74.13) ṣaḍvidhaṃ liṅgamityāhur dravyāṇāṃ ca prabhedataḥ teṣāṃ bhedāścaturyuktacatvāriṃśaditi smṛtāḥ // ### [1.74.14](https://indike.org/pramana/in.purana.linga.1.74.14) śailajaṃ prathamaṃ proktaṃ taddhi sākṣāccaturvidham dvitīyaṃ ratnajaṃ tacca saptadhā munisattamāḥ // ### [1.74.15](https://indike.org/pramana/in.purana.linga.1.74.15) tṛtīyaṃ dhātujaṃ liṅgam aṣṭadhā parameṣṭhinaḥ turīyaṃ dārujaṃ liṅgaṃ tattu ṣoḍaśadhocyate // ### [1.74.16](https://indike.org/pramana/in.purana.linga.1.74.16) mṛnmayaṃ pañcamaṃ liṅgaṃ dvidhā bhinnaṃ dvijottamāḥ ṣaṣṭhaṃ tu kṣaṇikaṃ liṅgaṃ saptadhā parikīrtitam // ### [1.74.17](https://indike.org/pramana/in.purana.linga.1.74.17) śrīpradaṃ ratnajaṃ liṅgaṃ śailajaṃ sarvasiddhidam dhātujaṃ dhanadaṃ sākṣād dārujaṃ bhogasiddhidam // ### [1.74.18](https://indike.org/pramana/in.purana.linga.1.74.18) mṛnmayaṃ caiva viprendrāḥ sarvasiddhikaraṃ śubham śailajaṃ cottamaṃ proktaṃ madhyamaṃ caiva dhātujam // ### [1.74.19](https://indike.org/pramana/in.purana.linga.1.74.19) bahudhā liṅgabhedāś ca nava caiva samāsataḥ mūle brahmā tathā madhye viṣṇustribhuvaneśvaraḥ // ### [1.74.20](https://indike.org/pramana/in.purana.linga.1.74.20) rudropari mahādevaḥ praṇavākhyaḥ sadāśivaḥ liṅgavedī mahādevī triguṇā trimayāṃbikā // ### [1.74.21](https://indike.org/pramana/in.purana.linga.1.74.21) tayā ca pūjayedyastu devī devaś ca pūjitau śailajaṃ ratnajaṃ vāpi dhātujaṃ vāpi dārujam // ### [1.74.22](https://indike.org/pramana/in.purana.linga.1.74.22) mṛnmayaṃ kṣaṇikaṃ vāpi bhaktyā sthāpya phalaṃ śubham surendrāmbhojagarbhāgniyamāmbupadhaneśvaraiḥ // ### [1.74.23](https://indike.org/pramana/in.purana.linga.1.74.23) siddhavidyādharāhīndrair yakṣadānavakinnaraiḥ stūyamānaḥ supuṇyātmā devadundubhiniḥsvanaiḥ // ### [1.74.24](https://indike.org/pramana/in.purana.linga.1.74.24) bhūrbhūvaḥsvarmaharlokān kramād vai janataḥ param tapaḥ satyaṃ parākramya bhāsayan svena tejasā // ### [1.74.25](https://indike.org/pramana/in.purana.linga.1.74.25) liṅgasthāpanasanmārganihitasvāyatāsinā āśu brahmāṇḍamudbhidya nirgacchannirviśaṅkayā // ### [1.74.26](https://indike.org/pramana/in.purana.linga.1.74.26) śailajaṃ ratnajaṃ vāpi dhātujaṃ vāpi dārujam mṛnmayaṃ kṣaṇikaṃ tyaktvā sthāpayetsakalaṃ vapuḥ // ### [1.74.27](https://indike.org/pramana/in.purana.linga.1.74.27) vidhinā caiva kṛtvā tu skandomāsahitaṃ śubham kundagokṣīrasaṃkāśaṃ liṅgaṃ yaḥ sthāpayennaraḥ // ### [1.74.28](https://indike.org/pramana/in.purana.linga.1.74.28) nṛṇāṃ tanuṃ samāsthāya sthito rudro na saṃśayaḥ darśanātsparśanāttasya labhante nirvṛtiṃ narāḥ // ### [1.74.29](https://indike.org/pramana/in.purana.linga.1.74.29) tasya puṇyaṃ mayā vaktuṃ samyagyugaśatairapi śakyate naiva viprendrās tasmād vai sthāpayet tathā // ### [1.74.30](https://indike.org/pramana/in.purana.linga.1.74.30) sarveṣāmeva martyānāṃ vibhordivyaṃ vapuḥ śubham sakalaṃ bhāvanāyogyaṃ yogināmeva niṣkalam // ### [1.74.30.p1](https://indike.org/pramana/in.purana.linga.1.74.30.p1) iti śrīliṅgamahāpurāṇe pūrvabhāge śivaliṅgabhedasaṃsthāpanādivarṇanaṃ nāma catuḥsaptatitamo 'dhyāyaḥ ## Linked texts (2) - [Prāṇatoṣiṇī](https://indike.org/pramana/in.sampradaya.general.sakta.pranatosini.1.2.1431) — Rāmatoṣaṇa Śarman 1796, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.87.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.74](https://indike.org/pramana/in.purana.linga.1.74) · Pramāṇa